PEDIATRIYA (BOLALAR SALOMATLIGI)

2023-07-18 10:59:24 Chaqaloqning qulog‘i og‘rishini qanday aniqlash mumkin?

Ko‘plab holatlarda chaqaloqlar yig‘isining asosiy sabablaridan biri bu quloq og‘rig‘i hisoblanadi. Og‘riq kuchi jihatidan quloq og‘rig‘i tish og‘rig‘iga tengdir.
Chaqaloqning qulog‘ida og‘riq bor yoki yo‘qligini aniqlash uchun pediatrlar “Tragus” belgisidan foydalanishadi.

Tragus simptomi- bunda chaqaloq qulog‘i suprasining tragus qismiga ohista bosiladi, agar o‘rta yoki tashqi quloqda yallig‘lanish bo‘lsa, simptom musbat bo‘ladi. Bu holatda chaqaloq yig‘lashi yoki yig‘isi kuchayishi mumkin.

Doctor Muxtorov

Kanalga ulanish @Pediatric_uz

Telegram | Instagram | Facebook | YouTube Ochish/sharhlash

2023-07-17 19:31:10 Ona suti bola ehtiyojini to'liq qondiryaptimi yo'qmi qanday aniqlash mumkin

Har bir onani bolam sutimga to'yyaptimi yoki yaxshi o'syaptimi degan savollar doim o'ylantiradi.

Kichkintoy ona sutiga to'yyaptimi yo'qmi quyidagilar orqali aniqlash mumkin:

Bola sutka davomida tagligini 6 va undan ko'p marta och sariq rangli siydik bilan ho'llashi
24 soat oralig'ida 3 martadan 6 martagacha sariq rangda ichi kelishi
Hayotining dastlabki 6 oyi davomida oyiga 700-800 g, haftasiga esa o'rtacha 150-250 g vazni ortib borishi
Sutka davomida kamida 10-12 marta emishi
Qisqa dam olishlar bilan ritmik emishi, jag' harakatlarini ko'rinib turishi
Emizish seanslari oralig'ida bolaning tetik, faol va harakatchan bo'lishi.

Bolada yuqoridagi hamma belgilarni bo'lishi, uni ona suti bilan to'laqonli ta'minlayotganini bildiradi. Kerak bo'lmagan holatda sun'iy aralashmalarga o'tib ketishni oldini oladi.

Doctor Muxtorov

Kanalga ulanish @Pediatric_uz

Telegram | Instagram | Facebook Ochish/sharhlash

2023-07-17 07:05:15 Bolalarda qabziyatda glitserin shamchasini necha yoshdan qo‘llash mumkin?

Najas massasini yumshatadi va yo‘g‘on ichak bo‘ylab harakatini yengillashtiradi. Ichak shilliq qavatiga qo‘zg‘atuvchi ta’sir qilib, ichak motorikasini reflektor stimullaydi.
Har xil sababli qabziyatlarni simptomatik davolash uchun qo‘llaniladi.

Qo‘llanilishi
Shamchani bola hayotining birinchi kunidan qo‘llash mumkin.
3 yoshgacha bo‘lgan bolalarga 1/2 shamcha sutkasiga 1 mahal;
3 yoshdan 7 yoshgacha bo‘lgan bolalarga 1 shamcha sutkasiga 1 mahal
7 yoshdan katta bolalarga kattalarni dozasi(2,11 g) qo‘llaniladi.

Shamcha, ovqatdan 15-20 minutdan keyin rektal qo‘yiladi.

Eslatma. Glitserin shamchasini davomiy qo‘llash fiziologik defekatsiya jarayoni kuchsizlantiradi. Preparatni Pediatr tavsiyasi bilan qo‘llash mumkin.

Doctor Muxtorov

Kanalga ulanish @Pediatric_uz

Telegram | Instagram | Facebook Ochish/sharhlash

2023-07-16 07:18:43 Chaqaloqlar nima uchun yig‘laydilar?

Och qolganida
Tagligi to‘lib qolganda
Uyqusi kelganida
Qo‘rqqanida
Sovuq qotganida
Ichak sanchig‘ida
Qulog‘i og‘riganida
Stomatit toshmalari toshganida
Nevrologik muammo borligida

Chaqaloqlar yig‘isining sababi ko‘pincha kasallik bo‘ladi. Shuning uchun uni darhol vrach pediatr ko‘rigiga olib borish zarur.

Doctor Muxtorov

Kanalga ulanish @Pediatric_uz

Telegram | Instagram | Facebook Ochish/sharhlash

2023-07-15 07:05:16 Tug‘ma stridor nima o‘zi?

Bola nafas olganida normada ovoz eshitilmaydi. Ba'zi bolalarda nafas olayotganda shovqin eshitiladi. Tug‘ma stridor bu-chaqaloqlardagi shovqinli, qattiq, dag‘al nafas(xuddi videodagidek).

Buning asosiy sababi nafas yo‘llaridagi anomaliyadir. Ya'ni hiqildoq va traxeyadagi torayish hisobiga o‘pkadan chiqayotgan havo oqimi shovqinli bo‘ladi(hushtakni eslang).

Agar shovqinli nasaf bilan birga og‘iz atrofi ko‘karishi, marmarsimon teri, yutishga qiynalish va ozib ketish kuzatilsa, bolani darhol shifokor pediatr va lor ko‘rigiga olib borish lozim.

Doctor Muxtorov

Kanalga ulanish @Pediatric_uz

Telegram | Instagram | Facebook Ochish/sharhlash

2023-07-14 19:02:05 Guruchli bo‘tqa qovoq bilan - 1 yoshdan oshgan bolalar uchun
#taomnoma #nonushta

Mahsulotlar:
•Sut - 2 stakan
•Guruch - 3 osh qoshiq
•Qovoq - 5 osh qoshiq
•Shakar - 2 choy qoshiq
•Tuz - ta‘bga ko‘ra

Tayyorlanishi:
1.Guruch sovuq suvda yuviladi, kub shaklida kesilgan qovoq va sut qo‘shiladi, olovga qo‘yiladi.
2.Qachonki sut qaynashni boshlagandan keyin shakar va tuz qo‘shiladi. Past olovda 15-20 daqiqa qaynatiladi, ora-orada kovlab turiladi.
3. Tayyor bo‘lgan bo‘tqaga saryog‘ qo‘shish mumkin.

Kanalga ulanish @Pediatric_uz

Telegram | Instagram | Facebook | YouTube Ochish/sharhlash

2023-07-14 17:48:33 Bolalarga tarvuzni qachondan va qancha miqdorda berish mumkin?

1 yoshgacha bo‘lgan bolalarga tarvuz berilmaydi.

1 yoshdan 2 yoshgacha bolalarga sutkasiga 50 g

2 yoshdan 3 yoshgacha bolalarga sutkasiga 100 g

3 yoshdan 5 yoshgacha bolalarga sutkasiga 150 g

Bolaga berilayotgan tarvuzda mineral o'g'itlar minimum miqdorda bo'lishiga e'tibor bering! Taruzni belgilangan miqdordan ko'p bermang. Bolaga tarvuzni normadan ortiq berish diareya(ich ketishi)ga sabab bo‘lishi mumkin.

Doctor Muxtorov

Kanalga ulanish @Pediatric_uz

Telegram | Instagram | Facebook | YouTube Ochish/sharhlash

2023-07-14 07:05:14 Bolalarda rotavirusli gastroenterit belgilari

Qusish. Qusuq massasi boshida ko‘p ovqat aralashgan bo‘ladi, keyin shilliq aralashgan suvli ko‘rinishda to‘xtaydi.

Qorinda og‘riq. Og‘riq epigastral soha yoki kindik atrofida, odatda doimiy, lekin siquvchi kuchli og‘riq ham bo‘ladi.

Ich ketishi. Ich ketishlar soni sutkasiga 5-15 martagacha bo‘lishi mumkin. Stul holati ko‘p, suvli, sariq yoki sarg‘ish-yashil rangda, ko‘pikli va o‘tkir hidli bo‘ladi.

Isitma. Tana harorati 37,5-38 °C gacha, ba'zan 39 °C gacha ko‘tariladi.

Tomoqda qizarish. Yumshoq tanglay va halqumning yuqori qismida qizarish va shish paydo bo‘ladi.

Umumiy holsizlik. Intoksikatsiya va suvsizlanish hisobiga yuzaga keladi.

Bosh og‘rig‘i. Intoksikatsiya hisobiga yuzaga keladi.

Doctor Muxtorov

Kanalga ulanish @Pediatric_uz

Telegram | Instagram | Facebook Ochish/sharhlash

2023-07-13 19:09:32 Sabzavotlarni bolalar ovqat ratsioniga qachondan kiritish kerak?

Kabachki - 6 oylikdan - bir komponentli pyure ko'rinishida

Brokkoli - 6 oylikdan -  bir komponentli pyure ko'rinishida

Qovoq - 6-7 oylikdan -  bir komponentli pyure ko'rinishida

Kartoshka - 6-7 oylikdan -  bir komponentli pyure ko'rinishida

Sabzi - 6-7 oylikdan -  bir komponentli pyure ko'rinishida

Yashil loviya - 8 oylikdan -  monopyure ko'rinishida

Qizil lavlagi - 9 oylikdan - monopyure ko'rinishida

Baqlajon - 12 oylikdan -  monopyure ko'rinishida

Bodring - 12 oylikdan -  salat tarkibida

Pomidor - 12 oylikdan - salat va sho'rva tarkibida

Bulg'or qalampiri - 12 oylikdan - salat va sho'rva tarkibida

Doctor Muxtorov

Kanalga ulanish @Pediatric_uz

Telegram | Instagram | Facebook Ochish/sharhlash

2023-07-13 13:01:52 Shaftoli va kabachki pyuresi
#6oylikdan #qoʻshimcha

Mahsulotlar:
• kabachki - 1 dona.
• shaftoli - 2 dona.

Tayyorlanishi:
1. Kabachkini sovuq suv bilan yuvib tashlang, qobig'ini tozalang, mayda bo'laklarga bo'ling, qaynoq suv quying, pishganicha mahkam yopiq qopqoq ostida qaynating.
2. Sabzavotlarni suzgichdan o'tkazing, yana qaynatib oling.
3. Yaxshi pishgan shaftolini tanlab, uni yaxshilab yuving, po'stini yupqa qatlam bilan olib tashlang, qirg'ichdan ingichga qilib o'tkazing. Shaftoli va kabachkini pyure ko'rinishida aralashtiring.

Kanalga ulanish @Pediatric_uz

Telegram | Instagram | Facebook | YouTube Ochish/sharhlash