Rasul Kusherbayev

2024-04-16 14:52:59 Электр ва табиий газ нархлари оширилмоқда

Жорий йилнинг 1 майидан бошлаб аҳоли учун:

Электр энергиясининг кВт.соати 295 сўмдан 450 сўмга;

Табиий газнинг метр куби 380 сўмдан 650 сўмгача оширилади.

Шунингдек, 1 майдан бошлаб энергоресурслар истеъмоли учун ижтимоий норма қуйидагича:

электр энергиясига — ойига 200 кВт/соатгача;

газ (мартдан-октябргача) — 100 куб метргача;

газ (ноябрдан-февралгача, яъни иситиш мавсумида) — 500 куб метргача.

@r_kusherbayev Ochish/sharhlash

2024-04-16 07:57:25 Тожикистон виза режими бўйича Туркияга жавоб қайтарди

Тожикистон ҳам жавоб тариқасида Туркия фуқаролари учун виза режимини жорий қилди.

Тожикистон ташқи ишлари вазирлигининг таъкидлашича, Тожикистон Республикаси Ҳукуматининг 2024 йил 28 мартдаги қарорига асосан, 2024 йил 20 апрелдан бошлаб Туркия фуқароларига нисбатан виза режими қўлланилади.

«Туркия фуқаролари Тожикистон Республикаси визасини хориждаги элчихоналар ва консулликларда олишлари мумкин», — дейилади вазирлик хабарида.

Эслатиб ўтамиз, аввалроқ Туркия томони Тожикистон фуқаролари учун виза режимини жорий қилган эди.

@r_kusherbayev Ochish/sharhlash

2024-04-15 20:27:45 Президент ишдан олишга кўрсатма берган прокурор депутатнинг дахлсизлигини ечмоқчи

Яқинда Янгийўл тумани кенгаши депутатлари депутат А.Азбаевнинг дахлсизлигини ечиш ҳақида прокурор Ф.Боборахимовнинг тақдимномасига рад жавоби беришганди. Сессияда депутатлар шундай овоз беришган.

Агар прокурор сессия қароридан норози бўлса вилоят прокурори орқали вилоят кенгаши депутатларига мурожаат киритиши мумкин. Лекин депутатларнинг бу кутилмаган қарори бошқа ўйинларни бошлашга мажбур қилган кўринади.

Қизиғи қонуний қабул қилинган сессия қарори ваколати бўлмаса-да туман ҳокимияти юристи томонидан рад этилибди. Камига прокурор тақдимномаси рад қилингани учун бу масала яна қайтадан кун тартибига киритилмоқда. Буни ҳеч бир қолипга сиғмайдиган, кулгули мана бу қарордан ҳам кўрса бўлади.

Савол: прокурор тақдимномасини рад этиш мукин бўлмаса, унда нега овозга қўйилган? Шунчаки рухсат, деган қарорни ясаб олишса бўлмасмиди?

Афсуски баъзи депутатларнинг қонун талабларидан яхши хабардормаслиги турли кучларга уларни истаганча ўйнатишга мажбур қилади, худди Янгийўлдаги каби. Бўлмасам ори бор депутатлар аввал овоз берган қарорлари нега яна қайта овозга қўйилаётгани, Президент ишдан олишни буюрган қонунбузар прокурор нега ҳалигача ишлаётгани, прокурор сифатида ишлашга ваколатлими, деган масалага қизиқишган бўлишарди. Чунки 2023 йил 2 август кунги мажлисда Президент томонидан Янгийўл тумани ҳокими ҳамда туманнинг бошқа сектор раҳбарларини лавозимидан озод қилиш ҳақида кўрсатма берилганди.

Бошқа сектор раҳбарлари лавозимидан озод қилинган, бироқ прокурор ҳамон ўз жойида. Балки Президентга топшириқ ижроси бўйича бошқача ҳисобот беришгандир. Буни билмаймиз...

Ёмони шуки, депутат у дахлсизлиги ечилмай турибоқ ИИБда ноқонуний равишда ярим тунгача ушлаб турилиб, рухий азоб берилганини билдирмоқда. Прокурор эса бунга кўз юмган. Мана аҳвол!

Аслида депутатлар шу каби қонунсизликка эътибор қаратишлари керак. Бироқ бунинг учун уларда аввало журъат ва масалага чуқурроқ киришга хохиш бўлиши зарур.

Ҳозирча кузатамиз...

@r_kusherbayev

https://e-qaror.gov.uz/doc/1779826 Ochish/sharhlash

2024-04-15 19:49:22 Икки бола оёққа турсин!

Саратон туфайли Абдували ва Музифанинг оёқлари кесилган. Айни югуриб юрадиган, ҳаётга энтикиб боқадиган ёшдаги ўсмирларнинг бошига тушган синовни англаш жуда оғир. Улар ҳали жуда ёш, мақсадлари улкан. “Сен кучлисан” кўргазмаларининг энг фаоли ҳам, суратлари энг кўп сотиладигани ҳам айнан шу болалар.

Уларга Туркиянинг “Протед” компаниясининг энг яхши протезларидан харид қилиш режалаштирилган. Бунинг учун сизнинг кўмагингизга муҳтожмиз. “Ўзимизники бўлмайдими?” деган савол туғилиши мумкин. Болалар ўсиш даврида, организми тез ўзгарувчан. Қолаверса, минг афсуски ҳали протезлар ишлаб чиқишда ё фойдаланишда хорижга ета олганимиз йўқ.

Икки бола учун протез нархи: 8.000 $.
Авиабилетлар (2 бола+2 она), 10 кун давомида яшаш, таомланишлари: 3.000$
Умумий  ҳисобда 11.000 $ зарур!

Uzcard: 5614681253844975 Раҳимова Саида

Ҳумо: 9860010113214240 Собиржонова Дилфуза

Visa: 4240150007734760 Раҳимова Саида Ochish/sharhlash

2024-04-15 13:38:29 «Ўзавтосаноат» давлат идоралари ходимларига Onix сотиб олишни таклиф қилмоқда

«Ўзавтосаноат» АЖ томонидан Адлия вазирлигига юборилган хатда вазирлик тизимидаги ходимлар автомобил қийматининг 50 фоизини тўлаган тақдирда қолган қисмини 24 ой давомида бўлиб-бўлиб тўлаши мумкинлиги айтилган.

2022 йилнинг 1 ноябридан сотуви бошланган Onix кутилган даражада харидоргир бўлмади. Кўпчилик буни автомобилнинг нархи қимматлиги билан боғламоқда.

@r_kusherbayev Ochish/sharhlash

2024-04-15 11:01:54 Энди кундуз куни чироқ ёққан жарима тўлайди

Бундан бир неча йил олдин автомобилларнинг кундуз куни чироқларини ёқиб юришини мажбурий белгилаш ҳақида қарор қабул қилинганди.

Ҳам экологияга, ҳам чўнтакка зарар, бизнинг иқлимга мос бўлмаган бу қарор кўплаб эътирозларга сабаб бўлгач оҳири бекор қилинганди.

Энди эса тескари ҳолат. Айни кунларда кундуз куни чироқларни ёқиб қўйганлар жаримага тортилмоқда экан. Хусусан, йил бошидан бери «Ўзенергоинспекция» томонидан электр ва иссиқлик энергиясини беҳуда сарфлаш билан боғлиқ 247 та маъмурий иш расмийлаштирилибди.

Кеч бўлса-да камчилик ва хатолар тўғирланмоқда, соғлом ақл билан иш юритишга ўтилмоқда. Масалан, айнан чироқлар масаласида буни прогресс деса бўлади.

@r_kusherbayev Ochish/sharhlash

2024-04-15 06:32:02 Коррупция ҳақида хабар берган ёки коррупцияга қарши курашда кўмаклашганлар мукофотланади

Коррупцияга оид ҳуқуқбузарлик ҳақида хабар берган ёки коррупцияга қарши курашишга бошқа тарзда кўмаклашган шахслар қуйидаги миқдордаги бир марталик пул мукофоти билан рағбатлантирилади:

а) коррупцияга оид маъмурий ҳуқуқбузарлик ҳақида берилган хабар учун — БҲМнинг уч баравари миқдорида;

б) пора суммаси ёки етказилган зарар ёхуд ўзлаштирилаётган (ўзлаштирилган) мулкнинг қиймати БҲМнинг ўттиз бараваригача бўлса:

ижтимоий хавфи катта бўлмаган жиноят учун — БҲМнинг беш баравари миқдорида;

унча оғир бўлмаган жиноят учун — БҲМнинг етти баравари миқдорида;

оғир жиноят учун — БҲМнинг
ўн баравари миқдорида;

ўта оғир жиноят учун — БҲМнинг ўн беш баравари миқдорида;

в) пора суммаси ёки етказилган зарар ёхуд ўзлаштирилаётган (ўзлаштирилган) мулкнинг қиймати БҲМнинг ўттиз бараваридан юз бараваригача бўлса:

ижтимоий хавфи катта бўлмаган жиноят учун-БҲМнинг ўн баравари миқдорида;

унча оғир бўлмаган жиноят учун — БҲМнинг ўн беш баравари миқдорида;

оғир жиноят учун — БҲМнинг йигирма баравари миқдорида;

ўта оғир жиноят учун — БҲМнинг йигирма беш баравари миқдорида;

г) пора суммаси ёки етказилган зарар ёхуд ўзлаштирилаётган (ўзлаштирилган) мулкнинг қиймати БҲМнинг юз бараваридан кўп бўлса, қуйидаги фоиз ҳисобида ҳисобланади:

анча миқдор учун — пора суммаси ёки етказилган зарар ёхуд ўзлаштирилаётган (ўзлаштирилган) мулк қийматининг ўн беш фоизи миқдорида;

кўп ёки жуда кўп миқдор учун — пора суммаси ёки етказилган зарар ёхуд ўзлаштирилаётган (ўзлаштирилган) мулк қийматининг ўн фоизи миқдорида.

@r_kusherbayev Ochish/sharhlash

2024-04-14 17:47:20 Японияга саёҳатимизнинг иккинчи қисми жуда қизиқарли жойдан бошланади. Бу императорлар макони. Ажойиб атмосфера ва ғайриоддий тарих билан бой жой.

Ушбу сонда биз Япониянинг анъанавий таомларини татиб кўрадиган гўзал Осака шаҳрига борамиз.

Иккинчи қисм аллақачон YouTube каналимизда сизни кутмоқда:




Саёҳатимизнинг биринчи қисми ҳавола орқали кўриш мумкин:





Охирги ва энг қизиқарли қисмни ўтказиб юбормаслик учун каналга обуна бўлинг! Ochish/sharhlash

2024-04-14 10:37:01 Ҳоким ўринбосари пора олаётган вақтида ушланди

Қашқадарё вилояти Кўкдала тумани ҳокимининг ўринбосари плёнка маҳсулотлари ишлаб чиқаришга ихтисослашган хусусий корхонани «Ҳар бир оила – тадбиркор» дастури доирасида маҳаллий деҳқонларга плёнка етказиб берувчи таъминотчи корхона сифатида тайинлаш эвазига 5 минг АҚШ доллари талаб қилган.

У сўралган пул ҳисобидан 15 млн сўм олган вақтида Давлат хавфсизлик хизмати ва Бош прокуратура ҳузуридаги Департамент ходимлари томонидан ашёвий далиллар билан ушланган.

@r_kusherbayev Ochish/sharhlash

2024-04-14 08:49:59 Йўллардаги потенциал қотиллар ҳақида

Маст ҳолда транспорт воситасини бошқарганларни потенциал қотилга ўхшатаман.

Афсуски инсон ўлими билан тугаётган ЙТХларда маст ҳолда транспорт воситаси бошқарганлар улуши кўп.

Куни кеча Қорақалпоғистон Республикаси маъмурий судининг судьяси С.А.Г. ҳам спиртли ичимлик ичиб, маст ҳолда транспорт воситасини бошқариб бораётганда қўлга тушган. Ҳуқуқбузарнинг мастлиги тиббий кўрик вақтида ҳам тасдиғини топган.

Маълумотларга кўра, судьяни расмийлаштириб, автомобилни жарима майдонига жойлаштирган ЙҲХ инспекторига ҳозирда босимлар ўтказилмоқда.

Биз ҳар қандай ҳолатда ҳам ўз вазифасини бажариб, потенциал қотилдан одамлар ҳаётини сақлаб қолган ходим жазоланмаслиги, босимлар қилинмаслиги учун ҳам бу ҳақида маълум қилмоқдамиз.

Халқ берган амални суистеъмол қилиб, маст ҳолда рулда юрган бошқалар ҳам ўзларига хулоса қилишларига умид қиламиз.

@r_kusherbayev Ochish/sharhlash