Xushnudbek.uz

2022-01-17 14:01:47 Бугун юртимизга 310 минг доза Pfizer/BioNTech вакцинаси олиб келинди. Бу 2022 йил ҳисобидан келтирилган иккинчи партия вакцинадир.

Шундай қилиб, Ўзбекистонда фойдаланилаётган вакциналар миқдори салкам 50 млн дозага етди.


@xushnudbek Ochish/sharhlash

2022-01-17 13:30:18 «Uzbekistan Airways» авиакомпаниясига қарашли Airbus A320-214 самолёти кучли қор бўрони сабаб Минск аэропортида учиш йўлагидан чиқиб кетган.

Самолётда 115 нафар йўловчи бўлган, жабрланганлар йўқ. Самолётга ҳам зарар етмаган. Воқеа жойида махсус қутқарув ишлари олиб бормоқда.

Таҳрирланди: барча йўловчилар терминал биносига олиб борилган, ҳаво кемасини эса тураргоҳгача тортиб боришган.


@xushnudbek Ochish/sharhlash

2022-01-17 12:13:16 Эшқувватов Сирожиддин Қоршибаевич Андижон вилоят прокурори лавозимига тайинланди.

У бунга қадар Наманган вилояти прокурорининг 1-ўринбосари лавозимида ишлаган.

Вилоятнинг собиқ прокурори Ғайрат Фозилов шу йил 25 ноябрь куни фаолиятида йўл қўйган хато-камчиликлари учун эгаллаб турган лавозимидан озод этилган.


@xushnudbek Ochish/sharhlash

2022-01-17 09:22:45 Айни пайтда Давлат солиқ қўмитаси раиси Шерзод Кудбиев иштирокида солиқ маъмуриятчилигидаги сўнгги янгиликларга бағишланган матбуот анжумани бўлиб ўтмоқда.

Матбуот-анжуманини ушбу ҳавола орқали тўғридан-тўғри эфирда кузатишингиз ва изоҳ қолдиришингиз мумкин:







@xushnudbek Ochish/sharhlash

2022-01-17 08:56:41 Тадбиркорларга тушунтириш эмас, амалий ҳаракат керак

Янги йил бошланиши билан солиқ ставкалари ва солиқ маъмурчилигидаги янгиликлар бўйича билдирилаётган оммавий эътирозлар юзасидан бугун Давлат солиқ қўмитаси раҳбарияти оммавий ахборот воситалари учун матбуот анжумани ўтказиши кутилаяпти. Ишончимиз комилки, улар ҳар бир эътироз бўйича аргумент келтиради, ўзларининг ҳақлигини исботлашади, айрим “ноинсоф” солиқ тўловчиларнинг қинғирликлари ҳақида мисоллар келтиради.

Шу воқеалар бошлангач, бухгалтерлар, тадбиркорлар билан юзага келган вазият бўйича суҳбатлашиб, тушундикки, солиқчилардан тушунтириш сўралмаяпти, ҳаракат сўраляпти, минг тўғри бўлгани, минг қонуний бўлгани (бунгаям саволлар бор) билан ҳам жуда кўпчиликка тўғридан-тўғри дахл қилгани эътирозларнинг баланд овозларда янграшига сабаб бўлаяпти. Бунда ким ҳақ ёки ким ноҳақлиги муҳим эмас, аввало, компромисга борилиши — аниқроғи, тадбиркорлар тараф ижобий қадам ташланиши лозим.

Иккинчидан, яширин иқтисодиётга қарши курашиш, солиқ базасини кенгайтириш йўлида, афтидан, қилинаётган саъй-ҳаракатлар охир-оқибат узоқ муддатли истиқболда яширин иқтисодиётнинг янада кенгайишига, солиқ базасининг камайишига олиб келмайдими? Тадбиркорлар яна “қора” схемалар орқали ишлашга ўтиб кетмайдими? Бу ҳам прогноз қилинганми? Ёки ўз хатти-ҳаракатини ҳаспўслаш учун ўзига маъқул ва мақбул прогнозларни ишлатишаяптими?

Учинчидан, солиқ маъмурчилиги бўйича жорий қилинаётган янгиликлар тадбиркорлик фаолиятининг харажатларини оширмайдими? (Мисол учун, бухгалтерлар хизмати нархи каррасига ошади) Пировардида оддий одамлар, халқимиз, энди-энди елкасига шамол тегаётган қора-кўзларимиз бунинг бадалини тўламайдими?

Тўртинчидан, ҳамма айтиб келаяпти, Ўзбекистон бизнес муҳитига таъсир қилаётган салбий омиллардан бири сифатида қонунчилик ва уни қўллаш амалиётининг беқарорлиги ҳисобланади. Ҳар йили янгилаётган қонунчилик, янгиланганда ҳам — идоравий манфаатлар йўлида янгиланаётган ўзбошимчаликларга қачон барҳам берилади? Нега, масалан, Солиқ ва бошқа тадбиркорлик фаолияти билан боғлиқ ҳужжатларга тадбиркорлар учун ҳар қандай юкламани оширишга (ставкадан тортиб, e-бир-балолар) қаратилган ўзгартиш ва қўшимчалар киритишга 5 йилга, 10 йилга мораторий жорий қилса бўлмайдими? Тадбиркор фойдасига бўлса, майли, киритишсин. Кейин шу гапимизда доим собит қоламиз: солиққа оид қонун лойиҳалари парламентда ёзилиши керак, ундан манфаатдор ташкилотларда эмас.

Бешинчидан, тадбиркорларни қийнаш бўйича қисқагина тарихимизда йўл қўйган хатоларимизни яна ва яна такрорлашдан тийилишимиз керак. Тадбиркорни гап-сўзлар билан алдамасдан, унга ёрдам бериш керак. Назаримизда, бу ёрдам сиёсий бўлиши керак. Тадбиркор учун, халқ учун кимнингдир ҳақлиги муҳим эмас, тадбиркорлар ҳозирги шартли комфорт ҳолатидан ноқулай, ёқимсиз муҳитга ўтаётганини ҳукумат теран ҳис қилиши керак. Тадбиркорлар ҳали бизга кўп керак бўлади.

ИМҲО. Ochish/sharhlash

2022-01-17 08:23:24 ​ Barcha abituriyentlar va talaba bo'lishni xohlovchilar diqqatiga

Profi University’da qishki qabul davom etmoqda!

​​"Qishki qabul" bu nima?
Qishki qabul – birinchi kursni tezlashtirilgan jarayoni hisoblanib, unda siz yozda ham ta’lim olasiz. Talaba kuz mavsumida ikkinchi kursga o'tkaziladi.

Yo'nalishlarimiz:
Ingliz tili va adabiyoti
Rus tili va adabiyoti
Pedagogika-psixologiya
Maktab menejmenti
Boshlang'ich ta'lim
Maktabgacha ta'lim

Kunduzgi, kechki va sirtqi ta'lim shaklida o'qish imkoniyati mavjud!

Ta'lim o'zbek va rus tillarida, to'lov-kontrakt asosida amalga oshiriladi.

Imtihon: IQ test va suhbat asosida

Online ariza qoldirish uchun: https://profiuniversity.uz/#rec396986339

Telegram kanal: @profiuniversity

Tel: (78) 777 11 11

Manzil: Toshkent sh., Mirobod tumani, Abu-Sulaymon Banokatiy ko'chasi, 17-uy

Ma'lumot o'rnida: ushbu oliygohni muvaffaqiyatli tugatgan bitiruvchilar O'zbekiston Respublikasidagi davlat oliy ta'lim muassasalarining diplomlari bilan bir xil tan olinuvchi diplomga ega bo'ladilar.
Reklama Ochish/sharhlash

2022-01-16 12:53:47 Мазза қилдим кўриб.
Ҳамма нарсадан холи самимий концерт.
Қизгинанинг овозини тозалигини қаранг.
Белкуракни қўйиб рақс тушган онажоннинг ҳалимлигини қаранг.

Жудаям яхши халқимиз бор. Ҳар ҳолатни, ҳар кунни байрам қила оладиган. Ochish/sharhlash

2022-01-16 10:06:08 Олий Бош Қўмондон Шавкат Мирзиёевни мудофаа вазири қандай кутиб олди.

“Менимча” кўрсатувидан лавҳа.


@xushnudbek Ochish/sharhlash

2022-01-16 08:45:10 Муҳримнинг (@muhrim) мана бу [сарказм аралаш] таклифи ҳам ёмон эмас лекин: Ўзбекистондаги дарахтларга қарши жорий қирғиндан омон қолган ҳар бир 5—10 ёшдан катта дарахтга ҳозирдан ҳар йили медалми, орденми беравериш керак, менимча. «Қаҳрамон дарахт» деганми… Ochish/sharhlash

2022-01-15 21:29:20 Муҳримнинг (@muhrim) мана бу [сарказм аралаш] таклифи ҳам ёмон эмас лекин:

Ўзбекистондаги дарахтларга қарши жорий қирғиндан омон қолган ҳар бир 5—10 ёшдан катта дарахтга ҳозирдан ҳар йили медалми, орденми беравериш керак, менимча. «Қаҳрамон дарахт» деганми, шунга ўхшашроқ ном билан.

Ҳокимларимиз, экополицияларимиз, экоқўмиталаримиз ва дарахтларимиз ҳимояси учун масъул барча давлат валломатларимизнинг саноқсиз арраларидан «қочиб», кейинги шундай валломатларимиз ҳукмронлигигача эсон-омон етиб олган ҳар бир дарахтимиз, шубҳасиз, миллий қаҳрамонимиздир. Уларни уруш фахрийлари сифатида ардоқлаш лозим.

Сиз бу таклифга нима дейсиз?


@xushnudbek Ochish/sharhlash