2023-05-10 14:31:38
1/2
Жаҳонгир Улуғмуродов иши бўйича Тошкент вилояти ИИББ расмий мурожаат эълон қилибди, гўёки ўзларини ҳаракатларини оқлашга уриниб, ўз ўрнида оддий фуқаролар қолиб ОАВларга қараб "овозингни ўчириш, бу мавзуга арашмаларинг, бўлмаса яхши бўлмайди" қабилада мурожаат қилишибди.
Биргаликда бу муносабатни таҳлил қиламиз.
1. Муносабатни биринчи қисмида "У.Ж. ижтимоий тармоқлар орқали тақиқланган диний материалларни тарқатиб келиш билан шуғулланаётганлиги хусусида маълумотлар олинган" дейилган.
Мана шу қисмдан туҳмат кетган.
Биринчидан "лар" қўшимчаси ўзбек тили қоидалари бўйича кўпликни англатади. Яъни Тошкент вилоят ИИББ аслида фақат 1 марта жўнатилган материални кўп марта, доимий жўнатилган деб, жамоатчиликга Жаҳонгирни ҳаракатини ошириб кўрсатиб, олдиндан била туриб, қасддан ўта оғир жиноят қилиш билан туҳмат қилишмоқда.
Иккинчидан, маълумот қаердан олингани кўрсатилмаган.
Аслида қандай бўлган?
Жаҳонгирни алдаб ИИБ биносига олиб кетишган. Жаҳонгирни уйига келиб, "маҳаллада ўғирлик бўлган, ўғрилардан бирини исми Жаҳон бўлган, шунга бировга идорага бориб келади" деб олиб кетиб, телефонини титкилаб, шу ҳаволани топишган. Яъни сув бошидан лойқа, агар ростдан аниқ далиллари бўлганда, алдамасдан ҳам олиб кетишарди. Катта эҳтимол шунчаки намозхон болани идорага олиб бориб, телефонини титиб, шугина "далил"ни топишган, буёғи навбатчи ҳаракатлар.
2. Муносабатни кейинги қисмига ўтамиз.
"Тезкор-қидирув тадбирлар давомида аниқланишича, мазкур шахс Сурияда фаолият олиб бораётган “Тавҳид ва жиҳод катибаси” халқаро террористик ташкилот жангарилари томонидан тайёрланган маърузаларни интернет орқали тинглаши давомида уларнинг ғоявий таъсирига тушган ва ушбу ҳаракатларни қўллаб-қувватлашни бошлаган."
Тезкор-қидирув ҳаракатининг қандай амалга ошганини юқорида кўрдик, умуман буни тезкор-қидирув эмас, қопқон дейиш ҳам мумкин.
Энди кейинги жумлага эътибор қаратамиз. ИИБ ходимлари қандай қилиб бу нашид айнан Суриядаги жангариларга тегишли эканини аниқлади экан?
Бу маълумотни манбаси қаерда?
Бу бўйича аниқ диний қўмита хулоса бермаган(қўлимда Қўмита берган хулоса турибди. Унда нашид кимга тегишли экани ҳақида маълумот берилмаган).
ИИБ ходимлари тармоқлардаги ҳамма нашидлар кимга эканлигини қаердан билишмоқда?
Бу маълумот қанчалик ишончли, шундай рўйхат борми?
Бўлса нега оммага очиқланмаяпти?
Катта эҳтимол бу ҳам туҳмат, қилинган пала партиш ишни хас хўшлаш учун ўйлаб топилган.
Шунингдек Жаҳонгини уларни ғоявий таъсирига тушгани ҳам туҳмат. Ғоя бу гуман нарса, уни ушлаб ҳис қилиб бўлмайди. Ҳеч кимни ҳеч қайси ғоясини ушлаб кўриб бўлмайди. Шундай экан кимнидир фикрида, ақлида шундай ғоя бор деб айб қўйиш бу туҳмат ва ақлсизликдан бошқаси эмас.
3. "У, халқаро террористик ташкилот тарафдорлари сонини орттириш мақсадида Интернет орқали “жиҳод” ва “шаҳидликка чорлов" маърузаларини ўзига таниш бўлган шахслар ва яқинлари орасида тарқатиш билан шуғулланган"
Мақсад гуман нарса. Шундай гапни гапирмаса, ҳаракат қилмаса, қандай қилиб ИИБ ходимлари Жаҳонгирни мақсадини аниқлашган, ҳайронман. Шунингдек "жиҳод" ва "шаҳидлик" динда кенг маънода қўлланилади. Масалан, инсон нафсига нисбатан жиҳод қилиши ҳам мумкин, уйига кирган ўғридан оиласини ҳимоя қилиб, ёки ковиддан ўлиб, сувга чўкиб ҳам шаҳид бўлиши мумкин, шу сабаб фақат шу сўзлар учун айблаш ҳам ақлсизликдан бошқаси эмас.
4. "Бугунги кунда кўплаб ёшларнинг муқаддас ислом дини ниқоби остида фаолият юритаётган турли тақиқланган ташкилотлар таъсирида сохта “жиҳод”, “ҳижрат” ва “шаҳидлик” ғоялари билан, Сурия, Ироқ ва бошқа, жанговар ҳаракатлар давом этаётган мамлакатлар ҳудудига чиқиб кетиш ҳолатлари давом этмоқда."
Охирги вақтларда ҳар сафар кимнидир Сурия, Ироқ каби давлатларга кетаётгани учун ушланди деган хабарга кўзим тушса, беихтиёр куламан. У жойларда урушлар тугади ўртоқлар, бошқа жой топинглар энди. Бундай хабарлар билан кулгуга қоляпсизлар.
Жиҳод, шаҳидлик, ҳижрат ҳақида юқорида айтиб ўтдим. Агар Қўмита бу сўзларни турли маъноларини билмаса, уларни берган хулосаси ҳақиқий деб тан олинмаслиги керак, бундай савия билан тўғри хулоса бериш қийин масала.
@OlimjonHaydarov
4.9K viewsedited 11:31
O
