Qur'on Mo'jizalari 🔍

2021-04-05 18:20:00 ​​ Zanjabilning shifobaxsh xususiyatlari !

• Shifobaxsh xususiyatlarga boy zanjabil haqida Alloh taolo Qur’oni Karimda jannat egalariga berilgan xushxabarlarda: «Va ular u(yer)da aralashmasi zanjabiyl bo‘lgan qadahdan sug‘orilurlar», (Inson surasi, 17-oyat) deya marhamat qiladi.

Ko‘p yillik hisoblangan bu o‘simlik asosan tropik va subtropik o‘lkalarda keng tarqalgan. Vatani Janubiy Osiyo bo‘lib, hozir u Xitoy va Hindiston, Indoneziya va Avstraliya, Gʻarbiy Afrika, shuningdek, Yamayka va Barbados orollaridagi tropik va subtropik hududlarda o‘stiriladi.

Zanjabil ilmiy tilda «Zīngiber officināle» deb atalib, sanskritchada «shoxli ildiz» degan ma’noni anglatadi va universal dori vositasi sifatida keng qo‘llanadi. U ortiqcha vazndan tez va oson xalos bo‘lishda samarali natija berishi bilan birga shamollash va boshqa kasalliklarning oldini olishda ham juda foydali.

• Qadim zamonlardan beri insonlar bu shifobaxsh o‘simlikdan turli xastaliklarni davolashda qo‘llab kelishadi. Ayniqsa, u yuqori haroratni tushirib, ishtahani ochadi, insonga tetiklik baxsh etadi. Tarkibida biriktiruvchi moddalar va gingerol mavjudligi unga o‘ziga xos yoqimli hid berib turadi. Uning qator foydali xossalarga egaligi ham shundan kelib chiqadi. Shuning uchun ham arablar uni taomlarga qo‘shib iste’mol qilishni xush ko‘rishgan.

• Abu Ali ibn Sino «Tib qonunlari» asarida ko‘plab xastaliklarda qo‘llanadigan malhamlarni tayyorlashda ular tarkibiga zanjabil qo‘shish lozim, deb yozgan.

— Jigarni tozalab, zaharli moddalarni chiqarib yuboradi.
Jigarni yiliga bir-ikki marta tozalab turish zarur. Bu hayotiy muhim a’zo qonni filtrlab, qon-tomir tizimidagi zararli va zaharli moddalarni chiqarib yuborish uchun xizmat qiladi. Zanjabilli choy ichilganida uning tarkibidagi zanjabil va dolchin birikmasi jigarni tozalaydi. Natijada jigarning ishlashi me’yorlashib, vazifasini faol bajarishga o‘tadi.

— O‘t pufagini sog‘lomlashtiradi.
O‘t pufagida tosh paydo bo‘lgan kishilar zanjabilli choydan muntazam ichib yursalar, ham jigarlarini himoyalashadi, ham o‘t pufagini ravon ishlashini ta’minlashadi.

— Tanani qizdiradi.
Qaynoq zanjabilli choy ichilganida tana qiziydi va sovuqdan himoyalanadi. Shuning uchun ham uni sovuq va rutubatli havoda iste’mol qilish, ayniqsa, yoqimli. Qizdirish xususiyatiga ega bo‘lgani uchun zanjabil tanadan ortiqcha kaloriyaga ega keraksiz quvvatni haydaydi, me’yoriy haroratni saqlashga yordam beradi.

— Ovqat hazm qilishni yaxshilaydi.
Ovqat hazm qilishda muammosi bor kishilar oshqozon-ichak yo‘llari faoliyatini yaxshilash maqsadida bu choydan ichishlari mumkin. U ichki a’zolardagi shamollashlarni oladi, qorin dam bo‘lishidan hamda yeldan xalos etadi.

— Immun tizimini mustahkamlaydi.
Zanjabil, ayniqsa, kaliy, fosfor va S vitaminiga boy. Ma’lumki, bu moddalar immunitetni mustahkamlashda, gripp va shamollashning oldini olishda viruslariga qarshi kurashishda muhim ahamiyatga ega. Bu choyni tayyorlash juda oson, buning uchun 1 bo‘lak zanjabil ildizi (2 sm atrofida), 1 bo‘lak dolchin, yarimta limon va 1 stakan suv (250 ml) kifoya. Bularning hammasini choynakka solib, ustidan qaynoq suv quyiladi va dam yeyishi uchun o‘rab qo‘yiladi.

Kimlarga tavsiya etilmaydi.?

• Zanjabil va dolchin oshqozonni ko‘plab kasalliklardan himoya qilsa-da, ovqat hazm qilish tizimida muammosi bor kishilarga tavsiya etilmaydi, chunki zanjabilning ham, dolchinning ham tarkibida kuchli qo‘zg‘atuvchi moddalar mavjud.

• Shuningdek, homilador ayollar, yosh bolalar va kuchli antikoagulyant dorilar qatoriga kiruvchi aspirin, varfarin, tiklopidin yoki geparin kabi dorilar ichib yuruvchi kishilar ham uni iste’mol qilmaganlari ma’qul. Choyni iste’mol qilganidan keyin o‘zida nojo‘ya ta’sirini sezgan kishilar davolovchi shifokor bilan maslahatlashishlari maqsadga muvofiq.

Har narsaning yaxshi va yomon taraflari bo‘lgani kabi bu o‘simlik turini ortiqcha iste’mol qilish ham tomoq va oshqozon osti bezining yallig‘lanishiga olib kelishi mumkin.

Nozima Umarali qizi «Hilol» jurnalining 2(23) sonidan.


@miracles_of_quran Ochish/sharhlash

2021-03-19 18:20:00 ​​ Buyuk Musavvirning yaratgani !

Quyidagi rasm inson hujayrasining hozirgacha olingan eng so‘nggi tasviri.

• Rasmda bitta hujayraning ichki tuzilishi aks etgan. Xuddi ichida turli dizayndagi "korxona" "xiyobon" "rang-barang daraxtlari" bor shaharga o‘xshaydi.

• Bizning hujayralar hech qachon shakllanishdan to‘xtamaydi. Hujayralar tananing qurilish bloklaridir. Har soniyada inson tanasi 25 million yangi hujayra ishlab chiqaradi. Taqqoslash uchun, tanamiz har 13 soniyada Amerika Qo‘shma Shtatlar aholisi sonidan ko‘proq hujayra ishlab chiqaradi.

Voyaga yetgan inson tanasida taxminan 40 trilliondan ortiq hujayra bor.

Mikroskopsiz ko‘rib bo‘lmaydigan darajadagi hujayraning ichiga bizga ma’lum va noma’lum narsalarni joylab, har biriga vazifasini yuklagan Alloh taolo buyuk, pok zotdir!

Alloh taolo Qur’oni Karimda shunday deb marhamat qilgan: «Ularga ham ufqlardagi, ham o‘zlaridagi oyat(belgi)larimizni yaqinda ko‘rsatamiz. Toki, ularga uning haqligi ravshan bo‘lsin. Robbing har bir narsaga shohid ekani kifoya qilmasmi?!» (Fussilat surasi, 53-oyat).

• Alloh taolo bu oyatda bizni o‘rab turgan borliqda va tanamizda O'zining borligiga va birligiga dalolat qiladigan dalillar, ishoralarni kelajakda namoyon qilishini bayon etyapti. Ushbu dalillar, ishoralarni o‘rgangan va ular haqida tafakkur qilganlarga Qur'oni Karimning ilohiyligi va Payg‘ambarimiz sollallohu alayhi vasallamning haq payg‘ambarliklari oydinlashadi.

Hujayraning asosi bo‘lgan sitoplazmaning 80 foizi, ko‘plab organizmlar 50-90 foiz suvdan tarkib topgani ma’lum bo‘ldi. Tanamizning taxminan 70 foizi, miyamiz, ko‘zimizning asosiy qismi suvdan iborat.

Alloh taolo Qur’oni Karimda shunday deb marhamat qilgan: «Kufr keltirganlar osmonlaru yer bitishgan bo‘lganini, bas, ularni ochganimizni va suvdan har bir tirik narsani qilganimizni bilmaydilarmi? Iymon keltirmaydilarmi?» (Anbiyo surasi, 30-oyat).

Suvdan yaratilgan barcha jonzotlar, o‘simliklar yashashi uchun suvga ehtiyoj sezishini barchamiz bilamiz. Demak, yaratilishimiz ham suvdan, yashashimiz uchun ham suvga ehtiyojimiz bor.

Alloh taolo barchamizni O‘zining hidoyatidan ayirmasin va xotimamizni chiroyli qilsin!

www.islom.uz | www.quran.ksu.edu.sa
(Internet ma'lumotlari asosida Nozimjon Hoshimjon tayyorladi.)


@miracles_of_quran Ochish/sharhlash

2021-03-12 18:20:00 ​​ Saraton kasalligi Allohning irodasidan boshqa narsa emas !

AQSH olimlari saratonning aksar ko‘rinishlari chekishga o‘xshash odatlar tufayli emas, balki turli tasodiflar orqali kishida paydo bo‘lishi mumkin, degan xulosaga kelishdi. Amerikalik fiziologlar tomonidan aynan shu masala yuzasidan olib borilgan tadqiqotlar, nega odam organizmidagi ayrim hujayralar saratonga qarshi himoyalanmagan bo‘ladi, degan savolni tug‘dirdi.

«Science» jurnalida chop etilgan maqolada yozilishicha, saratonga chalinish holatlarining uchdan ikki qismi tasodifiy mutatsiya natijasida yuz berarkan.

Buyuk Britaniya fondi hisoblangan «Cancer Research UK» shuni ma’lum qildiki, nosog‘lom turmush tarzi saraton xavfini oshiruvchi eng asosiy omillardan biri hisoblanar ekan.

AQSHda 6,9 % aholi saratonning yengil ko‘rinishi bilan, 0,6 % miya saratoni bilan hamda 0,00072 % aholi esa ovoz yo‘llari saratoni bilan og‘rigan.

Chekish va o‘zida zaharli moddalarni mujassamlashtirgan tamaki tutuni o‘pka saratonini keltirib chiqargani ko‘p kuzatilgan. Bu vaziyatda miyaga qaraganda hazm qilish organlari turli zaharli moddalarga ko‘proq duch kelar ekan. Lekin shunday bo‘lsada, ichakdagi saraton shishlariga nisbatan miyadagi shishlar uch baravar ko‘p uchraydi.

Jon Xopkins nomidagi Universitetning tibbiyot fakulteti va Bloomberg jamiyat salomatligi instituti olimlari bu muammo aslida turli hujayralar almashinuviga bog‘liq ekanligini aniqlashdi. Xavfli jarayon inson organizmida yemirilgan va yaroqsiz holga kelgan hujayralar doimiy almashinib turadi. Mana shu almashinuv jarayoni sodir bo‘layotgan davrda saratonli mutatsiyaga uchrash xavfi kuchayadi.

Hujayralarning katta tezlikda rivojlanishi terining holatiga bog‘liq. Masalan, ichak terisinining hujayralari miyanikiga qaraganda bir necha barobar tez tiklanadi.

Bir guruh fiziolog olimlar 31 xil terini hamda insonning hayot davomida saraton shishlariga moyilligini o‘rganib chiqishdi. Tadqiqot natijasida, shunday xulosaga kelishdiki saraton xavfining uchdan ikki qismi hujayralar almashinuvi davriga to‘g‘ri kelar ekan. Hech qanday tashqi muhitga emas. Shuningdek, miyadagi va oshqozon osti bezidagi shishlar bir necha xil bo‘lar ekan.

Olib borilgan izlanish mualliflaridan biri onkologiya professori Kristian Tomasettining fikricha, "Yaxshi profilaktika ishlarini olib borish bilan saratonning oldini olish mumkin ekan."«Agar saraton shishlarining uchdan ikki qismi hujayralarning bo‘linishi va almashinuvi natijasida hosil bo‘lishini hisobga oladigan bo‘lsak, mutaxassislarga tekshirtirib, kasallikning oldini olsa bo‘ladi, deb hisoblayman», - deydi u.

Demak, saraton kasalligining uchdan ikki qismi yuqorida aytib o‘tilgan jarayon natijasida yuzaga keladigan bo‘lsa, qolgan bir qismi barchaga ma’lum sabablar tufayli paydo bo‘ladi:
— Ultrabinafsha nurlari natijasida hosil bo‘ladigan melanoma - teri saratoni;
— Chekish sababli yuzaga keladigan - o‘pka saratoni;
— Noto‘g‘ri ovqatlanish tufayli va bir qancha genetik omillar ta’sirida ovqat hazm qilish organlarida paydo bo‘ladigan yo‘g‘on ichak saratoni bunga misol bo‘la oladi.

«Cancer Research UK» xayriya jamg‘armasi o‘tkazgan mustaqil tekshiruvlar shuni ko‘rsatdiki 40 % saraton kasalligi tashqi muhitning ta’siri asosida paydo bo‘ladi.

Fondning ijtimoiy aloqalar vakili doktor Emma Smitning ta’kidlashicha, noto‘g‘ri ovqatlanish jarayonidagi semizlik, chekish va spirtli ichimliklar ichish insonda saratonning turli ko‘rinishlarini paydo bo‘lishiga olib keladi.

Sarvar Anvar o‘g‘li tarjimasi

Qo'shimcha ma'lumotlar:

- Saraton hujayralarining bo'linishi.
- Saraton hujayralarining hosil bo'lishi.
- Saraton kasalligini davolashning yangi usuli.
- Saraton bilan sinovga olgan Allohga hamd bo'lsin !


@miracles_of_quran Ochish/sharhlash

2021-03-08 18:20:00 ​​ Chaqaloqning tanglayini ko'tarishning ilmiy dalillarga asoslangan foydasi.!

Payg‘ambarimiz Muhammad sollallohu alayhi vasallamning go‘zal bir sunnatlari g‘arb olimlarining ilmiy tadqiqotlarida o‘z tasdig‘ini topdi. Bu haqda Islam-Today sayti xabar berdi.

Fanda "tahnik", ya’ni chaqaloqning tanglayini ko‘tarish sunnatining foyda ekani ma’lum bo‘ldi. Musulmonlarda keng tarqalgan tahnik sunnati chaqaloqning og‘ziga biroz chaynalgan xurmo yoki boshqa mevani solib, tanglayiga surtish bilan ado etiladi.

Imom Muslim rivoyat qilgan hadisi sharifga ko‘ra, Rasululloh sollallohu alayhi vasallamning huzurlariga yangi tug‘ilgan chaqaloqni ko‘tarib kelishsa, u zot bolaning haqqiga duo qilib, xurmo chaynab, uning tanglayini ko‘tarib qo‘yardilar. 1/237

Ma’lumki, mo‘min-musulmonlar Islomdagi har bir hukm va ko‘rsatmani Alloh taoloning amri, Rasululloh sollallohu alayhi vasallamning sunnatlari deb, ixlos bilan, savob umidida ado etadilar. Bundan boshqa hech qanday moddiy yoki boshqa manfaat kutmaydilar. Zero, Qur’onga va Sunnatga amal qilishning ajru savobi butun olamdagi har qanday manfaatdan ulug‘ va ustundir.

Ammo Parvardigorimizning cheksiz rahmati tufayli shariatimizning har bir ko‘rsatmasi zamirida olam-olam manfaatlar – axloqiy, ijtimoiy, iqtisodiy, tibbiy va boshqa ko‘plab foydalar yotadi.

— Zamonaviy ilm-fan rivojlanib borgan sari, shar’iy hukmlarning bu jihatlari tobora ko‘proq kashf qilinmoqda. Ana shunday sunnatlardan biri bu — tahnikdir. Bu sunnat amalini tibbiy foydalarini aniqlash sharafi bir guruh g‘arb olimlariga nasib etdi.

Buyuk Britaniyaning VVS korporasiya tomonidan efirga uzatilgan bir ko‘rsatuvda ekspertlar «chaqaloqning og‘ziga, lunjining ichkarisiga surilgan shakar eritmasi muddatidan erta tug‘ilib qolgan bolaning miyasini shikastlanishdan asraydi» degan fikrni ta’kidlab chiqishdi.

— Tadqiqotlarning ko‘rsatishicha, chala tug‘ilgan har o‘nta chaqaloqning birida gipoglikemiya, ya’ni qonda qand moddasi miqdorining juda kamligi kuzatilar ekan. Agar bu holat o‘nglanmasa, chaqaloqning miyasiga shikast yetar ekan.

Yangi Zelandiyalik shifokorlar yuqoridagi kabi lunjiga shakar eritmasi surilgan 242 nafar yangi tug‘ilgan chaqaloqning qonini tekshirib ko‘rib, ko‘zlariga ishonmay qolishdi. Natija misli ko‘rilmagan darajada edi!
Klinik tadqiqotlarning natijalari The Lancet nashrida chop etildi.

Tadqiqot guruhining rahbari, Oklend Universiteti professori Jeyn Xarding xonimning aytishicha, dekstroza (d-glyukoza) eritmasi bilan bajariladigan bu muolaja atigi 1 funt turadi va chaqaloqning tomiriga glyukoza yuborishdan ko‘ra anchagina oson va xavfsiz amalga oshiriladi. «Chala tug‘ilgan chaqaloqlarni tinimsiz ovqatlantirib turish gipoglikemiya xavfini to‘liq bartaraf qila olmaydi, shuning uchun ko‘pincha glyukoza tomir orqali yuboriladi», deydi u. Bundan tashqari, dekstroza eritmasi gipoglikemiyaga chalingan chaqaloqlarga kuchli ovqatlanishdan ham ko‘ra yaxshiroq samara beradi.

London Universiteti qoshidagi kollejning Ayollar salomatligi instituti xodimi Neyl Marlouning fikricha, mutlaqo arzonga tushadigan, samarasi tajribalarda o‘z isbotini topgan dekstroza eritmasi bilan davolash usuli shifokorlar tomonidan majburiy ravishda qo‘llanilishi lozim.

Ilmiy o‘rganishlar shuni ta’kidlaganki, tanglay ko‘tarishning quyidagi manfaatlari ham bor:

Og‘iz mushaklarini baquvvat qiladi;
Tilning tanglay, ikki jag‘ ila faol harakatiga sabab bo‘ladi;
Go‘dakni ko‘krakni og‘izga olishga tayyorlaydi;
Go‘dak sutni ichiga kuchli tarzda tortishiga yordamlashadi;
Hazm sistemasiga qon aylanish faolligini ta’minlaydi;
Yutish va emish a’zolarini tabiiy harakatga keltiradi;
Tanglay ko‘tarish asnosida go‘dak halqumining yuqori shifti presslanishining og‘izga tabiiy shakl berish hamda go‘dak gapirishni boshlayotganda harflarni o‘z o‘rnidan chiqarishi, to‘g‘ri talaffuz qilishga katta ijobiy ta’sir qiladi!

www.islom.uz


@miracles_of_quran Ochish/sharhlash

2021-03-08 15:00:01 #Tezkor

Turk matbuoti !

"Quddus, bizni kut. Qasam ichamiz, biz hali qaytamiz"

Manba Ochish/sharhlash

2021-03-02 18:20:00 ​​ Zamzamning har bir kristali KA’BA shakliga o‘xshashi ma’lum bo‘ldi !

Zamzam suvi kristallarining shakli sizni ham hayratga soladi. Zamzam suvi cherkovlarda chalinadigan "qo‘ng‘iroq" ovozidan qorayadi, azon aytilganda yoki Qur’oni karim o‘qilganda esa tiniqlashadi. Cho‘lning o‘rtasida to‘rt ming yildirki, buzilmay, ifloslanmay, ichida begona o‘tlar o‘smasdan oqayotgan bu muqaddas suv har yili umra va hajga kelgan millionlab musulmonni to‘ydirmoqda. Jannatdan oqib kelgan deb e’tiqod qilinadigan Zamzam suvi haqida TRT telekanali hujjatli film tayyorladi.

Ushbu filmni suratga olish mobaynida Zamzam va uning kristallari haqida tadqiqot o‘tkazgan g‘ayrimusulmon olimlar bu buloqning sirlaridan voqif bo‘ldilar.

Germaniyalik doktor Knut Pfayffer (Dr. Knut Pfeiffer) ana shunday olimlardan biridir. Reyn daryosi suvidan ichgan kishining kuch-quvvati kamayganini hujjatlar bilan tasdiqlagan doktor Pfayffer Zamzam suvini tadqiq etish natijasida bu suvdan ichgan kishining rohatlanishini isbotladi.

Zamzam suvining bir piyolasi bir chelak suvni tozalaydi. Tadqiqotlarini chuqurlashtirgan nemis doktori o‘zini ham qattiq ajablantirgan bir holni kashf etdi. Pfayffer buni shunday izohlaydi: «Zamzam suvi har qanday sharoitda asl holatini o‘zgartirmaydi, ammo boshqa narsalarni o‘zgartiradi». Nemis olimi quyidagilarni ta’kidlaydi: «Juda ajoyib tajriba qildim. Bir tomchi Zamzam suviga yuz tomchi oddiy suvdan aralashtirdim. Qarasam, bu suv butunlay Zamzam suviga aylanibdi. Keyin bir tomchi Zamzam suviga ming tomchi oddiy suvdan aralashtirdim. Bunda ham oddiy suvning hammasi Zamzam suviga aylanganini ko‘rdim.

Ovozlar Zamzam suvini o‘zgartiradi. Tadqiqotlarga ko‘ra, Zamzamning ilk otilib chiqqan yerdagi issiqligi 37° C darajadir.

Qaysi niyat bilan ichilsa, o‘sha dardga shifo bo‘ladigan va 66 nomga ega bo‘lgan Zamzam suvi ovozlarga ko‘ra o‘zgarib turadi. Buni Yapon olimi Doktor Masura Emoto isbotlagan.

Zamzam suvi kristallarini ilk marta mikroskopda tadqiq etgan Doktor Emoto Zamzam suviga turli ovozlarning ta’sirini o‘rgangan. Zamzam suvining molekulyar (kristall) tartibining farqli ovozlarda o‘zgarib turishini o‘rgangan Yapon olimi bu suv rangining cherkovlarda chalinadigan qo‘ng‘iroq ovozidan qorayishini, azon va Qur’oni karim o‘qilganda esa tiniqlashishini tasdiqladi.

Tadqiqotlarda suvning har bir kristali Ka’ba shakliga o‘xshashi ham ma’lum bo‘ldi. Zamzam suvi haqida yozgan kitobi Yaponiyada eng ko‘p sotilgan kitoblar orasidan o‘rin olgan Doktor Emotoning fikricha, Zamzam suvi fizikaviy va kimyoviy xususiyatlari jihatidan dunyodagi butun suvlardan farqlidir.

Doktor Emotoning aytishicha, Zamzam suvi o‘zining atrofidagi butun jarayonlarni hofizasiga oladi. Uning tarkibi boshqa suvlardan juda ham farqlidir. Bu uning dunyodagi boshqa moddalardan ustunligiga dalolat qiladi. «Musulmonlar xasta odamni davolashda nega Qur’oni karimni o‘qib, suvga dam urishlarini endi yaxshiroq tushunmoqdaman», deydi olim.

Jahon Sog‘liqni saqlash tashkilotining xulosasi.

Bu xulosaga ko‘ra, Zamzam suvi ichishga yaroqli va sog‘liq uchun foydali suvdir. Amerikada o‘tkazilgan tadqiqotlarga ko‘ra, dunyodagi mikroorganizm va bakteriyalar bo‘lmagan yagona suv Zamzam suvidir. Ovro‘padagi laboratoriya tadqiqotlari esa yuqumli kasalliklarga qarshi ta’sirchan bo‘lgan Zamzam suvida uglevodorod va oltingugurt moddalarining boshqa suvlardagiga nisbatan kamroq miqdorda ekanligini va bu suvning to‘ydirish xususiyati juda katta ekanligini ko‘rsatgan.

“Qur'on va Sunnatdagi ilmiy mo'jizalar” kitobidan

Zam-zam suvi haqida batafsil ma'lumotlar

@miracles_of_quran Ochish/sharhlash

2021-02-23 18:20:00 ​​ Balchiq haqidagi haqiqatlar !

Balchiq deganda hammamizning ko‘z o‘ngimizga chivin bosgan, yuqumli kasalliklar uyasi bo‘lmish botqoqliklar keladi. «Balchiqdan eng go‘zal sopol ashyolar qilinadi», deguvchilar ham bor.

• Holbuki, balchiq bo‘lmaganda, na elektronika ilmi dunyoga kelardi, na qit’alararo va sun’iy yo‘ldoshlararo aloqa bo‘lardi. Hatto XX asrning ulkan kashfiyoti bo‘lmish kompyuter ham ishlab chiqarilmagan bo‘lardi. Elektronik unsurlarning (diod, tranzistor, rezistor va hokazo) asosi bo‘lgan yarim o‘tkazgichlar balchiqdan boshqa narsa emasdir. O‘zaro simaloqalarda yangi yo‘l ochgan «super o‘tkazgichlar» ham balchiqning bir mevasidir.

Balchiq yaxshi bir katalizatordir. Neftni qayta ishlashda tezlashtiruvchi vazifasini bajaradi. Zaharni so‘rib oladi. Zaharli moddalarning zahrini yutib, ularni zararsizlantiradi. Yana bir muhim xususiyati – u kuchli bir radiaktiv so‘ruvchidir. Radiaktiv unsurlarning nurlarini so‘rib, atrof-muhitga yetkazishi mumkin bo‘lgan zararini kesadi.

Balchiqda hayot bor !

Doktor Leyl M.Koyne shunday deydi: «Sokin va turg‘un bo‘lib ko‘ringan balchiq aslida ichi harakatga to‘la, sirli bir dunyodir. Balchiqning bir bo‘lagiga bolg‘a bilan urdim. Laboratoriyada bir oy davomida ultraviol quvvat vujudga keltirganini kashf qildim. Balchiqning yuksak bir quvvat manbai ekanini ko‘rib, hayratga tushdim».

• Balchiq kristall unsurlardan tashkil topgan. Kristall molekulalari lavha yoxud yaproq shaklida tizmalar hosil qilgan. Ularda ion tizmasi kuzatiladi. «Kimyoviy reaksiyani boshlovchi» degan nom berilgan bu ionlar balchiqning har bir jinsida o‘ziga xos dasturga ko‘ra harakat qiladi. Bu vazifasi bilan balchiq ho‘jayralardagi unsurlarni esga soladi. Chunki unsurlar ham xujayralarda kuchaytiruvchi vazifasini bajaradilar.

• Balchiq o‘zini yangilaydimi ? Tadqiqotlardan ma’lum bo‘ldiki, tashqi ta’sirdan balchiqning ion tizmalari buzilsa, sal vaqt o‘tib, kristall lavhalar yana qaytadan ion tizmalarini tiklar ekan.

Jeym Gleykning fikricha: «Balchiqning kristall lavhalari ustidagi ion tizmalarining harakati shaxmat taxtasidagi toshlarning mantiqli bir harakati kabidir».

Leyl M.Koyn esa quyidagilarni ta’kidlaydi: «Balchiqning kristall tuzilishi sobit emas. Molekula tizmasi sobit bo‘lgan kristallar oppoq qog‘oz singaridir. Atrofdan ta’sirlanish faqat ion zanjirlarining harakatiga, ya’ni elektrik oqimiga bog‘liq bir holatdir. Hayotning eng oddiy faoliyati ham atrofdan quvvat olish va undan foydalanishdan iborat. Keyingi bosqich esa o‘zini yangilashdir. Bu har ikki faoliyatning balchiqda borligi hayotning balchiqdan boshlangani haqidagi nazariyani yanada kuchaytiradi».

Doktor X. Xartman nazarda tutgan «Hayotga hayot bag‘ishlovchi» u narsa – oyat va hadislar bildirgan ruhdir. Ruh harakatining mohiyatini esa inson zoti tushunolmaydi.

• Alloh taolo Isro surasida shunday marhamat qiladi:

«Va sendan ruh haqida so‘rarlar. Sen: «Ruh Robbimning ishidir. Sizga juda oz ilm berilgandir», deb ayt» (85-oyat).

• Ruh, uning mohiyati va unga tegishli boshqa narsalar Allohning ishi, bandaning ishi emas. Banda qanchalik maqtanmasin, ilmi ozdir: «Sizga juda oz ilm berilgandir».

• Bandaning o‘zidagi ana shu oz ilm bilan gerdayishi ham olamni buzadi. Aslida esa o‘z idroki yetadigan, o‘ziga foyda keltiradigan narsalarni bildirgan Alloh taologa shukr etib, qolganini U Zotga havola qilishi kerak edi. Insonning hamma narsasi cheklangandir. Jumladan, aqli, idroki ham mahduddir. U aqli, idroki doirasidagi ishlar ila shug‘ullanib, undan tashqaridagi narsalar xususida behuda bosh qotirmasligi kerak. Bular qatoriga ruh masalasi ham kiradi.

• Hozirgacha insonning ruh haqida biror narsa bilish uchun qilgan barcha harakatlari behuda ketdi. Ruh haqida hech narsa bila olmadi. Inson ruh haqida bilgan birdan-bir narsa Alloh yuborgan vahiy, xolos.

“Qur'on va Sunnatdagi ilmiy mo'jizalar” kitobidan


@miracles_of_quran Ochish/sharhlash

2021-02-18 18:20:00 ​​ Esnash Shaytondan.

Abu Hurayra roziyallohu anhudan rivoyat qilinadi: «Nabiy sollallohu alayhi vasallam shunday dedilar: «Alloh aksa urishni xush ko‘radi, esnoqni esa xush ko‘rmaydi. Aksa urib, Allohga hamd aytsa («Alhamdulillah» desa), tashmit aytish («Yarhamukalloh» deyish) uni eshitgan har bir musulmonning zimmasiga haqdir. Esnoq esa faqat shaytondandir. Kishi qo‘lidan kelganicha uni qaytarsin. Qachon «Hooh», desa, shayton uning ustidan kuladi».Buxoriy rivoyat qilgan.

• Esnash kishining jismi va ruhi og‘irlashgani, xiralashgani alomatidir. U hech qachon yaxshilik alomati bo‘lishi mumkin emas. Shuning uchun musulmon kishi iloji boricha o‘zidan esnoqni qaytarishi kerak bo‘ladi.

• Esnashni hamma xalqlar ham yaxshi narsa deb bilmaydilar. Esnash eng kamida dangasalikning alomatidir. Nabiy sollallohu alayhi vasallam esa uni «shaytondandir», demoqdalar. Shuning uchun esnoqni doimo, ayniqsa namozda qaytarishimiz kerak. Bo‘lar-bo‘lmasga esnayverib, shaytonning kulgisiga qolmasligimiz lozim.

• Mashhur alloma Ibn Hajar rahmatullohi alayhi o‘zining Sahihi Buxoriyga yozgan «Fathul Boriy fiy sharhi Sahihi Buxoriy» nomli kitobida biz o‘rganayotgan hadisi sharifning sharhida Xattobiy rahmatullohi alayhidan quyidagilarni keltiradi:

• «Ikkisidagi (aksa urish va esnashdagi) yaxshi va yomon ko‘rishning ma’nosi ularning sababiga qaytadi. Aksa urish badanning yengilligi, burun teshiklarining ochiqligi va haddan tashqari to‘yib yemaganlik alomatidir. U esnashning teskarisidir. Chunki esnash badan illatga to‘lgani va uning og‘irlashgani alomatidir. Esnash aralash-quralash qilib ko‘p yeyishdan kelib chiqadi. Aksa urish kishini ibodatga g‘ayratli qiladi. Esnash esa uning aksidir».

• Hozirgi davrdagi tibbiyot mutaxassislari esnash bosh miyaning kislorodga, jismning g‘izoga hojati borligining alomatidir, deydilar. Nafas olish a’zolari bosh miya va jismga kislorod yetkazib berishda kamchilikka yo‘l qo‘ysa, esnash boshlanadi. Bu holat ko‘proq uyqusirash, o‘zidan ketish va o‘limdan oldin bo‘ladi.

• Esnash og‘iz orqali chuqur nafas olishning bir turidir. Aslida og‘iz chuqur nafas olishning tabiiy yo‘li emas. Chunki u burunga o‘xshab, nafas orqali olingan havoni tozalash jihoziga ega emas. Shuning uchun esnash paytida og‘iz katta ochilganda va chuqur nafas olish ila havo ichga tortilganda havoga qo‘shilib turli g‘ubor va mikroblar odamning ichiga kiradi.

Shuning uchun ham Muhammad Mustafo sollallohu alayhi vasallam iloji boricha esnashni qaytarishga va og‘izni o‘ng qo‘lning kafti yoki chap qo‘lning orti bilan to‘sishga irshod qilganlar.

• Aksa urish esa esnashning aksidir. U to‘satdan keladi va kuchli bo‘ladi. Uning sababidan havo o‘pkadan burun va og‘iz orqali kuch bilan chiqadi. U o‘zi bilan birga yo‘lida turgan havo, mikrob va boshqa narsalarni ham olib chiqadi. Shuning uchun ham aksa Rohmandan bo‘lishi tabiiydir, chunki unda jism uchun foyda bordir. Esnash esa shaytondandir, chunki unda jismga zarar bordir.

Shuning uchun ham aksa urgan odamga Alloh taologa hamd aytish, esnagan odamga esa shaytondan panoh tilash lozim bo‘ladi.

“Qur'on va Sunnatdagi ilmiy mo'jizalar” kitobidan


@miracles_of_quran Ochish/sharhlash

2021-02-11 18:20:00 ​​ Aksirish ham bir ne’matdir !

Abu Hurayra roziyallohu anhu rivoyat qiladilar: Rasululloh sollallohu alayhi vasallam aytdilar: “Alloh taolo aksirishni yaxshi ko‘radi, esnashni esa yomon ko‘radi. Qachonki, biror shaxs aksirsa va “Alhamdulillah” desa, uni eshitgan musulmon zimmasida, unga “Yarhamukalloh” deyishi haq (shart) bo‘ladi. Esnash esa shayton tarafidan bo‘ladi. Qachonki, biror kimsaga esnash kelsa, imkon boricha uni qaytarsin. Negaki, inson qachon esnasa, shayton kuladi, ya’ni xursand bo‘ladi. Shuning uchunki, esnash yalqovlik va g‘aflat belgisidir. Shayton esa bu kabi ishlarni yaxshi ko‘radi” (Imom Buxoriy rivoyati 5870).

Hind olimlaridan Professor Nasrulloh Xon aytadilar: “Bir Britaniyalik Doktor musulmonlarning Payg‘ambari sollallohu alayhi vasallamning: “Biror musulmon aksirsa va “Alhamdulillah” desa, uning yonida o‘tirgan musulmon “Yarhamukalloh” desin, aksirgan esa yana javobda, «Yahdikumulloh» desin degan xadisi shariflarini o‘qib, o‘ylab qoldi: «Bir oddiygina ish uchun shuncha duo o‘qishning sababi nima?»

U tadqiqot olib bordi va shu narsa ma’lum bo‘ldiki, shuncha duo o‘qish ortiqcha, behuda ish emas, balki, Alloh taologa shukrdir. Chunki, tadqiqotdan shu narsa yuzaga keldiki, ba’zan inson miyasining qon tomirida havo turib qoladi. Alloh taolo uni chiqarib yuborish uchun bir bosimni joriy qilgan.

Mutaxassislarning ta’kidlashicha, aksirish burun teshigi hamda nafas muskullarining tebranishli harakati bilan havoni bir onda og‘iz va burundan chiqarish hodisasi.

Aksirish bilan vujudimizda:

Oddiy nafas olish bilan chiqmagan o‘lik havo chiqib ketadi.
Yurak millisoniyalar ichida to‘xtab, yana ishga tushadi.
Vujuddagi ba’zi zararli toksinlar tashqariga chiqib ketadi.
Miya va yurak tomirlari kengayadi.
Ko‘zyoshi kanallari ochiladi.

Shunday qilib, aksirish bosimi orqali, o‘sha havo burun yo‘lidan tashqariga chiqib ketadi. Agar havo chiqmay, turib qolsa, inson falaj (shol) bo‘lib qolish xavfi bo‘ladi. Shuning uchun aksirgan inson «Alhamdulillah» deyishi, Alloh taologa bu ne’mat uchun shukr qilishi kerakdir.

“Bugungi saboq” kitobidan.
Abdulqayyum Komil tarjimasi

Qo'shimcha ma'lumotlar.

Nimaga aksirish paytida ko'zimizni yumamiz?
Aksirganda hamd aytish !
Aksirgandagi havo tezligi
Video lavha


@miracles_of_quran Ochish/sharhlash

2021-02-05 18:20:00 ​​ “Ziyo” va “Nur” orasidagi farq !

• Qur’oni Karim nozil bo‘lgan paytda odamlar Oyning nuri bilan Quyoshning nurini ajrata olmas edilar. Yorug‘lik va issiqlikni Quyosh taratishini, Oy esa Quyoshning ziyosini aks ettiradigan sovuq jism ekanligini anglamasdilar.

• Qur'oni karim Oyni “nur” deb, Quyoshni “ziyo” deb vasf qildi. Darhaqiqat, bugungi zamonaviy ilmning aytishicha, Quyosh lovullab turgan "yadro pechkasi" bo‘lib, uning ichida birikish reaksiyalari sodir bo‘lib, vodorod moddasi geliyga aylanadi, buning natijasida har soniyada fazoga hayratlanarli darajada ko‘p miqdorda energiya tarqatar, Yerga esa bu energiyaning ozgina miqdori yetib kelar, ushbu yetib kelgan oz miqdordagi energiya Yerdagi hayotning davom etishi uchun yetarli hisoblanar ekan.

• Ushbu Quyosh energiyasi Oyga ham yetib boradi. Ana shu paytda Oy Yerda nurli bo‘lib ko‘rinadi. Nur – haroratsiz yorug‘lik bo‘lib, bizga Oy sirtidan yetib keladi. Aslida esa o‘sha nur Oyning o‘ziniki bo‘lmay, balki, Quyoshdan kelgan energiyaning Oy orqali Yerga aks etishidir. Bunda Oy faqat ko‘zgu vazifasini o‘tab beradi.

Qur’oni karim bundan o‘n to‘rt asr oldin bu haqida ochiq-oydin gapirgan:

“U quyoshni ziyo va oyni nur qilgan hamda sizlar yillarning adadini va hisobini bilishingiz uchun uning manzillarini o‘lchovli qilgan zotdir. Alloh o‘shani faqat haq ila yaratdi. U biladigan qavmlar uchun oyatlarini batafsil bayon qiladi”. (Inson hayoti davomida doimiy his etib turadigan mavjudotlardan biri quyosh, yana bittasi oydir. Lekin inson ularning mavjudiyatiga o‘rganib qolganidan ko‘p ham e’tibor bermaydi) (Yunus surasi, 5-oyat).

• Insoniyat ilm va texnologiya orqali yaqin yillar ichida o‘rgangan haqiqatlarning bundan o‘n to‘rt asr oldin, bu haqiqatlar haqida o‘ylash bashariyatning xayoliga kelmagan bir paytda Qur’onda baralla aytilishi – Qur’on Allohning Kalomi, Muhammad sollallohu alayhi vasallam Uning oxirgi Rasuli ekanliklariga dalolat qiladi !

Nozimjon Hoshimjon


@miracles_of_quran Ochish/sharhlash