Муҳрим

2022-12-06 22:40:10 Япониядан нимчорак финалда ҳам сенсация кутамиз. Лекин Испания чорак финал йўлланмаси учун ўйинда Марокашга ютқазса керак. Ютқазса адолатдан бўлади. Мен шу вақтгача ўзига қулайроқ рақиб танлаш баҳона ютқазган ё қасддан дуранг ўйнаган жамоаларнинг узоққа борганини… Ochish/sharhlash

2022-12-05 09:12:29 Охирги икки куннинг икки қизиқ хабари. Биринчиси, муҳтарам ҳокимбувамизнинг Чилонзор 10-кварталдаги қаҳрамонликлари ҳақида. Бундан бир кун аввал тарқалган видеоларда ҳоким томонидан “нопок” дея таърифланган тадбиркор ҳали дадил эди, ерни шу мутҳарам ҳокимбувамизнинг… Ochish/sharhlash

2022-12-05 09:11:37 "Бетимнинг қалини - жонимнинг ҳузури, хоҳлаган гапларингни хоҳлаганча гапираверларинг, кейин, очиқлик масаласига келсак... мана, шу очиқлик бўлмай нима унда -- эълон қилмаслигимизни очиқ айтяпмиз-ку, авваллари умуман ҳеч нима демасдик, ўтираверардиларинг аюҳаннос солиб, яна нима керак сенларга", дегани бўлса керак бу. Менга ёқди. Ҳар турли кўзбўямачи ёлғон гаплардан кўра мана шунақа асл башарани кўрсатадиган очиқлик яхши, алданмаслик, иккиланмаслик учун https://t.me/the_bakiroo/5884 Ochish/sharhlash

2022-12-03 07:47:50 «Газета.uz» китобхонликни тарғиб этиш мақсадида «Нима ўқиймиз?» лойиҳасини давом эттиради. Энг сара асарлар, ўқилиши шарт 10 китоб ҳақида олим, тадқиқотчи, ёзувчи-шоир, таржимон, журналист ва жамоат фаолларининг тавсиясини сизга етказамиз.

«Нима ўқиймиз» лойиҳасининг навбатдаги меҳмони — журналист ва блогер, жамоатчилик фаоли, Telegram’даги @davletovuz канали муаллифи Қобил Хидиров.

https://www.gazeta.uz/uz/2022/12/03/mutolaa-davletovuz/?utm_source=push&utm_medium=telegram

Каналга обуна бўлинг
@gazetauz_uzb Ochish/sharhlash

2022-12-01 23:59:50 Япониядан нимчорак финалда ҳам сенсация кутамиз. Лекин Испания чорак финал йўлланмаси учун ўйинда Марокашга ютқазса керак. Ютқазса адолатдан бўлади. Мен шу вақтгача ўзига қулайроқ рақиб танлаш баҳона ютқазган ё қасддан дуранг ўйнаган жамоаларнинг узоққа борганини кўрмаганман (кўп ҳам ўйин кўрмаганману, лекин кўрганларим, гувоҳ бўлганларим ичида узоққа борганлари бўлмаган). Фейр плейга амал қилмайдиганлар айнан кучсиз, осонроқ деб ўйлаган рақиблари қўлида аламли тарзда "жон таслим қилишлари" керак. Ochish/sharhlash

2022-12-01 23:47:09 Коста-Рика таркибида Ельцин Техеда (суратда) деган футболчи гол урибди Германия дарвозасига. Википедияда ёзилишича, 1992 йилда туғилган бу футболчининг исми Россиянинг ўша вақтдаги президенти Борис Ельцин шарафига қўйилган экан.

Ҳайрон қоламане шу лотин америкаликларга (лекин ҳайрон қолиш учун шунчалик узоққа қараш шарт эмас, бу ҳақда учинчи хатбошида) –– яқиндагина Эквадор президенти Ленин Морено эди (умуман, бу испан тилида сўзлашувчи бу мамлакатда Ленин исми испанча Гильермо деган исмдан кўра кўпроқ қўйилади), Венесуэлада эса Сталин Ривас деган футболчи бўлган, 2021 йили Россиядаги бир жамоага Маркс Ленин деган бразилиялик футболчи ўтганида, ўрисларнинг ўзи қанча вақтгача хохолаб юрди.

Жуда кўп, жуда ҳам кўп ўша Лотин Америкасида ҳар турли Ленин, Сталин, Маркслар. Лекин Ельцин... Дарвоқе, Путинлар ҳам бўлса керак, чиқиб қолар бирор 5-10 йилда Европа яшил майдонларида. Бир замонлар ўзимизда ҳам Саддамлар кўпайиб кетганидек, ҳозир ҳам уч эгизакларга ўзингизга маълум исмлар қўйилишидек ҳолат-да. Фанда нимадир деб аталса ҳам керак.

Дарвоқе, Ленин, Троцкий, Сталин каби исмлар Ҳиндистоннинг коммунистик штатларида ҳам (ҳа, Ҳиндистонда ҳукумати коммунистлар қўлида қолиб кетган штатлар бир нечта) кўп қўйилади. Ochish/sharhlash

2022-12-01 13:55:17 Даулетмурат Тажимуратов вақтида Юлдуз Усмоновани судга берган экан (охири аризасини қайтариб олган экан). Ҳозир ўзи Нукусдаги тўполонлар бўйича кўрсатма бераётиб Юлдуз Усмонова деб қолганида билдим (шунақа, кўп оддий нарсаларни билмайман). Ochish/sharhlash

2022-12-01 13:39:55 Нукусдаги воқеалар бўйича бош айбланувчи – Даулетмурат Тажимуратов кўрсатма беряпти. Уч кун давомида Даулетмурат Тажимуратовдан бошқа судланувчиларнинг деярли бари унга қарши кўрсатма берганди, энди Даулетмурат Тажимуратов қарши ҳужумга ўтяпти. Жонли эфир – буёқда: https://t.me/gazetauz_uzb/23757 Ochish/sharhlash

2022-11-29 15:50:23 Тошкентнинг ер усти метро станциялари “1-бекат”, “2-бекат” каби номлардан қутуларкан. Бу бекатларни одамга ўхшаб номлаш бўйича ишчи гуруҳ ҳам тузилибди, гуруҳ бугун Транспорт вазирлигида йиғилибди. “Жимжимадор ёки сиёсий номлар танланмади. Тарихий шахслар… Ochish/sharhlash

2022-11-29 15:39:47 Тошкентнинг ер усти метро станциялари “1-бекат”, “2-бекат” каби номлардан қутуларкан. Бу бекатларни одамга ўхшаб номлаш бўйича ишчи гуруҳ ҳам тузилибди, гуруҳ бугун Транспорт вазирлигида йиғилибди. “Жимжимадор ёки сиёсий номлар танланмади. Тарихий шахслар ҳам яхши танланди. Лекин Убайдуллахон ўтмади”, деб ёзяпти Асанов, лекин ҳозирча айнан қандай номлар танланганини очиқламабди.

Неча йил неча замондан бери тайинли жавоб йўқ эди бу саволга. Ишчи гуруҳни ким йиққан ўзи? Ўшалар тилга кирса, қандай номлар танланганини ҳам, ишчи гуруҳ таркибини ҳам билиб олармиз. Ochish/sharhlash