Муҳрим

2023-06-12 14:16:02 #admission2023

Тошкент Кимё халқаро университетига 2023-2024 ўқув йили учун қабул бошланди.

Университет бакалавр ва магистрларни кундузги, сиртқи ва кечки таълим шаклларда, шунингдек, иккинчи мутахассислик бўйича ўзбек, рус ва инглиз тилларида тайёрлайди.

Университет фаолияти Таълим сифатини назорат қилиш давлат инспекцияси томонидан лицензияланган. (Лицензия: №044527)

KAZSEE ва IQAA агентликларининг таълим дастурларини халқаро аккредитациядан ўтказиш тўғрисидаги сертификатларига эга.

Университет таълим йўналишлари, шартнома нархлари ва кириш имтиҳонлари ҳақида батафсил маълумот:
https://kiut.uz/uz/admission/submenu/tashkent-admission/

Дарслар АҚШ, Англия, Миср, Жанубий Корея ва Италиялик тажрибали хорижий профессор-ўқитувчилар томонидан ташкил этилади.

Онлайн ҳужжат топшириш: admission.kiut.uz

(+99878) 129-40-40 (ички рақам – 1).

Telegram | Instagram | Facebook |YouTube

Реклама Ochish/sharhlash

2023-06-12 06:31:01 «“Мустабидлар табиат ҳодисаси эмас. Уни яратиш ҳамда кейинчалик унинг қурбонига айланиш учун оломон керак бўлади”, - дейди Варгас Льоса [ўзининг “Таканинг байрами”] романи мазмунини ифодалаб. Айнан шунинг учун ҳам ижтимоий зулмни, ижтимоий адолатсизликни фақат битта шахс эмас, унга шундай имконият берган, адолатсизлик, зўравонлик, ёлғончилик, қабиҳлик, тубанликка бефарқ бўлган оломон яратади».

Назар Эшонқулнинг «Китоб бандаси»дан #иқтибос Ochish/sharhlash

2023-06-10 20:18:42 Ochish/sharhlash

2023-06-06 10:52:18 Айтишларича, Тошкентдаги хонадонлардан бирининг балконидан Украина байроғини олиб ташлаш учун кранлар (суратда ўт ўчириш машинасининг нарвони) жалб қилинибди. Бир томондан тушунгинг келади, чунки воқеа Тошкент марказидаги Янги Москва номли турар жой мажмуасида… Ochish/sharhlash

2023-06-05 19:50:33 Ҳай, уни-буни қўйинглар – бугун бирорта яхши хабар, яхши воқеа эшитдингларми? Ман унда-бунда бир ишдан чалғисам, Тошкентда “котта болла”нинг мошинаси электробусни урган, кейин Қашқадарёда сўз эркинлиги тугаган, блогерлар блогерликни тугатган, кетидан Тошкентда Телеграм-блогерлар парк ҳимояси учун норозилик намойиши ўтказган, бутун Ўзбекистонга машҳур Сағбон подстанциясида яна авария, Бўка ОВДида мелисалар гумонланувчини уриб ўлдириб қўйган ва ҳоказо, ва ҳоказо. Тавба, ҳаммаёқ негатив – бу хабарларни кўриб, бу мамлакатда яқинда сайлов бўлади, деб ўйламайди одам. Тарихда биринчи марта Қатар амири келгани ҳақидаги хабарни кўриб ҳам кайфият кўтарилмади очиғи – тўлиқ хурсандчиликни қанақадир ғалати кутиб олиш маросими бузди: нима, протокол хизматига Туркманистон ҳукуматидан кимдир ишга олинганми, қаердан, қачондан пайдо бўлди бундай томоша, ғалати эмасми сал-пал? (балки ҳали тўлиқ қурбонгулистонлашув юз бермаганига ғалати кўринаётгандир – ўтиб кетар, кўзларим ўрганиб кетар).

Шундай қилиб, ўша савол – бугун бирорта яхши хабар, яхши воқеа эшитдингларми? Балки ўзингиз шундай яхши воқеа қатнашчиси бўлгандирсиз? Бўлиши мумкин-ку – бирор ёш болага ё кекса одамга ёрдам бергандирсиз, уларни “котта болла”нинг мошиналари ғиз-ғиз ўтиб турадиган катта йўлдан ўтказиб қўйгандирсиз, кимгадир шунчаки, беғараз яхши гапириб, унинг кайфиятини кўтаргандирсиз, балки сизга бирор яхшилик қилишгандир, ўзи кичкина нарса бўлгандиру, лекин сизнинг кайфиятингиз осмон қадар кўтарилгандир? Кайфиятимизни кўтариш ўз қўлимизда – кайфиятимизни ўзимиз кўтармасак, четдан биров келиб кўтариб қўймайди. Ochish/sharhlash

2023-06-05 09:13:01 Барча авто ишқибозлари учун қизиқ янгилик

Эски автомобилингизни янгисига алмаштириш учун яхши имконият.

Бор йўғи бир кунда @Olamavto_uz дилерлик марказидан эски машинангиз ўрнига янгисини алмаштириб олишингиз мумкин.

Автомобилни расмийлаштириш учун шахсни тасдиқловчи паспортингиз билан автоуловингиз ҳужжатлари бўлса кифоя!

@Olamavto_uz билан бир зумда

Автомобиллар сони чекланган

Батафсил:
+(998)71-202-13-12
1312
Элбек кўчаси, 61/3

Реклама Ochish/sharhlash

2023-06-03 12:28:37 Нима ўқиймиз? Адлия вазири Акбар Тошқулов тавсия қилади

«Газета.uz» китобхонликни тарғиб этишга қаратилган «Нима ўқиймиз?» лойиҳасини давом эттиради. Сара асарлар, ўқилиши мақсадга мувофиқ ҳисобланган китоблар рўйхати ҳақида олим, тадқиқотчи, ёзувчи-шоир, таржимон, журналист ва жамоат фаолларининг тавсияларини сизга етказамиз.

«Нима ўқиймиз?» лойиҳасининг навбатдаги меҳмони — Ўзбекистон адлия вазири Акбар Тошқулов.

https://www.gazeta.uz/uz/2023/06/03/mutolaa-akbar-toshqulov/?utm_source=push&utm_medium=telegram

Каналга обуна бўлинг
@gazetauz_uzb Ochish/sharhlash

2023-06-02 20:52:47 2022 йил декабридаги “маъмурий ислоҳот”дан кейин яп-янги супер-вазирликлар орасида Табиат ресурслари вазирлиги номида “ва” боғловчиси йўқ икки истиснодан бири эди. Мана, биттаси йўқ қилинди – оддийгина Табиат ёки Экология вазирлиги деб номланиши мумкин бўлган бўлган бу идора (аслида гапни “шундай идора керакми ўзи?” деган гапдан бошлаш керакдир, балки) энди Экология, атроф-муҳитни муҳофаза қилиш ва иқлим ўзгариши вазирлиги деб аталаркан. Бечоралар “қўмиталик олами”дан тўлиқ чиқиб кетиб улгурмаганди ҳали.

Ўзи бу ишларнинг – янги латифа, мем ва трендлар дунёга келишига сабабчи бўлишдан ташқари (не бахтки, ҳали бу ишлар тақиқлангани йўқ, бу ишлар жиноят эмас) – бирор мантиғи борми? Ë бундан кўзланган мақсад лайлаганлик эски Алишер бўва айтганидекми? Чунки, ДТМ раҳбарлари довдираганча аённи баён қилганидек, номдан бошқа ҳеч нарса ўзгармаяпти-ку (дтмчиларнинг жавоби ҳам ўша лайлаганлик бобоникидек – универсал).

Қанчалик рост ё ёлғон, билмадиму, июлдаги муҳим сиёсий тадбирда ҳар доимгидек юксак сиёсий маданият кўрсатилгач, халқ артисти Озодбек Назарбеков “туризм балоси”дан халос қилинармиш – яъни, эмишки, Маданият ва туризм вазирлигини ислоҳ қилиш шарпаси бутун Ўзбекистонни кезиб юрибди. Буёқда ҳали номида “ва” боғловчиси йўқ яна бир эски-янги вазирлик бор – унда ҳам бирор ўзгариш бўлиб қолар.

Бу вазирликларга, у ерда ишлаётган кишиларга бирор эътироз йўқ, бўлиши ҳам мумкин эмас: Роберт Мугабе Зимбабвени 30 йил бошқариб, бирор натижа кўрсатмаган, бу бечора идора ва ташкилотлар эса олти ойда, қуйидаги суратда кўриб турганингиздек, ҳали ўз номига ҳам ўрганиб улгургани йўқ – қандай ҳам эътироз бўлсин?! Умуман, ҳеч кимга эътироз йўқ.

Энди, вақт қурғур команденте тавсия қилганидан ҳам бемалолроқ бўлса, “буюк шахмат тахтаси” устида оламшумул ўзгаришларга сабаб юришлар ҳақида бош қотираётганлар шу ишларни шошилмай, ҳар ярим йилда ўзгаравермайдиган қилиб, одамларни ҳам, халқ артистларини ҳам қийнамай, келишиб, кенгашиб, бир каттадан, бир кичикдан фикр олиб амалга оширса ҳам бўлади-ку, деган бир куйиниш бор-да.

Бор-йўғи шу. ИМҲО, албатта. Ochish/sharhlash

2023-06-02 18:50:31 “Шум бола” барча даврларнинг энг яхши болалар китоблари 100 талик рўйхатидан ўрин олибди. Кутилмаганда, бу ишда АОКАнинг ўрни бор, бўлганда ҳам катта ўрни бор. Ярим ҳазил, ярим чин қилиб айтганда, АОКА биринчи марта Ўзбекистон учун сезиларли даражада фойдали иш қилибди Ochish/sharhlash

2023-05-30 22:13:03 2021 йил бошида Тошкент шаҳар ҳокими Жаҳонгир Ортиқхўжаев J-United Group компаниясининг 100 фоиз улуши эгаси эканига эътибор қаратилиб, амалдаги давлат мансабдори айни вақтда хусусий бир бизнесга эгалик қилиши қанчалик тўғри деб савол қўйилганди. Ўшанда Адлия вазирлиги давлат органлари мансабдорларига тадбиркорлик фаолияти билан шуғулланиш тақиқлангани, лекин тижорат ташкилотларининг улуши (акцияси)га эгалик қилиш тадбиркорлик фаолияти ҳисобланмаслиги, амалдаги қонунчиликда мансабдорнинг тижорат ташкилотларида улуш (акция)ларга эгалик қилиши (ёки муассис бўлиши)га тўғридан-тўғри тақиқ йўқлигини маълум қилганди.

2023 йил январида амалдорларнинг тадбиркорлик субъектларида, хусусан, муассис бўлишини ҳам тақиқловчи “Давлат фуқаролик хизмати тўғрисида”ги қонун амал қилаётганига бир-икки ой бўлиб қолганди-ёв. Коррупцияга қарши курашиш агентлиги 2023 йилнинг январида ҳам бор эди. Лекин Ортиқхўжаев 2023 йил январидаги аномал совуқ оқибатида “ишсиз” қолгунига қадар мен, тўғриси, Коррупцияга қарши курашиш агентлиги Тошкент шаҳар ҳокимлигига J-United билан боғлиқ “қонунчиликка номувофиқликни бартараф этиш” тўғрисида тақдимномалар киритгани ҳақида ҳеч эшитмаган эканман. Балки киритилгандир, балки хабар ҳам берилгандир, балки Ортиқхўжаев вақтинча муассисликни топширгандир ҳам, балки ўтказиб юборгандирман, балки эслатишар.

Бугун Ж-Юнайтедни эслаганимга сабаб – маданият вазири Озодбек Назарбеков бир МЧЖнинг 100 фоиз эгаси экан, лекин бу “Давлат фуқаролик хизмати тўғрисида”ги қонунга зид бўлгани учун, тушунишимча, агентликнинг саъй-ҳаракатлари билан ушбу “қонунчиликка номувофиқлик” бартараф этилибди. Мен, бир томондан, Коррупцияга қарши курашиш агентлиги қўл қовуштириб ўтиргани йўқлигини билиб анча хотиржам бўлдим, иккинчидан, римликларнинг “Quod licet Zhacongiro, non licet Ozodbeco” деган гапи орадан шунча вақт ўтса-да ўз долзарблигини йўқотмай келаётгани яна бир карра тасдиқланганини кўриб қувондим. Ochish/sharhlash