Расмий хабарлар I Официальные новости

2021-02-16 08:11:17 Тез кунда “O‘zbekiston 24” телеканали ҳамда Президент матбуот хизматининг Facebook ва Youtube'даги расмий саҳифаларида "Ипаклари тиллодан" фильмини томоша қилинг.

Фильмда тўқимачилик соҳасининг замонавий ривожланиши ҳақида ҳикоя қилинади.
—
Смотрите скоро фильм "Ипаклари тиллодан" на телеканале “O‘zbekiston 24” и официальных страницах пресс-службы Президента в Facebook и Youtube.

В фильме рассказывается о современном развитии текстильной отрасли.

Prezident.uz|Facebook|Instagram|YouTube|Twitter Ochish/sharhlash

2021-02-16 07:35:29 Ўзбекистонга нечта электромобиль олиб келинган?

Давлат статистика қўмитаси Ахборот хизмати маълумотига кўра, 2020 йилда Ўзбекистонга хориждан 131 та электромобиль импорт қилинган.

2018 йилда – 13 та
2019 йилда – 39 та
2020 йилда – 131 та

Ўзбекистон асосан қайси давлатлардан электромобилларни импорт қилган?

Хитой – 92 та
Корея Республикаси – 13 та
Грузия – 7 та
АҚШ – 7 та
Германия – 5 та
Бошқа давлатлардан – 7 та

РАСМИЙ ХАБАРЛАР
t.me/Rasmiy_xabarlar_Official Ochish/sharhlash

2021-02-16 07:24:09 Бугун, 16 феврал куни режалаштирилган тадбирлар:


Матбуот анжумани

● Мавзу: Ўзбекистон Қуролли Кучларида хизмат қилаётган ҳарбий хизматчилар ва оила аъзоларининг ижтимоий ҳимоясини таъминлаш масалаларини кучайтириш юзасидан олиб борилаётrан ишлар
● Вақти: 12:00
● Жойи: АОКА мажлислар зали
● Иштирок этади: Мудофаа вазирлиги


Брифинг

● Мавзу: Бош прокуратура фаолиятининг таҳлили
● Вақти: 14:00
● Жойи: АОКА мажлислар зали
● Иштирок этади: Ҳаёт Шамсуддинов, Бош прокуратура ахборот хизмати раҳбари


Саволларни @Rasmiy_aloqabot га жўнатишингиз мумкин.

ОАВ ходимлари таклиф этилади.

@aoka_uz Ochish/sharhlash

2021-02-15 19:36:54 Президент Шавкат Мирзиёев жорий йилда Жиззах вилоятида амалга ошириладиган инвестиция лойиҳалари тақдимоти билан танишди.
Тўқимачиликда маҳаллийлаштиришни чуқурлаштириб, тайёр маҳсулотлар ишлаб чиқариш, янги ўзлаштирилаётган ерларда талаб юқори мева-сабзавотлар етиштириб, озиқ-овқат хавфсизлигини таъминлаш, ерости маъданларини ўзлаштиришга хорижий инвестициялар жалб этиш бўйича топшириқлар берилди.
—
Президент Шавкат Мирзиёев ознакомился с презентацией инвестиционных проектов, которые будут реализованы в Джизакской области.
Даны поручения по углублению локализации в текстильном производстве и выпуску готовой продукции, обеспечению продовольственной безопасности через выращивание востребованных плодоовощных культур на заново освоенных землях, привлечению иностранных инвестиций к добыче полезных ископаемых.

#Mirziyoyev #taqdimot #Jizzax #investitsiya

Prezident.uz|Facebook|Instagram|YouTube|Twitter Ochish/sharhlash

2021-02-15 18:19:38 Эксклюзив кадрлар: “Қамчиқ” довонида геологик хавф бартараф этилди

ФВВ Ахборот хизмати маълум қилишича, вазирлик қутқарувчилари ва Хавфли геологик жараёнларни кузатиш давлат хизмати довондаги геологик хавфли ҳудудни аниқладилар.

"Тошкент-Ўш" халқаро автомобиль йўлининг 245 км да тушиб кетиш эҳтимоли бўлган тош массаларини тушириш тадбирлари ўтказилди.

Батафсил

РАСМИЙ ХАБАРЛАР
t.me/Rasmiy_xabarlar_Official Ochish/sharhlash

2021-02-15 16:51:55 Тўдакўл соҳилидаги йирик мавжудот тўғрисидаги ахборот ўз тасдиғини топмади

“Тўдакўл соҳилидан (Навоий вилояти) йирик мавжудот топилди” мавзусидаги маълумот вилоят экология ва атроф муҳитни муҳофаза қилиш бошқармаси томонидан ўрганилди.

Давлат экология қўмитаси ахборот хизмати маълум қилишича, хабар остида қўйилган фотосурат аслида Камарбалиқ ёки Селдлар қироли деб номланади. Маълумотларга кўра, мазкур балиқ Тинч, Атлантика ва Ҳинд океанларининг иссиқ, ўртача иссиқ ва мўътадил сувларида, асосан тропик минтақада ва Ўрта ер денгизи ҳавзасида, шунингдек, Шимолий-Шарқий Атлантикада – Исландия сув ҳавзаларида ва Шимолий денгизда 500-700 м, баъзан 1000 м чуқурликларда учрайди. Унинг узунлиги 3 метргача боради.

РАСМИЙ ХАБАРЛАР
t.me/Rasmiy_xabarlar_Official Ochish/sharhlash

2021-02-15 15:26:26 «Эл-юрт умиди» жамғармаси хориждаги йирик компанияларда стажировка ташкил қилиб беради

Бу ҳақда АОКАда ўтказилган матбуот анжуманида Жамғарма директори ўринбосари Жавоҳир Аҳмедов маълум қилди:


«Президент фармонига асосан «Эл-юрт умиди» жамғармаси фаолиятида жуда катта ўзгаришлар бўлди. Энг аввало, Жамғарманинг 3 та таълим дастури асосий таълим дастури сифатида эълон қилинадиган бўлди.

2021 йилдан бошлаб бакалавриат, магистратура ва докторантура дастури Жамғарманинг асосий фаолият туридаги таълим дастурлари деб ҳисобланади ва шу дастурлар асосида хориждаги нуфузли университетлар, илмий марказлар ва компанияларда таълим олиш ташкил этилади.

Жамғарманинг 4 та асосий йўналиши мавжуд:

давлат ва жамият бошқаруви;
қонун устуворлигини таъминлаш, суд-ҳуқуқ соҳаси;
таълим, соғлиқни сақлаш ва бошқа ижтимоий соҳалар;
иқтисодиёт тармоқлари.

Жамғарманинг таълим дастурларидан ташқари мақсадли стажировка дастурлари ҳам ташкил этиш белгиланган. Мақсадли стажировка дастурлари республикадаги барча вазирлик ва идораларнинг устувор мутахассисликлари кесимида эълон қилинади, уларнинг буюртмаларига асосан Жамғарма хориждаги йирик компанияларда стажировка ўташни ташкил қилиб беради».

http://t.me/Rasmiy_xabarlar_Official Ochish/sharhlash

2021-02-15 15:02:23 АОКАда ташкил этилган матбуот анжуманида «Эл-юрт умиди» жамғармаси директори ўринбосари Одилжон Саттаров давлат хизматчилари ва мутахассисларни хорижда тайёрлаш бўйича олиб борилаётган ишлар ҳақида маълумот берди:


«2021 йилдан бошлаб Жамғарма орқали илк марта бакалавр дастури асосида хорижий давлатларда таҳсил олиш имконияти яратилмоқда. Илгари бу тизим мавжуд бўлмаган. 2018 йилда ташкил этилган Жамғарма фаолиятига назар солсак, асосан магистратура, докторантура, стажировка ва малака ошириш дастурлари орқали хорижий давлатларда мутахассислар тайёрлаб келинган.

Бу таклифнинг илгари сурилиши бугунги кунда ёшларга кенг имкониятлар яратмоқда. 2021 йилда 100 нафар ёш мутахассис мана шу имкониятдан фойдаланиш бахтига муяссар бўлмоқда.

Кейинги йилларда бу кўрсаткични 2-3 бараварга ошириш таклифи илгари сурилган. Шу билан бирга магистратура ва докторантура дастури асосида хорижда таҳсил олиш учун квотани 5 карра ошириш таклифини билдирганлар.

Шунингдек, Президент фармонига мувофиқ, Жамғарманинг таълим дастурлари бўйича номзодларни саралаш танлови мунтазам равишда ва Ўзбекистоннинг барча фуқаролари учун, уларнинг иш ва ўқиш жойидан қатъий назар очиқ тарзда амалга оширилади».

http://t.me/Rasmiy_xabarlar_Official Ochish/sharhlash

2021-02-15 14:25:46 "Кругом" тонировка 2 баробарга арзонлашди" деган хабарлар асоссиз.

Бу ҳақда ЙҲХББ маълум қилди.

Вазирлар Маҳкамасининг қарорига кўра:

“М1, N1 ва N2 тоифага оид автотранспорт воситалари ойналарининг тусини ўзгартиришга (қорайтиришга) рухсатнома бериш учун тўлов ставкалари:

- орқа ён ойналар бўйича жисмоний шахслар учун — базавий ҳисоблаш миқдорининг беш баравари миқдорини, юридик шахслар учун — базавий ҳисоблаш миқдорининг ўн баравари миқдорини ва Ўзбекистон Республикасида фаолият кўрсатаётган хорижий давлатлар юридик шахслари учун — базавий ҳисоблаш миқдорининг йигирма баравари миқдорини;

- орқа ва олд ён ойналар бўйича жисмоний шахслар учун — базавий ҳисоблаш миқдорининг эллик баравари миқдорини, юридик шахслар учун — базавий ҳисоблаш миқдорининг эллик баравари миқдорини ва Ўзбекистон Республикасида фаолият кўрсатаётган хорижий давлатлар юридик шахслари учун — базавий ҳисоблаш миқдорининг саксон баравари миқдорини ташкил этади” - дея кўрсатиб ўтилган.

Ушбу қарор талаблари айни вақтда амалда бўлиб, ижтимоий тармоқларда тарқатилган хабарлар асоссиз маълумот ҳисобланади.

РАСМИЙ ХАБАРЛАР
t.me/Rasmiy_xabarlar_Official Ochish/sharhlash

2021-02-15 13:30:59 Жорий йилнинг январь ойида тадбиркорлик субъектларида Бизнес омбудсман рухсатисиз 5 500 та солиқ текшируви ўтказилган

Бу ҳақда АОКАда ўтган матбуот анжуманида Бизнес омбудсман вакили Абдували Абдумавлонов маълум қилди.

Ўтган пандемия даврида Президент томонидан 2020 йил январь ойигача молия-хўжалик фаолиятини текширишга эълон қилинган мораторийни яна бир йилга, яъни 2020 йил декабргача чўзишга қарор қилинган.

Бундан ташқари, пандемия даврида тадбиркорлик субъектлари фаолиятини текширишларни қисқартириш бўйича ҳам кўрсатмалар берилган эди. Кўрсатмалар ижросини таъминлаш мақсадида Бизнес омбудсман томонидан барча назорат қилувчи органларга пандмия даврида барча текширишларни кескин қисқартириш юзасидан тавсиялар берилган.

Ўтган йил давомида текширишлар икки бараварга қисқаришини кутган эдик, лекин текширувларни рўйхатга олиш ягона тизимидан олинган сўнгги маълумотларга қараганда 2020 йилда ўтган йилга нисбатан фақатгина 10 фоизга қисқаргани аниқланди.

2021 йил январь ойида 7700 дан зиёд тадбиркор фаолиятида текширувлар амалга оширилган. Бунга асосан сабаб солиқ қонунчилиги такомиллаштирилиши бўлган. Бу текширувлар Бизнес омбдусмандан рухсат олмаган ҳолда амалга оширилган. Январь ойининг ўзида солиқ текширувлари
5,5 мингтадан ошган.

Бу бўйича ҳозирда тадбиркорлик субъектларини давлат томонидан назорат қилиш тўғрисидаги қонун лойиҳаси ишлаб чиқилган. Унда тадбиркорлик субъектларига текширув ўтқазиш ташаббуси билан чиқишнинг янгича механизмларини кўриб чиқилган ва таклиф берилган.

Эндиликда қонун қабул қилинганда тадбиркорни текширишга чиқиш учун етарлича асос, риск таҳлил инструментларидан фойдаланган ҳолдагина амалга оширишга рухсат берилади.

РАСМИЙ ХАБАРЛАР
t.me/Rasmiy_xabarlar_Official Ochish/sharhlash