Olimjon Haydarov

2023-06-06 07:52:29 Бугун Ўзбекистондаги жазони ижро этиш муассасалари, тергов изоляторлари ва махсус ҳибсхоналарда қийноқ, ўлим ҳолатлари одатий ҳолга айланган.

Ички ишлар биносига кирган инсон борки, унинг тирик чиқишига ҳеч ким жавоб беролмайди. Тизим шунчалик назоратсиз, тартибсиз ишламоқда.

Бу тизимсизлик ҳақида бир неча йиллардан бери гапирилиб, эътироз билдириб келинаётганига қарамай, афсуски, тартибга келмаяпти.

Шулардан кейин савол туғилади, 2017-йилда ички ишлар вазири лавозимига келаркан, Пўлат Бобожонов соҳа учун нима иш қилди, нимани ўзгартирди ўзи? Бу инсон қайси сифатлари учун 6 йилдан буён вазир сифатида ушлаб турилибди?

Бобожонов даврида қайси бир иш охирига етказилдики, бу билан ички ишлар ва халқ ўртасида ишонч ошиб қолган бўлса?

Соҳанинг моддий техник базаси ўзгариб кетдими?

Кадрлар тайёрлаш иши яхшиландими?

Тергов жараёнларидаги аҳволни юқорида ёздим.

Мамлакатда жиноятлар кескин камайдими?

Тизимга нисбатан халқ орасида ҳурмат ошдими, қўрқув йўқолдими?

Соҳада меҳнат қилаётганларнинг меҳнат шароитлари яхшиландими?

Хўш, Ички ишлар вазирлиги тизимида ислоҳот дея кўрсатиш мумкин бўлган, охирига етган бирор иш, бажарилган вазифа борми?

Тергов изоляторлари тўла камералаштирилдими, жараёнлар айтилгани каби тўла ёзиб олиняптими?

Ҳеч бўлмаса, ягона форма масаласи охирига етдими?

Вазир Бобожонов халқ ва ҳукумат ўртасидаги муносабатлар яхшиланиши учун нима қилди?

Хўп, шахсий садоқат масаласи десак, одамлар орасида кеча Бўкада бўлгани каби норозилик ошиб бораркан, бу оқибатда ҳукуматнинг яшовчанлиги учун ҳам зарар-ку. Қани бу ерда садоқатнинг ўрни?

Ҳа, балки пост жуда содда услубда ёзилгандир, лекин оддий журналист, ватандош сифатида чиндан шу саволлар мени ўйлантирмоқда.

Тизим ислоҳотга муҳтожлиги ҳақида кўп гапириляпти, ҳамма гапиряпти. Балки бу ислоҳотларни вазирликка инсонпарвар, қонунпарвар, ишчан, тартибли, қаттиққўл ва ёш бир вазир олиб келишдан бошлаш керакдир.

П.С: Пост ортидан бир неча дақиқа ичида қўнғироқ бўлиши, "мени тинчимни ўйлайдиган" инсонлардан огоҳлантириш келишини яхши биламан, лекин бу билан муаммо ечилмайди, норозилик камаймайди, оғайнилар.

Тизимда тезкор чоралар кўрилмаса, оқибати жуда хунук деградация бошланган.

П.С 2: Ҳурматли депутатлар, сенаторлар, сизчи, сиз қайси сифатлари учун вазирликка тасдиқлагансиз Бобожоновни? У тайинланишда сизга нималарни ваъда берганди?

Наҳотки, битта вазирни парламент, сенатга чақириб тушунтириш, изоҳ ололмайсиз? Наҳотки, шунга қурбингиз етмаса?!

Президент гапирган масалада ўша соатдаёқ ўнлаб мақола эълон қиладиган чаққонлар, қанисизлар?

Ilyos Safarov

@OlimjonHaydarov Ochish/sharhlash

2023-06-05 16:21:08 Бўкадаги иш бўйича ЭлТуз ҳам ёзган экан. Қизиқ ҳолат. Воқеалар ривожини кузатамиз.

@OlimjonHaydarov Ochish/sharhlash

2023-06-05 16:04:46 Ochish/sharhlash

2023-06-05 15:30:25 Янги ўқув йили(сентябр)дан яна ягона мактаб формаси кун тартибига чиқади.

Референдум, сайлов, ренасанс, нашидчилар ва бошқа масалалар билан оввора бўлиб ВМнинг 666-сонли қарорини эсдан чиқарай дебмиз.

Эслатиб ўтаман, 2018-йилда қабул қилинган ВМнинг 666 сонли қарорига муофиқ ягона мактаб формаси жорий қилиниши белгиланганди. 2019-йилда ота-оналарнинг эътирози( этироз асосан мусулмон қатлам томонидан қилинган. Эътирозга сабаб юқори синф(вояга етган) қизларга рўмол ўрашга рухсат берилмаслиги, шунингдек калта(тиззани ёпиб турувчи) юпка кийиш мажбурлиги бўлган. 2018-йил кузида бир қанча фаоллар айни вазиятга қарши фикр билдиргани сабаб маъмурий жавобгарликка ҳам тортилган) сабаб вазиятга Saida Mirziyoyeva аралашиши ортидан қонуннинг амал қилиши 5 йилга кечиктирилган.

Вазирлар махмаси 2019-йилда 509-сонли қарор қабул қилган. Унда ВМнинг 666 сонли қароридаги 3- ва 7- бандларда ўзгариш бўлгани, яъни ягона мактаб формасига ўтиш муддат 2024-2025-ўқув йилидан эканлиги, унгача мактаб формаси ИХТИЁРИЙ эканлиги кўрсатиб ўтилган. Яъни 2023-2024- ўқув(бу) йилидан мажбурий форма талаб қилишга хеч кимни ҳаққи йўқ!

Кимдир сиз(қизингиз, синглингиз)дан мактабда форма кийишини ВМ 666 сонли қарори билан талаб қилса, унга ВМнинг 509-сонли қарорини кўрсатишингиз мумкин.

Ҳаққингизни талаб қилинг, ҳуқуқларингизни ўрганинг.
Шу маълумотни яқинларингизга ҳам жўнатишни унутманг.

@OlimjonHaydarov Ochish/sharhlash

2023-06-05 15:02:56 “Olim tarbiyalagan onalar”

Balki, siz: “Biz ham farzandlarimizni madrasalarga berdik, hatto eng katta muallimlarga berdik. Ustoz! Mana farzandimiz, eti sizniki, suyagi bizniki dedik”, - dersiz. Balki, shunday shaklda farzandingizni omonat topshirgandirsiz. Ammo Ummu Sulaym roziyallohu anhoga eʼtibor bering, u “eti-yu suyagini qoʻshib” topshirdi.

Muallif: Murod Toʻsin
Narxi: 35 000 soʻm

Xarid: @akademsavdo

@akademnashr | #sotuvda Ochish/sharhlash

2023-06-05 12:01:36 Миранда қоидаси.
Бу қандай қоида?
Ўзбекистонда Миранда қоидасига амал қилинадими?

Агар сиз бирор ҳуқуқбузарлик билан терговга жалб қилинсангиз сизга Миранда огоҳлантируви, яъни сизни тергов қилаётган орган томонидан "Сиз сукут сақлаш ҳуқуқига эгасиз. Айтганларингизнинг барчаси сизга қарши судда ишлатилиши мумкин ва ишлатилади.
Сиз адвокат билан маслаҳатлашиш ҳуқуқига эгасиз. Адвокатингиз сўроқ пайтида иштирок этиши мумкин.
Агар адвокатнинг хизматларини тўлашга қодир бўлмасангиз, у сизга давлат томонидан тақдим этилади. Сиз ушбу ҳуқуқларни тушундингизми?
Қўнғироқ қилиш ҳуқуқига эгасиз!" шаклидаги ҳуқуқларингиз эслатиб ўтилиши шарт. Сиз буни билармидингиз?

Биргалашиб ҳуқуқларимизни ўрганамиз.

Маълумот сизга фойдали бўлган бўлса, яқинларингизга ҳам жўнатиб қўйишни унутманг.

Батафсил видео



@OlimjonHaydarov Ochish/sharhlash

2023-06-04 19:02:44 Нега жамият бирлаша олмаяпмиз?

Кеча қизиқ бир вазият бўлди.
Фарғона шаҳридан Марғилон шаҳрига кетиш йўлида автоҳалокат юз берди. Шаҳар ичида номерлари ечиб олиб 150-180 км/соат тезликда ҳаракат қилган Нехиа-3 машинасини ЙҲХБ ходими қувлаган, кейин машина авария бўлиб кетган. Мен ўша жойда номерсиз шундай катта тезликда ҳаракат қилган ҳайдовчи жазоланиши керак деган фикрни билдирдим, кўпчилик эса ҳайдовчи эмас, фақат ЙҲХБ ходими айбдор деган фикрни илгари суришди. Вазият деярли жанжалгача борди. Сизнингча бу ерда ким ҳақлироқ?

Пс. Нехиа-3 А нуқтадан(Б нуқта орқали) C нуқтага ҳаракат қилиб, C нуқтада авария бўлган.
А нуқтадан Б нуқтагача ҳеч ким қувмаган, ўзи бир шериги билан пойга ўйнаб келган, Б нуқтада уни ЙҲХБ ходими кўриб, қувлаган.

Батафсил

, кўриб фикр билдиринглар.

@OlimjonHaydarov Ochish/sharhlash

2023-06-04 13:52:46 Балки «Миранда қонуни» амалда ишласа, «ичкари»дан соғ-омон чиқиш шанси кўпаярди.

Habi Katura

@OlimjonHaydarov Ochish/sharhlash

2023-06-04 13:29:03 Тошкент шаҳар ИИББ Чилонзор ИИБга ўз оёқлари билан кириб, деярли ўлган ҳолда у ердан чиққан 21 ёшли Ҳафизуллоҳ ишига оид яна бир қанча видеоларни, гувоҳларни тақдим қилибди.

Барибир вазият тўлиқ тушунарли эмас.
Кузатайлик-чи, яна қандай тафсилотлар чиқар экан.

Пс. Шунча далиллар, видеолар бор экан, нега ИИВ халқни нафратини қўзғаб, шу вақтгача буларни эълон қилмади?

@OlimjonHaydarov Ochish/sharhlash

2023-06-04 00:02:26 Бош Прокуратура Чилонзор ИИБдан ўлиги чиққан Сурхондарёлик 21 ёшли Ҳафизуллоҳ иши билан боғлиқ далиллар, шу жумладан ИИВ матбуот хизмати раҳбари Шохрух Ғиёсов айтган видеони эълон қилибди.

Далиллар ҳозирча тушунарсиз.
Далилларда кўрсатилишича ростдан ҳам ИИБ биносида ҳожатхона борлигини кўриш мумкин(аввалроқ тармоқда айрим иштирокчилар ИИБ биноси 4-қаватида ҳожатхона йўқлигини айтишганди. Балки аввалдан ҳожатхона бордир, балки кейинчалик "бинога келиб қолгандир" Аллоҳга аён).

Тақдим қилинган видео умуман тушунарсиз. Биринчидан унда ким қаердан тушгани кўринмаган, умуман, қисқа сония шарпа кўринган, лекин ходимларни бирданига югурганига қараганда, ростдан ҳам юқоридан нимадир қулаганини тахмин қилиш мумкин.

Лекин саволлар ҳали ҳам очиқ қолмоқда. Ҳафизуллоҳни адашмасам ЙҲХБ ходимлари тўхтатишган, уларда бодй камера бўлади. Шу ёзувларни эълон қилиш керак. Ёнидан гиёҳванд модда чиққани айтилмоқда. Агар шундай бўлса унда тинтув ўтказилган, тинтув одатда гувоҳлар иштирокида, аксар ҳолда видео камера ёзувлари билан ўтказилади, шу гувоҳлар ва камера ёзувлари қани?
ИИБ биносига соғ-саломат келган бўлса, энг аввало кириш қисмидаги махсус дафтарга қайд қилинганми, шунингдек эшик ёнидаги камерага тушганми? Қани шу ёзувлар, далиллар?
Бинога кириши, қаватлардаги камералар, хусусан ҳожатхонага киришгача бўлган харажати ёзилган коридор камера ёзувлари қани?

Саволлар ва мавҳумлик кўп ҳозирча.

@OlimjonHaydarov Ochish/sharhlash