Сурхондарё вилояти ҳокимлиги матбуот хизмати

Президент топшириғи ижроси: Сурхондарёда ёшлар билан ишлашнинг янгича тизими амалда

Давлатимиз раҳбари томонидан ёшлар билан ишлашни янгича тизимда ташкил этиш бўйича белгилаб берилган топшириқларга асосан Сурхондарёда секторлар, ташкилот, идора, бошқарма ва олий таълим муассасалари раҳбарларига ёшлар бириктирилиб, улар билан манзилли ишлаш йўлга қўйилди.

Хусусан, Марказий банк Сурхондарё вилояти бошқармаси раҳбарига Денов туманидаги “Гулобод”, “Меҳнатобод”, “Ойбарак” ва “Ўртақишлоқ” маҳаллаларида яшовчи 50 нафар ёшлар бириктирилган. Вилоят ҳокими раҳбарлигида ёшлар билан янгича тизимда ишлаш борасида олиб борилаётган ишлар танқидий-таҳлилий муҳокама қилиниб, Марказий банк вилоят бошқармаси раҳбарига бириктирилган ёшлардан 26 нафари билан қайта учрашиб уларнинг муаммоларини ўрганиб чиқиш ҳамда амалий ёрдам бериш топшириғи берилган эди.

Топшириққа асосан банк рахбарияти томонидан қайд этилган 26 нафар ҳамда қўшимча равишда 5 нафар ёшлар билан хонадонбай учрашилди. Ёшларни қийнаб келаётган муаммолари ҳамда таклифлари ўрганиш давомида тоифаларга ажратилиб олиниб, ҳар бир ёш билан алоҳида ишлаш юзасидан йўл харталари белгилаб олинди.

Ўрганишлар давомида, ёшларга уй-жойини таъмирлаш, даволаниш, дори-дармон, маиший техникалар олиш, ўзини ўзи банд қилиши учун тикувчилик дастгоҳи ва мотокултиватор ажратиш, ўқиш контракт тўлови, ногиронлик аравачаси билан таъминлаш ва бошқа масалалардаги муаммоларини ҳал этишда кўмак кўрсатилди.

Сурхондарё вилояти ҳокимлиги Матбуот хизмати

Каналга уланиш: t.me/axborot_xizmati
Telegram | Facebook | Instagram | YouTube | Web-site

Бойсунда 100 ўринли янги боғча фойдаланишга топширилди

Бугун Бойсун тумани “Сайроб” маҳалласида лойиҳа қиймати 2,6 млрд сўм бўлган давлат-хусусий шерикчилик асосидаги 100 ўринли нодавлат мактабгача таълим ташкилоти ўз фаолиятини бошлади.

Боғчанинг тантанали очилиш маросимида давлат ва жамоат ташкилотлари вакиллари, нуронийлар, ёшлар ва маҳалла фаоллари иштирок этишди. “Сайроб” маҳалласида 3-7 ёшдаги 300 нафарга яқин болалар бўлиб, эндиликда уларнинг 100 нафари ушбу боғчада мактабгача таълимга қамраб олинади. Шунингдек, ушбу лойиҳа доирасида 20 та янги иш ўринлари яратилди.

Маълумот учун, бугунги кунда Бойсун туманида жами 93 та мактабгача таълим ташкилотлари фаолият кўрсатаётган бўлиб, уларнинг 20 таси давлат, 10 таси давлат хусусий-шерикчилик асосидаги ҳамда 63 та оилавий нодавлат мактабгача таълим ташкилотлари ҳиссасига тўғри келади. Мавжуд боғчаларда тумандаги 3-7 ёшдаги болаларнинг 59,2 фоизи мактабгача таълимга қамраб олинган.

Эслатиб ўтамиз, вилоят ҳокими Улуғбек Қосимов Бойсун тумани “Сайроб” маҳалласига ташрифи чоғида ушбу боғча қурилиши тўхтаб қолиш сабабларини ўрганиб, масъулларга муаммоларни бартараф этиш, тадбиркорга қурилиш ишларини сифатли якунлаб, боғча фаолиятини бошлаш топшириғини берган эди.

Сурхондарё вилояти ҳокимлиги Матбуот хизмати

Каналга уланиш: t.me/axborot_xizmati
Telegram | Facebook | Instagram | YouTube | Web-site

Сурхондарёда ғалла ўрими бошланди

Бугундан бошлаб Сурхондарё вилоятида ғалла ўрим-йиғим мавсуми бошланди. Хусусан, бугун эрта тонгдан Музработ ва Жарқўрғон туманларида ўрим-йиғим ишларига киришилди. Вилоят ҳокими Улуғбек Қосимов Жарқўрғон туманидаги “Жарқўрғонлик Жамшидбек” фермер хўжалиги ғалла майдонида бўлиб, ўрим-йиғим жараёнларининг бориши билан танишди.

Шунингдек, шу ернинг ўзида туман сектор раҳбарлари, отярдлар, фермер хўжаликлари вакиллари, комбайн ҳайдовчилари, хўжалик ишчилари билан учрашув ўтказилди.

Бошланган мавсумни уюшқоқлик билан ўтказиш, ғалла донларини нес-нобуд қилмасдан йиғиб олиш лозимлиги таъкидланди ҳамда фаол ишчи ходимларга вилоят ҳокимлигининг совғалари топширилди.

Сурхондарё вилояти ҳокимлиги Матбуот хизмати

Каналга уланиш: t.me/axborot_xizmati
Telegram | Facebook | Instagram | YouTube | Web-site