Rasul Kusherbayev

2023-02-20 08:48:39 Садир Жапаров Қирғизистоннинг барча президентларини давлат манфаати йўлида бирлаштирмоқда.

Асқар Акаев, Қурманбек Бакиев, Роза Отунбаева, Алмазбек Атамбаев, Сооронбай Жеенбеков ва Қирғизистоннинг амалдаги президенти Садир Жапаров “нейтрал ҳудудда” учрашишган.

Маълум қилинишича, Садир Жапаров ўзининг "Facebook"даги саҳифасида мурожаатини эълон қилган ва унда ҳозирги глобаллашув даврида фақат ички барқарорлик ва миллий бирликка давлатларни ривожлантиришини таъкидлаган.

"Ҳаммани бирлаштириб, халқ келажаги ҳақида ўйлаш керак, раҳбарлар бирлигисиз тарафдорлар бирлаша олмайди.

Аввалига халқ сайлаган, охири аянчли бўлган барча президентларни бир жойга жамласак, бир муштдек бирлашган ягона халқ бўлиб қоламиз, деган ўй кўпдан бери мени қийнаб келади.

Мен ниҳоят ғояни амалга оширдим ва мамлакатимиз бошида турган барча президентларни бир жойга тўпладим”, деб ёзади Садир Жапаров.

Жапаровнинг қайд этишича, собиқ президентлар унинг ташаббусини қўллаб-қувватлашган.

@r_kusherbayev Ochish/sharhlash

2023-02-19 15:32:11 Президент Мисрга боради

Шавкат Мирзиёев Миср президенти Абдулфаттоҳ Ас-Сисининг таклифига биноан 20-21 февраль кунлари расмий ташриф билан ушбу мамлакатда бўлади.

@r_kusherbayev Ochish/sharhlash

2023-02-19 15:10:52 Дарахткушлик навбати Бухорога

Бухоро шаҳрининг Алпомиш кўчасидаги 16 туп дарахтлар “BUKHARA GOLDEN HOUSE” хусусий корхонаси томонидан ноқонуний равишда кесиб ташланган. Натижада табиатга 266 миллион 400 минг сўм зарар етказилган.

Ҳолат юзасидан Табиат ресурслари вилоят бошқармаси томонидан ҳужжатлар расмийлаштирилиб, ҳуқуқий бахо бериш учун вилоят прокуратурасига тақдим этилган.

@r_kusherbayev Ochish/sharhlash

2023-02-19 08:32:59 Зилзила қурбонлари сони 46 мингга яқинлашди

Туркия ва Суриядаги зилзилалар оқибатида қурбон бўлганлар сони 46 минга яқинлашди. Шундан 40 минг нафари Туркиядаги зилзила қурбонлари.

Сурияда қурбонлар ҳақидаги маълумотлар бир неча кундан буён янгиланмаганлиги боис, у ердаги фожеа кўлами бўйича ҳақиқий аҳвол ҳозирча номаълум.

Маълум қилинишича, Туркияда қубонлар сони ортиши мумкин. Чунки у ерда 345 минг хонадонлар зилзила сабаб бузилган ва ҳамон кўплаб одамлар бедараклигича қолмоқда.

@r_kusherbayev Ochish/sharhlash

2023-02-18 15:47:35 Туркия вакили зилзилада АҚШни айбладими? Шов-шувларга сабаб бўлган видеода нима назарда тутилган эди

Туркия Коинот Агентлиги президенти Сердар Ҳусейин Йилдиримнинг сейсмик қуроллар мавжудлиги ҳақидаги нутқи ижтимоий медиада кун тартибига айланди

https://demokrat.uz/5062

Demokrat.uz Telegram канали Ochish/sharhlash

2023-02-18 12:37:36 Мирзо Улуғбекдаги дарахткушлик юзасидан жиноят иши очилган

Тошкент шаҳрининг Мирзо Улуғбек тумани, Камолот маҳалласи, Мирзо Улуғбек кўчаси ҳудудида дарахт кесилиши билан боғлиқ ҳолат Табиат ресурслари вазирлиги Тошкент шаҳар бошқармаси томонидан ўрганилди.

“Modern Techno“ МЧЖ га қарашли бўлган ҳудудда мавжуд 100 та дарахтнинг 35 таси ноқонуний равишда йўқ қилинган. Дастлабки, ҳисоб китобларга кўра, етказилган дарар миқдори 192 млн сўм.

Ҳужжатлар прокуратурага тақдим этилиб, ҳолат юзасидан жиноят иши очилган.

Маълумот учун: Президентнинг тегишли Фармонига асосан, ноқонуний кесилган ҳар бир дарахт ва буталар учун компенсация тарзида қўшимча 100 туп қимматлилиги жиҳатидан кесиладиган дарахт ва буталардан кам бўлмаган, йирик ўлчамли кўчат экиш ҳамда уларни уч йил давомида парвариш қилиш бўйича қўшимча мажбуриятлар юклатилади.

@r_kusherbayev Ochish/sharhlash

2023-02-17 22:39:09 Noqonuniy daraxt kesganlarga qat'iy chora koʻriladi

Instagram | Facebook | Youtube | Telegram |Web-site Ochish/sharhlash

2023-02-17 09:35:55 Судья 4 минг АҚШ доллар пора олаётганда ушланди

16 февраль куни жиноят ишлари бўйича Тошкент шаҳар Яшнобод туман суди судьяси 4 минг АҚШ долларни пора тариқасида олаётганда қўлга тушган. Бу ҳақда Kun. uz хабар бермоқда.

Тошкент вилояти прокуратураси матбуот хизмати амалдаги судьяга нисбатан шундай тадбир бўлганини тасдиқлаган.

Ана холос!

@r_kusherbayev Ochish/sharhlash

2023-02-17 09:29:49 20 мингта ижтимоий соҳа ва давлат идораларига қайта тикланувчи энергия манбалари қурилмалари ўрнатилади

Президент қарорига мувофиқ:

2023 йилда 20 мингта ижтимоий соҳа объектлари ва давлат идораларида кичик қувватли қайта тикланувчи энергия манбалари қурилмаларини ўрнатилади;

ижтимоий соҳа объектлари, давлат органлари ва бошқа ташкилотларнинг бино ва иншоотларида қайта тикланувчи энергия манбалари қурилмаларини ўрнатиш ва эксплуатация қилиш бўйича “Яшил энергия” компаниясини ташкил этилади;

Компания ўз ҳисобидан давлат органлари ва ташкилотлари бино-иншоотларида қайта тикланувчи энергия манбалари қурилмаларини ўрнатганда, ушбу бино-иншоотларнинг тегишли қисмларидан ижара ҳуқуқи асосида бепул фойдаланади.

Компанияга маҳаллий ва хорижий ишлаб чиқарувчилардан қайта тикланувчи энергия манбалари қурилмаларини ва уларнинг эҳтиёт қисмларини харид қилиш, ўрнатиш ва уларга сервис хизматларини кўрсатиш учун энг яхши таклифларни танлаб олиш натижаларига кўра тўғридан-тўғри шартномалар тузишга рухсат берилади.

2023 йил 1 апрелдан бошлаб умумий қуввати 100 кВтгача бўлган қайта тикланувчи энергия манбалари қурилмаларини ўрнатган жисмоний ва юридик шахслар ушбу қурилмалар бўйича мол-мулк солиғи, қурилмалар билан банд бўлган участкалар бўйича ер солиғи ҳамда юридик шахслар томонидан умумий тармоққа сотган электр энергияси учун олган фойдасидан ҳисобланадиган фойда солиғини тўлашдан улар фойдаланишга топширилган пайтдан эътиборан уч йил муддатга, ўрнатилаётган қуёш панелларининг қувватига нисбатан 25 фоиздан кам бўлмаган қувватга эга электр энергиясини сақлаш тизими билан ўрнатилган бўлса – ўн йил муддатга озод этилади;

2023 йил 1 мартдан бошлаб ягона электр энергетика тизимига уланиш учун берилган техник шартларда кўрсатилган қувватдан юқори бўлмаган қайта тикланувчи энергия манбалари қурилмаларини электр тармоқларига улашда қўшимча техник шарт олиш талаб этилмайди.

@r_kusherbayev Ochish/sharhlash

2023-02-17 09:11:25 Бугун Президент Шавкат Мирзиёев Бухоро вилоятида бўлади.

Сафар давомида маҳаллалар ҳаёти ва саноат корхоналари фаолияти билан танишиш, янги лойиҳаларни ишга тушириш ҳамда вилоятни ривожлантиришнинг муҳим масалаларини муҳокама қилиш режалаштирилган. Ochish/sharhlash