Surxondaryo viloyati hokimligi

Навбатдаги тадбиркорлар қабули Термиз туманида бўлиб ўтди

Бугун вилоят ҳокими табиркорларни қийнаб келаётган муаммоларни тинглаш, масъуллар иштирокида ўрганиб чиқиш ва ечим топиш мақсадида навбатдаги “Тадбиркорлар қабули”ни Термиз туманида жойлашган Термиз агротехнологиялар ва инновацион ривожланиш институти биносида ўтказди.

Унда! 38 нафар тадбиркорнинг 43 та масаладаги муаммо, шикоят ва мурожаатлари ҳамда янги лойиҳалар юзасидан ташаббуслари тингланди. Келиб тушган мурожаатларнинг 6 таси шу ернинг ўзида ижобий ҳал этилди. Ижроси муддат ва қўшимча ўрганиш талаб қиладиган мурожаатлар тегишлилиги бўйича масъулларга йўналтирилди.

“Тадбиркорлар қабули”да иштирок этиш истагида бўлганлар қуйидаги телефон рақамларига ҳафтанинг душанба-жума кунлари соат 9:00 дан 17:00 гача мурожаат қилишлари мумкин:

(+99876) 225 12 37;
(+99891) 585 02 42;
(+99890) 645 53 80.

Сурхондарё вилояти ҳокимлиги Матбуот хизмати

Telegram | Facebook | Instagram | YouTube | Web-site

Сурхон дарёсининг бўйидаги 1 минг гектар майдонда интенсив усулда балиқ етиштириш йўлга қўйилади

Бугун ҳудудларга ташрифининг охирги манзилида вилоят ҳокими Узун тумани “Файзова” маҳалласида бўлиб, Сурхон дарёси бўйида интенсив усулда кичик ҳовузларда балиқ етиштириш ва асаларичиликни йўлга қўйиш лойиҳалари билан танишди.

Ҳозирги кунда 231 гектарда ушбу усулда балиқ етиштириш йўлга қўйилган бўлиб, уни 1 минг гектарга етказиш ҳамда асаларичиликни ривожлантиришдаги мавжуд муаммоларни ечимини қилиб, иккала тармоқни кенгайтириш лойиҳасини амалга оширишни таъминлаш бўйича масъулларга топшириқ ва кўрсатмалар берилди.

Шундан сўнг, фуқароларнинг мурожаатига асосан ҳудудга яқин жойда жойлашган қишлоқ муаммолари ўрганилиб, масъулларга электр таъминотини яхшилаш учун темир бетон устунлар ўрнатиш ва оқова сув таъминоти масаласидаги муаммони ҳал этиш учун насосларни ишлатиш бўйича вазифалар юкланди.

Сурхондарё вилояти ҳокимлиги Матбуот хизмати

Telegram | Facebook | Instagram | YouTube | Web-site

Боботоғда 10 минг гектарда писта плантацияси ташкил этилмоқда

Бугунги ҳудудларга ташрифнинг навбатдаги манзили Узун тумани Боботоғ массиви бўлди. Вилоят ҳокими “Боботоғ” ўрмон хўжалигида 10 минг гектар ер майдонида писта ва қатор оралиқларида коврак доривор ўсимлиги плантациясини ташкил этиш лойиҳаси доирасида олиб борилаётган ишларни кўздан кечирди.

Ҳозирда 1 минг гектар майдонда писта ва коврак кўчатлари экиб бўлинган. Қатор оралиқларидан доривор ўсимликлар етиштиришнинг йўлга қўйилиши, лойиҳанинг самарадорлигини янада оширади ва бир гектар майдоннинг ўзидан 120 млн доллар фойда олиш имконини беради.

Лойиҳанинг умумий қиймати 11,7 млрд сўм бўлиб, шундан, 1 минг гектар учун 1,17 млрд сўм “Боботоғ” давлат ўрмон хўжалиги маблағлари ҳисобидан, қолган 9 минг гектар учун 10,504 млрд сўм маблағлар тадбиркорлар ҳисобидан амалга оширилади. Лойиҳа тўлиқ ишга тушиши натижасида 2 мингта иш ўрни яратилади.

Сурхондарё вилояти ҳокимлиги Матбуот хизмати

Telegram | Facebook | Instagram | YouTube | Web-site

Узун тумани ҳокимлигида вилоятда чорвачиликни ривожлантириш борасида мавжуд муаммолар муҳокама қилинди.

Чорвадорлар билан мулоқот давомида уларни қийнаб келаётган муаммолар ҳудудлар раҳбарлари ва соҳа масъуллари иштирокида кўриб чиқилди. Яйловларни қайта хатловдан ўтказиб, чорвадорларга ажратиладиган майдонларни уларнинг моллари жон бошидан келиб чиққан ҳолда тақсимлаш бўйича топшириқ берилди.

Сурхондарё вилояти ҳокимлиги Матбуот хизмати

Telegram | Facebook | Instagram | YouTube | Web-site

Сариосиёда 2 322 та хонадонли “Янги Ўзбекистон” массиви бунёд этилади

Сариосиё туманида 31 гектар майдонда 2022-2026 йилларда жами 78 та 5, 7 ва 9 қаватли, 2 322 хонадонли замонавий энерго тежамкор, барча қулайликларга эга уй-жойлар, ижтимоий соҳа объектлари, кўнгилочар масканлар, савдо ва маиший хизмат кўрсатиш нуқталарини ўз ичига олган “Янги Ўзбекистон” массиви бунёд этилади.

Ҳозирги кунда унинг биринчи босқичида 19 та 5 ва 9 қаватли, 728 та хонадондан иборат турар-жойлар қурилиши якуний босқичда олиб борилмоқда.

Бугун вилоят ҳокими мазкур массивда бўлиб, якуний қурилиш-монтаж ишларини кўздан кечирди. “Янги Ўзбекистон” массивининг биринчи босқичини жорий йил 9 май арафасида фойдаланишга топшириш, турар-жойларда барча инфратузилмалар, болалар майдончалари, йўлаклар, яшил ҳудудлар барпо этиш ишларини якунига етказиш бўйича масъуларга вазифалар белгилаб берилди.

Сурхондарё вилояти ҳокимлиги Матбуот хизмати

Telegram | Facebook | Instagram | YouTube | Web-site

Ҳудудларда топшириқ ва дастурлар ижроси:

Термиз тумани “Намуна” маҳалласининг 1 км дан ортиқ ички йўллари асфальтланди;

Ангор туманининг “Баҳор” ва “Дўстлик” маҳаллаларида янги темир-бетон устунлар ўрнатилиб, ёпиқ электр тармоқлари тортиш ишлари амалга оширилди;

Музработ туманидаги 4Р-102 "Жарқўрғон-Новшаҳар-Болдир к-Келиф" автомобиль йўлининг 56-57 км қисмида асфалть ётқизиш ишлари олиб борилмоқда;

Бойсун тумани “Бибиширин” маҳалласи ички йўллариида асфальтлаш ишлари амалша оширилмоқда;

Термиз шаҳридаги 1, 7 ва 22-сонли мактабларнинг ташқи фасад қисми бўёқланди, ҳудуд ободонлаштирилиб, кириш йўлаклари ва синфхоналар таъмирланди. Шунингдек, 1 ва 7 сонли мактабларда мини стадион қурилиш ишлари давом этмоқда.

Сурхондарё вилояти ҳокимлиги Матбуот хизмати

Telegram | Facebook | Instagram | YouTube | Web-site