Olimjon Haydarov

2023-06-26 20:22:58 Бугун иш билан Қўқонга боргандим.
Қурилиш ишлари авжида. Сайловгача битириб, одамларни бозорга олиб киришмоқчи шекилли.

Фақат тушунмаганим, нега бозор яна аввалгидек тор йўлакчалардан иборат қилинмоқда. Масалан 1 та павильон узунлиги 50 метр. Павильонлар орасида жой бор, лекин павильон ичига ўт ўчириш машинаси киролмайди-ку яна!

Бир тарафга машина кириб, павильон орасидан, ёнғинлар ичидан қандай қилиб кириб оловни ўчириш мумкин?
Эшитишим бўйича бозор ёнишидан аввал бозорда кимни жойи бўлса, шуни тиклаб берасан деган топшириқ бўйича ишлашмоқда экан. Унда яна аввалгидек тартибсиз, тор йўлаклар бўлганидан, янги қурилаётганига яраша замонавийроқ қилса бўлмайдими?

Фарғона вилояти ҳокимлиги, буни лойиҳаси билан алоҳида ишландими, ёки сайловгача одамларни норозилигини бостирайлик деб, иш битишига қурилмоқдами бозор? Президент Шавкат Мирзиёев - Shavkat Mirziyoyev шундай қуриб беринглар деганмиди?

Пс. Расмда қулочим билан белгиланган икки раста оралиғи.
Кенглик тахминан 250-270 см чиқса керак.

@OlimjonHaydarov Ochish/sharhlash

2023-06-26 19:00:54 Фарғонада бир фуқарони куппа-кундуз куни пичоқлаб қўйган шахс негадир ҳалиям очиқда юрибди.

Фарғона вилояти Олтиариқ туманида 10 кун(!) аввал X.Н. исмли шахс С.Н. билан ўзаро низолашиб қилиб, унга қасддан жароҳат етказиш учун қувиб бориб, 2 марта пичоқ санчиб олади. X.Н. куппа-кундуз куни, одамлар олдида бир фуқарони пичоқлайди, ҳеч нима бўлмагандай машинасига чиқиб кетаверади. С.Н. оғир ҳолатда шифохонага боради. Фарғона вилоят ИИБ берган баёнотда жароҳат "чап курак юқори ташқи соҳасида кўкрак қафасига тешиб ўтмаган, санчилиб кесилган, чап ён бош соҳасида санчилиб кесилган жароҳатлар аниқланган" кўринишида тасвирланган.

Қизиғи бир фуқарога қасддан жароҳат етказган ҳуқуқбузар(X.Н. журналистик суриштирув олиб бораётган журналистлар билан суҳбатда ростдан ҳам пичоқни суқиб олганини тан олган, шунингдек воқеага ўнлаб кишилар гувоҳ бўлишган)ижтимоий хавфли деб топилмаган, унга нисбатан ҳеч қандай чора кўрилмаган. Фарғона вилоят ИИБ берган баёнотда X.Н. га нисбатан Жиноят кодексининг 105-моддаси, м-банди билан иш очилгани айтилган. Бу моддада танага ўрта оғир даражадаги, жабрланувчиларнинг соғлиғидаги бузилиш 21 кундан кўп бўлмайдиган ҳолатларга айтилади.
Бу ерда фикримча жиноят қандайдир сабаблар билан нотўғри классификация қилинган. Биринчидан бу ўрта оғир эмас, оғир жароҳат турига киради(тананинг икки қисмидан пичоқланиш, ҳаракат қасддан содир этилган, пичоқланган тана қисмлардан бири - буйрак, зарарланса инсон вафот этиши мумкин бўлган вазият). Иккинчидан икки жойидан пичоқ еган шахсни соғлиги қандай қилиб 21 кундан кам вақтда тикланиши мумкин?

Энг муҳим жиҳат эса, бу ҳаракатнинг ижтимоий хавфлилигида. Агар ҳозир қамоққа олиш чораси қўлланмаса, ҳуқуқбузар ҳаракатлари етарли малакаланмаслигидан яна бу ҳаракатларни такрорлаши мумкин(кўчадаги гапларга кўра X.Н. бунга қадар 4 марта пичоқлашиш эпизодларида қатнашган, бирортаси ҳуқуқий жавобгарликка тортилмаган). Ёки жабрланувчини яқинлари қасдан унга бирор зиён етказиши мумкин.


Жабрланувчининг яқинлари X.Н.нинг жазодан қочиб юришига бизнес қайсидир амалдорларнинг аралашуви деган гумонда. Яъни кўпчиликка қўлланган жазо айримларга қўлланмаса фуқароларда давлатга, давлатни куч ишлатар тузилмаларига ишончсизлик шаклланишни бошлайди. Бу яхшимас ўртоқлар.
Нега бу ишни Олтиариқ туман ИИБ пайсалга солмоқда, нега ЖКнинг 104-моддаси эмас 105-моддаси билан тергов ҳаракатлари бошланган, нега ҳалигача X.Н. ижтимоий хавфли ҳаракати учун қамоққа олинмаган, тергов ишлари одилона ўтишига қайси амалдор тўсқинлик қилмоқда? Саволлар кўп.

Умид қиламиз Бош Прокуратура, Ички ишлар вазирлиги вазиятни назоратга олишади. Зеро ўз вақтида жазо берилмаган ноқонуний ҳаракат жамиятда "болалашни" бошлайди.

@OlimjonHaydarov Ochish/sharhlash

2023-06-26 18:55:36 Фарғонада бир фуқарони куппа-кундуз куни пичоқлаб қўйган шахс негадир ҳалиям очиқда юрибди.

Фарғона вилояти Олтиариқ туманида 10 кун(!) аввал X.Н. исмли шахс С.Н. билан ўзаро низолашиб қилиб, унга қасддан жароҳат етказиш учун қувиб бориб, 2 марта пичоқ санчиб олади. X.Н. куппа-кундуз куни, одамлар олдида бир фуқарони пичоқлайди, ҳеч нима бўлмагандай машинасига чиқиб кетаверади. С.Н. оғир ҳолатда шифохонага боради.

@OlimjonHaydarov Ochish/sharhlash

2023-06-26 17:20:01 Бир гуруҳ фаоллар диний материалларни тарқатиш юзасидан мурожаат йўллади  

"Диний мазмундаги маълумотларни тарқатиш билан боғлиқ шов-шувли судлар ҳақида ҳаммамизнинг хабаримиз бор", дейилади устоз Мубашшир Аҳмаднинг постларида. "Муаммо кўпроқ судларда эмас, балки жиноятга номутаносиб жазо белгиланган қонун ва қарорларда эканига олдиндан урғу бериб келаётган эдик..."

Имзо қўйиш учун ҳавола: https://forms.gle/sxHWkwpzNsx3LiJi7

Батафсил: https://azon.uz/content/views/53850

@OlimjonHaydarov Ochish/sharhlash

2023-06-26 17:06:22 Эртага, 27-июн – арафа кунининг рўзасини тутиш ва унинг фазилати ҳақида эслатма!

Абу Қатода розияллоҳу анҳудан ривоят қилинади. Расулуллоҳ соллаллоҳу алайҳи васаллам: “Арафа кунининг рўзаси ўзидан аввалги бир йил ва ўзидан кейинги бир йилнинг гуноҳларига каффорат бўлишини Аллоҳдан умид қиламан”, дедилар (Имом Муслим ривояти).

Бошқа ҳадисда Набий соллаллоҳу алайҳи васаллам: “Арафа кунининг рўзаси икки йилга каффоратдир: ундан олдинги ва ундан кейинги йилга”, деганлар (Имом Байҳақий ривояти).

Оғиз ёпиш ва очиш вақти (Тошкент вақти билан):
Саҳарлик (оғиз ёпиш) вақти: 03:06
Ифторлик (оғиз очиш) вақти: 20:02

Нияти: Холис Аллоҳ учун нафл рўза тутишни ният қилдим.

Манба: Ўзбекистон мусулмонлари идораси

@OlimjonHaydarov Ochish/sharhlash

2023-06-25 17:01:32 Пригожиннинг исъёнини «Путиннинг ўйини» дейдиганлар кўп. Одатда бундай дейиш ёки бу фикрларни қабул қилиш учун ҳокимиятлар психологиясини тушунмаслик керак. Бу исён билан Путин режими нақадар заиф эканлиги маълум бўлди. Путин Пригожинни энг катта жиноятларда айблади ва жазога тортишга ваъда берди. Жиноий иш қўзгатилди. Пригожин Москвага бостириб келишда давом этти. Ҳокимият қачон босқинчи билан музоқара олиб боради? Чорасиз қолганда! Путин чорасиз қолди ва Пригожин билан келишишга мажбур бўлди.

Гитлер ҳам бунақа тез ва шиддат билан Москвага яқинлаша олмаган. Йўлда қанча вертолет ва самолетни уриб туширди. Тўқнашувларда одамлар ўлди. Бутун дунёга Путин режими, худди учинчи дунёдаги беқарор давлатлардаги каби ўта заиф ва йиқилаётган бўлиб кўринди. Москвани ҳимоя қилиш учун хандақлар қазилди. Йўлларга техникалар қалаштирилди.

Ҳеч бир ҳокимият, ўзини ҳалқаро майдонда шарманда ва заиф кўрсатиш билан, «ўйин» қилмайди. Бу ҳокимиятнинг энг асосий тамойили – «мен легитимман, ҳамма менга бўйсунади, мен ҳаммани ва ҳар бир вазиятни назорат қила оламан» деган тамойилини бузди. Биламан, Ўзбекистонда Путин тарафдорлари кўп. Бу табиий. Чунки, улар 23 йил давомида Путин ахбороти билан суғорилган одамлар.

Улар Путинга шу қадар ишонишадики, уни йиқилишини тасаввур қила олишмайди. Демак, Путинга қарши ҳар қандай исённи «ўйин» деб кўришга мойил бўлишади. Лекин, Путиннинг сиёсий умри жуда тез қисқариб бормоқда. У Киевни уч кунда олмоқчи эди. Энди, уни ўзи Россия ҳокимиятини сақлаб қолиш билан овора бўлади. Ҳаммаси олдинда.

Камолиддин Раббимов

@OlimjonHaydarov Ochish/sharhlash

2023-06-25 08:53:58 Кеча Пригожин Ростовни босиб олиб, Москвага юриш қилаётган бир пайтта, Путин уч постсовет давлат раҳбарлари билан телефонлашди. Билишимча, Лукашенко билан Путин жуда кўп марта телефонлашган. Ундан ташқари, Путин Тўқаевга ва Мирзиёевга ҳам телефон қилган.

Путин Ўзбекистондан ҳарбий ёрдам сўраган бўлиш эҳтимоли кам. Ўзбекистонни нима деб жавоб беришини яхши билади. Менимча, Путин Мирзиёевдан битта нарса сўраган бўлиши мумкин: “Шавкат ака, менда Женя деган битта инжиқ бола бор, шу билан ҳозир келишяпман. Битта илтимос борда, шу болага Ўзбекистондан жой бериб, ушлаб ўтиринг... Жонимга тегиб кетти... СССР пайти ҳам Ўзбекистон рус етим-есирлари ва уголовникларни жўнатадиган жой бўлган-ку?! Илтимооос!” деган бўлса керак.

Менимча, бизникилар “маййййли, бир ўйлаб кўрайлик қани... Сайловдан кейин жавобини айтамиз” деган бўлса керак.... Ростда, сайловдан кейин ким президент бўлишини айтиб бўладими?!

Баъзи маълумотларга кўра, Женя Пригожинга хавфсизлик кафолати берилган. Путин “Женяжон, агар сенга тегинсам – қўлим синсин!” деб ваъда берган. Бу гапни эшитган Сережа Шойгу ва бошқаларни жаҳли чиққан. Путин кутилмаганда яна орқадан зарба еди. Женя Пригожинга Белорусдан хавфсиз жой берилиши айтилмоқда. Лекин, ҳали Женя янги қилиқлар қилишига ишонаман...

Камолиддин Раббимов

@OlimjonHaydarov Ochish/sharhlash

2023-06-24 21:15:39 Пригожин Беларус президенти Лукашенко воситачилигида Россия ҳукумати билан келишувга эришгани айтилмоқда.

Пригожин эълон қилган маълумотга кўра "Вагнер" ортга - ҳарбий лагерларга қайтмоқда.

@OlimjonHaydarov Ochish/sharhlash

2023-06-24 21:11:44 Пригожин Лукашенко воситачилигида Путин билан келишувга эришилгани айтилмоқда. Агар шундай бўлса, демак, Путин Пригожиннинг шартларига рози бўлган бўлади. Бу нима шартлар бўлиши мумкин? Энг аввало, РФ мудофаа вазири Шойгу ва Генштабнинг бошлиги Герасимовларни ишдан олиниши, ва Пригожинга ҳам қулай бўлган шахсларни қўйилиши бўлиши мумкин. Агар Путин шу шартларга рози бўлса, бу Россия элитасидаги тарқоқликни янада кучайтиради.

Аслида, бу келишувлар орқали, Путин ҳам, Пригожин ҳам тактика қилмоқда. Иккаласи учун ягона мақбул йўл – нарги тарафни жисмонан йўқотиш. Буни Путин ҳам, Пригожин ҳам яхши билади. Пригожин ва Вагнерга хавфсизлик кафолати берилган. Лекин Пригожин ҳали яқин кунларда яна янги ўйинлар қилса керак. Чунки, бир кунда 5-6 та вертолет ва жуда қимматли разведка самолетларини йўқотган Вагнер, энди Путин режими учун энг катта таҳдидга айланиб бўлди.

Камолиддин Раббимов

@OlimjonHaydarov Ochish/sharhlash

2023-06-10 21:16:07 Алламжонов "Серый кардинал"га айланиб қолди-ку, биз бехабар қолдикми?

Аввалига Алламжонов сўз эркинлиги томонида турди, бунга Президентни қизи Saida Mirziyoyeva ни ҳам жалб қилди, айнан сўз эркинлиги, матбуот хизматларининг жамоатчилик ва ОАВ билан муносабати ўрнатилишида катта ҳиссалар қўшди. Кейинроқ лавозимдан кетиб бироз панага чиқди.
Энг охирида Администрациядаги янгиланиш(ёшариш) жараёнида Администрацияга қайтди. У Администрация раҳбари( С.Умрзоқов)нинг жамоатчилик фикрини ўрганиш ва ахборот сиёсати бўйича ўринбосари бўлди. Аввалига хурсанд бўлдик, бир муддат Президент ва жамоатчилик орасида йўқолган алоқалар айнан Алламжонов сабаб тикланиши умидида. Афсуски...
Аввалги Алламжоновдан асар ҳам қолмапти. Балки жамоатчилик хабари бўлмасдан анча-мунча ишлар қилаётгандир, лекин на ишлари, на натижасини кўрмаяпмиз. Аксинча аввалги - АОКА даги Алламжонов ҳар икки томон(ҳукумат ва жамоатчилик) учун бирдек фойдалироқдек туюлганди.

Алламжонов ҳозирда Президентга жамоатчиликни фикрини етказиш билан вазифалантирилган. Яъни Алламжонов кабинетга олиб кирган маълумотлар билан Президент ҳаракатланади, фикр билдиради, қарор чиқаради. Охирги 6 ойда жамоатчилик куйиб пишиб "нашидчилар" масаласида ноҳақликлар бўлаётгани ҳақида дод-вой қилиб ётибди. Лекин бу масалага Президент умуман эътибор қаратмади. Демак бу масалани ё Алламжонов олиб кирмаган, ёки Президентга унчалик қизиқ эмас охирги 2 йилда тахминан 500-1500 оралиқдаги асосан ёшлар ва ўсмирларни "нашидчилар" иши бўйича жазолангани.

Бугун Тошкент шаҳрида калтакланган ўқитувчи масаласида фикр билдирибди, шукр, бу яхши, бундай хабар қолдириш "бу хабарни Президентга олиб киришим мумкин, жиддий шуғулланишларинг шарт" деган сигнал беради албатта.

Лекин нега Алламжонов шу кунгача бўлаётган, ёшлар ва ўсмирларни(тўғридан тўғри мамлакат келажагини ҳам дейиш мумкин) синдиришга қилинаётган уринишларни кўрмай қолди экан?
Ёки кўрмасликни маслаҳат беришдимикан?

Бу вазиятда иккита тахмин келаяпти.
Биринчиси бу хабарларга муносабат бермасликка ёки уларни Президентга ўтказмасликка мажбур бўлган, ёки давлатни белгилаган сиёсати шу йўналиш, орган ходимлари фақат бажарувчи. Учинчи бир йўл кўрмаяпман, кимдир кўрса, йўналтиринглар.

Айтганча, гапни боғдан бошлаб, тоққа қараб кетиб қолибман, жуда сергапманда)

Алламжонов бугунги ҳолат бўйича хабар қолдириб, унда " Бу бўйича ҳуқуқ-тартибот органларига керакли кўрсатмалар берилди" жумласини ишлатган.
Ийе, Алламжоновга бутун қуролли кучлар(ёки ИИБ) устидан назорат топширилди-ю, биз хабарсиз қолдикми?
Одатда қуролли кучлар тўғридан тўғри бошлиқларига, кураторларига, олий бош қўмондон - Президентга бўйсунишади.

Алламжоновга Президент номидан гапириш, Президентни гапини етказиш ваколати ҳам берилмаган билганим қадар. Президент номидан айрим ҳолатларда Администрация раҳбари, унинг гапларини жамоатчиликка етказишга эса матбуот котиби вазифалантирилган.

@OlimjonHaydarov Ochish/sharhlash