Халқ табобати

2023-05-05 11:26:12 QULUPNAY QIZILO'NGACH SARATONIDA YORDAM BERADI

Qizilo'ngach saratoni, oshqozon osti bezi saratoni kabi, eng halokatli tashxislardan biridir. Kasallikdan so'ng o'rtacha 5 yil umr ko'rgan bemorlar 20% dan kam.

Bunday daxshatli statistika bizni ushbu kasallikni oldini olish, shuningdek, uning rivojlanishini iloji boricha tezroq to'xtatish va qaytarish haqida o'ylashga majbur qiladi.

Olimlar rezavorlar bilan tajriba o'tkazishga qaror qilishdi. Qulupnay kukuni qizilo'ngach saratoniga hos ayrim o'zgarishlarga ega bo'lgan bemorlarning sog'lig'iga ta'siri bo'yicha o'tkazilgan klinik sinovda, bemorlar yarim yil davomida har kuni 30-60 g muzlatilgan, quritilgan qulupnayni kukun shaklida iste'mol qildilar (400 g tabiiy qulupnay miqdoriga to'g'ri keladi).

Tadqiqotning barcha ishtirokchilariga boshlang'ich yoki o'rta bosqichdagi saraton oldi holati tashxisi qo'yilgan, ammo ajablanarlisi shundaki, 80% hollarda kasallikning regressiyasi (ortga chekinishi) qayd etilgan.

Saraton oldi o'zgarishlar kamroq aniqlangan yoki butunlay yo'qolgan. Ko'p miqdorda qulupnay iste'mol qilganlar guruhidagi ishtirokchilarning yarmi davolanishdan so'ng sog'ayib ketishgan.

https://t.me/sharq_tabobati Ochish/sharhlash

2023-05-04 06:46:02 Энг фойдали қуруқ мева мевалар

Қуруқ мевада янги узилган меванинг барча фойдали хусусиятлари сақланиб қолади. Шу тариқа, бизда фойдали моддалардан нафақат ёзда, балки йил бўйи ҳам баҳраманд бўлиш имкони бор.
Папайя шакарланган меваси (цукат) бутун организмни мустаҳкамлаб, оқсиллар алмашинувини тезлаштиради.
Қуритилган хурмо (финик) иш қобилиятимизни оширади, шунингдек, қўшимча фойдали моддаларга эга бўлгани туфайли, шамоллаш ва бош оғришида оғриқни қолдирувчи восита сифатида қўлланилиши мумкин. B5, E, H каби витаминларга жуда бой бўлган ҳолда, хурмо қоқи иммун тизимини мустаҳкамлайди ҳамда қишни фаол ва хушчақчақ тарзда ўтказишда ёрдам беради.
Қуритилган нок ичак фаолиятига ижобий таъсир ўтказади, организмдан токсинлар ва оғир металларни чиқариб ташлайди.
Ўрик туршаги калийнинг тенгсиз манбаидир; юракка яхши таъсир қилади ва онкологик касалликлар профилактикаси учун ажойиб восита ҳисобланади.
Қуритилган анжир қалқонсимон без фаолиятини нормаллаштиради, организмдан паразитлар чиқиб кетишига таъсир кўрсатади. У саратон ҳужайралари ривожланишининг олдини олади, терини витамин ва микроэлементлар билан таъминлайди.
Олхўри қоқи — ошқозон-ичак йўли фаолиятини яхшилашда ажойиб воситадир, у қабзиятдан халос қилади ва овқат ҳазм қилиш жараёнини тартибга солади. Шунингдек, гипертониядан азоб чекадиган, юрак ва жигар билан боғлиқ муаммолари бўлган кишилар учун ҳам айни муддаодир. У ревматизмда ҳам қўл келади, таркибидаги А витамини эса кўриш қобилиятини яхшилайди.
Майиз яхшигина антидепрессантдир, шунингдек, қалқонсимон без касалликларида ёрдам беради.
Қуритилган олча эркин радикаллар ҳаракатини нейтраллаштиради ва шу тариқа, терини ёшартириш хусусиятига эга.

https://t.me/sharq_tabobati Ochish/sharhlash

2023-05-04 05:29:11 Миянинг ёш бўлиб қолишига ёрдам берувчи тавсиялар

Қариш муқаррар равишда мия ишига таъсир қилади, деб ўйларсиз. Бу бутунлай нотўғри. Мияни соғлом ва ёш сақлаш ҳар бир инсоннинг ўз қўлида.

Юрак тезроқ уришига мажбурланг. Бунда югуриш ёки тез юриш каби аэробик машқлар фойдалидир.

Овқатланиш одатларингизни ўзгартиринг. Таъкидланишича, овқатланиш пайтида калорияларни чеклаш, шунингдек вақти-вақти билан рўза тутиш нейрогенезга ёрдам беради. Бундан ташқари, у диабет каби метаболик касалликларнинг аломатларини камайтиради.

Уйқуга эътибор беринг. Уйқу глимфатик тизим орқали мияни тозалайди. Уйқусиз тун IQ даражасини анча тушириб юборади. Шунинг учун бир кунда 5 - 7 соат ухлашга ҳаракат қилинг. Зарур бўлса, кундузи бироз вақт мизғиб олинг.

https://t.me/sharq_tabobati Ochish/sharhlash

2023-05-04 05:21:02 https://t.me/sharq_tabobati Ochish/sharhlash

2023-04-29 19:27:21 Гўзаллик учун фойдали бўлган мевалар ҳақида нималарни биласиз?

Зиғир уруғи; Тери ёшлиги эликсири;
Қизил карам; Ажинларга қарши;
Киви; Саломатлик қўриқчиси;
Ўрик барги, тери рангининг қўриқчиси;
Цитрус мевалари; Қаришга қарши;
Олхўри; Тирноқларнинг мустаҳкамлиги кафолати;
Саримсоқ; Терини ёшартирувчи;
Малина; Юзнинг шишиши билан хайрлашинг;
Авакадо; Ёшлик меваси;
Дуккаклилар; Терини тозалаш воситаси;
Манго ва сабзи; Тери учун,

Яқинларга Ҳам Улашинг

https://t.me/sharq_tabobati Ochish/sharhlash

2023-04-29 19:20:30 Бугун яна бир яхши кунимиз якунига етди...

Бугун кимгадир яхшилик килдингиз еки кимнингдир дардига малҳам бўлдингиз.

Кимгадир яхши маслаҳат бердингиз еки кайфиятини яхши сўз ила кўтардингиз.....

Ҳеч бўлмаганда кимгадир табассум улашдингиз, шундайми?

Доим ёдингизда бўлсин, Сиз энг олий БАХТга муносиб инсонсиз...

ХАЙРЛИ  ОКШОМ АЗИЗЛАР !

https://t.me/tabibasohibahon Ochish/sharhlash

2023-04-27 06:39:29 Қандай таомланиш иммунитетни кучсизлантиради?

1. Кўп туз истеъмол қилиш.
Организмда кўп миқдорда туз тўпланиши иммун тизим кучсизланишига олиб келади. Охирги тадқиқот натижалари шуни кўрсатдики, вирусли инфекцияга қарши курашиш учун керак бўладиган ресурслардан ортиқча тузларни организмдан чиқаришга сарфланар экан, натижада етарли миқдорда иммуноглобулинлар ишлаб чиқарилмайди, бу эса касалланиш хавфини оширади.

2. Сабзавот, кўкат ва меваларни кам истеъмол қилиш.
Булар клетчатка, витамин ва минералларга бой. Таркибидаги витамин А, С ва фолат кислота иммунитетни мустаҳкамлайди.

3. Кам оқсил истеъмол қилиш.
Бизни организм оқсилни ўзи синтез қилаолмайди. Иммун тизим элементлари оқсилдан иборат, шу сабабли оқсилга бой рацион иммунитетни мустаҳкамлайди.

Таомланишда светофор принципи

Ҳар кунлик истеъмол қиладиган озуқа маҳсулотларингизни рўйхатини тузинг ва уларни категорияларга бўлиб чиқинг.

Қизил — рациондан бутунлай чиқариб ташлаш керак бўлган маҳсулотлар. Масалан: ширинликлар, фастфудлар.

Сариқ — ўхшашига алмаштиринг. Масалан: колбасани гўштга, шакарни асалга, оқ нонни қора нонга.

Яшил — бу категориядаги маҳсулотларни қолдириб ва имкон қадар рациондаги улушини кўпайтирасиз! Масалан: сабзавотлар, кўкатлар, мевалар, ёғсиз гўшт ва сут маҳсулотлари.

Соғлом овқатланиш, тўғри рацион тузишни ҳозирдан бошланг!


https://t.me/sharq_tabobati Ochish/sharhlash

2023-04-27 06:32:33 ​​​​​​ДУОНИНГ ОДОБЛАРИ

1. Қиблага қараб дуо қилиш.

2. Икки қўлни кўтариб дуо қилиш.

3. Икки қўлни кўтариб дуо қилгандан кейин қўлларни юзга суртиш.

4. Икки қўлни кўтариб, кафтнинг ичини ўзига қаратиб дуо қилиш. Сўнгра уларни юзга суртиш.

5. Дуонинг аввалида Аллоҳ таолога ҳамду сано айтиш.

6. Пайғамбар соллаллоҳу алайҳи васалламга саловот айтиш.

7. Азми қарор билан иккиланмай, бўшашмай сўраш.

8. Дуонинг ижобат бўлишига шошилмаслик ва нима учун дуоим қабул бўлмаяпти, демаслик.

9. Ижобатга аниқ ишонган ҳолда дуо қилиш.

10. Ўзига ва ўзига тобеъ бўлган шахс ва нарсаларга дуои бад қилмаслик.

11. Гуноҳ аралаштирмасдан дуо қилиш.

12. Қариндошлик алоқасини узмасдан туриб, дуо қилиш.

13. Дуода муболағага кетиб, ҳаддан ошмаслик.

14. Дуони уч марта такрорлаш.

15. Дуо қилувчи таоми, шарбати ва кийимининг ҳалол-пок бўлиши учун ҳаракат қилмоғи. Бўлмаса, дуо қабул бўлмаслиги аниқ.

16. Дуо қилувчининг озуқаси, маскани, либоси ва барча нарсалари ҳалолдан бўлиши керак.
Имом Муслим ривоят қилган ҳадисда Пайғамбар соллаллоҳу алайҳи васаллам:
«Бир киши узоқ сафар қилади. Ҳориб, чарчайди. Чангу ғуборга бурканади. Икки қўлини чўзиб, эй Роббим, эй Роббим, дейди. Ҳолбуки, таоми ҳаромдир, шароби ҳаромдир, либоси ҳаромдир, ҳаромдан ғизолангандир. Бас, қандоқ ҳам унга ижобат қилинсин», деганлар.

17. Дуо қилиш учун шарафли вақтларни ихтиёр қилиш лозим. Йилнинг энг шарафли вақти Арафа кунидир. Ойларнинг энг шарафлиси Рамазондир. Ҳафтанинг энг шарафли куни Жума кунидир. Саҳар чоғи ҳар бир куннинг энг шарафли вақтидир.

18. Дуо қилиш учун шарафли ҳолатларни ихтиёр қилиш лозим. Ёмғир ёғишни бошлаган вақт, азон ва иқомадан кейин, фарз намоздан кейин, ифтор пайтида, саждадаги ҳолда, кўнгил эриган пайтлар дуо қилиш учун муносиб ҳолатлар бўлади.

19. Овозни жуда кўтариб ҳам, жуда пастлатиб ҳам юбормай дуо қилиш керак.

20. Тазарруъ, хушуъ, хузуъ, рағбат ва илтижо ила дуо қилиш лозим.

21. Ёлворган ҳолда дуо қилиш.

22. Олдин астойдил тавба қилиб, зулм қилган бўлса, уни ўрнига қайтариб туриб, дуо қилиш лозим.

Хайрли кун !

Дуоларингиз ижобат бўлсин..

https://t.me/sharq_tabobati Ochish/sharhlash

2023-04-25 16:04:56 ХЎРОЗНИНГ ТАЪРИФИ ВА УНДАГИ ХИСЛАТЛАР
ҲАҚИДА



Ибн Сино 174, Беруний 965.

Буюк мўъжизанинг биридир хўроз,
Бу ҳақда тафаккур айлагин бироз

Сенга қандай қилиб етмоқда тухум,
Даво билан ичи лиқ тўла бир хум.

Сени ким кечаси қилмоқда бедор,
Ўзи ўз уйқусин тарк этиб такрор.

Таҳажжудга сени чорлайди тунда,
Намозга чақирар сени ҳар кунда.

Фариштадан сенга беради хабар,
Малоика, демак, уйингда турар.

Унга ким ўргатди бу хуш одатни,
Балки, ким кўзлади бу саодатни.

Хўрозга юкланди бу улуғвор иш,
Сени саодатлар сари чақириш.

Бўлмаса хўрозга бу нима ишдир,
Бу нима заҳмату нима ташвишдир?

Агар тафаккурга хос бўлса одам,
Бунинг замирига тез етар шу дам.

Нодон одамларда бўлмас тафаккур,
Ботин кўзи юмуқ ё бўлади кўр.

Махдум, агар билсанг нимадир хўроз,
Ақлу фикринг сени, демак, эрур соз.



ТИББИЙ ТАЪРИФ

Бу хурус (хўроз)дир. Унинг мояги тез ҳазм бўлувчидир. Гўшти қуруқ-иссиқ бўлади.
Буқрот айтади: унинг шўрваси
қалтироққа ва бўғин оғриғига фойда қилади. Хусусан, шўрва шивит (укроп), чилпоя ва пиёз билан пиширилган бўлса.
"Минҳож" китобининг соҳиби айтади: фақат шивит билан пишириб, суви бир донаг (0,495 г.) колганда ичилади. Қари хўроз шўрваси рабу (нафас сиқиши, ҳарсиллаш)га қарши ичилади.
Агар шивит ва чилпоя қўшилса, қўланж (ич қотиши)га қарши фойла қилади.Агар ҳасакдона (маҳсар уруғи) билан бирга истеъъмол қилинса, балғамни суради.
Агар у ични қотирувчилар билан истеъмол қилинса, ичак ярасини тузатади . Агар сут билан пиширилса, қовуқ ярасига фойда қилади.
Сўйиб, қорни ёрилса, ёзишларича, тирик ҳолда ёрилса, илон ва афъо илони чаққан жойга босилса, гоятда фойда қилувчидир.
Сангдона (жиғилдони)иинг ичида бўладиган юпқа пўстини олиб ташлаб, сўнг жиғилдонини қуритиб, туйиб, шароб билан ичилса, меъда оғриғига қарши ғоятда фойдалидир.
Муаллифнинг ўғли айтади: жиғилдонни бирозгина новвот билан туйиб, талқон қилиб истеъмол қилинса ҳам ўша таъсирни беради ва бу кўп марта тажриба қилинган. ("Ихтиёроти Бадиъий" китобидан)

Маҳмуд ҲАСАНИЙ

https://t.me/sharq_tabobati Ochish/sharhlash

2023-04-25 16:02:48 ​​Учта нарсани ёдда тутинг, бахтли бўласиз:

1. Агар бир неъматга эришсангиз, Аллоҳга ҳамд айтинг!
2. Агар ризқингиз секин келса, Аллоҳга истиғфор айтинг!
3. Агар сизга қийинчилик етса, “Ла ҳавла вала қуввата илла биллаҳ”ни кўпайтиринг!

Ҳамма нарса агар кўпайса, арзонлашади.
Фақат Одоб~ ундай эмас..!
У кўпайган сари қимматлашиб бораверади..!

Намозга дўзахдан қўрқиб эмас,
Жаннатга муштоқ бўлиб туринг!

Доим кимдир сизнинг ишингизга катта аҳамият беради.
Сиз эса буни сезмайсиз ҳам.
Барча подшоҳларнинг эшигига:
“Яқинлашиш ва расмга олиш
тақиқланади!” деб ёзиб қўйилади. Лекин подшоҳларнинг Подшоҳи эса биз бандаларига:

---“Аллоҳга сажда (ибодат) қилиб, (Унга) яқин бўлинг!” деб айтади...!

Қозонга яқин юрсанг, қораси юқади,~ дейишади...
Кимда нима бўлса, шуни инсонларга тарқатади, сочади...!

“Сен учун” деб ёзилган нарса заиф бўлишингга қарамай сенга келади...
“Сен учун эмас” деб ёзилган нарсага кучли бўлишингга қарамай ета олмайсан...

Гоҳида ~ сукут бошқаларга суҳбат одобини ўргатиб қўйиш учун фойдали дарс вазифасини ўтайди...

Бало~мусибат сенинг жисмоний
қувватингни эмас, Аллоҳдан
ёрдам сўраш қувватингни " Синаш" учун берилади...

Агар эшакка ҳам кўп эътибор бериб юборсангиз, у ўзини араб отиман деб,~ ўйлайди...

Ҳаётдаги кўп муаммоларимизнинг асосий икки сабаби қуйидагилардир:
1. Ўйламасдан иш қиламиз.
2. Иш қилмасдан ўйлашда давом этаверамиз.

Ёлғончи билан дўстлашишдан эҳтиёт бўл! Чунки, у саробга ўхшайди. Яқинни узоқ қилиб кўрсатади, узоқни эса яқин
қилиб...

Оптимист стаканнинг сув бор қисмига қарайди... Писсимист стаканнинг сув йўқ қисмига қарайди...

Луқмони Ҳакимдан сўрашди:
---“Ҳикматни кимдан ўргандингиз?” У киши шундай жавоб бердилар:
---“Жоҳиллардан. Ҳар сафар улардан бир айбни кўрганимда, ўша айбдан четландим” !

Менга дин ҳақида қуруқ гап гапирма...! Мени ўз ҳолимга қўй, мен динни сенинг хулқингда, муомалангда, ҳаёт тарзингда
кўрай...

Қанчадан қанча гаплар тил камонидан ўйламасдан отилади... Натижада ўзидан минг чандон катта~катта жароҳатлар
қолдиради...

Шикоятни кўпайтирма, чунки, яна ғам келади... Ҳамдни кўпайтир, "Бахт" олиб келсин!

Одамлар сенинг шикоятларингни биринчи бор эшитиб, далда бўладилар. Кейинги сафар эса малоллана бошлайдилар...

Албатта, қалбларда темирнинг зангидек занг бўлади...
Уни кетказадиган нарса
истиғфордир...

“Иложи йўқ” деган сўзни инсон ўз ожизлигини оқлаш ўйлаб топган...

Икки нарса ҳаётга бўлган қарашингизни ўзгартиради:
беморлик ва мусофирлик...

Ҳаёт ишлари сизга машаққат туғдираётган бўлса, хафа бўлманг! Атроф қанчалик қоронғу бўлса, Ой ҳам шунчалик порлоқ ва нурли бўлиб кўринади...

Қалб қалбни яхши кўрса, кўз айбни кўрмайди...

Икки киши орасидаги яхши муносабатни кўрсангиз, “Булар барча ишда бир ёқадан бош чиқаришади, ўзаро келишишади” деб ўйламанг.
“Улардан бири иккинчисининг
айбларига кўз юмяпти” деб ўйланг...

https://t.me/tabibasohibahon Ochish/sharhlash