Оналар Канали

2021-07-21 19:30:06 Бир тиламчи ночор қария хасис бойни эшигини қоқди. Хасис бой тиламчи қарияга тўлатилган ахлат челакни олиб чиқдида:
"Олақол, уйимизда сенга садақа қилинадиган ортиқча нарса шу экан жонга тегдиларинг" деди..
хасис бойни ортидан саккиз ўн ёшлар чамаси набираси чиқди ва бобосини қилган ишидан уялиб:
"бобожон ундай қилманг, ахир бу бобомлар бир бечораку" деди.
Шунда ғазабланган хасис бой набирасига дўқ, пўписа қилиб уйга хайдади.
Ахлат тўла челакни олган бечора ночор қарияни кўзларига ёш келди, аммо табассум қилди.
"Рахмат биродари азиз.!. Шунга хам Аллохга шукурлар бўлсин" дедида, челакни кўтариб олиб кетди.
Тиламчи қария, ахлатхонага бориб челакни бўшатди. Челакни ювиб тозалади. У челакка боғдан бир биридан гўзал, хушбўй ифорли гуллар териб тўлатди ва яна ўша хонадон эшигини қоқди.
Аввалгидек хасис бой эшикни очди. Ортидан набираси чопқиллаб чиқди.
Набира бир челак бир биридан чиройли гулларни кўриб хурсанд бўлиб кетди..
ночор қария набирага челакни узатиб, "бу гуллар сенга болажоним олақол" деди. Хасис бой деди: "мен сизга бехурматлик қилиб бир челак ахлат берган эдим.. сиз эса... бу не хол.?.."
шунда қария болакайга деди:
"инсон қалби нима билан тўлатилган бўлса амалда хам шуни бажаради.. болажоним сени қалбинг шу гуллар каби гўзалликка лиммо лим бўлсин.. Бобонгни қалби каби ахлат уйимига эмас".

Азиз дўстим!
"уни хулқи ундоқ, буни хулқи бундоқ,.." деб тафтиш қилманг, АСЛИДА тил дилнинг таржимони амалларимиз қалбимиз аксидур.!

Барча, онасини яхши кўрадиганлар учун канал

@Onalar_kanali

https://telegram.me/joinchat/TvtkE6oET_SJ2DTx Ochish/sharhlash

2021-07-21 17:40:06 Отажонимсиз

Дунёда тенги йўқ сизсиз отажон,
Дунёда давлатим сизсиз отажон,
Шеърларим ўхшамас сизсиз отажон,
Дунёда меҳрибон отажонимсиз.

Қўлимдан қўлини ҳиди кетмаган,
Эгнимда кийими менга ярашган,
Қийналсам ўғлим деб менга қарашган,
Дунёда меҳрибон отажонимсиз.

Қаранг Самандарни шоирми дейди,
Ортимга кўпгина тухматлар тегди,
Отамсиз бошимни бир зумда эгди,
Дунёда меҳрибон отажонимсиз.

Aқилбек исмингиз ярашган сизга,
Масжидда номозни ўргатган бизга,
Боримни аямай ташлайин сизга,
Дунёда меҳрибон отажонимсиз.

Сочингиз оқариб кетибди отам,
Соқоли ўзига ярашган отам,
Фарзандим деб дунёни талашган отам,
Дунёда меҳрибон отажонимсиз.

Оила ташвишини елкамга илмай,
Отамни дуосин олиб улгурмай,
Тўхтанг отажоним жаннатга шошмай,
Дунёда меҳрибон отажонимсиз.

Ҳидингизга тўйиб олганимда мен,
Бир кеча қучоқлаб ухлаганда мен,
Сизни ҳожига жўнатганда мен,
Дунёда меҳрибон отажонимсиз.

Қўлимдан қўлини ҳиди кетмаган,
Қалбида фарзандга меҳри сўнмаган,
Қабрда ҳаттоки фарзандин ўйлаган,
Дунёда меҳрибон отажонимсиз.

Қаранг Самандарни кўзларида ёш,
Отасин соғиниб ишиб кетган қош,
Отам ҳаёлимда ҳали ҳам ёш,
Дунёда меҳрибон отажонимсиз.
Дунёда борлиғим отажонимсиз.

СамандаР Муҳиддинов

Барча, онасини яхши кўрадиганлар учун канал

@Onalar_kanali

https://telegram.me/joinchat/TvtkE6oET_SJ2DTx Ochish/sharhlash

2021-07-21 14:50:17 Фозил қори - Зикрда юрган банда доим АЛЛОҲни химоясида бўлади

https://telegram.me/joinchat/AAAAAE77ZBOqBE_0idg08Q Ochish/sharhlash

2021-07-21 12:00:02 ЖОДУ

(Бўлган воқеа)

У келин бўлиб тушганидан сўнг, эрининг ишлари юришиб, уй - жой қилиб алоҳида чиқиб кетдилар. Уч фарзанднинг онаси бўлди. Аммо қайнисининг иши ҳеч юришай демас эди. Ўзини ўққа уриб кўрди, чўққа уриб кўрди, натижа йўқ. Овсини ҳам, яхшилик тарафдори эмас, балки хасад уруғи билан кўкарган нодон бир аёл эди. Эри тез - тез укасига ёрдам қилар, иш топиб берар, қўлидан келганича жигари учун ҳаракатда бўлди.
Ҳаммаси шу кундан бошланди. Келиннинг мазаси қочиб шифохонага олиб келдилар. Узоқ текширилди. Аммо натижа кўринмасди. Оғриқ қолдирадиган дорилар ҳам фойда берадиганга ўхшамасди. Оғриқ ошқозонда эди! Унинг оғриғига фақатгина морфин фойда беришини айтдилар. Келин тўкилиб, ётиб қолди. Бир куни: "Енгиллик бўлсин", деб қори - домлани олиб келдилар. У ўқиб, дам солди. Келин Қуръонни эшитиб енгил бўлганини, оғриқ қолганини пичирлади. Домла: "Касални дорилар билан даволай олмайсизлар! Чунки уни ўлими учун, иссиқ - совуқ қилишган", - деди ташқари чиқиб.
Ким қилгани ҳам, маълум бўлди. Аммо жуда кеч...
Дам солингдан уч кун ўтиб, у вафот этди. Унинг ёши 27 да эди.

Аллоҳ гуноҳларини авф этсин! Қиёматда Ўзи ёрлақасин! Иссиқ - совуқ қилиб, бошқаларнинг бахтини, тинчлигини бузадиганлар ҳам икки дунё жазоларини олсинлар!

Зулфия Махмуд

Барча, онасини яхши кўрадиганлар учун канал

@Onalar_kanali

https://telegram.me/joinchat/TvtkE6oET_SJ2DTx Ochish/sharhlash

2021-07-21 10:00:03 Ҳақиқий инсон ҳамиша илм ва ҳунар олишга интилади. Илм бир дарахт бўлса, одоб унинг мевасидир. Одобсиз олим мевасиз дарахтдир.

Муҳаммад Зеҳний

https://telegram.me/joinchat/TvtkE6oET_SJ2DTx Ochish/sharhlash

2021-07-21 08:00:09 ОҚИБАТЛИ АКА УКАЛАР ҲАҚИДА РИВОЯТ

Дўстлар келинг сизга бир,
Нурли оят сўзлайин,
Оқибат тўғрисида,
Бир ривоят сўзлайин.

Эшитгандим бобомдан,
Ҳали ҳамон ёдимда,
Оқибатли инилар,
Бўлган эди қадимда.

Кенг далада уйлари,
Атрофи яйдоқ эди,
Акада бешта фарзанд,
Укаси бўйдоқ эди.

Мерос қолган ерига,
Шерикчилик қиларди,
Буғдой,экиб,дон экиб,
Тирикчилик қиларди.

Меҳнат қилиб кун кўриб,
Кўнгиллари тўларди,
Ҳосилини келишиб,
Тенг иккига бўларди.

Бир йил ҳосил мўл бўлиб,
Хўп югуриб толишди,
Даладаги ҳосилни,
Йиғиб териб олишди.

Ука ярмини олди,
Қолганини акаси,
Бир куни ҳижолатли,
Ўйга толди укаси.

-- Акам рўзғори оғир,
-- Болалари ҳали ёш,
-- Рўзғорида етти жон,
-- Мен эса бир сўққабош.

-- Ҳосилни бўлингани,
-- Адолатли бўлмади,
Ука ўйлаб ўзидан,
Сира кўнгли тўлмади.

Қарашай деб укаси,
Акасин рўзғорига,
Яшириб бир қоп қўшди,
Аканинг омборига.

Кунлар ўтди шу зайл,
Оқшомлар ўтаверди,
Ука ҳар тун бир қопдан,
Акага қўшаверди.

Тушунмасди ҳеч ука,
Учиб фикр-у,парвойи,
Шунча қўшса ҳам сира,
Камаймасди буғдойи.

Бир кеча сир очилди,
Оқшом тиниқ, соф эди,
Акасини учратди,
Елкасида қоп эди.

Меҳр шундай улуғ куч,
Ташлар дилни тилкалаб,
Йиғлашди-ку жигарлар,
Бир қопдан дон елкалаб.

Акаси ҳам шу каби,
Ҳаёллар сурган экан,
Укасига яшринча,
Дон қўшиб юрган экан.

Мана сизга дўстларим,
Чин оқибат қиссаси,
Ўзингизга ҳавола,
Бу ривоят ҳиссаси.

Ҳозир замон бошқада,
Жигар жон ютушмайди,
Ҳар не етарли фақат,
Оқибат етишмайди.

Меҳрни кўп одамлар,
Унутиб қўйишмоқда,
Ер талашиб жигарлар,
Бир бирин сўйишмоқда.

Оқибатсиз,меҳрсиз,
Кимсалар ҳар одимда,
Яхшилари бўлганми,
Ёки фақат қадимда.

Оқибат яшаяпти,
Шундай ривоятларда,
Келинг биз ҳам қолайлик,
Эзгу ҳидоятларда.

Хуршид Карим

Барча, онасини яхши кўрадиганлар учун канал

@Onalar_kanali

https://telegram.me/joinchat/TvtkE6oET_SJ2DTx Ochish/sharhlash

2021-07-21 07:30:07 Melazma, xloazma va va pigmentatsiyada foydalanish uchun mo'ljallangan.

Yoshi, ayniqsa yuzidagi dog'lar, ko'p odamlar uchun umidsizlikning asosiy sababidir. Farmatsevtlar turli xil tashqi vositalarni taklif qilishadi, bu esa butunlay yo'q qilinmasa, hech bo'lmaganda pigmentatsiyani iloji boricha engillashtiradi. Ushbu mahsulotlar orasida Turkiyada ishlab chiqarilgan "EXPIGMENT" kremi mavjud. Uning tarkibida melanin pigmenti ishlab chiqarishni kamaytiradigan modda - gidrokinon mavjud.

O'zbekiston bo'ylab yetkazib berish bepul!

Narxi: 167000 so'm

Batafsil:
sotuvchi.com/s/ymnEu
Buyurtma:
sotuvchi.com/s/ymnEu Ochish/sharhlash

2021-07-21 06:00:02 ИНСОННИ БАХТЛИ ҚИЛУВЧИ ХИСЛАТЛАР

— Мустаҳкам иймон, соғлом эътиқод.
— эзгу амаллар, савобли ишлар.
— инсоф, виждон.
— адолат.
— холислик.
— илм-маърифат.
— одоб-ахлоқ.
— меҳр-муҳаббат.
— раҳмдиллик.
— ҳалоллик, покдомонлик.
— озодалик.
— ҳаё, ибо, иффат.
— сабр-тоқат.
— бағрикенглик.
— саховат, ҳиммат.
— камтарлик.
— камгаплик.
— одамийлик, инсонпарварлик.
— мардлик.
— ростгўйлик, тўғрилик.
— ғайрат-шижоат.
— меҳнатсеварлик.
— меҳмондўстлик.
— шукр қилиш.
— тилни тийиш, сир сақлаш.
— ваъдага вафо қилиш.
— хайрихоҳлик...

"Бахтли ҳаёт сари" китобидан.

Барча, онасини яхши кўрадиганлар учун канал

@Onalar_kanali

https://telegram.me/joinchat/TvtkE6oET_SJ2DTx Ochish/sharhlash

2021-07-21 04:00:02 Ассалому алайкум ва роҳматуллоҳи ва барокатуҳ

Аллоҳдан сиз учун дунёдаги энг яхши нарса - АЛЛОҲНИНГ МУҲАББАТИНИ;

Жаннатдаги энг олий неъмат - АЛЛОҲНИНГ ЖАМОЛИНИ КЎРИШНИ;

Энг яхши мукофот - ПАЙМҒАМБАР АЛАЙҲИССАЛОМ БИЛАН ЖАННАТДА ЖАМЛАШИНИ
сўрайман!

Тани сиҳҳатлик, офият, бахт - саодат, омад, ҳалол даромад сиздан асло айрилмасин! Кунингиз хайрли ўтсин!

Яна бир тонг отди!
Нур таралди ҳар томон!
Хайр, баракот ва раҳматлар..
Бизга ёғилсин, ҳар он!

https://telegram.me/joinchat/TvtkE6oET_SJ2DTx Ochish/sharhlash

2021-07-20 19:30:09 ​​САБР

Энди уйланиш ёшига етган Маҳмуд Пайғамбаримиз суннатлари бўйича аёллар ичида хайрли бўлгани – дини-диёнатли қиз танлади. Тўй куни У Роббисига шукр айтиб икки ракаат шукр намози ўқиб олишни унутмади.

Аёли кўнглидагидай чиқди. Улар бир оғиз сўз билан бир-бирларини тушунардилар. Бу оилани тўла бахтли дейиш мумкин эди. Кўп ўтмай бу бахтга яна бир хурсандчилик қўшилди. Энди Маҳмуд ҳам ота бўлади. Бу хабарни эшитган Маҳмуд дарров таҳорат олиб, икки ракаат шукр намози учун жойнамозда қоим бўлди. Намоз сўнгида Роббисига шундай дуо қилди:

- Аллоҳим! Ҳеч лойиқ бўлмаган ҳолимда мендан ўз лутфи марҳаматинг билан неъматлар бердинг. Бутун неъматларинг шукрини ўташга ожизман, Роббим. Сенга коинот зарралари ададича ҳамд ва сано айтаман. Туғилажак фарзандимизни холис бир авлод қил ва Сенинг ризоингга интиладиган солиҳлардан қил.

Тўққиз ой ҳам кўз очиб юмгунча ўтди кетди. Маҳмуд ўғилли бўлганди.
 Хотини билан маслаҳатлашиб, ўғилига Абдуллоҳ, дея исм қўйдилар. Абдуллоҳ тўғилгач, ҳаётлари ўзгарди. Чунки энди улар учта эдилар. Саҳарлаб Абдуллоҳ билан уйғонар у билан уйқуга кетар эдилар. 
Орадан уч йил ўтди. 
Абдуллоҳ энди ширин-ширин гапира бошлади. Турли қилиқлар қилар,
 яримта юрумта чучук тили билан гапирган гаплари онаси ва отасига 
шавқу завқ бағишларди. Эр-хотин фарзандларига қараб туймасдилар.
Маҳмуд намоз ўқиш учун жойнамозга тураркан, Абдуллоҳ ҳам унинг ёнидан жой оларди. Кеч кирганда бу кичик оила жам бўлишарди. Маҳмуд ўз кичик жамоати - хотини ва ўғлига китоб ўқиб берарди. Абдуллоҳ ва онаси уни жимгина тинглашарди.
Уларнинг ҳаётлари мана шу тариқа кечаркан, бир куни Абдуллоҳнинг иситмаси чиқди. Аввалига Маҳмуд бунга унчалик эътибор қилмади. 
Қўрқиб кетган хотинини тинчлантириб:
-Ҳеч нарса қилмайди, шамоллаган бўлса керак. 
Дори бериб бироз даволасак ўтиб кетади, деди.
Кечаси билан қанчалик урунмасинлар, Абдуллоҳнинг иситмаси тушмади. Кўзлари мўлт-мўлт бир онасига бир отасига қарарди. Энди Маҳмуд ҳам қўрқиб кетди. Доктор олиб келиш учун уйдан чиқди. Доктор шаҳарга кетганди. Қишлоқдан шаҳаргача бўлган масофа 3 соатни эгаллади. Қайтиш ҳам шунча. 6 соат деганда Маҳмуд докторни уйга олиб келди. Дарров Абдуллоҳнинг ёнига кирди. Анча қаради, боланинг аҳволи яхши эмасди. Докторнинг ҳар бир ҳаракатини кўздан қочирмаётган аёл ҳаммасини тушунди.
- Доктор, ўғлимга нима бўлди? Тузаладими?
Доктор жимгина хонадан чиқиб кетди.
 Маҳмуд унинг ортидан кўчага отилди. 
Доктор унга вақт қўлдан кетганини айтди. Маҳмуд гоҳ нима бўлаётганини тушуниб гоҳ ишонқирамай хонага кириб ўғлига тикилди. Абдуллоҳ отасига далда бўлгиси келгандай жилмайишга уринарди. Аёли ўғлининг жажжи қўлчаларидан ушлаб йиғларди. Маҳмуд ўғлининг пешонасига ёпишиб қолган сочларини силади. Мусибати ич-ичига сиғмасди, бақириб йиғлаб юбормаслик учун лабини тишлади. Кўзларидан шошқатор ёш тўкиларкан, бир нарсани қайтарарди:
- Жоним ўғлим! ИншаАллоҳ жаннатга кирасиз. Отангиз сизга тўя олмади. Аллоҳнинг тақдири шундай экан. Сизни бизга Роббимиз бир ҳадя қилиб берганди. Берган У олган ҳам У. Амрига қарши бўйнимиз қилдан нозик, - у бирдан гапиришдан тўхтади, гўёки охирги сўзларни айтишга куч йиғдида, сўнг баланд овоз билан. – Унга мингларча ҳамд ва сано бўлсин, - дея, ўғли ёнига чўкиб қолди.
Абдуллоҳ жон берганди, Маҳмуд эса унинг бошини ҳали ҳамон силарди..

Барча, онасини яхши кўрадиганлар учун канал

@Onalar_kanali

https://telegram.me/joinchat/TvtkE6oET_SJ2DTx Ochish/sharhlash