Usmonxon Mavlonov || Blog

2023-04-24 17:16:48 Bir zavodda samaradorlikka nimalar ta’sir qiladi va uni qanday oshirish mumkin degan tadqiqot o’tkazishibdi.

Tadqiqotdan oldingi holatni belgilab olib:

Avvaliga ish muhitidagi yorug’likni 2 baravar pasaytirib ko’rishibdi. Qarashsa, samaradorlik 50%ga oshibdi.

Keyingisida yorug’likni 2 baravar oshirib ko’rishibdi. Endi qarashsa, samaradorlik yana 50% oshgan ekan.

Xulosa nima? Ish muhitida yorug’lik qanaqa bo’lishini ahamiyati yo’q, muhimi samaradorlikni o’lchash ekan . Ochish/sharhlash

2023-04-19 11:50:15 O’qish bo’yicha layfxak

https://usmonkhon.notion.site/O-qish-uchun-layfxak-b7533eb29b57409c99e6074ade2f453f Ochish/sharhlash

2023-04-18 00:58:07 If uniform, only like this Ochish/sharhlash

2023-04-12 13:40:02 Doimiy yozib borishning yana bir yaxshiligi agar o’rganmay qo’ysangiz darrov sezasiz.
Oxirgi 1 haftada o’qish kamaydimi, darrov bilinadi. Yozishga hech narsangiz bo’lmaydi.

Yana yangi narsa o’rganishga yoki tafakkur qilishga majburlaydi. Odatiy jarayonlar sizni bunga majburlay olmaydi. Bir tashvish orqasidan boshqasi chiqib keladi va yugurib yurilaveradi

Doimiy kuzatib, yozib, o’rganib, tahlil qilib yuring Ochish/sharhlash

2023-04-08 18:29:47 O’sish chiziqli emas

Hozirgi qilayotgan ishingizdan 10x natija olmoqchi bo’lsangiz, shunchaki hozir qilayotgan ishingizni 10 marta ko’proq bajarish foyda bermaydi.

Jismoniy kuch, bilim yoki vaqt yetmaydi.

Siz endi boshqacha ishlashingiz kerak.

Boshqacha ishlash nima?

Boshqacha ishlash esa hozirgi qilayotgan ishingizda

- odamni
- jarayonni
- yoki modelni o’zgartirishni talab qiladi.

Deylik siz bironta xizmat ko’rsatish bilan shug’ullansangiz, o’n baravar ko’p ishlolmaysiz. Bunga na jismoniy kuch, na vaqtingiz yetmaydi. Oldingizdagi yo’llar:

1. Natijani oshirish uchun mijozni o’zgartirasiz. Oldingi mijozlaringizdan boshqa xarakteristikadagi mijozlarni qabul qilish orqali foydani oshirish mumkin. Oldin startaplarga yoki yakka tadbirkorlarga xizmat ko’rsatilgan bo’lsa, endi korporativ mijozlarga xizmat ko’rsatiladi. Ish hajmi bir xil, natija o’zgarishi mumkin.

2. Jarayonni o’zgartirasiz. Bir o’zingiz emas, jamoa bilan ishlashni boshlaysiz. O’zingiz 3 ta proyekt bitirgan bo’lsangiz, 10 kishilik jamoa bilan 50ta proyekt bitirasiz. Natija 10x.

3. Oldin mijozlarga alohida personal e’tibor berilib, maxsus yechim ishlab chiqilayotgan bo’lsa, xizmatingiz sotilayotgan bo’lsa, endi shablonlar sotishni boshlaysiz. Bunda model o’zgaradi.
Natija ham disproporsional o’sishni boshlashi mumkin. Ochish/sharhlash

2023-04-03 14:08:46 Ataylab qilishmagan.

Kimdir sizni gavjum joyda turtib ketsa, ataylab qilgan bo’lmaydi.

Kimdir moshinada sizning yo’lingizni qisib qo’ysa ham ataylab emas. U ertalab sizning yo’lingizni qisib o’taman deb ko’chaga chiqmagan.

Bular shunchaki tasodif yoki omadsizlik.

Dunyo sizga qarshi emas.

Odamlar qiladigan ishlarning aksariyati xato bo’ladi va bu tabiiy hol. Siz esa ana shu xatolardan qaysidir biriga to’g’ri kelib qolgan bo’lishingiz mumkin.

Agar siz odamlar ataylab manga qarshi ish qilishadi deb o’ylasangiz, boshqattan o’ylab ko’ring.
Manba Ochish/sharhlash

2023-04-02 00:30:27 Siz qaysidir sohada zo’r bo’lmoqchisiz. Odatiy fikrlash qanaqa bo’lishi mumkin:

- Sohadagi eng zo’r bilimni olaman;
- Eng zo’r apparatlarni ishlataman;
- Eng yaxshi tajribalardan foydalanaman

Agar noodatiy o’ylaganingizda qanday bo’lardi:

- Shu sohada nima qilsam, aniq kasodga uchrayman? Shu haqida o’ylasangiz sizda nechtadir yomon ishlarning ro’yxati chiqadi.(o’g’rilik, dangasalik, yolg’on va’dasida turmaslik)

Shulardan uzoq bo’lsangiz, ertami kechmi o’sha sohada natijaga erishasiz.

Muammolarga bunday yondashish yoki o’ylash inversiya deb nomlanadi. Teskarisidan kelish degan ma’noni beradi. Muammoni yechishni oxiridan boshlashni tavsiya beradi.

P.S: hal bo'lmayotgan muammoyingiz bormi? Teskarisiga o'ylab ko'ring, balki foyda berar Ochish/sharhlash

2023-03-29 21:50:03 Oson erishildi degani u narsa qiymatsiz degani emas

Biz biror narsaga oson erishsak, uning qadri bizning ko'z oldimizda ozgina pastdek ko'rinadi. Garchi u boshqalar uchun juda qimmatli bo'lsa ham.

Ba'zilarga berilgan ne'mat borki, ular yangi narsani tez o'rgana olishadi. Ba'zi ishlarni qilish ularga juda oson.
Misol uchun kimgadir narsa o'rgatish, xodimlarni boshqarish, muzokara o'tkazish. Bu ko'nikmalar ularda nisbatan oson shakllangani uchun ular o'zlaridagi qobiliyatlarni unchalik nazarga ilmasliklari mumkin. Vaholanki qolganlar uchun bu ishlar juda qiyin tuyulishi mumkin.

Bu holat nima uchun yozildi?

O'zimizdagi qobiliyatlarga e'tibor berish uchun. Biz nimada kuchli bo'lsak, o'sha narsani osonlik bilan bajaramiz. Osonlik bilan bajarganimiz uchun esa, u qobiliyatga e'tibor bermaymiz.

O'zimizdagi eng kuchli qobiliyatni bilish uchun osonlikcha bajaradigan ishlarimizga qarash kerak. Ochish/sharhlash

2023-03-11 22:50:06 Biror yomon odating bormi? uni to’xtatolmayotgan bo’lsang, shu ishing haqida har kuni yozib bor. Uning yaxshi emasligi, zararlari va h.k
Yolg’on gapirasanmi? Yolg’onning zararlarini, nega yomonligini har kuni yoz.

Yaxshi odatni shakllantira olmayabsanmi, uni ham har kuni yozib bor.
Kitob o’qiy olmayabsanmi. Yozib borsang yetadi. Nimani yozasan:
-Kitob o’qishning foydalarini;
-Kitob o’qimaganing uchun nimalardan quruq qolganingni;
-Uni osonlshtirish uchun nima qilishing kerakligini.

Agar yomon odatlaringni har kuni yozib borsang, oxir oqibat yoki yozishni to’xtatasan yoki yomon odatingni. Ochish/sharhlash

2023-03-05 21:50:02 Maslo bolg'asi

Sizdayam shunaqa holat bo'lganmi, biror yangi narsa yoki dasturni o'rganasiz-da, uni hamma yerda ishlatishni xohlab qolasiz.

Misol uchun Notion'ni o'rgangan bo'lsangiz, hamma narsangizni unda yuritgingiz keladi. Yana bir tanishim excel'ni o'rtachadan yaxhsiroq biladi va butun jamoasini excel'da boshqarishga harakat qiladi.
Garchi u biladigan dastur u hal qilmoqchi bo'lgan vazifaga juda mos bo'lmasa ham.

Maslo bolg'asi xuddi shu holatni yaxshi ta'riflaydi:
Odamlar o'zi bilgan termin yoki instrumentga keragidan ko'p ishonib yuboradi va uni mos bo'lmagan vaziyatlarda ham ishlatishga harakat qiladi. Ya'ni odamda faqat bolg'a bo'lsa, u yo'lida ko'rgan hamma narsaga mixdek munosabat qiladi. Balki u oddiy mix emas, burama mix ekaniga qarab o'tirmaydi.

O'zingizda shunday holat bo'layotganini sezsangiz, bu ishdan maqsad nimaligi va aslida qanday bo'lishi kerakligi haqida 0 dan o'ylab ko'ring va kerakli instrumentni tanlang. Ochish/sharhlash