Оналар Канали

2021-05-05 08:02:11 Қаритиб қўйдим

Кулмай қуйган унинг кўзлари,
Шодликларин аритиб қўйдим.
Ажин босган, сўлғин юзлари,
Мен Онамни қаритиб қўйдим.

Аввал жуда шодон яшарди,
Орзуларин шамолга ёйдим.
Неки топса у улашарди,
Мен Онамни қаритиб қўйдим.

Дардларига далда бўлмадим,
Ёрни дедим, ғафлатда қолдим.
Қалбига хеч қўлим солмадим,
Мен Онамни қаритиб қўйдим.

Кеча боқсам сўлиб қолибди,
Қаддин эса эгилган кўрдим.
Сочларида қиров тўлибди,
Мен Онамни қаритиб қўйдим.

Суйдим авраб аёлим қучдим,
Эй вох аёл макрига учдим.
Ғафлатдаман, Онамдан кечдим,
Мен Онамни қаритиб қўйдим.

Ранжитибман бетга солмади,
Қахр қилиб кўзи ёнмади.
Шу бўлдию кўзи кулмади,
Мен Онамни ранжитиб қўйдим.

Энди келди дилга хаёлим,
Ажинлари менинг заволим.
Золим экан маккор аёлим,
Мен Онамни қаритиб қўйдим.

Қани умр ортга қайтсайди,
Ранжитмасдим Онамни зинхор.
Афсус умр ортга қайтмайди,
Онам эса қайтмайди зинхор.

Истардимки Отабек Юсуф,
Онаси бор қадрига етсин.
Сўнг қолмайди армондан безиб,
Онасининг қадрига етсин.

Отабек Юсуф

Барча, онасини яхши кўрадиганлар учун канал

@Onalar_kanali

https://telegram.me/joinchat/AAAAAE77ZBOqBE_0idg08Q‌‌ Ochish/sharhlash

2021-05-05 06:01:25 ​​ҚАЛАМ
 
Қалам ясовчи ҳозиргина йўнган қаламни қўлига олиб, бундай дебди: "Мана энди дунёга келдинг, хизматга тайёрсан. Лекин сени ишга жўнатишдан олдин айтадиган бешта сўзим бор. Сўзларимдан чиқмасанг, дунёдаги энг яхши қалам бўласан:

1. Қудратингни кўрсатиш учун кимнингдир қўлида бўлишинг керак.

2. Вақти-вақти билан йўнилиб, учланиб туриш азобига дуч келасан. Лекин бу азоб сенинг сифатингни сақлаш учун зарур.

3. Қилган хатоингни тузатиш имкониятинг доимо бор.

4. Унутма, сенинг энг муҳим бойлигинг ичингдаги нарсангдир.

5. Шароит, вазият қанча ёмон бўлмасин, ёзишда давом этишинг, ўзингдан аниқ ва равшан из қолдиришинг шарт".

СИЗ ҲАМ ҚАЛАМ КАБИ БЎЛИНГ

Яъни ўзингизни кучли эканлигингизни билинг, аммо сизни бошқарувчи қўл борлигиниям унутманг.  

Қалам яхши ёзиши учун унинг учини очишимиз керак бўлади. Бу қалам учун оғриқли. Сиз ҳам худди қаламдек оғриққа, аламга чиданг, бу аламлар вақти келиб сизга ёрдам беради. 

Қаламнинг иккинчи томонида резина ўчирғичи ҳам бор. Сиз ҳам ўз хатоларингизни тўғрилаш учун интилинг, қалам ўзидан из қолдиради, сиз ҳам ўзингиздан фақат яхши из қолдиришга урининг.

Барча, онасини яхши кўрадиганлар учун канал

@Onalar_kanali

https://telegram.me/joinchat/AAAAAE77ZBOqBE_0idg08Q‌‌ Ochish/sharhlash

2021-05-05 04:02:20 АССАЛОМУ АЛАЙКУМ!

РАМАЗОННИНГ 23-КУНИ МУБОРАК БЎЛСИН!

Аллоҳим! Рамазонда бизларга олий ҳиммат бер:

Рўза тутишга қодир жисм бер!
Таровеҳда қоим бўлишга қодир бадан бер!
Зикрли тил бер, Аллоҳим!
Рамазон ойида ўзимни ва оила аъзоларимни дўзахдан озод қил!
Мусулмон биродарларимга ҳам шуларни сўрайман!
Амалларим холис Ўзинг учун бўлишини сўрайман!
Рўзаларимиз, намозларимиз, закотларимиз ва тунги ибодатларимизни қабул қилгин!

https://telegram.me/joinchat/AAAAAE77ZBOqBE_0idg08Q‌‌ Ochish/sharhlash

2021-05-04 19:33:13 ОНА ҚАДРИ

Мен шаҳарда дўконда ишлайман. Бир куни ишдалик пайтимда онам телефон қилдилар.
– Ассалому алайкум Онажон!
– Ва алайкум ассалом, Иқболжон, яхшимисан, болам? Болаларинг ҳам яхшими, келиним ҳам ишига бориб келяптими?
– Ҳа, раҳмат онажон. Дадам яхшимилар, укам, келин, ҳаммалари яхши юришибдими?
– Тузук ҳаммаси яхши, ўзим ҳам яхшиман болам.
– Ҳа онажон, тинчликми, телефон қилибсиз?!
– Тинчлик болам, эртага шанба келасизларми, деб телефон қилгандим.
– Эртага бўлаверсин-чи ойижон, вазиятга қараб айтаман-да, ишим чиқиб қолмаса, албатта, борамиз.
– Ҳа ишқилиб, ишинг чиқиб қолмасинда болам, биласан-ку соғиниб қоламан.
– Хўп ойижон, Худо хоҳласа борарман. Майли хайр, ёнимда одам бор эди... Кейинроқ ўзим телефон қиламан...

Телефонни столга қўйишим билан, дўконимга харидор бўлиб кирган, нотаниш киши кўзимга қаради. Юзлари қандайдир маъюс, хиёл кулганча:
– Онангизмилар? – деб сўради.
– Ҳа онам...
– Улар бошқа жойда яшайдиларми? – яна саволга тутди бояги киши.
– Ҳа улар мендан анча олисда, масофа билан ҳисоблаганда 100 км дан ошиқроқ узоқликда яшайдилар.
– Ҳа-а, шунақами? Демак, 100 км денг... Бир гап айтсам хафа бўлмайсизми?
– Йўқ, хафа бўлмайман, ака, бемалол, – дедим ҳайрон бўлиб.

– Агар менда шундай имкон бўлганида, 100 км экан-ку, 1000 км бўлса ҳам, ҳар кун бориб қайтишга тайёр эдим... Қани мени ҳам Онам ҳаёт бўлсалар, қани энди улар ҳам сизни онангиз каби қўнғироқ қилиб, ёнларига чақириб, кел болам десалар, қани энди уларнинг тиззаларига бошимни қўйиб ухлай ололсам, қани энди онам бошимни силаб дуолар қилсалар ука. Афсуски, буни иложи йўқ! Ҳеч қандай йўл билан уларни қайтара олмайман ука… Онам энди йўқлар!

Сизда эса ҳаёт эканлар. Ука боринг олдиларига, кўнгилларини олинг, хизматларини қилинг, кейин мен каби афсус қилмайсиз. Ота-онангизни ҳаёт эканликлари сиз учун – Бахт!
Нотаниш киши онаси ҳақидаги армонларини гапирар экан ичимдан бир нарса узилгандек бўлди...
Боягина онамга бориш бормаслигим эҳтимол деганим ёдимга тушиб, уялиб кетдим. Беихтиёр яна телефонимни қўлимга олиб, онамни телефон рақамларини тердим...

– Ҳа болам, бирор гапинг эсингдан чиқиб қолибдими?! – дея, қайта қўнғироқ қилганимга ажабланиб сўрадилар онам.
– Ҳа онажон, эртага Худо хоҳласа албатта борарканмиз, шуни айтиб қўймоқчи эдим.
– Вой, Худога шукр!
– Ҳа айтганча, яна ҳар сафаргидек болаларим келаркан деб, эрталабдан бир нарсаларга уннаб юрманг, ҳеч нарса керак эмас, бизга Сиз кераксиз!

Онам билан суҳбатлашарканман, бояги нотаниш кишининг кўзларида икки дона ёш томчилаганини кўрдим.

Барча, онасини яхши кўрадиганлар учун канал

@Onalar_kanali

https://telegram.me/joinchat/AAAAAE77ZBOqBE_0idg08Q‌‌ Ochish/sharhlash

2021-05-04 17:42:38 ЕТИМ ҚИЗНИ УВОЛИ

Юлдуз чақнаб осмонда,
Хамма ухлар ярим тун,
Лекин бир хонадонда,
Айтишарди эр хотин.

Бу хонада қайнона,
Тинглаб улар сўзини,
Дардини ичга ютиб,
Кўрсатмасди ўзини.

Эр хотин турмушига,
Қарийб ўн йил бўлганди,
Фарзанд кутиб яшашдан
Паймонаси тўлганди.

Эр хотинга бақрайиб,
Кўп ачитиб сўзлади,
Бечора Дилрабони
Хайдамоқни кўзлади.

Сўнгра майин сўз билан,
Ахир сабрим қолмади,
Сени устинга яна
Уйланмасам бўлмайди.

Агар рози бўлмасанг,
Жавобингни бераман,
Сендан кейин не бўлса,
Пешонамдан кўраман.

Менинг сўнги сўзим шу,
Ўзинг қарор қабул эт,
Таклифимни рад этсанг,
Паноинг Худога кет!

Дилрабо бир пас ўйлаб,
Ундай бўлса кетаман,
Кундош-ла яшаганча,
Шундоқ эрсиз ўтаман.

Дедида туриб дарров,
Кийимларин жойлади,
Хали тонг отмаганди,
Тонг отишин пойлади,

Эри Элёр қиз топган,
Ундан кўнгли тўқ эди,
Дилрабо эса етим,
Борар ери йўқ эди.

Бир пайт қайнона тутаб,
Югуриб уйга кирди,
Бир сўз демай ўғлига,
Бир тарсаки тушурди,

Ахир бу етим бўлса,
Айтгин қайга боради?
Гар етимни хор қилсанг
Сени Худо уради.

Деб уғлига койиди,
Ва келинин юпатиб,
Мехрибонлик қиларди,
Кўз ёшларини артиб.

Элёр шердай хайқириб,
Онасига бақириб,
Дарвозани қарс ёпди,
Дилрабони чиқариб.

Дилрабо зор зор йиғлаб,
Тунда кўчада қолди,
Эрининг қилмишларин,
Барин Худога солди.

Кенг кўчага бурулиб,
Боши галдираб кетди,
Бир машина урулиб,
Ессиз оламдан ўтди.

Уруб қўйган хайдовчи,
Боши тош каби қотди,
Минг бир хаел аросатда
Уфуқланиб тонг отди.

Хабар тезда тарқалиб,
Элёрга этиб борди.
Аввалига ишонмай,
Сўнг ўзи келиб кўрди.

Элёр Дилрабохонни,
Шу кун қўйди тупроқга,
Бечора хайдовчини,
Ўтқиздирди қамоқга.

Дилрабони ортидан,
Ёлғондан кўз ёшлади,
Хатто бир ой ўтмасдан,
Тўй томоша бошлади.

Лекин унинг онаси,
Бош қўшмади тўйига,
Бегоналар келинни,
Олиб келди уйига.

Элёр ва Зулхуморни,
Тўйи хам бўлиб ўтди,
Фақат янгалар қолиб,
Бошқалар қайтиб кетди.

Элёрнинг онаси хеч,
Қовоғини очмасди,
Келинига келин деб,
Сира мехрин сочмасди.

Сал вақт ўтмай Зулхумор,
Хомиладор бўлганди.
Жуда эркалик қилиб,
Инжиқ бўлиб қолганди.

Элёрбек бор мехрини,
Зулхуморга қаратди,
Хатто Зулхумор унга
Сочини хам таратди.

Вақт ўтиб Зулхуморни,
Ой-ю куни хам етди,
Бу орада Элёрни,
Онаси мангу кетди.

Улар уйда бир икков,
Халақит бермас биров.
Сўнг уларни бошига
Тушди оғир бир синов.

Бир куни Зулхуморнинг,
Дарди ногох бошланди.
Нозик ёш келинчакнинг,
Кўзлари чарх ёшланди.

Элёр туғруқхонага,
Дарров етказиб борди,
Уни бош шифокорлар,
Дархол текшириб кўрди.

Ва Элёрни чақириб,
Вазият жуда оғир,
Бирин асраб қоламиз,
Бошқа йўл йўқдир ахир.

Гар болани десангиз,
Хотиндан умид узинг.
Бирини танлаб дархол,
Бу оқ вароқга ёзинг.

Элёр узоқ ўйлади,
Ахир мени болам йўқ,
Болани асраб қолинг,
Онасидан арзим йўқ.

Шифокорлар бир пасда,
Оператция бошлашди,
Бечора Зулхуморни,
Қорнин бўлиб ташлашди.

Шифокорлар болани
Асраб қўлга олишди,
Лекин болани кўриб,
Лолу хайрон қолишди.

Асраб олган болани,
Кўр эди икки кўзи,
Хеч шарпани сезмасди,
Ва чиқмасди овози.

Элёр боласин кўриб,
Йўқотиб қўйди ўзин.
Сўнгра йиғлаб эслади,
Мушфиқ онасин сўзин.

"Ахир бу етим бўлса,
Айтгин қайга боради,
Гар етимни хор қилсанг,
Сени Худо уради" ...

Сўнг дод солиб йиғлади,
Бошини ерга уриб,
Юрак бағрин тиғлади,
Гох ўлтириб, гох туриб...

Боласини болалар,
Уйига елтиб ташлаб,
Юрагида нолалар,
Қайтди Кўзларин ёшлаб.

Шу кўй уйига эмас,
Қабристонга йўл олди.
Дилрабонинг қабрига,
Йиғлаб бошини урди.

Фарзандсизни ор билиб
Етим қизни хор қилиб,
Икки кунлик дунёда,
Элёр ўтди зор бўлиб.

Барча, онасини яхши кўрадиганлар учун канал

@Onalar_kanali

https://telegram.me/joinchat/AAAAAE77ZBOqBE_0idg08Q‌‌ Ochish/sharhlash

2021-05-04 16:00:20 Рамазонда Қуръонни биргаликда ҳатм қиламиз.

Афзал Рафиқов
23-пора "Ясин сурасининг 22-оятидан, Зумар сурасининг 31-оятигача"

https://telegram.me/joinchat/AAAAAE77ZBOqBE_0idg08Q Ochish/sharhlash

2021-05-04 15:00:19 Очилди домла - Таҳоратдаги макруҳлар

https://telegram.me/joinchat/AAAAAE77ZBOqBE_0idg08Q Ochish/sharhlash

2021-05-04 12:03:08 Олмос синса синсин, сўзингиз синмасин!

Маҳмуд Ғазнавийнинг Аёз деган қули бўлиб, подшоҳ уни яхши кўрар, вазирларининг гапини олмаган ҳолда, Аёз нима деса, шунга кўнарди. Бунга вазирларнинг ҳасади келиб, подшоҳдан бунинг сабабини сўрашибди.

Шунда Маҳмуд Ғазнавий ўзининг жудаям қимматбаҳо олмосини бош вазирининг қўлига бериб, сўрабди:

— Шу олмос ҳақида нима дейсан?

— Ҳазрат, бу олмоснинг дунёда назири йўқ, жуда қимматбаҳо. Бу дунёда ундан фақат сизда бор холос.

— Яхши, энди уни ерга уриб синдир.

— Йўқ, ҳазрат, бундай қимматбаҳо олмосни синдиролмайман.

Подшоҳ бошқа вазирлардан ҳам юқоридаги сўровни талаб қилибди. Барча вазирлар олмосни синдиришдан қўрқишибди.

Шунда Маҳмуд Ғазнавий Аёзни чақириб, шу олмосни синдириши кераклигини айтибди. Олмоснинг тенгсиз эканлигини билган ҳолда, қул уни ерга уриб, парча-парча қилибди.

— Эй, Аёз, қаршингда ўтирган вазирларнинг ҳар бири дунёга тенг илму камолотга эга. Улар шундай қимматбаҳо олмосни синдирмагани ҳолда, сен нега уриб, парча-парча қилдинг? Сенинг улардан кўра ақлинг зиёдами? Ёки улар аҳмоқми?

— Подшоҳим, дунёда нимаики қимматбаҳо бўлса, майли, синиб кетсин. Лекин, сизнинг сўзингиз синмасин! Менга олмосдан кўра сизнинг гапингиз қимматлироқдир...

Тақий Усмоний айтадилар: «Кўрдингизми, бизнинг ҳолатимиз ҳам подшоҳ билан қулнинг ушбу мисоли кабидир. Биз ҳам Аллоҳ таолонинг ҳукмини синдиришдан қўрқмаяпмиз-ку, лекин нафсимизнинг ҳукми олдида бошимизни эгяпмиз»

Барча, онасини яхши кўрадиганлар учун канал

@Onalar_kanali

https://telegram.me/joinchat/AAAAAE77ZBOqBE_0idg08Q‌‌ Ochish/sharhlash

2021-05-04 10:03:10 "Агар одамлар сени ёқтиришса, демак яхши одамсан. Агар сени ёмон кўришса, демак энг яхши одамсан"

Жозе Моуриньо

https://telegram.me/joinchat/AAAAAE77ZBOqBE_0idg08Q‌‌ Ochish/sharhlash

2021-05-04 08:01:15 БAХТ КЕЛСAНГ КЕЛAҚОЛ...

Кўзларим йўлингда нигорон,
Кутяпман бахтгинам елақол,
Тирикман сенсизман ва ҳайрон.
Интиқман, бахт келсанг келақол.

Кўз ёшим денгиздай тошди оҳ,
Ғамдан адо бўлдим, шошил,бўл огоҳ,
Бахтиёр кунимга бўлишсин гувоҳ,
Кутяпман, бахт келсанг келақол.

Етади ҳаётда шунча куйганим,
Бевафо ёрларни севиб ёнганим,
Aламлар қилади ёлғиз қолганим,
Шошилгин, бахт келсанг келақол.

Қўлимдан тут махкам,самога учай,
Чақнаган юлдузни бир зумга қучай.
Майли менла бўлсанг, дунёдан кечай,
Келақол, бахт келсанг келақол.

Юрагим мавжлансин асов денгиздай,
Ҳаётим ҳам нурга чўмсин кундуздай.
Ғамли чеҳрам ёнсин,ёрқин юлдуздай,
Келақол, бахт келсанг келақол.

ИРОДAХОН ҚОСИМОВA

Барча, онасини яхши кўрадиганлар учун канал

@Onalar_kanali

https://telegram.me/joinchat/AAAAAE77ZBOqBE_0idg08Q‌‌ Ochish/sharhlash