Юрист Хизмати | Расмий канал

2022-01-04 07:33:38 14 млн доллар сарфланган, 3 йил давомида қурилган ва 3 кун олдин фойдаланишга топширилган Самарқанд шаҳри ўртасидаги туннелнинг биринчи ёмғирдан кейинги ҳолати.

Бизда 3 йиллаб қурилиб, 3 кунда тамом бўладиган тунелларимиз бор...

@Yurist_Xizmati Ochish/sharhlash

2022-01-03 18:17:26 КЕЛИНИМИЗ ЎҚИШИНИ ЎЗБЕКИСТОНГА КЎЧИРИШ МУМКИНМИ?

@Yurist_Xizmati 3186-савол:

Ассалому алайкум. Углим харбий сержант. Шартнома асосида ишлайди. Якинда уйламокчимиз. Булажак Келин Киргизистоннинг Ош шахрида укийди. Укишини Узбекистонга кучириш учун бирор имтиёз борми? Жавобингиз учун олдиндан Рахмат

ЮРИСТ ЖАВОБИ:

Вазирлар Маҳкамасининг 2017 йил 20 июндаги 393-сон қарори 3-иловаси билан тасдиқланган “Олий таълим муассасалари талабалари ўқишини кўчириш, қайта тиклаш ва ўқишдан четлаштириш тартиби тўғрисида”ги низом 15-бандига кўра талабалар ўқишини кўчириш узрли сабабларга кўра:

• республиканинг бир ҳудудидан иккинчи ҳудудига доимий яшаш учун кўчиб ўтганда;

• турмушга чиқиш муносабати билан турмуш ўртоғи доимий яшайдиган (паспорт бўйича доимий рўйхатдан ўтган) ҳудудга кўчиб ўтганда;

• турмуш ўртоғи ёки ота-онаси ҳарбий хизмат ўташ жойини ўзгартирганда;

• ота-онаси (турмуш ўртоғи) хориждаги давлат хизматидан қайтганда) баҳорги семестрда ўқув машғулотлари бошланишидан олдин ҳам амалга оширилиши мумкин.

Бунда:
• ўқишини кўчириш бўйича ариза топшириш — ҳар йили 20 декабрдан кейинги йилнинг 20 январига қадар;
• ўқишини кўчириш бўйича аризани кўриб чиқиб, қарор қабул қилиш — ҳар йили 25 январдан 15 февралга қадар амалга оширилади.

Ушбу қоидага кўра, келинингиз ўқишни баҳорги семестра кўчириши мумкин. Бунинг учун у transfer.edu.uz сайти орқали ариза бериши мумкин.

Юристга савол юбориш

Қўнғироқ орқали юрист билан ҳозироқ онлайн боғланиш

Барча турдаги ҳужжатларга буюртма бериш

@Yurist_Xizmati Ochish/sharhlash

2022-01-03 16:32:34 Жуда кўп ҳайдовчиларнинг асабини бузадиган ҳолат

Шу ишдан кейин ҳеч бўлмаса "аваренка" ёқса, узр сўрагандай ҳолат бўлиб кўринади ва ҳайдовчи ҳам сўкмайди

Ушбу ҳолат кўплаб ЙТҲ'лар келиб чиқишига олиб келади

@Yurist_Xizmati Ochish/sharhlash

2022-01-03 13:43:36 ЙИЛ ЎРТАСИГА КЕЛИБ СИНФ КОМПЛЕКТ БЎЛАДИ ДЕБ, СИНФИМНИ ОЛИБ ҚЎЙИШЛАРИ ТЎҒРИМИ?

@Yurist_Xizmati 3185-савол:

Мактабда ишлайатганимга 15 йил булди. Аммо мен урта маглуматга егаман. Шу йил Президент пармонига асосан имтиез асосида укишга кабул килиндим. Сентябрь ойида 1 синфга 12 укувчи билан синф очилган еди.Лекин 3 синфта 10та укувчи бор еди. Иккита синфтан биттадан укувчи кетип колди. Икки синфни кушганда 20 укувчи булиб колдик. Туман таълим булимидан хабар беришига караганда шу икки синфни кушиб комплект килмокчи. Биринчидан мен соатсиз колдим. Завучимиз 4 та соат бераман бошлангич синфтан деди. Катта синфларга дарс беролмайсиз сиз среднийсиз деди. Йил уртасида синфимни олиб куйишлари тугрими кандай маслахат берасиз?

ЮРИСТ ЖАВОБИ:

Йил ўртасида ҳам синфларни комплектлаш мумкин.

Вазирлар Маҳкамасининг 2017 йил 15 мартдаги 140-сон қарори билан тасдиқланган “Умумтаълим мактаби тўғрисида”ги низомнинг 28-банди ҳамда “Умумтаълим муассасаларида синфларни комплектлаш ҳамда тарификация рўйхатларини шакллантириш тартиби тўғрисида”ги низом 4-бандига биноан кам комплектли умумтаълим муассасаларида (филиалларда) бошланғич синф ўқувчилари қуйидаги ҳолларда битта синфга бирлаштирилиши мумкин:
• ўқувчилар сони 8 нафаргача бўлган I ― IV синфлар;
• ўқувчилар сони 12 нафаргача бўлган учта бошланғич синф;
• ўқувчилар сони 24 нафаргача бўлган иккита бошланғич синф (I ва III, II ва IV синфлар).

Юқоридаги низомнинг 9-бандига кўра ҳудудий халқ таълими бўлинмалари ва ҳудудий молия органлари томонидан кўриб чиқилган синфлар комплектини шакллантириш тўғрисидаги маълумотлар ҳар йили 15-сентябрга қадар тасдиқланади ёки аниқланган хато ва камчиликларни асослантирган ҳолда қайта ишлаш учун юборилади.

Қоиданинг мазмунида синфларни комплектлаш сентябрь ойида амалга оширилиши назарда тутилмоқда.

Бироқ низомнинг 11-бандида ҳар йили январ ойида зарурат туғилганда синфлар комплектлари мазкур Низомга асосан қайта кўриб чиқилиши мумкин эканлиги қайд этилган.

Айнан мазкур норма сиздаги вазиятда синфларни комплектлаш мумкинлигидан далолат беради.

Юристга савол юбориш

Қўнғироқ орқали юрист билан ҳозироқ онлайн боғланиш

Барча турдаги ҳужжатларга буюртма бериш

@Yurist_Xizmati Ochish/sharhlash

2022-01-03 10:25:08 ​​ТАЪТИЛ ВАҚТИДА ЎҚУВЧИЛАР УЧУН ОНЛАЙН ОЛИМПИАДА ЎТКАЗИЛАДИ. ҒОЛИБГА НОУТБУК ЁКИ ПЛАНШЕТ БЕРИЛАДИ

Халқ таълими вазирлиги Фан олимпиадалари бўйича иқтидорли ўқувчилар билан ишлаш департаменти томонидан 2022 йил 6-10-январ кунлари математика, физика, кимё ва биология фанларидан 4-11-синф ўқувчилари ўртасида график асосида онлайн олимпиадалар ўтказилади.

Олимпиада иштирокчиларга 20 та тест топшириқлари тақдим қилинади ва уларни бажариш учун 1 соат вақт ажратилади. Тест натижаларига кўра ҳар бир синф ва фан кесимида энг кам вақт сарфлаган ҳолда рейтингда энг юқори бўлган бир нафар иштирокчи ғолиб ҳисобланади.

Ушбу онлайн олипмиадада ўқувчилар қатнашиши учун етарлича вақт бор. Қатнашмасликка баҳона қидириш учун асос йўқ. Айниқса, рептиторга бориб, ўқишга тайёрланаётган ўқувчилар шунақа пайтларда ўзини кўрсатиши керак. Ғолиб бўлганларга ҳам соврин сифатида ноутбук ёки планшет берилади.

Онлайн олимпиадаларда иштирок этиш учун ўқувчилар мана бу ҳавола орқали рўйхатдан ўтишлари шарт! Рўйхатдан ўтган ўқувчилар ўз таълим муассасалари томонидан тизимда тасдиқланиши лозим. Онлайн олимпиадаларда иштирок этиш мутлақо бепул.

Онлайн олимпиадада иштирок этиш

Хабарни улашинг
@Yurist_Xizmati Ochish/sharhlash

2022-01-03 08:27:22 Илон Маск'нинг "Tesla"сини анжончасига ўйнатиб юборишибди

@Yurist_Xizmati Ochish/sharhlash

2022-01-02 16:14:57 1979 ЙИЛ ИШЛАБ ЧИҚАРИЛГАН МАШИНАМ УЧУН МЕТАНГА РУХСАТНОМА БЕРИЛМАЙДИМИ?

@Yurist_Xizmati 3184-савол:

Savolim quydagicha moshinam 1979 yilda ishlab chiqarilgan samarqandan sotib olganman eski namunadgi tex pasport propanga ruxsatnoma berilgan hozir metan gaz balon o‘rnatganman gayidan yangi namunadagi tex pasport olmoqchiydim metanga ruxsatnoma qilib beringlar degandim munkin emas deyishyapti propanga ruxsatnoma qilib beramiz deyishyapti prapan qimmat cho‘ntak ko‘tarmaydi metanga ruxsat olishim uchun Nima qilishim kerak. Iloji boricha tezroq bo‘lgani yaxshi tex pasportni almashtirishga bergandim

ЮРИСТ ЖАВОБИ:

Ҳурматли фуқаро саволингизга қуйидагича жавоб берамиз. ЎЗБEКИСТОН РEСПУБЛИКАСИ ВАЗИРЛАР МАҲКАМАСИНИНГ 2015-йил 11-ноябрдаги 326-сон қарори билан тасдиқланган "СИҚИЛГАН ТАБИИЙ ГАЗДА, СУЮЛТИРИЛГАН НEФТ ГАЗИДА ЁКИ ДИЗEЛ ВА ГАЗСИМОН ЁҚИЛҒИ АРАЛАШМАСИДА ИШЛАЙДИГАН ТРАНСПОРТ ВОСИТАЛАРИНИНГ ХАВФСИЗЛИГИ ТЎҒРИСИДА УМУМИЙ ТEХНИК РEГЛАМEНТИ"да автомобилларнинг ишлаб чиқарилган санаси ва эскилиги билан боғлиқ бирор норма мавжуд эмас.

Агарда автомобиль техник талабларга жавоб берса, унга метан газ балон ўрнатиш мумкин. Мумкин эмас деган қарор бўлса, унда ўша бандини сизга кўрсатсин. Техник талабларга жавоб берадиган совет давридаги автомобиллар ҳам газ балонда юрибди.

Автомобилингиз техник кўрикдан метан газ балон ўрнатишга яроқли деган хулоса билан ўтса бўлди, рухсатнома қилиб беришга мажбур бўлади. Лекин метан газ балон ўрнатишга яроқсиз деган хулоса билан ўтса, унда пропан ўрнатишга мажбурсиз.

Юристга савол юбориш

Қўнғироқ орқали юрист билан ҳозироқ онлайн боғланиш

Барча турдаги ҳужжатларга буюртма бериш

@Yurist_Xizmati Ochish/sharhlash

2022-01-01 20:11:30 МАЛАКА ОШИРИШ ХИЗМАТ САФАРИ ТОИФАСИГА КИРАДИМИ ВА ХАРАЖАТЛАР ТЎЛАБ БЕРИЛАДИМИ?

@Yurist_Xizmati 3183-савол:

Men Qòqon shahridagi umumiy òrta ta'lim maktabida ishlayman. Dekabr oyida Farg'ona shahriga òqituvchilar malakasini oshirish institutiga navbatdagi malaka oshirish uchun xizmat safariga jònatildim. 2013-yildan buyon hisobchimiz qandaydir qarorni bahona qilib xizmat safari pulini tòlamaydi. Vaxolangki, mehnat kodeksida xodimning xizmat safari xarajatlari davlat budjeti tomonidan qoplanadi deyilmaganmi. Yoki qonunga òzgartirish, yo bòlmasa unga zid bòlgan qaror chiqqanmi?

ЮРИСТ ЖАВОБИ:

Қаранг! Меҳнат кодекси 171-моддасига мувофиқ хизмат сафарида ва кўчиб юриш билан боғлиқ ишларда қуйидагилар тўланиши лозим:
• йўл кира харажатлари;
• доимий турар жойидан бошқа жойда яшаш, шу жумладан уй-жой ижараси билан боғлиқ харажатлар;
• ходим томонидан иш берувчининг рухсати ёки розилиги билан қилинган бошқа харажатлар.

Шу қоидага кўра хизмат сафарига юборилган ходимнинг юқоридаги харажатлари тўлаб берилади.

Бироқ ҳурматли фуқаро малака ошириш хизмат сафари тоифасига кирмайди. Ўзбекистон Республикаси ичкарисидаги хизмат сафарлари тўғрисидаги йўриқноманинг (рўйхат рақами: 1268, 29.08.2003-й.) 1-бандига кўра хизмат сафари деб ходимни ташкилот, муассаса, бирлашма, корхона раҳбарини фармойишлари бўйича, ўзининг доимий иш жойидан ташқарида хизмат топшириғини бажариш учун бошқа жойга, маълум бир муддатга юборилиши (бориб келиш) тушунилади.

Айнан мана шу қоида малака оширишнинг хизмат сафарига кирмаслигидан далолат беради.

Лекин Меҳнат кодексининг 166-моддасига кўра иш берувчи ва меҳнат жамоаси манфаатларига доир вазифаларни бажариш (малака ошириш, рационализаторлик таклифларини жорий этиш ишида қатнашиш, хизмат сафарида бўлиш, тиббий кўрикдан ўтиш ва бошқа ҳолларда) мақсадида ходимни ишдан озод этиш шартлари, шунингдек ана шу давр учун тўланадиган кафолатли тўловлар миқдори жамоа шартномаларида белгилаб қўйилади, лекин бу тўлов миқдори ўртача иш ҳақидан кам бўлмаслиги керак.

Айнан шу қоидага кўра сизга малака ошириш даврида ўртача ойлик иш ҳақингиз тўлаб берилиши керак деб ҳисоблаймиз. Сиз бу масалада туман адлия бўлимига мурожаат қилишингиз мумкин.

Юристга савол юбориш

Қўнғироқ орқали юрист билан ҳозироқ онлайн боғланиш

Барча турдаги ҳужжатларга буюртма бериш

@Yurist_Xizmati Ochish/sharhlash

2022-01-01 17:26:27 #Хушхабар

​​ МАЛАКА ТОИФАСИГА ЭГА БЎЛГАН ЎҚИТУВЧИЛАРНИНГ ОЙЛИК МАОШИ ОШИРИЛИШИ МУМКИН

2022 йилда иқтидорли ўқитувчиларнинг иш ҳақлари оширилиши кутилмоқда. Бу ҳақда “Янги Ўзбекистоннинг 2022–2026 йилларга мўлжалланган тараққиёт стратегияси тўғрисидаги” Президент фармони лойиҳасида назарда тутилган.

Яъни, 2022 йилдан бошлаб ўқитувчиларнинг малака тоифасига қараб табақалаштирилган ҳолда қуйидаги миқдорларда қўшимча иш ҳақи тўлаш режалаштирилмоқда:

олий тоифали ўқитувчилар учун – камида 15 фоизга;

биринчи тоифали ўқитувчилар учун – камида 10 фоизга;

иккинчи тоифали ўқитувчилар учун – камида 5 фоизга.

Агар мазкур фармон лойиҳаси тасдиқланса, малака тоифасига эга бўлган ўқитувчилар қуйидаги миқдорда ойлик маош оладилар:

Олий тоифали ўқитувчи – 3 млн 645 минг 511 сўм

Биринчи тоифали ўқитувчи – 3 млн 155 минг 468 сўм

Иккинчи тоифали ўқитувчи – 2 млн 703 минг 065 сўм

Эслатиб ўтамиз, ўқитувчиларнинг малака тоифасига қараб табақалаштирилган ҳолда ойлик маошларнинг оширилиши юқорида айтиб ўтилган Президент фармони лойиҳаси имзолангандан сўнгина амалга оширилади.

Фармон лойиҳаси 2021 йилнинг 30 декабрь куни муҳокамалар порталига жойланган бўлиб, 2022 йилнинг 14 январь куни якунланади. Катта эҳтимол билан Президент фармони январъ ойининг учинчи ўн кунлигида тасдиқланиши мумкин.

@Yurist_Xizmati Ochish/sharhlash

2022-01-01 17:26:23 Ўзбекистонда 2022 йил “Инсон қадрини улуғлаш ва фаол маҳалла йили” деб эълон қилинди.

@Yurist_Xizmati Ochish/sharhlash