Rasul Kusherbayev

2023-02-18 12:37:36 Мирзо Улуғбекдаги дарахткушлик юзасидан жиноят иши очилган

Тошкент шаҳрининг Мирзо Улуғбек тумани, Камолот маҳалласи, Мирзо Улуғбек кўчаси ҳудудида дарахт кесилиши билан боғлиқ ҳолат Табиат ресурслари вазирлиги Тошкент шаҳар бошқармаси томонидан ўрганилди.

“Modern Techno“ МЧЖ га қарашли бўлган ҳудудда мавжуд 100 та дарахтнинг 35 таси ноқонуний равишда йўқ қилинган. Дастлабки, ҳисоб китобларга кўра, етказилган дарар миқдори 192 млн сўм.

Ҳужжатлар прокуратурага тақдим этилиб, ҳолат юзасидан жиноят иши очилган.

Маълумот учун: Президентнинг тегишли Фармонига асосан, ноқонуний кесилган ҳар бир дарахт ва буталар учун компенсация тарзида қўшимча 100 туп қимматлилиги жиҳатидан кесиладиган дарахт ва буталардан кам бўлмаган, йирик ўлчамли кўчат экиш ҳамда уларни уч йил давомида парвариш қилиш бўйича қўшимча мажбуриятлар юклатилади.

@r_kusherbayev Ochish/sharhlash

2023-02-17 22:39:09 Noqonuniy daraxt kesganlarga qat'iy chora koʻriladi

Instagram | Facebook | Youtube | Telegram |Web-site Ochish/sharhlash

2023-02-17 09:35:55 Судья 4 минг АҚШ доллар пора олаётганда ушланди

16 февраль куни жиноят ишлари бўйича Тошкент шаҳар Яшнобод туман суди судьяси 4 минг АҚШ долларни пора тариқасида олаётганда қўлга тушган. Бу ҳақда Kun. uz хабар бермоқда.

Тошкент вилояти прокуратураси матбуот хизмати амалдаги судьяга нисбатан шундай тадбир бўлганини тасдиқлаган.

Ана холос!

@r_kusherbayev Ochish/sharhlash

2023-02-17 09:29:49 20 мингта ижтимоий соҳа ва давлат идораларига қайта тикланувчи энергия манбалари қурилмалари ўрнатилади

Президент қарорига мувофиқ:

2023 йилда 20 мингта ижтимоий соҳа объектлари ва давлат идораларида кичик қувватли қайта тикланувчи энергия манбалари қурилмаларини ўрнатилади;

ижтимоий соҳа объектлари, давлат органлари ва бошқа ташкилотларнинг бино ва иншоотларида қайта тикланувчи энергия манбалари қурилмаларини ўрнатиш ва эксплуатация қилиш бўйича “Яшил энергия” компаниясини ташкил этилади;

Компания ўз ҳисобидан давлат органлари ва ташкилотлари бино-иншоотларида қайта тикланувчи энергия манбалари қурилмаларини ўрнатганда, ушбу бино-иншоотларнинг тегишли қисмларидан ижара ҳуқуқи асосида бепул фойдаланади.

Компанияга маҳаллий ва хорижий ишлаб чиқарувчилардан қайта тикланувчи энергия манбалари қурилмаларини ва уларнинг эҳтиёт қисмларини харид қилиш, ўрнатиш ва уларга сервис хизматларини кўрсатиш учун энг яхши таклифларни танлаб олиш натижаларига кўра тўғридан-тўғри шартномалар тузишга рухсат берилади.

2023 йил 1 апрелдан бошлаб умумий қуввати 100 кВтгача бўлган қайта тикланувчи энергия манбалари қурилмаларини ўрнатган жисмоний ва юридик шахслар ушбу қурилмалар бўйича мол-мулк солиғи, қурилмалар билан банд бўлган участкалар бўйича ер солиғи ҳамда юридик шахслар томонидан умумий тармоққа сотган электр энергияси учун олган фойдасидан ҳисобланадиган фойда солиғини тўлашдан улар фойдаланишга топширилган пайтдан эътиборан уч йил муддатга, ўрнатилаётган қуёш панелларининг қувватига нисбатан 25 фоиздан кам бўлмаган қувватга эга электр энергиясини сақлаш тизими билан ўрнатилган бўлса – ўн йил муддатга озод этилади;

2023 йил 1 мартдан бошлаб ягона электр энергетика тизимига уланиш учун берилган техник шартларда кўрсатилган қувватдан юқори бўлмаган қайта тикланувчи энергия манбалари қурилмаларини электр тармоқларига улашда қўшимча техник шарт олиш талаб этилмайди.

@r_kusherbayev Ochish/sharhlash

2023-02-17 09:11:25 Бугун Президент Шавкат Мирзиёев Бухоро вилоятида бўлади.

Сафар давомида маҳаллалар ҳаёти ва саноат корхоналари фаолияти билан танишиш, янги лойиҳаларни ишга тушириш ҳамда вилоятни ривожлантиришнинг муҳим масалаларини муҳокама қилиш режалаштирилган. Ochish/sharhlash

2023-02-17 07:20:08 Ўзбекистон ва Қозоғистон ўзаро маҳкумларни алмашади

Мазкур масалада мамлакатлар ўзаро келишувга эришган.

Шартнома шартларига кўра, маҳкумларни алишиш учун биринчи навбатда маҳкумнинг розилиги керак. Шахс ўз мамлакатида жазони ўташ нияти ҳақида ариза бериши лозим.

Маълумотларга қараганда, ҳозирда Қозоғистонда 486 нафар ўзбекистонлик қамоқда сақланмоқда, Ўзбекистонда эса 20 нафар қозоғистонлик маҳкум бор.

@r_kusherbayev Ochish/sharhlash

2023-02-16 22:16:26 Тўғрисини айтаман “Озодлик”нинг Ўзбекистон нефть ва газ конлари бўйича суриштирувини кўрганимда анча таъсирландим.

Наҳотки, шу маълумотлар рост бўлса, деган савол ўйлантирди.

Лекин Ўзбекистон расмийлари, соҳага масъул ташкилотлар нима деркин, деб кутдим. Агар расмийлар бу масалада жимлик сақласа демак бу маълумотлар рост, деган фикрга борардим.

Аммо куни кеча Энергетика вазирлиги , “Ўзбекнефтгаз” компанияси томонидан берилган муносабатлар, журналист ва блогерларнинг фикри қолаверса, масъул ташкилотлар томонидан кўрсатилган далиллардан шуни билдимки, назаримда “Озодлик” иккита жиддий хатоликка йўл қўйган.

Биринчиси, Ўзбекистоннинг бутун газ ва нефть конларини барча ҳуқуқлар билан 35 йилга битта компанияга бериши ва 35 млрд АҚШ доллари бир шахсга тегишли корхонага (ERIELL, ENTER Engineering) ишлатилган деган иддао нотўғри бўлиб чиқди.

Ушбу айбловларни илгари сурган “Озодлик” ижодкорларида агар Ўзбекистон расмийлари кўрсатган далиллардан кучли далиллар бўлса буни кўрсатиши керак.

Агар бундай далил бўлмаса, хатога йўл қўйилгани тан олиниши керак. Бу ҳам оммавий ахборот воситаларининг муносиб позицияси бўлади.

Иккинчи, Ўзбекистон расмийлари билдирган норматив ҳужжатлар қандайдир корхоналарнинг бухгалтерлик ҳужжатларидан кўра ишонарли чиқди. Ва энг муҳими барча келишувлар рўй рост айтилди. Суриштирувдан аввал мана шу эҳтимолий аргументлар инобатга олиниши керак эди.

“Озодлик”нинг суриштируви чуқур асосланмаган иддаолар билан оммага ахборот тарқатишга бўлган уринишга ўхшаб туюлмоқда.

Бу ишдан мақсад нима эканлиги тушунарсизлигича қолди.

Нима бўлганда ҳам бир шахс ёки бир гуруҳ эмас, бутун мамлакат ҳаёти билан боғлиқ маълумот тарқатишдан олдин унинг оқибати қандай бўлишини инобатга олган ҳолда, ҳар томонлама асосли фактларга таянилиши керак.

Айни ўринда ушбу материал том маънода Ўзбекистон халқини жунбушга келтириши мумкин. Асосланмаган ва ишончсиз маълумотларни халқаро омма ихтиёрига хавола этиш эса одамларни манипуляция қилиш, дея бахоланади.

@r_kusherbayev Ochish/sharhlash

2023-02-16 18:19:16 Кузатувчиларнинг маълум қилишича, "Кобальт 4" автомат коробка Қозоғистонга 9700 АҚШ долларидан экспорт қилинмоқда экан.

Бу қанчалик тўғри? "ЎзавтоМоторс" ёки жаноб Шавкат Умрзоқов бунга изоҳ берса яхши бўларди.

Қани кутамиз.

@r_kusherbayev Ochish/sharhlash

2023-02-16 16:07:05 Кобальтнинг экспорт нархлари қанча?

Қозоғистоннинг "Allur" компанияси автомат коробка Кобальт 4 автомобилини қозоғистонлик истеъмолчиларга 6 млн 990 минг тенгедан 7 млн 290 тенгегача (15.625 АҚШ долларидан 16.296 АҚШ долларигача) нархда таклиф қилмоқда.

Кобальтни ишлаб чиқарадиган "ЎзавтоМоторс"га Ўзбекистон халқи бюджетидан ҳаражатлари қопланиб, солиқлардан имтиёз бериб турилган бир вақтда ушбу автомобилнинг Қозоғистон бозоридаги нархи бундай юқори бўлиши ғалатимасми?

Қизиқ: Қозоғистоннинг "Allur" компаниясига ушбу Кобальтлар канча нархда экспорт қилинмоқда экан? Балки экспорт контрактлари нархини очиқлаш вақти келгандир.

Жаноб Умрзоқов бунга нима дейдилар?

@r_kusherbayev Ochish/sharhlash

2023-02-16 08:38:14 Шу ҳафта охирида Наманган, Фарғона, Андижон вилоятларидаги "Метан газ заправка"лари босқичма-босқич фаолиятини тиклайди.

Энергетика вазирлигининг билдиришича, ҳафта охирларига бориб водий вилоятларидаги газ қувурларида табиий газ босими кўтарилади.

Демак, тез кунларда йўл бўйларида "Метан"га навбат кутиб турган автомобилларни деярли кўрмаймиз, деб умид қиламиз.

@r_kusherbayev Ochish/sharhlash