Maktabgacha va maktab ta'limi vazirligi

2021-05-28 22:44:22 #Diqqat_Tanlov

Бола тарбиясига оид ижобий тажрибангиз билан бўлишинг ва ноутбук соҳиби бўлинг!

Халқ таълими вазирлиги интернетнинг ўзбек сегментидаги энг кўп аъзоларга эга Maslahat.uz гуруҳи билан 1 июнь — Халқаро болаларни ҳимоя қилиш куни муносабати билан ота-оналар ва ўқитувчилар ўртасида танлов эълон қилади!

Бола тарбияси осон иш эмас, бунинг учун катталардан болага ўзини англашга, унга атрофдагилар билан мулоқот қилиш, ҳис туйғуларни енгиш ва қизиқишларни ривожлантиришга кўмаклашиш талаб этилади. Бир сўз билан айтганда бола тарбияси ҳар биримиздан юксак масъулиятни талаб этади.

Танловдан асосий мақсад бола тарбиясидаги ижобий тажрибаларни оммалаштириш.

Бола тарбиясида оилангиз, синфингиз ёки мактабингизни бошқалардан ажратиб турадиган қандай усули ёки хусусияти бор, деб ўйлайсиз? Уни бошқалар билан ўртоқлашинг!

Танлов шарти: ўз тажрибангизни ушбу ҳаволадаги пост тагида ёзиб қолдиринг

Энг кўп лайк ва изоҳларга сабаб бўлган тажриба муаллифи 1 июнь куни аниқланади.

#Tanlov #Bola_tarbiyasi Ochish/sharhlash

2021-05-28 10:56:00 O‘zbekiston Respublikasi Prezidenti tomonidan tarixda birinchi bor bitiruvchilarga yuborilgan tabrikni maktablarga borib shaxsan yetkazgan barcha hudud rahbarlariga o'z minnatdorchiligimizni bildiramiz

Bu yil ilk marotaba O'zbekiston Respublikasi Prezidenti tomonidan maktab bitiruvchilariga tabrik yuborildi va uni barcha hududlardagi rahbarlar shaxsan maktablardagi  “So‘nggi qo‘ng‘iroq” tadbirlariga borib bitiruvchilarimizga yetkazishdi. Shuningdek, o'zlarining ham hayotiy tajribalari bilan bo'lishishdi.

Bu esa bitiruvchilarimizga kelgusi hayotlarida muvaffaqiyatga erishishlariga qo'shimcha juda katta motivatsiya berishi bilan birga, joylarda maktablarga yordam berish haqiqiy umummilliy harakatga aylanayotganiga yorqin misol bo'ldi. Ochish/sharhlash

2021-05-27 15:52:18 Olis hududlarda ingliz tilini o'rgatish bo'yicha mobil guruhlar faoliyati tashkil etiladi

Xorijiy tillarni oʼrganishni ommalashtirish agentligi hamda Xalq taʼlimi vazirligi huzuridagi Respublika taʼlim markazi onlayn muloqot tashkil qildi.

Suhbat davomida Respublika ta'lim markazi vakillari shu paytga qadar chet tillarni o'qitish tizimini rivojlantirish va mazmunini boyitish bo'yicha qilingan ishlar, jumladan, Milliy o'quv dasturi asosida chet tillari doirasida yaratilgan o'quv dasturi va dastur asosida tayyorlanayotgan darsliklarning mazmun-mohiyati haqida ma'lumot berishdi.

Shuningdek, Cambridge darsliklarini mahalliylashtirish bo'yicha qilinayotgan ishlar, English Speaking Nation "Ingliz tilida so'zlashuvchi millat" loyihasi haqida aytib o'tildi.

Suhbat davomida olis hududlarda mobil guruhlar faoliyatini boshlash va til oʼrganuvchilar uchun chet tilini mukammal oʼrganish muhitini tashkil etish haqida kelishib olindi.

Kanalga obuna bo'lish:
Telegram | Facebook | Instagram | You Tube Ochish/sharhlash

2021-05-27 15:08:49 11-СИНФ ЎҚУВЧИСИ МДҲда “ЙИЛНИНГ ЭНГ ЯХШИ ЁШ ОЛИМИ» ДЕБ ТОПИЛДИ

Камолиддин Акбаралиев Тошкент вилояти, Оҳангарон шаҳридаги 1-умумтаълим мактабининг 11-синф ўқувчиси. Жорий йилнинг 20-21 апрель кунлари Қозоғистоннинг Нур-Султон шаҳрида МДҲ давлатлари ўртасида ўтказилган “Йилнинг энг яхши ёш олими – 2021» халқаро танловида таълим йўналиши бўйича 1-ўринни қўлга киритди.

Билимдон ўқувчимиз мазкур халқаро танловда “Замонавий таълимни ривожлантириш” бўйича илимий иши билан иштирок этди. Илмий ишга киритилган мактаблардаги таълимни ривожлантириш ва соҳага замонавий таълимни татбиқ этиш бўйича ўз фикрлари ҳакамлар томонидан юқори баҳоланди.

БАТАФСИЛ: https://bit.ly/3hXTzgo


@uzedu Ochish/sharhlash

2021-05-26 20:50:05 Халқ таълими вазири қорақалпоғистонлик ўқитувчилар билан ҳудудда таълим сифатини кўтариш бўйича фикр алмашди

Куни кеча Халқ таълими вазири Шерзод Шерматов Қорақалпоғистон Республикасига ташрифи доирасида ҳудуддаги ўқитувчилар билан учрашув ўтказди.

Учрашувда Қорақалпоғистон мактабларида таълим сифатини ошириш, қизил тоифадаги мактабларни камайтириш ва бошқа ҳудудларга нисбатан рақобатда қорақалпоғистонлик ўқитувчилар натижаларини кўтариш имкониятлари хусусида сўз борди.

Вазир соҳада сифатни ошириш борасида амалга оширилиши мумкин бўлган ишлар юзасидан ўқитувчиларнинг таклиф ва мулоҳазалари билан қизиқди.

Фидойи ўқитувчилар ва илғор натижага эга бўлган директорлар томонидан мактабларда ишига масъулиятсиз ва билими етарли бўлмаган ўқитувчиларни камайтириш, ўқувчилар билан психологик ишлаш учун дарс жадвалида вақт ажратиш, вариатив синфларни 7-синфдан бошлаш каби таклифлар берилди.

Тадбир сўнгида Kundalik.com'ни жорий қилишда фаол иштирок этган 3 нафар ўқитувчига ҳомийларнинг ноутбуклари топширилди. Ochish/sharhlash

2021-05-26 17:43:29 Диққат!

Эндиликда Халқ таълими тизимида ўтказиладиган барча вебинарлар, видеоселектор йиғилишлари ва бошқа онлайн тадбирлар А.Авлоний номидаги илмий-тадқиқот институтининг “Узлуксиз касбий таълим” махсус электрон платформаси орқали ўтказилади.

А.Авлоний номидаги илмий-тадқиқот институти томонидан ҳудудий халқ таълими бошқармалари бошлиқлари, туман (шаҳар) халқ таълими бўлим мудирлари ва умумтаълим мактаб раҳбарлари учун мазкур платформадан фойдаланишни таништириш мақсадида, синов тариқасида илк вебинар йиғилиши ўтказилади.

Ўтказилиш вақти: 2021 йил 27 май соат 15:00

Ҳавола:
https://onlinedu.uz/webinars/view/uzluksiz-kasbiy-ta-lim-maxsus-elektron-platformasi-vebinar-tizimi

Институтнинг расмий саҳифаларини кузатиб боринг

Telegram |Facebook |Website|YouTube Ochish/sharhlash

2021-05-26 13:19:40 #Сўраган_эдингиз

Савол: Мактаб ўқувчиларига олтин медаль бериш шартлари қандай?

Жавоб: Ўзбекистон Республикаси Вазирлар Маҳкамасининг 2019 йил 22 апрелдаги 154-сонли қарори билан умумий ўрта таълим муассасаларининг иқтидорли битирувчиларини олтин ва кумуш медаллар билан тақдирлаш тартиби таcдиқланган.

Унга кўра, олтин медаль умумий ўрта таълим муассасаларининг 9-синфини битирганлик тўғрисидаги аъло даражали шаҳодатномаси мавжуд бўлган, умумий ўрта таълим муассасаларининг 10- ва 11-синфларида барча фанлар бўйича якуний назоратлар, чораклик ва йиллик баҳолари аъло бўлган, намунали хулқ-атворли ва жамоат ишларида фаоллик кўрсатган битирувчиларга берилади.

Кумуш медаль умумий ўрта таълим муассасаларининг 9-синфини битирганлик тўғрисидаги аъло даражали шаҳодатномаси мавжуд бўлган, умумий ўрта таълим муассасаларининг 10- ва 11-синфларида барча фанлар бўйича йиллик баҳолари аъло бўлган, намунали хулқ-атворли ва жамоат ишларида фаоллик кўрсатган битирувчиларга берилади.


@uzedu Ochish/sharhlash

2021-05-26 12:46:08 Хоразмлик ўқитувчи “МДҲнинг энг яхши ёш олими” деб топилди

Хоразмлик Чет тили фани ўқитувчиси “МДҲнинг энг яхши ёш олими-2021” деб топилди. Шунингдек Миср давлатида 2-4 июнь кунлари бўлиб ўтадиган адабий анжуманга йўлланмани қўлга киритди.

Хоразм вилояти Гурлан тумани 33-сонли умумтаълим мактабининг инглиз ва немис тили фани ўқитувчиси Огулнур Атаева Қозоғиcтон Республикасининг Нурсултон шаҳрида МДҲ давлатлари ўртасида ўтказилган "Йилнинг энг яхши ёш олими - 2021" Халқаро танловида 14 та мамлакат ичида Чет тиллар йўналишида биринчи ўринга лойиқ кўрилиб, олтин медаль билан тақдирланди.

Огулнур Атаева мактабда ўқувчиларга сабоқ бериш билан бир қаторда ёш ижодкор сифатида фаолият юритиб келмокда. Ҳозирги кунда Ўзбекистан Фанлар Академияси Фан нашриёти томонидан “Deutsch für ALLE” va “Ilm-ma'rifat-yorqin kelajak mash'ali” китоблари 300 нусҳада чоп килинди.

Ҳозирга қадар 40 дан ортик илмий мақолалари ва тезислари халқаро ҳамда республика нашрларида эълон қилинган.


@uzedu Ochish/sharhlash

2021-05-26 11:11:41 НАВОИЙ ВИЛОЯТИ КАРМАНА ТУМАНИ 2-МАКТАБНИНГ 7 НАФАР ЎҚУВЧИЛАРИ МУДДАТИДАН ОЛДИН ТАЛАБА БЎЛДИ

Кармана туманидаги 2-умумий ўрта таълим мактабининг 7 нафар битирувчилари муддатидан аввал чет эл ва юртимизнинг нуфузли олий таълим муассасаларига ўқишга қабул қилинди.

АЗМИДДИН ЗИЯДУЛЛАЕВ

Турин политехника университети
Халқаро Вестминстер университети
Сингапур менежментни ривожлантириш институти

ФАЁЗ ЗИЯДУЛЛАЕВ

Турин политехника университети

ҒАНИШЕР РУСТАМОВ

Турин политехника университети
Жанубий Кореянинг AJOU университети

МАДИНА ГАНИЕВА

Тошкент ахборот технологиялари университети
Тошкент давлат юридик университети
Жаҳон иқтисодиёти ва дипломатия университети

ДИЛНОЗА ИРГАШЕВА

Сингапур менежментни ривожлантириш институти
АҚШнинг WEBSTER университети

НАРГИС МАНСУРОВА

АҚШнинг WEBSTER университети

ХУМОРА УБАЙДУЛЛАЕВА

Навоий давлат педагогика институти (спорт йўналиши)

Навоий вилояти халқ таълими бошқармаси матбуот хизмати


@uzedu Ochish/sharhlash

2021-05-25 19:53:43 ХАЛҚ ТАЪЛИМИ ВАЗИРИ МЕҲРИБОНЛИК УЙИ ТАРБИЯЛАНУВЧИЛАРИ ҲОЛИДАН ХАБАР ОЛДИ

Бугун Халқ таълими вазири Шерзод Шерматов битирувчиларни табриклаш ҳамда ёшлар билан учрашиш мақсадида Қорақалпоғистон Республикасига боргани ҳақида аввалроқ хабар бергандик.

Ташриф доирасида вазир Хўжайли туманидаги 1-сонли Меҳрибонлик уйида бўлди. Меҳрибонлик уйида бугунги кунда 116 нафар тарбияланувчилар бўлиб, уларнинг вақтларини сермазмун ўтказишлари учун етарли шарт-шароитлар яратилган.

Мактаб директори вазирни мазкур масканда фаолияти йўлга қўйилган спорт, санъат, касб-ҳунар тўгараклари билан таништирди. Айтиш жоизки, бугун маскан тарбияланувчилари сузишдан тортиб, сартарошлик, ошпазлик, тикувчилик, ахборот-технологиялари ва санъат тўгараклари билан бирга, паррандачилик, иссиқхона билан ҳам шуғулланишга қизиқади. Бугун болаларнинг ташаббуси билан Меҳрибонлик уйи ҳудудида бу каби фаолият билан шуғулланиш учун барча шароитлар яратилган.

Батафсил маълумот ва фотолавҳалар: https://bit.ly/34eggVR


@uzedu Ochish/sharhlash