Maktabgacha va maktab ta'limi vazirligi

2021-06-02 16:41:45 Халқ таълими вазири ўринбосари имконияти чекланган болаларни байрам билан табриклаш учун Жиззахда бўлди

Халқ таълими вазири ўринбосари Темур Комилов имконияти чекланган болаларни 1 июнь - Халқаро болаларни ҳимоя қилиш куни муносабати билан табриклаш учун Жиззах вилоятига борди.

Вазир ўринбосари вилоят масъуллари билан биргаликда халқ таълими бошқармасига қарашли Заиф эшитувчи болалар махсус мактаб интернатининг очилиш маросимида қатнашди.

Ушбу масканда 20 та синф хоналари, математика, физика, география, кимё-биология, тарих, рус тили, тасвирий санъат, она-тили ва адабиёт фанларини ўқитишга ихтисослаштирилган хоналар, 8 та коррекцион йўналишдаги якка машғулотлар олиб бориладиган хоналар, 10 та касбга йўналтирувчи ўқув хоналари, 100 ўринли фаоллар зали, спорт зал, сунъий қопламали очиқ спорт майдони, замонавий электрон кутубхона ва инновацион компьютер хонаси мавжуд.

Шунингдек, ўқувчиларга қулай шароит яратиш мақсадида 3 та бинодан иборат 200 ўринли барча қулайликларга эга шинам ётоқхоналар, 200 ўринли ошхона, ўқитувчилар хонаси, ёшлар етакчиси хонаси, психолог, сурдолог-дефектолог ҳамда маъмурий-бошқарув хоналари ташкил этилди.

Шу куннинг ўзида Темур Комилов Кар болалар махсус мактаб интернатида бўлди. Жиззах вилояти ҳокимлиги ташаббуси билан мазкур мактаб интернатига маҳаллий бюджет ҳисобидан қарийб 6 млрд. сўм маблағ ажратилиб, махсус мактаб интернатида замонавий дизайн асосида замон талабига жавоб берадиган махсус хоналар, спорт зали, ошхона, 160 ўринга мўлжалланган ётоқхона ва ювиниш хоналари капитал реконструкция қилинганлигини алоҳида таъкидлаб ўтилди.


Халқ таълими вазирлигининг расмий саҳифаларига уланиш
Telegram | Youtube | Facebook | Instagram Ochish/sharhlash

2021-06-02 15:06:50 #Diqqat_Tanlov

Халқ таълими вазирлиги интернетнинг ўзбек сегментидаги энг кўп аъзоларига эга Maslahat.uz гуруҳи билан навбатдаги танловни эълон қилади!

Мактабдаги ўқитувчингизни ёдга олинг ва ноутбук соҳиби бўлинг!

"Унинг дарсида ҳаммамиз жим ўтирардик ва хато қилиб қўйишдан қўрқардик. У ҳеч биримизнинг ҳаётимизга бефарқ эмасди. Унинг бугунги ютуқларимдаги ўрни беқиёс"
— Сизда ҳам ана шундай сўзлар билан хотирлайдиган устозингиз борми?

Мактаб ҳар бир инсон ҳаётида ўзига хос хотиралар билан умрбод сақланиб қолади. Бугун эришган ҳар қандай ютуғимизда мактабдаги ўқитувчиларимизнинг ўрни беқиёс.

Ҳаётингизда муваффақиятга эришишингизга сабаб бўлган ўқитувчингиз билан боғлиқ энг яхши хотирангиз билан ўртоқлашинг ва навбатдаги ноутбукни ютиб олинг!

Танлов ўқитувчингизга дилингиздаги туйғуларингизни билдириш учун ажойиб имконият бўлади.

Танлов шарти:

Ушбу постни ўз саҳифангизда улашинг

Ўқитувчингиз ҳақида ушбу ҳаволадаги пост тагида ёзиб қолдиринг.

Энг кўп лайк ва изоҳларга сабаб бўлган иштирокчи июнь куни соат : да аниқланади.

#Tanlov
#Ustozingni_yod_et Ochish/sharhlash

2021-06-02 08:27:25 Hurmatli ota-onalar va kuzatuvchilar!

Prezident hamda ijod maktablariga qabul yuzasidan ONLINE OCHIQ MULOQOTga taklif etamiz!

Ochiq muloqotda o‘zingizni qiziqtirgan savollarga Agentlik direktori Hilola Umarova hamda qabul bo‘yicha mutaxassislardan to‘g‘ridan-to‘g‘ri javob olishingiz mumkin.

Buning uchun savollaringizni quyidagi manzilga yo'llang:
@piimasavollar_bot

Biz sizning Prezident hamda ijod maktablariga qabul yuzasidan savollaringizga 3-iyun kuni soat 16:00 da javob berishga tayyormiz!

Darvoqe, savollaringizga javob olish uchun bizni 3-iyun kuni soat 16:00 da facebook va youtube orqali online kuzatishni unutmang!

Biz ijtimoiy tarmoqlarda:
Veb-sayt | Telegram | Instagram | YouTube Ochish/sharhlash

2021-06-01 17:37:34 2 НАФАР ФАРЗАНДИ БИР ВАҚТНИНГ ЎЗИДА ПРЕЗИДЕНТ МАКТАБИГА ЎҚИШГА КИРГАН ОТА-ОНА ФАРЗАНД ТАРБИЯСИГА ОИД МУВАФФАҚИЯТ СИРЛАРИ БИЛАН БЎЛИШДИ

Халқ таълими вазирлиги интернетнинг ўзбек сегментидаги энг кўп аъзоларга эга Maslahat.uz гуруҳи билан 1 июнь — Халқаро болаларни ҳимоя қилиш куни муносабати билан ота-оналар ва ўқитувчилар ўртасида эълон қилинган танловда интернет фойдаланувчиси Наргиза Жўраева ғолиб бўлди.

Бир вақтнинг ўзида икки фарзанди Президент мактабига кирган ота-она ўзининг муваффақият сирлари, фарзанд тарбияси хусусидаги мулоҳазалари билан бўлишди.

Улар фарзандларига таълим беришни 1 ёшдан бошлаган...

Дарвоқе, танлов доирасида уларга ўзбек тилида фарзанд тарбиясига доир китоб чиқариш учун АҚШдан бошланғич миқдори 3 минг АҚШ долларга тенг бўлган таклиф келиб тушган...

Батафсил видеода Ochish/sharhlash

2021-06-01 16:30:40 “Ҳар бир бола эътиборда, эъзозда” – хайрия акцияси доирасида бемор болажонлар ҳолидан хабар олинди

1 июнь – Халқаро болаларни ҳимоя қилиш куни муносабати билан Ўзбекистон Республикаси Халқ таълими вазири ўринбосари Рустам Каримжонов Республика болалар психоневрология шифохонасида даволанаётган болаларни ҳолидан хабар олди. Тошкент шаҳар “Баркамол авлод” болалар мактаблари томонидан ташкил этилган хайрия акцияси доирасида шифохонада даволанаётган 200 дан ортиқ болажонларни байрам билан табриклаб, уларга турли хилдаги совғалар улашилди.

Мазкур акцияда Халқ таълими вазирлиги тасарруфидаги 215 та “Баркамол авлод” болалар мактабларининг тўгарак аъзолари томонидан шифохонда ётган дўстлари учун қўллари билан ясалган совғалар болажонларга топширилди.

Ушбу ҳайрия акцияси доирасида Республика онкология илмий Маркази, Гематология илмий-текшириш институти, ОИТС/ОИВга қарши курашиш Республика маркази ҳамда Республика нейрохирургия илмий марказида даволанаётган болажонларга ҳам совғалар тарқатилди. Ochish/sharhlash

2021-06-01 10:50:02 БОШ ВАЗИР ЎРИНБОСАРИ БЕҲЗОД МУСАЕВ ҲАМДА ХАЛҚ ТАЪЛИМИ ВАЗИРИ ШЕРЗОД ШЕРМАТОВ БАЙРАМ МУНОСАБАТИ БИЛАН МЕҲРИБОНЛИК УЙИДАГИ БОЛАЛАРНИ ЙЎҚЛАБ БОРДИ

Ўзбекистон Республикаси Бош вазир ўринбосари Беҳзод Мусаев ҳамда Халқ таълими вазири Шерзод Шерматов 1 июнь – Халқаро болаларни ҳимоя қилиш куни муносабати билан Термиз шаҳридаги 12-Меҳрибонлик уйига борди.

Ташриф чоғида Меҳрибонлик уйи тарбияланувчиларига яратилган шароитлар билан танишиш билан бирга меҳрга муҳтож болалар ҳолидан хабар олинди.

Болалар билан суҳбат чоғида уларнинг орзу-истаклари тингланди, совғалар улашилиб, самимий тилаклар билдирилди.


Халқ таълими вазирлигининг расмий саҳифаларига уланиш
Telegram | Youtube | Facebook | Instagram Ochish/sharhlash

2021-06-01 10:16:07 Министерство народного образования от всей души поздравляет вас с Международным днем защиты детей!

Самые светлые, чистые и добрые воспоминания у каждого из нас связаны с детством. С годами эти ощущения ослабевают, но детские впечатления мы проносим через всю жизнь. Поэтому так важен этот праздник для взрослых, несущих ответственность за полноценное и гармоничное развитие молодого поколения. Этот добрый детский праздник напоминает нам, взрослым, о той большой ответственности, которую мы несем за юное поколение.

Главная задача нас взрослых — воспитать наших детей умными, порядочными, образованными. Мы должны сделать все, чтобы они чувствовали себя под надежной защитой, получили хороший старт в жизни.
Дорогие дети, поздравляем вас с праздников и желаем вам, удачи и успехов во всех начинаниях, новых друзей, счастья, радости и здоровья!

Пусть вас всегда окружают внимание и забота, любовь и душевное тепло взрослых. Ochish/sharhlash

2021-06-01 10:15:38 Халқ таълими вазирлиги барчангизни Халқаро болаларни ҳимоя қилиш куни билан самимий муборакбод этади!

Бизнинг энг ёрқин ва беғубор хотираларимиз болалик билан боғлиқ. Йиллар ўтган сари бу ҳислар узоқлашиб боради, аммо биз ҳаётимизни беғубор болалик таассуротлари билан ўтказамиз. Шу боис ҳам ушбу байрам болаларнинг ҳар томонлама баркамол бўлиб ривожланиши учун масъул бўлган катталар учун ҳам жуда муҳимдир. Бу кун яна бир бор биз катталарнинг болалар олдидаги улкан масъулиятимизни эслатади.

Биз катталарнинг асосий вазифамиз фарзандларимизни соғлом, ақлли, одобли, билимли ва албатта бахтли қилиб тарбиялашдир. Улар ишончли ҳимояни ҳис қилишлари ва ҳаётда ўз ўрнини топишлари учун биз ҳамма нарсани қилишимиз керак.

Азиз болажонлар, байрамингиз муборак бўлсин, содиқ дўстлар, бахт, қувонч ва соғлик доим ҳамроҳингиз бўлсин!

Катталарнинг эътибор ва ғамхўрлиги, меҳри ва илиқлиги сизни доимо қуршаб турсин. Ochish/sharhlash

2021-06-01 08:44:59 O’zb: Ushbu so’rovnoma boshlang’ich sinf ingliz tili o’qituvchilarini (1-4 sinflar) malakasini oshirish bo’yicha tashkillashtirilayotgan intensiv o’quv kursining (trening) materiallarini ishlab chiqish uchun o’qituvchilarning ehtiyojlarini o’rganish maqsadida tuzildi.

Sizdan har bir savolga ochiq-oydin javob berishingizni iltimos qilamiz, zero kursning siz uchun foydali bo’lishi aynan javoblaringizga bog’liq.

Рус: Этот опросник разработан для того что бы понять существующие потребности и интересы учителей английского языка школ (1-4 классов) в их профессиональном развитии.

Пожалуйста ответьте на последующие вопросы искренне и максимально полностью для того, чтобы мы могли организовать наиболее подходящий и адаптированный под ваши потребности курс. https://docs.google.com/forms/d/1oAlKefU3WTXe6ZaWytJaVNiFDlf90J5QsIGBpj6nhnY/edit Ochish/sharhlash

2021-06-01 06:56:04 Халқ таълими вазири Сурхондарёдаги мактаблар ҳолатини ўрганмоқда

Куни кеча Ургутдан қайтган Халқ таълими вазири Шерзод Шерматов бугун Сурхондарё вилоятига борди. Вазир бошчилигидаги ишчи гуруҳ вилоятнинг Шеробод туманидаги 2-сонли умумтаълим мактабига ташриф буюрди. Мактабдаги умумий ҳолатни ўрганиб, яратилган шарт-шароитлар бўйича ўқитувчилар билан суҳбатлашди.

Сухбат чоғида таътил вақтида мактабда қўшимча курслар ташкил қилиш, ўқувчиларни касбга йўналтириш борасида фикрлари билан ўртоқлашди. Мактаб бугунги кунда коэффициент кўрсаткичи юқори бўлиб, вазир бунинг сабаблари билан қизиқди ҳамда 2022 йилда мактабга 540 ўринли қўшимча бино қуриш таклифини берди.


БАТАФСИЛ: https://bit.ly/3yOgmRY

@uzedu Ochish/sharhlash