Ўқитувчилар

2023-06-16 19:00:45 Qadrli kuzatuvchilarimiz, Sizlarga ajoyib xush xabarimizni yetkazmoqdamiz!

Bolajonlarimizni yozgi taʼtilga chiqishlari munosabati bilan va ularning bo‘sh vaqtlarini mazmunli o‘tkazish maqsadida, tarbiyaviy ahamiyatga ega bo‘lgan «Edu kids» animatsion videoroliklarimizni "Bolajon" telekanalida namoyish etishni boshladik.

Har kuni, dushanbadan jumaga qadar,
soat 20:20 da «Edu kids» animatsion videoroliklarimizning yangi qismlari "Bolajon" kanali efirida berib boriladi!

Shuningdek, «Edu kids» animatsion videoroliklarimizni ITV platformalarida ham tomosha qiling! Ochish/sharhlash

2023-06-14 14:34:15 ДУНЁНИ ЭГАЛЛАНГ- ЎЗБЕК ЁШЛАРИ
Жаҳонни қилич билан эмас – илм билан забт этадиган даврда, замонда яшаяпмиз. Хўш, бунга қандай эришмоқ ва нима қилмоқ керак?
Тажрибали прокурор, Беруний, Хоразмийларнинг издоши, бугунги кунда жаҳон тан олган математик олим Азимбой Саъдуллаевнинг ворисларидан ва Ўзбекистонда саноқли бўлган ёш ҳуқуқшунос олимлардан бири, Юридик фанлари доктори, қадрдон дўстимиз Қудрат Саъдуллаев ижтимоий тармоқ саҳифалари орқали мана шу саволнинг ечимини айтиб, ёшларга тавсия қилибди. Асосийси жаҳоннинг энг нуфузли олийгоҳларида ҳеч қандай имтиҳонсиз бепул ўқиш.
Демак: Телеграм ижтимоий тармоғидаги Grantlar.uz каналида АҚШ, Германия, Хитой каби дунёдаги энг ривожланган давлатларда БЕПУЛ ЎҚИШ, турар жой ва стипендия билан таъминловчи 500дан ортиқ Университетлар рўйхати келтирилган.
Ўкишга кириш учун Университет сайтига тил учун (ALTS-5) ҳужжатини жойласа бўлди - Университет БЕПУЛ қабул қилади. Виза эса Университет хужжати билан сўзсиз берилади.
...Тўғриси, ҳар бир қоракўзнинг ўз юртимизда, оила яқинида ўқишини, илм эгаллашини хоҳлайман. Аммо бугунги кун - тил билишни, дунё танишни, энг сўнгги технологияларни ўзлаштиришни, жаҳон миқёсида фикрлаб, мушоҳада қилишни талаб қилаяпти.
Шундай экан, ёш олим, инсон ҳуқуқлари бўйича халқаро эксперт тавсия қилаётган бу имкониятдан фойдаланинг, илм олиб дунёни забт этинг - ўзбек ёшлари!

Мирзабек ЖАПАҚОВ, ҳуқуқшунос журналист.

@pedagoglarmiz Ochish/sharhlash

2023-06-08 19:05:42 #Сўраган_эдингиз

Мактаб битирувчиси олий таълимга ҳужжат топширмаса ўқитувчи жавобгар бўладими?

#Савол
Ассалому алайкум. Мени саволим бор эди. Мактабда ўқитувчи бўлиб ишлайман. Бизнинг мактабда ҳар бир битирувчига бир нафардан ўқитувчи биркитилди. Директоримизни айтишича, агар битирувчи ўқишга ҳужжат топширмаса ёки киролмаса биркитирилган ўқитувчи жавоб берар экан. Яъни фан ўқитувчиларига чора кўрилар экан. Директоримизнинг шу талаби тўғрими?

#Жавоб
Мактаб директори жамоа манфаатларини ҳисобга олиб қонунчилик доирасида қўл остидаги ходимларига қўшимча вазифалар юклаши мумкин. Шу ўринда педагог ходимлар ҳам меҳнат интизомига риоя қилиши, иш берувчининг қонуний фармойишларини ўз вақтида ва аниқ бажариши лозим. Ушбу қоидалар Меҳнат кодексида акс этган. Аммо ходимга бериладиган топшириқларнинг ҳам чегараси бўлади.

Шуни унутмаслик лозимки, педагог ходимларнинг иш фаолияти Халқ таълими вазирлигининг 2019 йил 7 декабрдаги 393-сонли буйруғи билан тасдиқланган "Халқ таълими ходимлари асосий лавозимларининг малака тавсифлари" ҳамда 2021 йил 1 июлда 206-сонли буйруғи билан тасдиқланган «Ўмумий ўрта таълим мактаблари ходимларининг лавозим мажбуриятлари» билан тартибга солинади.

Халқ таълими ходимлари асосий лавозимларининг малака тавсифларида ўқитувчилар мактаб психологи билан ҳамкорликда ўқувчилар шахсини ривожлантириш, уларни касбга йўналтириш ва касбгача тайёрлаш масалалари бўйича тегишли ишлар олиб бориши ҳамда маҳалла фаоллари билан ҳамкорликда болаларни ўқишга тўлиқ қамраб олиш, тўққизинчи синф ўқувчиларини таълимнинг кейинги босқичларига жалб қилиш масалалари билан шуғулланиш лозимлиги қайд этилган.

Аммо юқоридаги норматив ҳужжатларда 11 синф битирувчиларининг ҳар бирини мактабдаги педагог ходимларга бириктириш, агар битирувчи олий таълимда ўқиш учун ҳужжат топширмайдиган бўлса ёки ҳужжат топширган тақдирда ҳам ўқишга киролмаса бунинг учун фан ўқитувчилари жавобгар бўлиши ҳақида ҳеч қандай қоида белгиланмаган.

Шу сабабли битирувчилар олий таълимга ҳужжат топширмаганлиги учун фан ўқитувчиларига чора кўриш нотўғри. Тўғри, битирувчиларни олий таълимга кириш кўрсаткичини ошириб бориш мактаб директорининг вазифаси ҳисобланади. Лекин бу ишларни педагог ходимларнинг меҳнат ҳуқуқларини поймол қилмаган ҳолда қонун доирасида амалга ошириш мақсадга мувофиқ бўлади.

Manba: Xalqtaliminfo

@pedagoglarmiz Ochish/sharhlash

2023-06-01 09:45:01 #Tabriknoma

Aziz bolajonlar!

Sizlarni Xalqaro bolalarni himoya qilish kuni bilan tabriklayman! Yurtimizning har bir o‘g‘il-qizi tinch-osuda vatanda, ota-onasi bag‘rida, baxtiyor bo‘lib ulg‘ayishini, ilm olishini tilayman.

Siz ko‘zimiz quvonchi, bizning ertamiz va hayotimiz mazmunisiz!

Sizning sifatli ta’lim olishingiz va o‘zingiz tanlagan sohaning yetuk mutaxassisi bo‘lib yetishishingiz uchun yurtimizda barcha sharoitlar yaratib berilgan.

Mamlakatimizda Sizga, sizning qiziqishlaringiz, huquq va manfaatlaringizga alohida e’tibor qaratiladi. "Bola huquqlari" to‘g‘risidagi konvensiya ratifikatsiya qilinishi, "Bola huquqlarining kafolatlari" to‘g‘risidagi qonun qabul qilinishi, Bolalar ombudsmani instituti ta’sis etilishini buning yaqqol namunasi sifatida e’tirof etishimiz mumkin.

Qadrli bolajonlar, siz ertamiz egalarisiz, sizni barkamol inson etib tarbiyalash esa baxtli va farovon kelajagimiz kafolatidir.

Bayram muborak bo‘lsin, aziz bolajonlar!

Hilola Umarova,
Maktabgacha va maktab ta'limi vaziri Ochish/sharhlash

2023-05-28 19:26:09 #yangiliklar

11 yoshida IELTSdan 7.5 ball olgan bolakay

Toshkent shahri Mirobod tumanidagi 147-maktabning 4-sinf o‘quvchisi Abdulloh Egamberdiyev yaqinda IELTS imtihonidan 7,5 ballni qo‘lga kiritdi.

Eng qizig'i 11 yoshli Abdulloh o‘quv markaziga bormagan, repetitorga qatnamagan. U bunday natijaga maktabdagi ingliz tili o‘qituvchisining yordami bilan erishgan.

@pedagoglarmiz Ochish/sharhlash

2023-05-28 07:40:39 AKAJON

Bolalik chog‘imdan tirik xotira,
Orzularga toʻla yulduzli osmon.
Kezgan ko‘chamizning izlari sira,
Mening ko‘z o‘ngimdan ketmaydi hamon.

Tandir atrofida moʻltirab koʻzlar,
Onam yopganida issiq kulchanon.
Olovdek qizarib boqqancha yuzlar,
Intiq soʻrar edik pishar deb, qachon.

Gohi yelkasida gerdaygan o‘zim,
Aslo egilmagan akasi bor bosh.
Doim eng yorqini bo‘lgan yulduzim,
Doim eng yog‘ligin bergan menga osh.

Gul bo‘lsam tikani bo‘lgan himoya,
Nogoh jonimga qasd qilmasin deya.
Xavf-xatar oldida bo‘lgan bir qoya,
Kelajak yo‘lida suzgan Oq kema.

Bir dam hayotimda edi sarob, tush,
Lek qalbim tubida saqlangan ishonch.
Qanoti qirqilgan bo‘lganimda qush,
Birdan paydo bo‘lgach, jon berdi quvonch.

Tog‘lardek suyanchim, uningdek mag‘rur,
Tug‘yonli shamolning yo‘lini to‘sgan.
Bog‘lardek sevinchim, u bilan masrur,
Bahoriy xayollar bag‘rida o‘sgan.

Quyoshdek ko‘nglimning umid chirog‘i,
Qayga bormay mening yoritar yo‘lim.
Ham do‘stim, sirdoshim, ko‘zim qarog‘i,
Kam-ko‘stim to‘ldirib yurar o‘ng-so‘lim.

Borligi omadim, orim, ham baxtim,
Yasharman ertamdan doim ko‘nglim to‘q.
Yonimda bo‘lsa bas, so‘nmagay shaxtim,
Qayg‘ular yiroqda, g‘amga o‘rin yo‘q.

Yomgʻir tomchilari qadar tilagim,
Akam baxtin soʻrab yogʻar dilimda.
Shu ahd deb, uradi tinmay yuragim,
Allohga iltijo qilib tilimda.

Bugun bir yosh uzra ulg‘ayar qadri,
Butun hayotimda qoldirib izlar.
Istagim iymonga to‘lsin qalb qasri,
Jannatda ham hamroh bo‘laylik bizlar!

Hamid IKROM
Qoʻqon universiteti talabasi Ochish/sharhlash

2023-05-25 09:08:01 Хайр мактабим...

Бугун, 25 май - Сўнгги қўнғироқ! Равшан Собиров ва Сетора гуруҳи ижросидаги ушбу қўшиқни эшитган ҳар бир инсоннинг ҳаёлидан мактаб даврлари ўтади.

Барчамиз соғинган мактаб даври фақатгина ширин хотиралар билан эсланади!

@pedagoglarmiz Ochish/sharhlash

2023-05-25 08:26:02 ЖАННАТ ОЁҚ ОСТИДАМИ?
(ёхуд тарихнинг буюк ёлғони ҳақида)
Туркия президентлигига номзодлардан бирининг “Жаннат аёллар оёғи остидадир”, дея келтирган иқтибосига иккинчисининг “Аёллар эмас, оналар оёғи остида”дея эътирози дунё бўйлаб муҳокамаларга сабаб бўлмоқда.
Хўш, нима учун жаннат аёллар оёғи остига тушиб қолган? Афсуски, ҳадисда келтирилган асл ҳақиқатни асрлар давомида уламолар ўз манфаатларига мослаб талқин қилиб келишган ва бунинг яна бир исботини юқоридаги номзодлар баҳсда ҳам кўриб турибмиз.
Асл ҳақиқат эса Қуръонда келтирилган бўлиб, Одам Атодан кейин Момо Ҳаво унинг қовурғасидан яратилиб жаннатга туширилгани, Одам Атони шайтон йўлдан ура олмагач Момо Ҳаво шайтоннинг гапига кириб жаннатни топтагани, алал оқибат улар жаннатдан қувилгани аниқ тиниқ ёзиб қўйилган.
Анча йиллар олдин халқаро йирик бир анжуманда аёлларнинг мўътабар эканлигини айтиб, юқоридаги ҳадисни қайта қайта такрорлаётган Ўрта Осиё Мусулмонлар идораси уламосига юқоридаги оятни келтириб, ҳадисда аслида аёллар оёғи билан жаннатни топтагани назарда тутилмаганми, дея савол бергандим.
Уламо эса яна ярим соатча аёл ва оналарнинг таърифини келтириб, саволимга: “Қуръонни инкор қила олмаймиз, сиз ҳақсиз”,-дея жавоб берганди.
Жаннат борасидаги асл ҳақиқат эса айнан шудир. Асрлар давомида айтилмай келган ҳақиқатни кимдир айтиши керак эди – мен айтдим.
Кўпчилик фикримга эътироз билдириши, Қуръонни чеккага суриб саҳиҳ-у, заиф ҳадислардан мисол келтириб аёлнинг мўътабарлиги, тўққиз ой қийналиб фарзандни дунёга келтириши, шу сабаб жаннат оёғи остида эканлигини айтиши мумкин.
Агарда ҳомиладор ҳолида ер чопаётган оналар қўлидан кетмонни ола олсангиз, чет элларда сарсон юрган қиз жувонларни оиласига, мардикор бозорида сарғайган аёлларимизни уйига қайтариб уларга жаннатий ҳаётни ярата олсангиз мен ҳам сизнинг фикрингизга қўшиламан.
Ўшанда ҳам оёғи остида эмас, оналаримиз жаннат устида, дея баралла айта олман. Акс ҳолда эса жим турганингиз маъқул!
Мирзабек ЖАПАҚОВ, ҳуқуқшунос журналист.

@pedagoglarmiz Ochish/sharhlash

2023-05-18 18:28:01 Kitob

Kitob tanga xuzurni
Halovatni beradi.
Varaqlasang betini,
His- hayojon bosadi

Unda bordir jasorat
Yoki zulmat,qabohat
O'qib, fikr qil faqat
Tarbiyani beradi.

Beminnat ustoz erur
Shaxdam yurishga solur
Yuksak cho'qqida ko'rur
Ustozlarning ustozi.

Kitobga mehr bergan
Kam bo'lmaydi xech qachon
Sof tuyg'ular ulashgan
Har insonning yo'ldoshi

Kitob oling, o'qing ko'p
Internetda ig'vo ko'p
Bolalarga bering to'p
Vatanga kuch bo'ladi

Polvanova Mavluda Aliyevna.

@pedagoglarmiz Ochish/sharhlash

2023-05-18 07:37:16 Kundalik.com bo'yicha muhim eslatma

Davlat imtihoni yo'q fanlar CHORAK va YILLIK baholarini qo'yishadi.

Imtihon va Natija grafasiga OZ belgisi qo'yiladi.

Davlat Imtihoni bor fanlar CHORAK, YILLIK, IMTIHON baholarini qo'yishadi va NATIJA grafasiga IMTIHON va YILLIK baholarning o'rtachasi qo'yiladi

Izoh: O'rtacha ball Imtihon va Yilik baho qo'shib ikkiga bo'lib chiqariladi.

3,5 gacha bo'lgan ballarga "3" baho
3,6 dan 4,5 gacha bo'lgan ballarga "4" baho
4,6 dan 4,9 gacha bo'lgan ballarga "5" baho

O'quvchi o'zlashtirishiga qarab

3,5 ballga 4 baho
4,5 ballga 5 baho qo'yish o'qituvchiga bog'liq.

@pedagoglarmiz Ochish/sharhlash