Xushnudbek.uz

2022-01-15 21:13:22 Даҳшат! Қотиллик!

Журналист Шуҳрат Шокиржоновнинг (@shokirjonov) ёзишича, Андижон вилоят перинатал маркази ҳовлисида яшнаб турган 12 та дарахт қулатилибди.

Андижон шаҳар ободончилик корхонаси ходимлари дарахтларни ўзлари кесиб, (номерсиз машинада!!!) ташиб кетишмоқда.

Журналистнинг маълум қилишича, ободонлаштириш ходимлари вилоят ҳокими янги қурилган бинонинг олди очилсин, дегани учун дарахтларни кесишаётганини айтибди.


@xushnudbek Ochish/sharhlash

2022-01-15 20:48:39 Кўп берилаётган саволларга мутасаддилардан изоҳ олдим:

Менга аввал юрганларим учун пул тўлаб берилмадику?

ЖАВОБ: Ҳақиқатдан маълум бир муддат учун 10 минг қадамдан кўпроқ юрганлар 3 минг сўмдан пул тўплашган, лекин уларнинг пластик карталарига ташлаб берилмаган. Душанба кундан бошлаб, 15 январгача кимки 10 минг қадам юриб, пул ишлаган бўлса БАРЧАГА пуллар бирин-кетин тўлаб берилади. Декабрь ойидаги ҳам, январь ойидаги ҳам. Ҳеч кимда тўланмаган пул қолиб кетмайди.

1hls.uz сайти нега ишламаяпти?

ЖАВОБ: Бугундан бошлаб тизимда техник ўзгартиришлар амалга оширилади. Чунки илгари 10 минг қадам учун тизимда 3 минг сўм берилган бўлса, энди ҳар ҳафта 100 млн сўм ва мингта велосипед ўйналади. Буни амалга ошириш учун тизимда техник-дастурий ўзгаришлар қилиш керак. Шу сабабли қисқа муддатга вақтинча тизим ишламай туради.

1hls иловасини қаердан юклаб олса бўлади?

ЖАВОБ:

Android учун юклаб олиш

iOS учун юклаб олиш

Қачондан 100 млн сўм ютиш мумкин?

ЖАВОБ: Барча техник ўзгаришлар тугатилгандан сўнг, Туризм ва спорт вазирлиги қўшимча хабар беради. Бу пуллар бугун ёки эртадан ўйналмайди. Дастурий ўзгаришлар қилиш учун бироз вақт керак. Лекин бу узоққа чўзилмайди, деган умиддамиз.


@xushnudbek Ochish/sharhlash

2022-01-15 19:41:14 Пиёда юриб, 100 миллион сўм ютиб олишни хоҳлайсизми? Энди бунинг имкони бор!

Туризм ва спорт вазирлиги 1hls.uz платформасида кунига 10 минг қадам юрган фуқароларни рағбатлантиришнинг янги тизимини маълум қилди.

Асосий ўзгаришлар қуйидагича:

Энди суткасига 10 минг қадам юрганларни янада кўпроқ рағбатлантиш мақсадида ҲАР ҲАФТА қуйидагича совринлар ўйналаркан:

Битта 100 миллион сўм миқдорида пул мукофоти;
Мингта (!!!) велосипед.

Ҳар ҳафта ғолиблар “Спорт” телеканалида жонли эфирда тасодифий танлаб олиш механизми орқали аниқланади;

Ғолибларни аниқлаш шаффоф ва холис бўлиши учун Жамоатчилик назорати кенгаши тузилди. Кенгашга депутат Расул Кушербаев раислик қилади, ҳуқуқшунос Хушнуд Худойбердиев ва блогер Никита Макаренко унга ўринбосар бўлади;

янги рағбатлантириш тизими ишга тушгани муносабати билан 2022 йил 16 январдан бошлаб кунига 10 минг қадам юрганларга 3 минг сўм бериш тўхтатилади;

Лекин 15 январгача 1hls.uz платформасида 10 минг қадам юрган БАРЧА фуқароларга пуллар тўлиқ тўлаб берилади.

P.S.: аввало менга ишонч билдиришгани учун раҳмат, умид қиламанки, Расул ака, Никита ва яна бошқа кенгаш аъозолари билан биргаликда ушбу ютуқлар ўйинини ҳалол, тоза ва шаффоф ўтказилиши учун қўлимиздан келган барча ишни қиламиз.

Тизимни ўзига келсак, тасаввур қиляпсизми, ҳар ҳафта (!) 100 миллион сўм ва ҳар ҳафта мингта велосипед! Бу дегани йилига салкам 50 минг велосипед аҳолига бепул тарқатилади. Бу аҳоли саломатлиги ва экологияга жуда катта фойда. Шу баҳона жамиятда веломаданият ривожланиши орқали йўллар ва инфратузилма ҳам яхшиланади. Чунки велосипеди бор одамлар ўз-ўзидан Ҳукуматдан ва ҳокимлардан йўлларни тўғрилашни талаб қилишни бошлайди.

Ҳар ҳафта 100 млн сўм ҳам чакана пул эмас. Битта машина олса бўлади буни пулига Бизда ҳар қандай пулни дарров машина билан ўлчаб кўришадику ))

Хуллас, имкони бўлса кўпроқ пиёда юринг, 1hls.uz платформасида рўйхатдан ўтинг, телефонингизга иловани юклаб олинг ва асосийси ҳалол йўл билан (ёлғон ва фириб ишлатмасдан) миллионерга айланинг!


@xushnudbek Ochish/sharhlash

2022-01-15 17:03:01 Бугун, 15 январь соат 20:20 да "O'zbekiston 24" телеканалида Ўзбекистон Президентининг фаолияти юзасидан эксклюзив лавҳалар ва воқеалар намойиш этилган янги, таҳлилий "Менимча" телелойиҳасини томоша қилинг. Ochish/sharhlash

2022-01-15 14:30:00 Талабалар учун қўшимча авиа қатновлар йўлга қўйилади

Қишки таътилнинг узайтирилиши муносабати билан, 20-23 январь кунлари қўшимча рейслар қуйидаги жадвал асосида амалга оширилади:

20 январь

Тошкент – Урганч 12:50/14:20
Урганч – Тошкент 15:00/16:20

Тошкент – Нукус 19:00/20:40
Нукус – Тошкент 21:20/22:40

21 январь

Тошкент – Урганч 12:50/14:20
Урганч – Тошкент 15:00/16:20

Тошкент – Бухоро 07:30/08:40
Бухоро – Тошкент 09:20/10:20

23 январь

Тошкент – Фарғона 12:50/13:40
Фарғона – Тошкент 14:20/15:10

Тошкент – Қарши 08:00/09:00
Қарши – Тошкент 09:40/10:40

Тошкент – Термиз 07:30/08:50
Термиз – Тошкент 09:30/10:40

Тошкент – Бухоро 07:30/08:40
Бухоро – Тошкент 09:20/10:20

Тошкент – Урганч 12:50/14:20
Урганч – Тошкент 15:00/16:20

Тошкент – Андижон 12:30/13:30
Андижон – Тошкент 14:10/15:00.


@xushnudbek Ochish/sharhlash

2022-01-15 14:00:00 «Xon Saroy» dan hamyonbop taklif!

Mirobod tumani, Qo'yliq-3 massivda joylashgan «Salom Qo'yliq» turar joy majmuasi xonadonlarini hozirda boshlang'ich 57,9 mln so'mdan boshlangan to'lovni amalga oshirib, qolganini foizsiz muddatli to'lov sharti bilan xarid qiling!

Bot orqali bog'lanish

Qo'shimcha ma'lumot uchun:

712007400
555017400

xonsaroy.uz
Reklama Ochish/sharhlash

2022-01-15 13:19:26 Назарбоевнинг куёвлари йирик давлат компаниялари раҳбарлигидан кетди

Қозоғистондаги йирик давлат активлари (компаниялари)ни бошқарадиган «Самрук-Қазына» фонди «КазТрансОйл» компанияси раҳбари Димаш Досанов ҳамда «QazaqGaz» компанияси бошқаруви раиси Кайрат Шарипбаев лавозимидан озод этилганини эълон қилди.

Мамлакатдаги энг йирик компанияларни бошқарадиган ушбу шахслар Алия Назарбоева ва Дариға Назарбоеваларнинг турмуш ўртоғи ҳам ҳисобланади. Ochish/sharhlash

2022-01-15 10:36:31 Бугун оиламиз, ота-онам билан бирга коронавирусга қарши бустер доза билан эмландик. Аллоҳ ўзи хайрли қилсин.

Бустер доза нима?

Бу аввал тўлиқ эмланган (2 ёки 3 доза билан) фуқаролар 6 ой ўтгандан сўнг иммунитетни мустаҳкамлаш мақсадида яна қайтадан оладиган вакцина дозаларидир.

Батафсилроқ маълумот мана бу ерда бор:
https://t.me/xushnudbek/12149

Агар соғлиғингизда бирор жиддий қаршилик бўлмаса, унда Сиз ҳам яхши ниятлар билан албатта эмланинг, ўзингиз ва атрофдагиларнинг ҳаёти учун қайғуринг.

P.S.: бустер доза олганлар ҳам ўйналадиган автомобилга даъвогарлик қилармикин


@xushnudbek Ochish/sharhlash

2022-01-15 08:01:03 Дипломи Ўзбекистонда ўтадими?

Сўнгги йилларда нодавлат ва хусусий олий таълим муассасалари сони кўпайди. Ҳар ой янги бир университет ёки институт очилгани ҳақидаги эълонларга кўзимиз тушади.

Ана шундай пайтда ота-оналар ва абитуриентларда фақат асосий битта савол пайдо бўлади: «Дипломи Ўзбекистонда ўтадими?» (лекин таълим сифати ҳозирча кўпчиликни қизиқтирмайди)

Ҳозир сизга қайси ОТМнинг дипломи бизда ўтиш ёки ўтмаслигини бировлардан сўрамасдан ҳам мустақил аниқлашнинг осон йўлини ўргатмоқчиман.

Ваколатли давлат органи ҳисобланган Таълим сифатини назорат қилиш инспекциясининг расмий сайтида лицензия олган хусусий ОТМлар рўйхати бор:

https://tdi.uz/nodavlat-oliy-ta-lim-tashkilotlari/index.php

Бирор янги ОТМ эълонига дуч келсангиз, мана шу саҳифага кириб, рўйхатдан текшириб кўринг.

Бугунги кунда 34 та нодавлат/хусусий ОТМда лицензия бор. Агар бирор қинғир иши учун суд қарори орқали фаолияти тўхтатилмаса ёки лицензияси қайтариб олинмаса, уларнинг дипломи Ўзбекистонда ўтади.


@xushnudbek Ochish/sharhlash

2022-01-15 07:07:01 Diqqat, e'lon!!!

Hurmatli ota-onalar, farzandingizning maktabda fanlarni qay darajada o'zlashtirayotganligini bilmoqchimisiz? Unda Proba.uz jamoasi farzandlaringizni "Bilimlar bellashuvi"ga taklif etadi.

Musobaqada 4-sinfdan 9-sinfgacha bo'lgan o'quvchilar ishtirok etishi mumkin!

Savollar maktab darsliklarining bugungacha o'tilgan mavzularidan tuzilgan!

Biz sizga quyidagi natijalarni beramiz:

Fanlardan o'zlashtirish darajasi va tahlili;
Tuman bo'yicha reyting;
Viloyat bo'yicha reyting;
1-o'rinni egallagan o'quvchilarga badiiy kitoblar sovg'a qilinadi ( uygacha yetkazib beriladi!)

Musobaqa bugun 15-yanvar soat 9:00 dan ertaga 16-yanvar soat 23:59 gacha davom etadi.

Iltimos, hurmatli ota-onalar! Farzandingiz har bir savolni mustaqil, faqat va faqat o'zi ishlasin!

"Bilimlar bellashuvi" musobaqasi har 2 haftada 1 marta o'tkaziladi.

Probauz dasturni o'rnatish: https://play.google.com/store/apps/details?id=proba.uz

Natijalarni 18-yanvar kuni soat 18:00 dan boshlab @probauzb telegram kanalimiz orqali bilib olishingiz mumkin!
Ochish/sharhlash