bakiroo

2021-12-29 08:31:07 30 йил

Бугун Мустақил Ўзбекистон тарихидаги илк референдум ва президентлик сайловлари ўказилганига 30 йил тўлди.

"Сиз Ўзбекистон Республикаси Олий Кенгаши эълон қилган Ўзбекистон Республикаси Давлат Мустақиллигини маъқуллайсизми?" деган саволга 98,3 фоиз сайловчилар "Ҳа" дея жавоб беришган.

Шунингдек, илк президентлик сайловларида Ислом Каримов 87,1 фоиз овоз олиб ғолиб бўлганди.

Мамлакат ва миллат улкан умидлар билан келажакка боқишни бошлаган эди бу кун. Ochish/sharhlash

2021-12-29 06:00:05 ​Лирани қулашига журналист ва иқтисодчилар айбдор кўрсатилмоқда

Эрдоган назоратидаги Туркия Марказий банки 26 нафар журналист ва иқтисодчиларни судга берган. Улар ижтимоий тармоқ ва ОАВдаги постлар орқали лирани қадрсизланишини ташкил этганликда айбланмоқда.

Маҳкама қўзғатилганлар орасида Туркия Марказий банкининг бир эмас, иккита собиқ раҳбари ҳам бор. Дурмуш Йилмаз ва Русду Сарачоглуга қарши твиттердаги аккаунтлар орқали валюта курсини манипуляция қилганлик даъвоси қўзғатилган.

Марказий банкнинг айбловлари фақат курс ўзгаришларига дохил эмас. Эрдоганнинг лирадаги депозитлар бўйича курс фарқи рискини давлат ўз зиммасига олиш ваъдаларини танқид остига олганлар ва унинг оқибатлари ҳақида фикр билдирган иқтисодчилар ҳам маҳкама таъқибига олинган.

Эрдоган ваъдаларидан кейин мустаҳкамланган лира кечадан бошлаб яна қулашни бошлаган. Қатор иқтисодчилар лиранинг ўтган ҳафтадаги мустаҳкамланиши Эрдоганнинг популистик ваъдалари эмас, мисли кўрилмаган интервенциялар туфайли эканини айтишмоқда. Ochish/sharhlash

2021-12-28 16:40:59 СССРлашаётган Россия

Россия олий суди мамлакатнинг энг машҳур ҳуқуқни ҳимоя қилиш ташкилоти "Халқаро Мемориал"ни тугатиш тўғрисида қарор қабул қилди.

"Халқаро Мемориал" буюк Андрей Сахаров томонидан қайта қуриш эпкинлари бошланган 1987 йилда ташкил этилган. Ташкилот Совет Иттифоқининг жиноятлари, қатағонлар, очарчиликлар, урушлар тарихини, архивларини ўрганган. Мемориал ўз номи билан Хотирани, Миллат Хотирасини тиклаш билан шуғулланган.

Прокуратура ўз сўровида "Мемориал" фаолияти давомида СССРнинг террористик давлат сифатида ёлғончи қиёфасини шакллантираётганида айблаган.

Бундан бир муддат аввал ташкилот хорижий агент деб топилган эди.

Ташкилотнинг оталаридан бири бўлган Лев Понамарев суд қарорини "бундай йўл билан мамлакат ҳалокатга юз тутади" дея баҳолаган.

Биз бу мамлакатдан, СССРлашаётган Россиядан узоқроқ бўлишимиз керак.

@the_bakiroo Ochish/sharhlash

2021-12-28 13:08:35 "Қўрқинчи рақам: Даромадларнинг 80 фоизи кредитларни сўндиришга"

Россия Марказий банки раиси Эльвира Набиуллина йил якунлари бўйича катта интервью берипти.

Интервьюда регулятор раҳбари россияликларда қарз юки шиддат билан ошиб бораётганига алоҳида эътибор қаратган.

"Айниқса, бусиз ҳам катта кредитларга эга одамларнинг қарзлари яна ошаётгани ташвишга солади. Бизда ҳозир банкдан кредит қарзига эга бўлганларнинг ҳар учтасидан биттаси 80 фоиздан кўп даромадини кредитларни қоплашга кетмоқда", деган у.

Бундан аввалроқ 2014 йилдан буён аҳоли реал даромадлари ошишдан тўхтаган Россияда чакана кредитлар истеъмол секторини ўстиришга хизмат қилмай қўйгани тўғрисида қатор таҳлиллар пайдо бўлган эди. Яъни янги кредитларнинг катта қисми товар ва хизматлар сотиб олишга эмас, бошқа кредитларни сўндиришга йўналтира бошланган.

Ўзбекистонда қарз юки бўйича ўртача кўрсаткичлар ҳисобланиб борилса-да, ҳозирча очиқлангани йўқ.

Мамлакатимизда қарз юки бўйича қонунчилик билан чекловлар ўрнатилган. Хусусан жисмоний шахснинг қарз юки кўрсаткичи 50 фоиздан ошмаслиги керак.

Лекин шунда ҳам чакана кредитлар шиддат билан ошишда давом этмоқда. Учинчи йилдирки жисмоний шахсларга ажратилаётган кредитлар ўсиши суръати корпоратив кредитлар ўсиши суръатидан юқори бўлиб қолмоқда. Чакана кредитларнинг юқори ўсиши ҳатто аҳолининг реал даромадлари ўсмаган 2020 йилда ҳам давом этган.

2021 йилда энг катта суръатда ўсиш кўрсаткичларини қайд этаётган банк маҳсулоти микроқарзлар бўлиб қолмоқда. Ochish/sharhlash

2021-12-28 12:49:45 Hurmatli mijozlar!

Bayram kunlari ham onlayn bank xizmatlari Siz bilan birga.

Yaqinlaringizga bayramga pul yubormoqchimisiz ?
Agrobankning onlayn xalqaro pul o'tkazmalaridan foydalaning.

Rossiyadan O'zbekistonga pul yuborish uchun TKB - bank, CберБанк Онлайн hamda Agrobankmobile ilovalari orqali,

Janubiy Koreyadan: Hana bankning “Hana EZ” ilovasi orqali.

"Золотая корона" onlayn pul o'tkazmasi orqali istalgan davlatdan kartangizga pul qabul qilishingiz,

Shuningdek, "VISA Direct" xizmati orqali barcha davlatlardan pul qabul qilishingiz va dunyoning 99 dan ortiq davlatiga o'tkazishingiz mumkin.

Реклама Ochish/sharhlash

2021-12-28 11:12:55 "ЕОИИга кириш ташқи савдо сиёсатидаги мустақилликдан воз кечилишини англатади"

Жаҳон иқтисодиёти ва дипломатия университети профессори, Марказий банк бошқарувининг мустақил аъзоси, Ўзбекистондаги аксар иқтисодчи ва молиячилар учун устоз ҳисобланган Нишонбай Сирожиддинов ЕОИИга аъзолик тўғрисидаги фикрлари билан ўртоқлашган.

Домла ўзига хос босиқлик ва вазминлик билан ташкилотга аъзоликнинг Ўзбекистон учун фойдали ва зарарли оқибатлари ҳақида мулоҳаза юритган.

Домланинг фикрларини МFactor лойиҳасининг телеграм каналида тинглашингиз мумкин.

Кунўз домла билан суҳбат ёзувларини матнга туширган.

Фарқи йўқ, сиз Россияда меҳнат мигрантимисиз, ё деҳқон-фермермисиз ёки ҳукумат аъзосимисиз. Албатта эшитинг ва ўқинг.

Чунки ЕОИИга аъзолик бадали келажак авлодларимизга ҳам ўтадиган бадал бўлади. Авлодлар бизни лаънатламасин. Ochish/sharhlash

2021-12-28 10:46:27 Парламент ҳукуматнинг иловаси экани ҳақида

Сайланган депутат Кушербаев ёзаяпти:

"Қанча ҳаракат қилмайлик сув таъминоти масаласида янги Ўзбекистондаги эскича қараш қолди. Яъни, сув ҳисоблагичларни ўрнатиш, ҳисобини юритиш, аварияни бартараф этиш ва ҳоказо мажбуриятлар сув таъминоти корхонаси эмас, истеъмолчи бўйнига илинди".

Нормал давлатларда ҳукумат Парламентнинг ҳосиласи, шунинг учун ҳам бу давлатлар нормал.

Ўзбекистонда эса Парламент Ҳукуматнинг иловаси. Шунинг учун ҳам бу Ўзбекистон. Ochish/sharhlash

2021-12-27 14:29:59 Уйингизга Технопарк счетчиги ўрнатилмаганми? Сиз кўп қувонаверманг!

Шу бугунда, айниқса ҳаво совуб кетган кунларда аҳолининг дод-войи газ йўқлигида деб ўйлайсизми? Бўлиши мумкин, балки бу ҳам муаммодир. Лекин масалан, Тошкент ва йирик шаҳарларда газ бор, босими ҳам етарли, лекин Технопарк деган бало счетчик газ йўқлигидан ҳам ортиқроқ балога айланган.

Мана бу ерда шўр пешонасига Технопарк деган бесўнақай, каррасига қиммат, фойдаланувчилар учун барча ноқулайликлар қилинган счетчик ўрнатишга тўғри келганларнинг оғир дарди билан танишишингиз мумкин. Дод-войлар товушини эшитаяпсизми? Дўзахдан ҳам шунақа товушлар эшитилса керак!

Ўтган йилги қарорга кўра, газ ҳисоблаш счетчикларини ўрнатиш 2021 йил 1 августда тугалланиши керак эди. Камида 177,5 миллион долларлик пул ўзлаштирилган лойиҳа (бу жалб қилинган тижорий кредитларсиз) ҳеч бир танловсиз ва тендерсиз Тошкент шаҳар ҳокимлигининг ўнг чўнтаги ҳисобланган "Технопарк" МЧЖга топширилган.

Ҳозир айрим юртдошларимиз, яхшиям счетчикларни ўрнатиш ишлари ўз вақтида бажарилмагани, дея суюниб ўтирган бўлишлари мумкин. Кўп қувонманг, сизгача ҳам етиб боришади.

Айниқса кўп қаватли уйларда ўтирганлар ва газни фақат овқат тайёрлашга ишлатадиганлар, сизларга биринчи навбатда Технопарк счетчиклари ўрнатилади. Чунки Технопарк счетчикларини ўрнатишдан тугал мақсад газ истеъмоли ва ҳисоб-китобларни тўғри ташкил этиш эмас, Технопарк счетчикларини ўрнатиш орқали пул ўзлаштириш!

Айтишларича, лойиҳа бошлангандаёқ, энергетика тизимидаги мутахассислар кўп қаватли уйлардаги истеъмолчиларга Технопарк счетчикларини ўрнатиш маънога эга эмаслиги ва бу ҳаракат иқтисодий жиҳатдан ўзини оқламаслиги ҳақида кўп огоҳлантиришган. Лекин Янги Ўзбекистонда мутахассис ва экспертларнинг гапига ким қулоқ солади? Муҳими садоқатли лакейлар ва хўб бўлади дегувчи шотирлар-ку.

Пойтахт ҳокимлигининг эълон қилинган режаларига кўра ҳам, 448 073та кўп қаватли уйлардаги хонадонларга Технопарк счетчиги ўрнатилиши керак. Фақат овқат тайёрлаш учун йилига нари борса 40-50 минг сўмлик газ ёқадиган маиший истеъмолчиларга ўрнатилган шартли 1 миллион сўмлик Технопарк счетчиги неча йилда ўзини оқлайди?Оқлайдими ўзи!? Ўзингиз бир ўйлаб кўринг!

Яна қайтараман:

Технопарк счетчикларини ўрнатишдан тугал мақсад газ истеъмоли ва ҳисоб-китобларни тўғри ташкил этиш эмас, Технопарк счетчикларини ўрнатиш орқали пул ўзлаштириш!

@the_bakiroo Ochish/sharhlash

2021-12-27 12:34:45 Ташқи қарз ўсишда давом этмоқда, хусусий қарз эса янада тезроқ

"Фискал қоидалар" билан чекланган давлат қарзининг ўсиши бирмунча тийилган шароитда, йил бошида кутилганидек, хусусий қарзни жамғаришга ўта фаол киришилган.

Ўтган 9 ойда давлат ташқи қарзи 7,2%га ўсган бўлса, хусусий дейилган ташқи қарз 2,5 баробар тезроқ суръатда 17,7%га кўпайган. Жами ташқи қарзимиз 37,6 миллиард долларга етган. Бу кутилаётган ЯИМнинг 55 фоизидан зиёд.

Ўзбекистон мисолида хусусий қарз атамаси туб маъносига эга эмас. Аслида бу давлат корпоратив қарзлари дейилса ўринли бўларди. Чунки хусусий дея аталадиган таснифдаги қарзлар давлат назорати остидаги банклар, энергетика, нефть ва кимё компаниялари ҳиссасига тўғри келади.

Ўтган 9 ойнинг ичида хусусий дейилган сектор 4,7 миллиард доллар миқдорида ташқи қарз жалб қилган. Уларнинг қарийб ярми давлат банкларига, чорак қисми нефтгаз ва энергетика соҳасига тўғри келади.

Ҳозир парламент муҳокамаларидан ўтаётган "Давлат қарзи тўғрисида"ги қонун лойиҳасига, давлатнинг шартли мажбуриятлари ёки давлат улуши 50 фоиздан юқори бўлган корхоналарнинг давлат кафолатисиз жалб қилган қарз маблағларининг йиллик лимити ҳам қўшилиши керак. Ochish/sharhlash

2021-12-27 08:29:46 Депозитлар ҳосили мўл бўлган йилда тенденция ўзгармаган: хусусий банклар яхшироқ депозит жамғаришмоқда

Ўтган 11 ойда тижорат банкларининг депозит портфели 25%га ўсган (чакана депозитлар 25,0%га, корпоратив депозитлар 25,1%га). Бунда давлат банкларида депозитлар атига 15,3%га ўсган бўлса, хусусий банкларда 47,4%га ўсиш кузатилган.

Яъни, гарчи юз бераётган трансформация жараёнларига қарамай, давлат банкларининг тижорийлик фаоллиги, рискка мўлжалланган ориентирлари хусусийларникидан жуда паст даражада қолмоқда.

2021 йил фискаль каналларнинг депозит базасини ўсишида ўрни жуда юқори бўлди. Лекин шундаям, тақсимотда биринчи занжирда бўлишига қарамай бозорнинг 85%ини назорат қиладиган давлат банклари депозит жамғаришда хусусий банклардан ортда қолган.

2та давлат банкида йил бошига нисбатан депозитларнинг камайиши қайд этилган (Ўзсаноатқурилишбанк ва Ўзагроэкспортбанк). Учинчи энг ёмон кўрсаткичга эга Халқ банкида атига 13,5% ўсиш юз берган.

Хусусий банклар орасида йил бошидан буён нисбий ўсишда энг юқори кўрсаткичлар бозорнинг янги ўйинчилари Тибисибанк, Анорбанк ва Тенге банкка тегишли.

Миқдорий ўсишда ТОП-3таликни Капиталбанк, Трастбанк ва ЎзКДБ эгаллаган.

Банклар орасида яна бир тенденция кузатилмоқда. Банклар аста секин корпоратив ёки чакана сектор томон устуворликни танлаб, ориентирларини қатъийроқ белгиламоқда. Масалан, корпоратив секторда ҳаддан зиёд катта ўсишга эришган Капиталбанк, Трастбанк ва ЎзКДБбанк келаси йил ҳам корпоратив секторда фаолликда қолишса керак. Аксинча, 2021 йилда айрим банкларда чакана сектор корпоратив сектордан юқорироқ ўсган. Булар онлайн Тибиси банк, Анорбанк ва давлат назорати остидаги Туронбанк. Ochish/sharhlash