Муҳрим

2022-12-13 12:09:11 “Сенат ҳам совуқ, Сенатда ҳам свет ўчяпти”, деган сенаторларни кўриб, ҳув пастдаги эронлик руҳонийга ўхшаб йиғлагиси келади одамнинг. Ўзи ўтирган бинони мунтазам электр ва иссиқлик билан таъминлай олмаган бу номи улуғ “халқ вакиллари” қандай қилиб халқ манфаатларини ҳимоя қилиши мумкин?

Сенаторларимиз (ёки уларга шундай қилишни буюрган, ўргатган кишилар) одамларга яқинроқ бўлиш, улар ҳам халқнинг ҳозирги муаммоларни ўз танларида ҳис қилаётганликларини кўрсатиш учун шундай дейишган, албатта. Лекин, билмадим, ҳозир бу сенаторлар тугул, нафақат Сенат раиси (дарвоқе, Сенат раиси чиқолмаса керак, бир вақтлар “контекстдан юлиб олинган” бир машҳур видеоси сабаб), балки ҳатто президентнинг ўзи чиқиб: “Менинг уйимда ҳам свет ўчяпти, уйим совуқ”, деса ҳам (ҳа-я, президент шунақароқ деган ҳам, бир вақтлар) халққа енгил бўлмайди. Аксинча, энди бир мен эмас, бутун мамлакат бояги эронлик руҳонийга ўхшаб йиғласа арзийди.

Биринчидан, амалдорларнинг бундай сўзларига ишонч кам. Ҳозир энг осони: “Уйимда свет йўқ, уйим совуқ”, дейиш – ана, энергияга энг масъул вазир деярли ҳар интервьюсида буни айтяпти. Лекин мамлакатда свет ўчмайдиган, совуқ бўлмайдиган жойлар борлигини одамлар билади, билмаса ҳам борлигини тахмин қилади. Фақат бирор жамоатчилик штаби йўқ-да – ўша “свети ўчмайди” деб тахмин қилинадиган маҳалла ва мавзеларда туну-кун навбатчилик қилиб, амалдорлар рост гапиряптими ё алдаяптими, шуни текшира оладиган. Иккинчидан, мабодо эртага энг юқори раҳбарлар ҳам шу гапни гапира бошласа, унда урди Худо – тамом бўлибмиз: 2003 йилги Грузиядан фарқимиз қолмабди.

Йиғлашдан тўхтагач, шу “Сенат ҳам совуқ, Сенатда ҳам свет ўчяпти” деган сенаторлардан жаҳлинг чиқа бошлайди, алам қилади-да одамга. “Сенат ҳам совуқ, Сенатда ҳам свет ўчаётган” бўлса, сенаторлари, халқ-ку майли, ҳеч бўлмаса ўзига ўзи қулайлик ярата олмаса, ёпақолайлик, тугата қолайлик бунақа Сенатни, дегинг келади. Тўғри-да, эртага бир бало бўлса, биринчидан, барибир ичидан бирорта “тажрибам етарли” дейдигани чиқмайди, иккинчидан, шу “сенаторлар” ва уларнинг Олий Мажлисда ўтирган “депутат” ўртоқлари ҳал қилади мамлакат тақдирини, аниқроғи, шуларнинг қўли билан қилинади ҳаммаси (кириш бору, чиқиш йўқ ЕЕОИга кузатувчи бўлиб қолганимиздек). Тақдирни 250 та “қўғирчоқ” ҳал қилди нимаю, 150 таси ҳал қилди нима – барибир “қўғирчоқ”-ку. 100 та кам бўлса, алам ҳам камроқ, ҳеч йўғи.

Бир бутун, ҳай, сал бутунроқ парламентимиз, сал жонлироқ депутат ва сенаторларимиз бўлганида эди, эҳтимол, аҳволимиз ҳозиргидек йиғлагулик бўлмасди, жонлироқ сенаторлар халқ учун бўлмаса ҳам, ҳеч бўлмаса ўзи учун Сенатни иссиқроқ ва чароғонроқ қилиб олган бўларди. “Ўзини ўзи эплаяпти шулар ҳам”, деб хурсанд бўлиб юрардик.

Тавба, “Сенат ҳам совуқ, Сенатда ҳам свет йўқ”муш... Лекин, тан олайлик, кеча шу гап чиққанидан кейин ташқарида ҳаво анча илиди – табиатнинг ҳам раҳми келди шекилли бечораларга.

#ХайпҲуқуқиАсосида Ochish/sharhlash

2022-12-13 10:50:34 InfinBANK’да VISA картасини очинг ва Таиландга йўлланмани қўлга киритинг

InfinBANKда VISA Classic ва VISA Virtual карталари бўйича тўловлар комиссиясиз амалга оширилади. Шунингдек, InfinBANK кассаларида VISA InfinBANK'дан нақд пул олиш учун комиссия – 0%.

Дарвоқе, VISA карталаридан 100$ ва ундан кўп маблағ эвазига харидни амалга ошириб Тайландга икки кишилик йўлланмани ютиб олиш имконини берувчи акция якунланишига саноқли кунлар қолди. Шошилинг, акциянинг сўнгги муддати-15 декабрь.

Картани мобил илова орқали ёки банк филиалларида расмийлаштириш имконияти мавжуд.

Иловани юклаб олинг

Call-марказ: 1214

Тelegram | Facebook | Instagram | Реклама Ochish/sharhlash

2022-12-12 16:08:45 Дастуримизни Андижон вилояти янгиликлари билан давом эттирамиз. Бу янгилик, эможиларга қараганда, одамларга ёқяпти.

Маълумот учун, Тошкентдаги президент трассасига илинган шундай безакли чироқлар энергия инқирози бошланганидан бери ўчиқ.

UPD. Ҳокимлик изоҳи: "Электр сарфи жиҳатидан мазкур декорация 250 ватт қувват сарфлайди ва бу оддий хонадондаги битта чироқнинг сарфидан камроқ. Шу тақдирда ҳам бу чироқлар соат 18:00 дан - 21:00 гача ёниб туриши режалаштирилган бўлиб, аҳолининг оилавий сайр вақтига мўлжалланган". Хўп. Ochish/sharhlash

2022-12-10 15:02:25 Нима ўқиймиз? Иқтисодчи Отабек Бакиров тавсия қилади

«Газета.uz» китобхонликни тарғиб этиш мақсадида «Нима ўқиймиз?» лойиҳасини давом эттиради. Энг сара асарлар, ўқилиши шарт 10 китоб ҳақида олим, тадқиқотчи, ёзувчи-шоир, таржимон, журналист ва жамоат фаолларининг тавсиясини сизга етказамиз.

Лойиҳанинг навбатдаги меҳмони — иқтисодчи, жамоатчилик фаоли, Telegram’даги @the_bakiroo канали муаллифи Отабек Бакиров.

https://www.gazeta.uz/uz/2022/12/10/mutolaa-bakiroo/?utm_source=push&utm_medium=telegram

Каналга обуна бўлинг
@gazetauz_uzb Ochish/sharhlash

2022-12-10 09:02:03 Мана шу суратни кўрганда биринчи бўлиб хаёлингизга қайси сўз келди? Қанчалик ғалати туюлмасин, шу сурат Твиттер лентамда чиққач, хаёлимга биринчи бўлиб "Андижон" келди. Реплайларни очиб қарасам, бу иш Андижонда бўляпти деб ўйлаган бир мен эмас экан. Лекин Андижонда бўлмабди бу сафар.

Қиссадан ҳисса: мана шунақа ҳар қандай жинниликлар умуман бошқа жойларда қилинса ҳам, одамлар "Андижоннинг ҳокимлари яна бир бало бошлабдими?" деб ўйлаяпти. Одамлар ўрганди шунга. Бу — обрў, андижонлик амалдорлар Андижон учун келтирган обрў (русчасига айтганда, дурная репутация), янги Андижоннинг янги обрўси.

#ХайпҲуқуқиАсосида Ochish/sharhlash

2022-12-10 08:59:56 Кеча, тўғриси, янгиликлар лентасини кузатишга ҳам кўп имкон бўлгани йўқ. Шунинг учун ҳам кўп нарсадан бехабар қолдим. Твиттерни варақларканман, скриншотдаги твит чиққанида, "энди янгиликларни топиб, ўқимасам бўлмайди", деб ўйладим — менга бу гапнинг давоми керак эди. Бўлганда ҳам бу гапнинг мен аллақачон ўрганиб қолган, мен кутган давоми керак эди.

Мен ўрганиб қолган, мен кутган давом, тахминан, мана бундай бўлиши керак эди: "Жамоатчилик олдида сиз ўзингизни эмас, бутун давлат тизимини, бутун президент командасини обрўсизлантиришга олиб келдингиз. Шунинг учун, биринчидан, эгаллаб турган лавозимингиздан озод қилинасиз — чиқиб кетинг залдан. Бу залда туришга сизнинг ҳаққингиз йўқ. Бинодан чиқиб кетишида гувоҳномаси олиб қўйилсин. Шарманда қилиб, бинодан чиқариб юборинглар, иккинчи яқинлаштирилмасин. Ҳали буларнинг жиноий жавобгарликка тортилиш-тортилмаслик масаласини икки ҳафтада гаплашамиз".

Йўқ, мен кутган, мен ўрганиб қолган бундай давом йўқ экан. Афсус. Ҳай, ноумид бўлмаймиз. Бўлиб қолар.

#ХайпҲуқуқиАсосида Ochish/sharhlash

2022-12-09 09:47:41 Тошкентдаги журналист-блогерларга Конституция куни муносабати билан совға (йўқ, гап “Конституциянинг 30 йиллиги” кўкрак нишони ҳақида эмас): уларнинг Фейсбукдаги ёзган постлари/комментлари сабаб уларнинг вилоятларда яшайдиган ота-оналари ИИБга чақирилган ёки ИИО ходимлари келиб, уларнинг ота-оналарини сўроқ қилган. Юртим, адо бўлмас жинниликларинг бор... Ochish/sharhlash

2022-12-08 14:59:01 Квизларга аралашиб қолганимдан, ҳатто UzQuiz’га амакиваччалар (“Аъзамхўжаевлар”) жамоаси билан бирга боришимдан ҳам унча-мунча одамнинг хабари бор, менимча. Одамни касал қиладиган нарса экан-да бу: бугунги ўйинни тугатишинг билан, келаси пайшанбанинг хумори тута бошлайди (ҳар пайшанба куни ўйин, бошқа хаёлга бориб юрманг тағин). Натижа ёмон бўлса ҳам негадир одам зерикмайди, жонга тегмайди. Ҳар сафар бирор янгилик, бирор қизиқарли воқеа гувоҳига айланасан, ўлдим деганда бирор қизиқ нарсани билиб қайтасан.

Орада бошқа квизларга ҳам бориб кўрдим, лекин UzQuiz’даги муҳит, кайфиятни тополмадим. Нечанчидир йил ўтказилаётгани учун дуэллари, дербилари, анъаналари, бир балолари бор-ей! Мазза! (дарвоқе, ўйинлар Хадрадаги “Мазза” кафесида бўлади – шу кафенинг самарқандча ошига гап йўқ!). Амакиваччалар билан қатнай бошлаганимиздан кейин, амакиларим, опоқиларим ҳам мақташди: чойхонада ошни еб, қоринни қаппайтириб ўтиргандан кўра минг марта яхши нарса ўйлаб топибсанлар, яна шу баҳона ҳар ҳафта кўришиб, гаплашиб турасанлар, деб. Охирги сафар жамоамизда нафақат амакиваччалар, балки уларнинг болалари ва ҳатто поччамиз ҳам (қиз амакиваччалар қатнаша олмаганига яраша) ўйнадилар. Мазза бўлмай нима ахир!

Овозасини эшитиб, ҳали ҳам “жамоа тузиб борсамми, бормасамми”, деб иккиланиб юрганларга чин кўнгилдан (фром май харт!) тавсия – иккиланишни бас қилинг-да, мана, келаётган сешанба (13 декабрь) куни футбол бўйича УзКвиз бўлади, синов тариқасида футболга қизиқувчи (қизиқмаса ҳам майли – жавобларни топиш учун футбол профессори бўлиш шарт эмас) таниш-билишлар ё қариндошлар билан бирга қатнашиб кўринг. Ишончим комил, ёқади – сизга ҳам, танишларингизга ҳам. Мазза қилиб дам олиб кетасиз.

Кейин, пайшанба кунгисида ҳам қатнашинг – бир олам эмоция оласиз. Рўйхатдан ўтиш керак, бехабар қолмаслик учун UzQuiz каналини кузатиб бориш кифоя. Битта квизга бор-йўғи битта оилавий жамоа кам, яна бўлсин, кўпроқ бўлсин!

PS. Газ-свет муаммоси бўлмаса, яқинларингиз билан қандай яна қандай вақтичоғлик қиласизлар? Ochish/sharhlash

2022-12-08 14:09:36 Ўтган шанба Панорамада ўзбекистонлик ампутант-футболчилар ҳақидаги “Матонат. Машаққатли ғалаба” номли ҳужжатли фильм томошасида бўлдим (ҳа, уларга Кобальтлар топширилгани айтилган кунда бўлди бу томоша – киносарой атрофида ён томонига “Президент совғаси” деб ёзилган оқ машиналар кўп эди).

Биласизми-йўқми, Ўзбекистон ногирон-ампутантлар ўртасида беш карра жаҳон чемпиони ҳисобланади. Ҳа, оёғи бутун футболчиларимиз ҳали бирор марта ҳам жаҳон чемпионатига чиқа олмаган шу вақтгача, лекин ногиронлиги бор, бир оёғи йўқ футболчиларимиз бир қўли йўқ дарвозабонлари билан бир эмас, икки эмас, нақ беш марта жаҳон чемпиони бўлган (Тошкент икки марта шундай жаҳон чемпионатига мезбонлик ҳам қилган).

Қизиғи, Ўзбекистонга футболнинг бу турини 1980 йилларда америкаликлар олиб кирган экан. Биринчи галда бир оёғи ё қўлини “байналмилал бурчини бажариш чоғида” Афғонистонда ташлаб келган йигитларни ижтимоий ҳаётга мослаштириш мақсадида (давлат ўша вақтда унинг айби билан ногиронлик орттирган одамларни шунчаки ташлаб қўймаган экан-да). InFinBANK ҳомийлигида олинган фильмдан биринчи хулоса – улар Кобальтсиз ҳам бахтиёр, футбол ўйнаш имконияти борлигидан бахтиёр, “футбол бизни ҳаётга қайтарди”, деб бахтиёр.

Фильмнинг менга энг ёққан қисми 16 ёшли Улуғбек Тошпўлатов билан уюштирилган суҳбат бўлди. У терма жамоанинг энг ёш аъзоси, “Жиззах” клуби футболчиси экан. 2017 йили велосипеддан йиқилиб, охир-оқибат бир оёғидан айрилган. Шунга қарамай, қўлтиқтаёқда футбол ўйнашни мустақил ўрганган, соппа-соғ болалар билан тенгма-тенг футбол ўйнаган. Бир тепиб, тўпни баскетбол саватига тушира олган. Унинг бу маҳоратини дўстлари видеога тушириб, Тик-Токка қўйган.

Видео трендга чиқиб, 3,5 миллион марта кўрилган. Бу 3,5 миллион томошабин орасида “Жиззах” жамоасининг асосий ўйинчиларидан бири Низом Мамасолиев ҳам бўлган. Йигитча бир шу видеоси ортидан футбол клуби аъзосига айланган, ҳозир эса терма жамоа аъзоси. Менимча, Тик-Токни блоклаб қўйган “ақллилар” бу ҳикояни бир кўришлари керак, Тик-Токдаги бир видео бир болага давлатнинг унча-мунча дастури, унча-мунча агентлиги беролмайдиган имкониятни берганини тушуниши керак...

Дарвоқе, ногирон-ампутант футболчиларга уларнинг “эътибор йўқ” деган норози видеосидан сўнг давлат уларнинг ҳар бирига Кобальт топшириб чиққани, тўғриси, менга ҳам баҳслидек кўринади. Бу ҳақда кўп ва хўб гаплашиш мумкин. Лекин “Матонат. Машаққатли ғалаба” фильми орқали мен аввал билмаганим бир янгиликни билдим – авваллари бу футболчиларнинг ҳомийси раҳматли Мираброр Усмонов бўлган бўлса, ҳозирча InFinBANK шундай ролда экан. Давлатнинг “шуларнинг овози ўчса бўлди” қабилидаги шубҳали “ғамхўрлиги” баҳсли, лекин хусусий қўлларнинг ҳомийлиги – мақбул. Ochish/sharhlash

2022-12-08 12:29:05 Шиорлар мамлакати. Фоторепортаж

Ўзбекистон — шиорлар мамлакати. Улар бутун ҳаётимиз давомида ҳамроҳлик қилади. Биз уларни сезмаслигимиз ва маъноси ҳақида фикр юритиб кўрмаслигимиз мумкин, лекин улар, хоҳлаймизми ёки йўқ, ҳамманинг хотирасида муҳрланган. «Газета.uz» журналистлари мамлакатнинг турли нуқталаридаги шиорларни тўплади.

Сиз ҳам шиорлар тасвирланган суратларингизни жой номи билан бирга бизнинг Telegram-ботимизга юборишингиз мумкин: @GazetauzMuloqotBot

https://www.gazeta.uz/uz/2022/12/08/country-of-slogans/?utm_source=push&utm_medium=telegram

Каналга обуна бўлинг
@gazetauz_uzb Ochish/sharhlash