Ўқитувчилар

2023-05-03 08:01:35 DIQQAT! MOSKVA shahrida BYUDJET OCHILDI!
KAFOLATLANGAN 4 YIL BEPUL O’QISH IMKONIYATI!

Yo’nalishlar:
— Qurilish
— Turizm
— Informatika va IT
— Mashinasozlik
— Elektroenergetika
— Kadastr

4 yil BEPUL Ta’lim!
O'zbekistonga o'qishni ko'chirish imkoniyati
O'zbekistonga Diplom o'tadi!
Xaftasiga 20 soat Ishlash Imkoniyati

QOLGAN JOYLAR SONI: 14 TA!

TOSHKENT:
940031001 | 334961001
NAMANGAN:
999861001 | 999841001
BUXORO:
996141001

Onlayn Murojaat

Telegram | Instagram | Telegram Ochish/sharhlash

2023-05-02 19:03:24 Kundalik.comda sinf rahbarlari uchun davomat bo‘yicha qo‘shimcha belgilar joriy etildi

Maktabgacha va maktab ta’limi vazirligi tomonidan Kundalik.com tizimiga kiritilgan o‘zgartirishlarga ko‘ra:

MMTV huzuridagi Ta’lim muassasalarida tarbiyaviy ishlarini muvofiqlashtirish boshqarmasining iltimosiga binoan, sinf rahbarlari uchun davomat bo‘yicha qo‘shimcha belgilar joriy etildi.

Uzrli sababli:

Uzrli sababga ko‘ra qatnashmaslik (p | dq)
Kasallik sababli yo‘qligi (b | k)

Uzrli sababsiz:

Uzrli sababsiz qatnashmaslik (n|s)
Muntazam o‘tkazib yuboradi (c | m)
Ruxsatsiz xorijda (zg | ch)
Ota-onalar o‘qishiga qarshilik qiladilar (rp | q)
Ota-ona nazorati yo‘q (bk | ns)
Turmush qurganligi sababli o‘tkazib yuborgan (cn | tq)

Boshqa sabablar:

Darsga kechikkanligini bildirish (o | kq)

@pedagoglarmiz Ochish/sharhlash

2023-05-01 19:33:38 Янги таҳрирдаги Конституция бугун, 1 майдан кучга киради

2023 йил 30 апрелдаги Ўзбекистон Республикаси референдумида қабул қилинган “Ўзбекистон Республикаси Конституцияси тўғрисида”ги Ўзбекистон Республикаси Конституциявий қонуни (Марказий сайлов комиссиясининг 2023 йил 1 майдаги 1245-сонли қарорига асосан) 2023 йил 1 майдан эътиборан кучга кирган.

Марказий сайлов комиссияси

@pedagoglarmiz Ochish/sharhlash

2023-05-01 08:40:23 SHOIR
(Iqbol Mirzoga)
 
Oshiq qalb shoirning tirik timsoli,
Mangu yoshlik aro urar bu yurak.
Layli yo Shirinda yashar xayoli,
Mayli, shoir shundan zavqlansa kerak!
 
Sevgisiz shoirni ko‘rmadim aslo,
Sevgisiz ijod ham kelmasa kerak.
Yor, ona Vatanga devona Mirzo,
Quyoshdek bag‘ri cho‘g‘ yashaydi yuksak.

Abadiy yoshlikning qalbida qoling,
Abadiy yosh bo‘lsin sizdagi sevgi!
Neki tiladingiz, barini oling,
Xayollar shoirga eng kerak sezgi.
 
Hamid IKROM
Qo‘qon universiteti talabasi
  Ochish/sharhlash

2023-05-01 07:13:14 #Сўраган_эдингиз

Мактабга келмаган ўқувчига Kundalik.com'га белги қўйилмагани учун директор ўринбосарлари ва синф раҳбарига интизомий жазо чораси қўлланиладими?

#Савол
Мен мактабда ўқув ишлари бўйича директор ўринбосариман. Яқинда мактабимизга ИИБ ходимлари келиб давоматни ўрганганди. Шунда синф раҳбари томонидан айрим ўқувчиларнинг дарсга келмаганлиги юзасидан Kundalik.com платформасига ҳеч қандай белгилар қўйилмаганлиги аниқланди. Шу сабабли менга ва "замдиректор"га интизомий жазо чораси қўллашмоқчи. Мен "завучман" бу вазиятда фақат "замдиректорни" ўзига чора кўрилмайдими десам, йўқ иккингизга ҳам чора кўрамиз дейишди. Шу тўғрими?

#Жавоб
Халқ таълими вазирининг 2021 йил 6 сентябрдаги "Таълим жараёнини бошқаришда замонавий ахборот-коммуникация технологияларини жорий этиш тўғрисида"ги 284-сон буйруғи билан тасдиқланган низомга кўра синф раҳбарлари электрон журнални ўз вақтида тўлдириши лозим.

Синф раҳбарлари электрон журнални ўз вақтида юритиши деганда — бу ўқувчининг дарсга келмаган кунида ҳам унинг бор ёки йўқлиги, унга баҳо қўйилиши каби ҳолатларни, ўқувчининг шахсий файлидаги маълумотларни тасдиқловчи ҳужжатлар тақдим этгандан сўнг зудлик билан янгилаб бориш, ота-оналарга мактаб ва синфдаги воқеалар ҳамда ўқиш жараёни тўғрисида хабарларни бериб бориши тушунилади.

Шунингдек, Халқ таълими вазирининг 2022 йил 24 июндаги "Умумтаълим мактабларида ўқувчилар билимини баҳолаш жараёнини рақамлаштириш ва таълим жараёнида шаффофликни таъминлаш тўғрисида"ги 205-сон буйруғида барча ўринбосарларнинг Kundalik.com'даги вазифалари белгилаб берилган.

Унга кўра, маънавий-маърифий ишлар бўйича директор ўринбосари фан ўқитувчилари томонидан олиб борилаётган ўқувчилар давоматини мониторинг қилиб, кун давомида статистик маълумот тўплаб, мактаб директорига тақдим этади.

Синф раҳбарлар иш фаолиятини ҳам асосан маънавий-маърифий ишлар бўйича директор ўринбосарлари мувофиқлаштиради. Бу уларнинг лавозим мажбуриятларида ҳам акс этган.

Ўқув ишлари бўйича директор ўринбосарлари асосан фан ўқитувчилари томонидан ўтилган дарс мавзулари ва ўқувчиларга қўйилган баҳоларни Kundalik.com платформасига ўз вақтида қўйиб борилишини назорат қилади. Бу ҳақда ХТВнинг 205-сон буйруғида қайд этилган.

Шуни алоҳида қайд этиб ўтиш лозимки, Халқ таълими вазирлигининг 2021 йил 1 июлдаги 206-сон буйруғи билан тасдиқланган "Умумий ўрта таълим мактаби ходимларининг лавозим мажбуриятлари"да ҳам ўқувчилар давоматини назорат қилиш маънавий-маърифий ишлар бўйича директор ўринбосарлари зиммасига юклатилганлиги айтилган.

Хулоса шуки, мактабга келмаган ўқувчига Kundalik.com'га белги қўйилмагани учун директор ўринбосарига ҳам синф раҳбарига ҳам интизомий жазо чораси қўллаш бўйича тақдимнома киритилса, ходимларга жазо чораси қўлланилиши мумкин. Бу вазиятда фақат маънавий-маърифий ишлар бўйича директор ўринбосари ҳамда синф раҳбарига жазо чораси қўлланилади. Шунинг учун бундай масалаларда ўта хушёр бўлиш талаб этилади.

@pedagoglarmiz Ochish/sharhlash

2023-04-27 17:01:49 Prezident maktablariga talabgorning 4-sinfda matematika va tabiatshunoslik fanlaridan yillik baholari "5" bo‘lishi lozim

AOKAda o‘tkazilgan brifingda Ixtisoslashtirilgan ta’lim muassasalari agentligi axborot xizmati rahbari Jo‘rabek Jangirov Prezident maktablariga 2023-2024 o‘quv yiliga qabul yuzasidan ma’lumot berdi:

Prezident maktablariga har yili 2 ta 5-sinfga 24 nafar o‘quvchi qabul qilinadi.

Talabgorning ota-onasi joriy yilning iyun oyida Agentlikning maxsus portali (ariza.piima.uz) orqali elektron shaklda hujjatlarni topshiradilar.

Prezident maktabiga kirish imtihonlari 2 bosqichda o‘tkaziladi.

Kirish imtihoni natijalari Agentlikning rasmiy veb-saytida imtihon topshirilgan kundan keyin 30 kun mobaynida e’lon qilinadi.

Prezident maktabining kirish imtihonlaridan o‘tgan o‘quvchilar to‘liq bepul ta’lim olishadi.

Kirish imtihonlari davlat va qoraqalpoq (Qoraqalpog‘iston Respublikasida) tillarida hamda talabgorning tanloviga muvofiq ingliz tilida o‘tkaziladi.

@pedagoglarmiz Ochish/sharhlash

2023-04-27 10:11:50 РЕФЕРЕНДУМ – ҲОҲИШ ИРОДА ДЕМАКДИР
Ўзбекистон Республикаси Конституциявий Қонуни лойиҳаси бўйича референдуми ўтказилиш санасига ҳам оз муддат қолди. Унда қатнашиш ва овоз бериш ҳар бир фуқаронинг мустақил ҳоҳиш иродасига боғлиқдир.
Аммо референдумолди ташвиқотларда айрим шахслар Конституция лойиҳасининг мазмун моҳияти бир ёқда қолиб шахсий ҳаёти ва ижодларини пиар қилишга ўтгани кузатилса, хориждан қўним топган айрим ҳуқуқ ҳимоячилари эса эса ошкора равишда референдумни бойкот қилишга, унда қатнашмасликка, халқни овоз бермасликка чақирмоқда.
Ана шундайлардан бири айнан ўқитувчилар ҳуқуқлари Конституцияда алоҳида белгиланаётгани боис бошқа соҳа вакилларини унга овоз бермасликка чақирса, яна бири эса ижтимоий тармоқлар орқали мурожаат қилиб халқни шунчаки референдумга бормасликка ундамоқда. Нимага бормасликни изоҳлашга эса ўзининг ҳам ақли етмаяпти.
Шу ерда мантиқий савол туғилади: Хўш, ўзларини ҳуқуқ ҳимоячиси, блогер ва бало бадтар деб атаётган бу шахслар ўзлари амалдаги Конституциянинг 117-моддасида белгиланган фуқароларнинг сайлаш ва сайланиш, овоз бериш ҳуқуқи, ўз ҳоҳиш иродасини билдириш тенглиги каби нормаларни қўпол равишда бузмаяптими?
Халқни референдумда қатнашмасликка, овоз бермасликка ундаб уларнинг Коституциявий ҳуқуқларини ошкора бузишга уринаётган экан – бу шахсларни ҳуқуқ ҳимоячиси, халқпарвар, дея оламизми?
Референдум – халқнинг Конституцияда тегишли модда билан мустаҳкамлаган овоз бериш ҳуқуқини амалда қўллайдиган жараёндир. Бу жараённи бузишга, фуқароларнинг қонун билан кафолатланган ушбу ҳуқуқини чеклашга, ҳоҳиш иродасини синдиришга эса ҳеч кимнинг ҳаққи йўқ!

Мирзабек ЖАПАҚОВ, ҳуқуқшунос журналист. Хоразм. Ochish/sharhlash

2023-04-26 19:33:44 ​ Ўқувчиларни ҳар қандай вазиятда ҳам дарсдан чиқариб юбориш мумкин эмас

Савол:

Ассалому алайкум. Бизни мактабимизда тўрт нафар 10 синф ўқувчилари мактабга формасиз келяпти, улар ўқув-қуролларини ҳам олиб келмайди, баъзида эса дарсларга ҳам кеч қолиб келишади. Ўзим тарих фани ўқитувчисиман ва шу синфга раҳбарлик ҳам қиламан. Аёл киши бўлганим учун айрим ўқувчиларим менга бўйсунишмаяпти. Яқинда уларни дарсдан чиқариб юборгандим, директоримиздан гап эшитдим. Саолим шундан иборатки, мактаб тартиб қоидаларига бўйсинмайдиган ўқувчиларни дарсдан чиқариб юборишга ҳаққим борми?

Жавоб:

Ўқувчиларни дарсларга кечиккани ёки мактаб формасининг йўқлиги учун дарсдан чиқариб бўлмайди.

Ўқув режасига кирмаса, уларни бошқа ишлар учун дарсдан қолдириб ҳам бўлмайди. Мактабга келган ўқувчини дарс вақтида қаровсиз қолдириб, уларни кечиккани, ўқув қуролларининг йўқлиги ёки мактаб формасининг йўқлиги учун дарсдан ҳайдаб чиқариб юбориш ҳақида меъёрий ҳужжатларда ҳеч қандай қоида қайд этилмаган.

Дарсга кечикиш, ўқувчилар томонидан ўқув-қуролларини олиб келинмаслиги ёки мактаб формасининг йўқлиги ўқувчини дарсга киритилмаслигига асос бўлмайди. Таълим муассаларидаги ўқув жараёни «қонунийлик, демократик, камситишга йўл қўймаслик ва ҳурмат» принципларига асосланиши керак.

Халқ таълими вазирлигининг 2020 йил 28 майдаги 131-сонли буйруғи билан тасдиқланган “Умумий ўрта таълим муассасасининг ички тартиб ва одоб-ахлоқ қоидалари”га кўра, ўқитувчилар жамоа аъзолари ва бошқаларинг шахсиятини ва қадр-қимматини камситиши, ўқувчиларни дарс машғулотларидан асоссиз чиқариб юбориш ёки киритмаслиги ҳамда “Чиқиш” қўнғироғи чалингандан кейин ўқувчиларни синфхонада ушлаб ўтириши ҳам мумкин эмас.

Ҳўш унда мактаб ички тартиб қоидаларига бўйсунмаган ўқувчиларга қандай чора кўрилади?

Ўқувчилар ички тартиб ва одоб-ахлоқ қоидаларини бузганида уларнинг қоғоз ёки электрон кундалигига танбеҳ ёзиш, қоида бузилиш ҳолатлари такроран кузатилганда эса ўқувчини мактаб ички назорат рўйхатига олиш ва якка тартибда шуғулланиш, бу ҳам фойда бермаса қоида бузган ўқувчинини бошқа синфга ўтказиш, синф жамоаси орасида муҳокама қилиш, ота-онаси (уларнинг ўрнини босувчи шахслар)ни мактабга таклиф қилиш, “Оила-маҳалла-таълим муассасаси” ҳамкорлиги жамоат кенгаши доирасида муҳокама қилиш мумкин.

Мазкур қоидаларга риоя этмаганлик ҳолатлари таълим муассасасидаги Ўзбекистон ёшлар иттифоқи ҳамда Хотин-қизлар бошланғич ташкилотлари ва мактабнинг кузатув кенгашларида ҳам муҳокама қилиниши мумкин.

@pedagoglarmiz Ochish/sharhlash

2023-04-23 15:28:16 QOMUSIM – NOMUSIM!

Dunyo keng olamning adog‘i yo‘qdek,
Daryo eng toshganda cho‘kar sohillar.
Alanga Quyosh ham botadi cho‘g‘dek,
Zamon o‘zgarganda to‘lar botillar.

Qachon xalq bo‘ladi bir to‘p olomon?
Qachon haq so‘z deydi gung chiqqan zabon?
Xalqning irodasi aks etmasa gar,
Qonun qonimizda oqmas hech qachon!

So‘zlayman faxr-la, ona tilimda,
Chunki huquq bergan o‘z qomusim bor.
O‘zbegim ramzisan – so‘zi dilimda,
Ajdodlar madhisan, muhri, tug‘i yor.

Har bayting farovon hayot ko‘zgusi,
Har qayding ming yillik xalqing orzusi.
Turfa millatlarga baxt va’da qilgan,
Azaliy saodat – Vatan tuyg‘usi.

Inson tabiati xatolarga boy,
Adashib to‘g‘ri yo‘l topganlar ham bor.
Jaholatga botib chaplamaylik loy,
O‘lim yo‘q – jon olmas bizda hech bir dor.

Inson sha’ni ulug‘, toptalmas qadri,
Allohning omonat bandasi ozod.
Hayoti dahlsiz, sinalmas sabri,
Ta’qib qilinmaydi iymon-e’tiqod.

Mulki bor xotirjam bo‘lsin umrbod,
Unga tahdid bo‘lmas, qonun – kafolat.
Gar ilm sohibi, yo qilsa ijod,
O‘z ishida olur kengroq vakolat.

Har bir o‘g‘il qizga ilm olish farz,
Hukm bor ilohiy qiyomat qadar.
Unutma ustozning oldidagi qarz,
Navoiy nazdida, ulug‘ naqadar!

Demishlar, ilmdan yo‘q o‘zga najot,
Oldimda hamisha hayot va mamot!
Hatto qonunlarda bo‘ldi mustahkam,
Yashasin har bandi endi barhayot.

Jaholat qilichi sindi batamom,
Zalolat eshigi yopildi butkul.
Islomni, insonni qilib ehtirom,
Bu yurt Ka’basiga aylandi ko‘ngil.

Tahqirlar bo‘lmasin endi ayollar,
Yaralgandan boshlab huquqlari teng.
Ojiz deb, xo‘rlashni qilmang xayollar,
Dunyoga tor emas, nazar soling keng.

Aslida siz bo‘ling unga avliyo,
Jannat izlamasin ko‘chadan aslo.
Boqmasin sira ham o‘zgaga qiyo,
Doim tabassumda bo‘ling xush, a’lo.

Qarang, tabiat ham mehrga muhtoj,
Har bir shaxs g‘amxo‘rlik qilishi kerak.
Har giyoh yashnasa, topsa gar rivoj,
Sog‘lom muhit uzra unar kelajak.

Yosh avlod – oila, Vatan ravnaqi,
Unutma ajdodlar qoni oqishin.
Hidoyatni topmoq – o‘rganmoq haqi,
Allohga bu amal bilgin yoqishin.

Go‘zal ism qo‘yib haqqin ado et,
Halol luqma berib, asra vijdonni.
Berilgan in’omning qadriga sen yet,
O‘zingdan qoldirgin komil insonni.

Quyoshdan issiqroq, tog‘lardek qoim,
Axborot makoni bugun bu zamin.
Ey mening soddadil, jurnalist singlim,
Yolg‘on-bo‘xtonlarda bo‘lmagin zomin.

Sen hur fikrlaysan, haqni so‘zlaysan,
Bilgin so‘z gohida tig‘danda o‘tkir.
Balki, uzoqroqni mudom ko‘zlaysan,
Sen yaxshisi fisqu fasodni o‘ldir.

Yordam ber Senator, deputat og‘am,
Nohaqlik qoshida qilmagin sukut.
Fuqaro dardiga bo‘lgin chin malham,
Oliy sud – adolat tarozin teng tut.

Yurtboshim boshlagan ezgu islohot,
Ertami yo indin berar mevasin.
Bilimli yoshlardan bo‘lgan inshoot,
Aslo yo‘qotmagay asl jilvasin.

Yozilgan har so‘zi hayotga doxil,
Bu mening va sening or-nomusimiz!
Yuzdan ortiq millat gar bo‘lsak ahil,
Boshlar saodatga shu qomusimiz.

Hamid IKROM
Qo‘qon universiteti talabasi

@pedagoglarmiz Ochish/sharhlash

2023-04-21 09:59:09 #tabrik

RAMAZON HAYITI MUBORAK BO'LSIN!

Barchangizni, butun mo‘min-musulmonlarni, xalqimizni yer yuzidagi islom ummati tomonidan keng nishonlanayotgan ulug‘ va muborak ayyom – Ramazon hayiti bilan chin qalbimizdan samimiy tabriklaymiz!

@pedagoglarmiz Ochish/sharhlash