Rasul Kusherbayev

2023-02-23 07:31:14 Полковник Шавкат Раҳмонов ички ишлар вазирининг биринчи ўринбосари — Тезкор-қидирув департаменти бошлиғи лавозимига тайинланди.

У бунга қадар Наманган вилояти Ички ишлар бошқармаси бошлиғи лавозимида хизмат қилган. Ochish/sharhlash

2023-02-22 13:17:51 Танқид, ҳақорат ва психиатр кўригига тавсия

Словакия ташқи ишлар вазири Растислав Качер, Венгрия бош вазири Виктор Орбан билан сиртдан бахсга кириша туриб, Орбанни "антиукраинача позицияда" бўлгани учун ҳақоратли тарзда танқид қилган.

Унга жавобан, Венгрия парламентининг ташқи ишлар масалалари қўмитаси раиси Жолт Немет, Словакия ташки ишлар вазирига психиатр кўригига боришни тавсия қилган.

Венгрия ЕИдаги Украинага қурол беришни рад этган кам сонли мамлакатлардан бири ҳисобланади. Ва антироссия санкцияларини юмшатиш масаласини бир неча бор кўтарган.

Демак, бахсда ҳақоратга ўтиш фақат биздамас, Европадаям бор эканда. Фарқли томони биздаги бахсларлаги ҳақоратлар кўпинча маиший масалалар билан боғлиқ бўлади.

@r_kusherbayev Ochish/sharhlash

2023-02-22 09:36:41 Блогер Абдуқодир Мўминов масаласида масъул идоралар ишонарли маълумот беришлари керак. Айниқса, унинг саломатлиги бўйича. Акс ҳолда "уни ичкарида ўлдириб қўйишган", деган гап сўзлар болалашдан тўхтамайди.

Мен ҳам бунақа гап сўзларга ишонмайман. Бироқ бундай гапларнинг тарқалиши ҳақиқатан ҳам ахборот сиёсатида бўшлиқ борлигини кўрсатмоқда.

Ички ишлар вазирлиги ва ахборот сиёсатига масъул шахслар бу давлат имиджига қандай таъсир қилишини англаб етишади, деган умиддамиз.

@r_kusherbayev Ochish/sharhlash

2023-02-21 19:12:01 Ўзбекистон 2023 йилнинг январь ойида хориждан қиймати 633,1 млн AҚШ долларига тенг бўлган 13 та самолёт импорт қилган(сотиб олган).

Булар:

Германия – 6 та (421,7 млн);

Литва – 4 та (66,7 млн);

Франция – 1 та (64,3 млн);

Сингапур – 1 та (61,6 млн);

Буюк Британия – 1 та (18,8 млн АҚШ доллари). Ochish/sharhlash

2023-02-21 18:50:26 Ҳамкасбим, Муҳаммаджон Валиевнинг “ЎзА”да эълон қилинган “Жазо сиёсатидаги енгилликлар янги жиноятлар учун йўл очяпти(ми?)” сарлавҳали мақоласида ғоят ўринли, долзарб масалани қўтарди.

Ҳақиқатан ҳам, мамлакатимизда жавобгарлик ва жазодан озод қилиш асослари соддалаштирилди, айрим турдаги жиноятлар бўйича санкциялар енгиллаштирилди, жавобгарликдан озод этишга қаратилган рағбатлантирувчи нормалар жорий этилди.

Минг афсус, М.Валиев таъкидлаганидек, жазони ўташдан муддатидан илгари шартли озод қилинган ва жазо енгилроғи билан алмаштирилган шахслар тузалиш йўлига ўтмасдан, содир этган жиноятидан тегишли хулоса чиқармасдан жиноят йўлига қайтмоқда.

Муқаддам судланган шахслар содир этган жиноятлар 2021 йилда 9724тани, 2022 йилда эса 11635тани ташкил қилган (19,6% ўсиш). Муддатидан илгари шартли озод қилинган шахслар содир этган жиноятлар 2021 йилда 168тани ташкил этган, ўтган йили 9,5%га ошиб, 184тага етган.

Хулоса шуки, судлар томонидан қўлланилаётган жазолар ахлоқ тузалиши учун етарли бўлмаяпти. Бунинг устига, муддатидан илгари шартли озод қилиш ҳолатлари янги жиноятларни содир этиш учун йўл очмоқда.

Жамиятимизда одамлар онгида “ҳечқиси йўқ, бир неча йилда чиқиб келади” деган тушунча мустаҳкамланиб бораётгани кишини хавотирга солади.

Халқаро тажрибада, хусусан, Европа давлатларида жазодан шартли равишда озод қилишда маҳкум содир этган жиноятлар оғирлик даражасидан қатъи назар, тайинланган жазо муддатининг маълум бир қисми (мас., учдан икки қисми) ўталганидан сўнггина у шартли озод қилинади.

Мисол учун, Испанияда 10 йил муддатга озодликдан маҳрум қилиш жазоси қўлланилган шахс жазонинг 7,5 йилини ўтаганидан кейингина озодликка чиқарилиши мумкин. Ўзбекистонда эса бу муддат 5 йилни ташкил этмоқда.

Ҳамкасбимнинг фикрига қўшилган ҳолда, жазони енгилроғи билан алмаштириш ва жазони ўташдан муддатидан илгари шартли озод қилиш учун талабларни ошириш мақсадга мувофиқ деб ўйлайман.

Айниқса, жамиятимиз чуқур хавотирига сабаб бўлаётган педофилия, қасддан одам ўлдириш ва шу каби оғир жиноятлар кўпайиб бораётган бир пайтда муддатидан илгари шартли озод қилиш ҳамда жазони енгилроғи билан алмаштириш тизими ва шартларини қайта кўриб чиқиш вақти келди.

@odiljon_tojiyev Ochish/sharhlash

2023-02-21 18:34:45 Янгийўл тумани, Ниёзбошдаги биродаримизни уйларида ёнғин чиқиб, уй тўлиғича ёниб кетибди.

Аллоҳни берган синови! Яхшилик ҳам ёмонлик ҳам Аллоҳдан! Сиздан ушбу оғир вазиятда ушбу оилага қўлингиздан келганча моддий ёрдам беришингизни илтимос қиламиз!

Видеода кўрсатилган карта рақами ёки телефон орқали боғланган ҳолда ўз ёрдамингизни кўрсатишингиз мумкин!

Эҳсонингизни Аллоҳ даргоҳида қабул қилсин


Янгийўл ҳақида энг тезкор маълумотлар  канали
@YANGI_YANGIYULL Ochish/sharhlash

2023-02-21 13:50:49 Президент Шавкат Мирзиёев Қоҳирадаги "Ал-Иттиҳодия" саройида тантанали кутиб олинди. Ochish/sharhlash

2023-02-21 10:29:47 Президент қарори билан:

Бахром Шарипов Қишлоқ хўжалиги вазирлиги ҳузуридаги Ипакчилик ва жун саноатини ривожлантириш қўмитаси раиси лавозимига;

Иброхим Эргашев Қишлоқ хўжалиги вазирлиги ҳузуридаги Ўсимликлар карантини ва ҳимояси агентлиги директори лавозимига;

Хусниддин Каримов Қишлоқ хўжалиги вазирлиги ҳузуридаги Қишлоқ хўжалигида хизматлар кўрсатиш агентлиги директори лавозимига;

Аброл Вахабов Қишлоқ хўжалиги вазирлиги ҳузуридаги Агросаноат мажмуи устидан назорат қилиш инспекцияси бошлиғи лавозимига тайинланди.

@r_kusherbayev Ochish/sharhlash

2023-02-21 09:47:25 Магистратура қишки қабулида ўқишга кирган хотин-қизларнинг контракт пуллари ҳам давлат томонидан тўлаб берилади

Президент фармони ва ҳукумат қарорига кўра, давлат ОТМнинг магистратура босқичида ўқиётган барча хотин-қизларнинг контракт-тўловлари қайтариш шартисиз қоплаб берилиши белгиланган.

Бу тартиб, шунингдек магистратура қишки қабулида тўлов шартнома асосида ўқишга қабул қилинган хотин-қизларга ҳам бирдек амал қилади.

Шу боис, магистратурага тавсия этилганлар ушбу имтиёздан фойдаланиш мақсадида ОТМ раҳбариятига ариза билан мурожаат қилишлари сўралади.

Маълумот ўрнида, ушбу тартиб белгиланган муддатга қадар ариза бермаганларга, табақалаштирилган тўлов-контракт асосида ўқишга қабул қилинганларга ҳамда нодавлат ОТМнинг магистратураси учун татбиқ этилмайди.

Манба Ochish/sharhlash

2023-02-21 08:33:10 Майда шохли моллар рақамли идентификация қилинади. Витаминга бойитилган омухта ем ишлаб чиқарувчи корхоналар ташкил этилади.

Куни кеча Президентнинг
"Яйловларни мухофаза қилиш ва улардан оқилона фойдаланишни таъминлашга доир қўшимча чора-тадбирлар тўғрисида"ги (ПФ 24-сон, 16.02.2023 й.) Фармони қабул қилинди.

Фармонга кўра 2023 йилда:

Қашқадарё ва Самарқанд вилоятларида йиллик қуввати 10 минг тонна бўлган майда шохли моллар учун витамин ва минераллар билан бойитилган омухта ем ишлаб чиқарувчи корхоналар ташкил этилади;

Самарқанд вилоятида Қоракўлчилик ва чўл экологияси илмий-тадқиқот институти базасида Чорва ҳайвонлари генетик тадқиқоти лабораторияси ташкил этилади;

Яйлов хўжалигини ривожлантириш уюшмасига аъзо қоракўлчилик-наслчилик хўжаликларида 500 минг бош майда шохли молларни рақамли идентификация қилиш чоралари кўрилади.

@r_kusherbayev Ochish/sharhlash