Rasul Kusherbayev

2023-02-10 16:28:31 Билиб қўйинг!

Тақиқланган айрим сайт ва тармоқларга кириб, ундаги маълумотларни тарқатиб, сўнг жиноий жавобгарликка тортилаётганлар ҳамон учраб турибди. Айниқса, бу борада ёшлар кўп.

Шу боис, яна бир бор эслатма сифатида Ўзбекистон Республикаси Олий судининг қарорига кўра интернет жаҳон ахборот тармоғининг “najot.info” ва “hizb-uzbekiston.info” веб-сайтлари ҳамда “facebook”, “youtube” ва “telegram” ахборот ресурслари ва ижтимоий тармоқлардаги қуйидаги номлардаги профиль, канал ва саҳифалари экстремистик ва террористик деб топилганлигини билдириб қўймоқчимиз.

Тўлиқ рўйхат мана бу ерда.

Ёдда тутинг: ушбу ахборот ресурсларидаги маълумотларни тарқатиш мақсадида сақлаш ва тарқатиш жавобгарликка сабаб бўлади.

@r_kusherbayev Ochish/sharhlash

2023-02-10 10:25:13 Тошкентнинг ҳар бир маҳалласига қўшимча 1 миллиард сўмдан маблағ ажратилмоқда

Тошкент шаҳри маҳаллаларининг инфратузилмасини ривожлантириш, ҳаво ҳарорати кескин совиб кетиши даврида талафот кўрган маҳаллалардаги ички йўллар, пиёдалар йўлаклари, муҳандислик-коммуникация объектларини таъмирлаш ва ободонлаштириш учун Тошкент шаҳар ҳокимлигига 584 миллиард сўм миқдорида фоизсиз кредит ажратилмоқда.

Ушбу кредит маблағлари ҳисобидан Тошкент шаҳрининг ҳар бир маҳалласига қўшимча 1 миллиард сўмдан маблағ берилади.

Бу пулларни "катталар"ни чўнтак фирмалари шунчаки ўзлаштириб юбормаслиги учун фуқаролар маблағлар ишлатилиши устидан фаол жамоатчилик назоратини олиб боришлари керак.

@r_kusherbayev Ochish/sharhlash

2023-02-10 07:10:09 Ўзбекистон ОАВ эркинлиги индексида 133-ўринда. Бу ёмон кўрсаткич!

"Чегара билмас репортёрлар" нодавлат ташкилотининг 2022 йил учун эълон қилган рейтингига кўра Ўзбекистон матбуот (ОАВ) эркинлиги индексида 45,74 балл билан 133-ўринни эгаллаган. Бу ёмон кўрсаткич, дея баҳоланади.

Қирғизистон ушбу рейтингда 64,25 балл билан 72-ўринда.

Қозоғистон эса 48,28 балл билан 122-ўринда турибди.

Сўз эркинлиги билан боғлиқ вазият жуда ёмон, дея баҳоланган Белорусь 39,62 балл билан 153-ўринда, Россия эса 38,82 балл билан 155-ўринни эгаллаган.

Ўзбекистонда сўз эркинлиги борасида олдинда қилинадиган ишлар кўп. Бироқ сўнгги вақтларда мансабдорларнинг журналист ва блогерларга нисбатан бўлаётган салбий муносабати ва ишлари Ўзбекистон обрўсини халқаро даражада пасайтириш, рейтингдаги аҳволни янада ёмонлаштириши мумкин. Ҳавотирлиси бу Президент ислоҳотларининг самарадорлиги ҳақида ишонч пасайишига сабаб бўлади.

Буни мамлакат раҳбарияти ва ҳуқуқни муҳофаза қилиш соҳаси вакиллари яхши англашлари керак.

@r_kusherbayev Ochish/sharhlash

2023-02-10 06:30:25 Demokrat.uz сайтининг қизиқарли янгиликлари билан танишинг

1)Президент инфляция даражасини 10 фоиздан пастга тушириш топшириғини берди

2)Эндиликда тиббий маълумотномалар тўлиқ электрон шаклга ўтади

3)Тошкент метросида Қўйлиқдан Сергелигача 15 дақиқада бориш мумкин бўлади

4) Очлик, вайронагарчилик, вабо ва унинг устига зилзила. Суриядаги вазият Туркияникиданда оғирроқ.

5) Зеленски уриш бошлангандан кейин Лондонга илк бор ташриф буюрди ва таъсирли нутқ сўзлади

6)Бу йилги ёввойи табиат фотокўргазмалари нуфузли танловида "Қор қоплони олами" сурати ғолиб бòлди

7)Тинч океанида 300 миллион доллардан ортиқ кокаин топилди


Тўлиқ видео


Telegram | Facebook | Instagram | YouTube Ochish/sharhlash

2023-02-10 06:17:32 #IndependentCommission_uz

Қорақалпоғистон Республикасида юз берган ҳолат ва воқеаларни ўрганиш бўйича комиссия хулосасини тайёрлашга киришди

Хабарингиз бор, 2022 йил 16 июль кунидан Қорақалпоғистон Республикасида юз берган ҳолат ва воқеаларни ўрганиш ҳамда улар юзасидан мустақил текширув ўтказиш бўйича комиссия ўз ишини бошлаган эди.

Комиссия ўз фаолиятини инсон ҳуқуқ ва эркинликларини таъминлаш, воқеаларни ҳар томонлама ва ҳолис ўрганиш, шунингдек, олинган ахборотларни қайта текшириш ҳамда ўз фаолиятини жамоатчилик фикрини инобатга олган ҳолда ташкил қилди.

Комиссия ўз хулосасида қуйидаги йўналишларга алоҳида эътибор қаратмоқда.

- Қорақалпоғистон Республикасида 2022 йил 1 - 2 июль кунлари юз берган ҳолатлар ва воқеаларнинг хронологик тафсилоти
- Мустақил комиссиянинг ташкилий тадбирлари
- Маҳаллий ҳукумат ва давлат органлари томонидан кўрилган чора-тадбирлар
- Намойишларнинг келтириб чиқарган оқибатлари, етказилган зарар, иштирокчиларнинг маънавий ва психологик тафсилоти
- Намойишлар юзага келишига сабаб бўлган омиллар
- Намойишларда айбдор деб топилган фуқароларга нисбатан суд жараёнларининг тафсилоти
- Мустақил комиссиянинг асосий хулоса ва тавсиялари
- Хотима
- Намойишларда қўлланилган махсус воситаларнинг тактик-техник хусусиятлари

Жамоатчилик, оммавий ахборот воситалари ва фаоллар Комиссия хулосасига оид фикр-мулоҳазаларини @independetuz_bot телеграм каналига юборишлари мумкин.

@commissionuz

Twitter | Facebook Ochish/sharhlash

2023-02-09 09:05:12 Агар қурувчи сифатсиз уй қуриб, уй қулаб тушса...

Милоддан аввалги 1793-1750 йилларда Бобил давлатига ҳукмдорлик қилган Хаммурапи жорий қилган қонунга кўра:

агар қурувчи уйни сифатсиз қуриши натижасида уй қулаб тушиб, уй эгаси вафот этса, қурувчига ўлим жазоси берилади;

агар сифатсиз уй қулаб, уй эгасининг фарзанди ўлса, қурувчининг фарзандига ўлим жазоси берилади;

агар сифатсиз уй қулаб, уй эгасининг мулкига зарар етказса, қурувчи зарарни қоплаб, уйни бошқатдан сифатли қилиб қуриб беради.

Ушбу қонунлар сабаб Бобилда қурилган бинолар сифатли бўлиб, кўп асрлар қад ростлаб турган.

@r_kusherbayev Ochish/sharhlash

2023-02-09 06:38:11 Қуёш панеллари аҳолига даромад олиб келадими?

Президент бу ҳақида тушунтириш бериб ўтди.

@r_kusherbayev Ochish/sharhlash

2023-02-08 16:25:48 Яна битта блогерга жиноят иши очилди

Ўзининг кўплаб танқидий чиқишлари билан танилган блогер Абдуқодир Муминовга нисбатан Тошкент шаҳар ИИББ томонидан Ўзбекистон Республикаси Жиноят кодексининг 168-моддаси (“Фирибгарлик”), 165-моддаси (“Товламачилик”) аломатлари билан жиноят иши қўзғатилган.

А.Муминов процессуал тартибда ушланган.

Тергов ҳаракатлари давом этмоқда.

@r_kusherbayev Ochish/sharhlash

2023-02-08 15:58:39 Тошкент шаҳрида қайта тикланувчи энергия жорий қилиш учун 1 миллиард доллар йўналтирилади. Ochish/sharhlash

2023-02-08 15:56:30 Давлат электр энергиясининг ҳар бир киловатини 1 минг сўмдан сотиб олади

Президент электр ишлаб чиқаришда давлат монополиясидан кетиб, рақобатли муҳит жорий қилиш зарурлигини таъкидлади.

Жумладан, панел ўрнатган тадбиркорлар ишлаб чиқарган электрни давлат кафолатли сотиб олади. Кейинги йилдан эса бошқа истеъмолчиларга ҳам сотиши мумкин бўлади.

Аҳоли ўз хонадонида панел ўрнатса, эҳтиёжидан ортиқ тармоққа сотган электр энергиясининг ҳар бир киловати 1 минг сўмдан сотиб олинади (ҳозирги тариф 295 сўм).

Ҳар ойда ҳисоб-китоб қилиб, маблағлар хонадон эгасининг пластик картасига ўтказиб берилади. Ochish/sharhlash