2022-09-01 14:22:49
БЕШ МУҲИМ ВАЗИФА.
Ўзбекистон Республикаси давлат мустақиллигининг ўттиз бир йиллигига бағишланган тантанали маросимда давлатимиз раҳбари бу хақида айтдилар. Тадбирда мен қатнашдим.
Тараққиет стратегиясида 100 мақсад, 400 га яқин аниқ механизмли тадбирлар белгиланган, амалга оширилмоқда.
Давлатимиз раҳбари мамлакатимиз мустақиллигининг ўттиз бир йиллигига бағишланган маросимдаги тарихий нутқида муҳим ва устувор бўлган беш вазифага алоҳида тўхталдилар.
Мамлакатимизда 2026 йилгача Тараққиёт стратегияси доирасида кейинги ишлар 5 та асосий вазифалар бўйича ташкил этилади:
таълим соҳасида ёшларимиз замонавий билим ва кўникмаларни пухта эгаллашлари учун энг қулай шароитлар яратиш.
Бунда мактаб битирувчиси замонавий кўникмаларни эгаллаган, ахборот технологияларини пухта ўзлаштирган, креатив фикрлайдиган, мустақил қарор қабул қила оладиган, дунёқараши кенг шахс бўлиб етишишига эришиш бош мақсад бўлади.
Бунинг учун барча ҳудудларда, айниқса қишлоқ жойларда мактаблар қуриш, уларни малакали педагог кадрлар билан таъминлаш масалаларига алоҳида эътибор берилади;
суд тизимининг мустақил бўлишини таъминлаш, шу орқали жамиятни ривожлантириш.
Бунда қонун ва адолат устуворлигини таъминлаш - бош мақсад бўлади.
Ҳар қандай баҳсли масалага адолатли ечим фақат одил суд томонидан топилиши, судьялар ишига ҳар қандай аралашув кескин жазоланиши, уларнинг хавотирсиз ишлаши учун барча зарур шароитлар яратилиши назарда тутилаяпти;
тадбиркорликни ривожлантириш, шу орқали сифатли таълим, малакали тиббиёт, фаровон ҳаётни таъминлаш ҳамда эртанги кунга ишончни мустаҳкамлаш.
Бизнесни ривожлантириш орқали қўшимча иш ўринлари яратилади, камбағаллик қисқаради, аҳоли даромадлари кўпаяди. Бунинг учун хусусий мулк ва тадбиркорликка халақит бераётган барча тўсиқлар бартараф этилади.
Давлат бошқаруви ислоҳ қилиниб, иқтисодиётда давлат иштироки кескин камайтирилади.
Аҳоли ва тадбиркорларга солиқ юкини енгиллаштириш, солиқ тизимини соддалаштириш бўйича ислоҳотларни изчил давом эттирилади;
соғлиқни сақлаш тизимида аҳолига янада сифатли ва малакали тиббий хизматлардан фойдаланиш имкониятини кенгайтириш.
Барча ҳудудларда шошилинч тиббий ёрдам қамровини ошириб, уни одамларга янада яқинлаштирилади.
Бунда халқимиз соғлом ҳаёт кечириши ва ўртача умр кўриш даражасини узайтиришга эришиш - бош мақсад бўлади
аҳолини тоза ичимлик суви билан таъминлаш. Бунинг учун соҳага жалб қилинаётган инвестициялар ҳажми кескин кўпайтирилади.
Шу билан бирга, муаммоли ҳудудларга тоза ичимлик сувини етказиш ва сифатини яхшилаш бўйича алоҳида дастурлар рўебга чиқарилади.
Буларнинг барчаси инсон қадри учун тамойили асосидаги ислоҳотлар доирасида амалга оширилади.
@a_xaitov
166 viewsedited 11:22
A
