Сурхондарё вилояти ҳокимлиги матбуот хизмати

Вилоят ҳокими кейинги манзилда Қизириқ туманининг 2-сонли умумтаълим мактабида бўлиб, 2 та хорижий тил ва 1 та касб-ҳунар ўргатишни йўлга қўйиш бўйича қилинган ишлар билан танишди.

Ўқув жараёнларининг бориши, хорижий тилларни ўқитиш ва касб-ҳунар ўргатиш хоналарининг ташкил этилганлиги ҳамда жиҳозланиши кўздан кечирилди. Ўқитувчи ва ўқувчилар билан суҳбат қилиниб, дарс жараёнлари ва амалий машғулотларнинг сифатли ташкил этилиши, мавжуд муаммолар ҳақида уларнинг фикрлари тингланди.

Мактабда хорижий тилларни ўқитиш ва касб-ҳунар ўргатишни самарали йўлга қўйиш мақсадида китоблар жамланмаси, жиҳоз ва асбоб-ускуналар топширилди.

Масъулларга мактабдаги шароитларни яхшилаш юзасидан топшириқлар берилди.

Сурхондарё вилояти ҳокимлиги Матбуот хизмати

Каналга уланиш: t.me/axborot_xizmati
Telegram | Facebook | Instagram | YouTube | Web-site

Вилоят ҳокимининг топшириғидан сўнг

Хабар берганиздек, вилоят ҳокимининг топшириғига асосан Термиз шаҳридаги қатор маҳаллаларда ободонлаштириш, чиқиндиларни тозалаш, инфратузилмани ривожлантириш борасида ишлар амалга оширилмоқда.

Хусусан, куни-кеча ўрганиш ишлари олиб борилгана "Тупроққўрғон" маҳалласида ҳам ишлар бошлаб юборилди.

Мааҳалла ҳудудидаги кўп қаватли уйларда лифтлар тўлиқ ўрнатилди. Маҳалланинг 1,2 км кўчаларига цемент-бетон қоплмаси ётқизиш режалаштирилган бўлиб, 700 метр қисмидаги ишлар якунига етказилди. Режалаштирилган 2,5 км пиёдалар йўлакчасининг 1 350 метр қисми тўлиқ барпо этилди.

Шунингдек, 2 та болалар майдончаси қурилиши бошланганди ва кўп қаватли уйлар атрофини ободонлаштириш, чиқиндиларни тозалаш, болалар майдончаларини тартибга келтириш, дарахтларни буташ, оқлаш ишлари давом этмоқда.

Сурхондарё вилояти ҳокимлиги Матбуот хизмати

Каналга уланиш: t.me/axborot_xizmati
Telegram | Facebook | Instagram | YouTube | Web-site

Вилоят ҳокимининг топшириғидан сўнг

Сурхондарё вилояти ҳокими Улуғбек Қосимов кеча Термиз шаҳридаги маҳаллаларда олиб борилаётган ишлар билан танишиб, амалга оширилиши лозим бўлган вазифаларни белгилаб берган эди.

Бугун ушбу топшириқлар ижросига киришилди. Термиз шаҳри "Юлдуз" маҳалласида кўп қаватли уйлар атрофини ободонлаштириш, чиқиндиларни тозалаш, болалар майдончаларини тартибга келтириш, дарахтларни буташ, оқлаш ишлари бошлаб юборилди.

Шунингдек, ҳудуддаги ноқонуний қурилмалар бартараф этилиб, қурилиш чиқиндилари олиб чиқилди. Оқова сув тармоғидаги носозликлар бартараф этилиб, барқарор ишлаши таъминланди.

Маҳалла инфратузилмасини яхшилаш ишлари давом этмоқда.

Сурхондарё вилояти ҳокимлиги Матбуот хизмати

Каналга уланиш: t.me/axborot_xizmati
Telegram | Facebook | Instagram | YouTube | Web-site

Шеробод марказий деҳқон бозорида берилган топшириқлар ижроси ўрганилди

Ҳудудларда қурилиш соҳасида олиб борилаётган ишлар, берилган топшириқлар ижросини ўрганиш ва келгусидаги вазифаларни белгилаб олиш мақсадида вилоят ҳокими Улуғбек Қосимов Шеробод туманига келди.

Дастлаб, Шеробод тумани марказий деҳқон бозорида берилган топшириқлар ижроси ўрганилди. Топшириққа мувофиқ сув таъминоти лойиҳаси якунланган, йўл қурилишининг биринчи босқичи амалга оширилган. Бироқ, бозор атрофини тартибга келтириш охирига етказилмаганлиги танқид қилинди.

Бозор ҳудудини тартибга келтириш, автотураргоҳни кенгайтириш ишларини якунлаш, транспорт хизмати кўрсатувчи ва фойдаланувчилар учун қулайликлар яратиш топшириғи берилди.

Вилоят раҳбари шу ернинг ўзида фуқаролар билан мулоқот қилиб, уларнинг мурожаатларини тинглади. Кўтарилган масалаларни батафсил ўрганиб, ҳал қилиш бўйича масъулларга вазифалар юкланди.

Шеробод туманидаги ўрганиш ишлари давом этмоқда.

Telegram | Facebook | Instagram | YouTube | Web-site