MA'RIFAT DARSI | МАЪРИФАТ ДАРСИ

2024-01-16 09:30:01 Ўзбекистон Республикаси Президентининг “Жамоат хавфсизлигини таъминлаш ва жиноятчиликка қарши курашиш соҳасини илмий тадқиқ қилиш фаолиятини сифат жихатидан янги босқичга кўтариш чора-тадбирлари тўғрисида” Фармонига ШАРХ

Батафсил видео

Хужжатни кўриш Ochish/sharhlash

2024-01-12 16:28:56 Yuqorida ta’kidlaganimizdek, BRM dasturi quyidagi global maqsadni o‘z ichiga oladi: qashshoqlikni yo‘qotish; ochlikni tugatish; sog‘liq va farovonlik; sifatli ta’lim; gender tengligi; toza suv va sanitariya; arzon va toza energiya; munosib ish o‘rinlari yaratish va iqtisodiy o‘sish; sanoatlashtirish, innovatsiyalar, infratuzilma; tengsizlikni kamaytirish; barqaror shaharlar va qulay yashash joylarini yaratish; mas’uliyatli iste’mol va ishlab chiqarish; iqlim o‘zgarishiga qarshi kurashish; dengiz ekotizimlarini asrash; quruqlikdagi ekotizimlarni asrash; tinchlik, adolat va samarali boshqaruv; barqaror rivojlanish yo‘lida hamkorlik.

2015-yilda O‘zbekiston hukumati 2030-yilgacha bo‘lgan davrda barqaror rivojlanish sohasida global kun tartibini amalga oshirish bo‘yicha majburiyatlarni qabul qilib, ularni muvaffaqiyatli amalga oshirmoqda. Ta’kidlash joizki, Yangi O‘zbekiston sharoitida Prezident Shavkat Mirziyoyevning sa’y-harakatlari va rahbarligida BMTning Barqaror rivojlanish maqsadlarini amalga oshirish faollashdi, xalqaro va mintaqaviy tashkilotlar bilan yangi sifat bosqichiga ko‘tarildi.

«Yashil iqtisodiyot» – bu ertangi kun iqtisodiyoti va aynan u XXI asr iqtisodiy taraqqiyotining harakatga keltiruvchi kuchi bo‘lishi kerak. Olimlarning fikricha, «yashil iqtisodiyot» nazariyasi quyidagi uchta aksiomaga asoslanadi:
– cheklangan makonda ta’sir sohasini uzluksiz kengaytirib bo‘lmaydi;
– resurslar cheklangan sharoitda uzluksiz oshib borayotgan ehtiyojni qondirishni talab qilish mumkin emas;
– Yer yuzida hamma narsa bir-biri bilan bog‘liq.

Iqtisodiy o‘sishning an’anaviy modelidan «yashil iqtisodiyot»ga o‘tish umumjahon trendi bo‘lib, u nafaqat alohida milliy iqtisodiyotlarning, balki umuman butun jahon iqtisodiyoti barqarorligini belgilab beradi, «yashil iqtisodiyot»ni ilgari surish esa taraqqiyotning asosiy yo‘lidir.

Аlohida, ta’kidlash joizki, O‘zbekiston BMTning Barqaror rivojlanish maqsadlarining 16 tasida ishtirok etmoqda. Mazkur maqsadlarning yarmiga yaqini – bevosita iqlim o‘zgarishi, ekologiya, toza suv va sanitariya, arzon va toza energiya ishlab chiqarish kabi o‘ta muhim masalalar xalqaro tashkilotlar va davlatlar hamkorligida dadillik bilan amalga oshirilmoqda. Masalan, yashil energetikaga o‘tish strategiyasi bo‘yicha 2023-yil oxirida mamlakatimizning qator viloyatlarida Saudiya Аrabistoni va Xitoy davlatlari bilan hamkorlikda quyosh panellari stansiyalarining ishga tushirilganligi buning yorqin isbotidir.

O‘ylaymizki, bu muvaffaqiyatlar poydevori O‘zbekiston Respublikasi Prezidentining 2022-yil 2-dekabrdagi «2030-yilgacha O‘zbekiston Respublikasining «yashil iqtisodiyotga o‘tishiga qaratilgan islohotlar samaradorligini oshirish bo‘yicha chora-tadbirlar to‘g‘risida»gi qaroridir. Ushbu qaror ijrosini ta’milash bo‘yicha 2030-yilgacha O‘zbekiston Respublikasida «yashil iqtisodiyot»ga o‘tish va «yashil» o‘sish dasturi maqsad va vazifalarining amalga oshir ilishi, uning maqsadli ko‘rsatkichl ari, shuningdek, «Sanoat tarmoqlarida «yashil iqtisodiyot»ga o‘tish va energiya tejamkorligini ta’minlash konsepsiyasi, 2030-yilgacha O‘zbekiston Respublikasida «yashil iqtisodiyot»ga o‘tish va «yashil» o‘sishni ta’minlash bo‘yicha harakatlar rejasi kabi maqsadli muhim hujjatlar ijrosi mamlakatimizning yaqin istiqbolda «yashil iqtisodiyot» ta’minlangan mamlakatga aylantiradi va uning bu sohada Markaziy Osiyoda yetakchilik qilishiga ishonchimiz komil.

Shuhrat G‘OYIBNАZАROV,
siyosiy fanlar doktori, professor, iste’fodagi polkovnik.

Телеграмда ўқинг / Telegramda o'qing

Ворд шаклида ўқинг / Word shaklida o'qing

ПДФ шаклида ўқинг / PDF shaklida o'qing

Кирилл алифбосида ўқинг / Kirill alifbosida  o'qing

Рус тилида ўқинг / Читать по русски

2024 йил барча мавзулар /  2024 yil barcha mavzular Ochish/sharhlash

2024-01-12 16:28:56 3-mavzu
"YASHIL IQTISODIYOT" - HUSUSIYATLARI VA RIVOJLANISH OMILLARI

Insoniyat hayoti ko‘plab ijtimoiy, iqtisodiy va ekologik muammolar bilan uzviy bog‘liq. Hozirgi kunda, ayniqsa, sanoatning rivojlanishi, tabiiy resurslardan shafqatsizlarcha foydalanish, oziq-ovqat yetishtiriladigan qishloq xo‘jaligi maydonlarining keskin qisqarishi, cho‘llanish va suv yetishmovchiligi xalqaro tashkilotlar va davlatlar rahbarlarining, qolaversa, butun dunyo jamoatchiligi diqqat markazida turibdi.

Birlashgan Millatlar Tashkiloti 1972-yil 15-mart kuni Bosh Аsambleyaning 2997-rezolyutsiyasiga binoan, atrof-muhitni muhofaza etish bo‘yicha UNEP (United Nations Enviroment Programme) tashkilotini tuzdi. UNEP ekspertlari «yashil iqtisodiyot»ni insonlar hayot darajasini yuksaltiradigan, ijtimoiy adolatni ta’minlaydigan va shu bilan birga, atrof-muhitning zararlanish xavfini kamaytiradigan faoliyat deb baholaganlar.

Hozir ko‘p tilga olinayotgan «barqaror rivojlanish» atamasi BMT shafeligida 1983-yilda atrof-muhit holatini, iqtisodiy va ijtimoiy rivojlanish oqibatlarini tahlil etgan maxsus xalqaro komissiyaning «Bizning umumiy kelajagimiz» deb nomlangan ma’ruzasida ilk marta «sustainable development» atamasi sifatida ommalashdi.

2009-yilda BMTning «Global yashil yangi kurs» konsepsiyasi atrof-muhit dasturi sifatida taklif etildi. Uning asosiy mazmuni investitsiyalarni kam uglerodli iqtisodiyotni rivojlantirishga yo‘naltirish va rag‘batlantirishga, ekologik toza texnologiyalarni joriy etishga, ekologik talablarga javob beradigan transport vositalarini yaratishga va qo‘llashga, energosamaradorlikni ta’minlashga hamda iqlim o‘zgarishi bilan bog‘liq masalalarni hal etishga qaratilgan. 2009-yil iyunda 34 ta mamlakat «Yashil iqtisodiyot» deklaratsiyasini imzoladi va «ham inqirozdan chiqish uchun ko‘rilayotgan chora-tadbirlar doirasida, ham uning doirasidan tashqarida «yashil o‘sish» strategiyalarini joriy etish uchun sa’y-harakatlarni mustahkamlashini, «yashil» va «o‘sish» tushunchalari bir-biriga chambarchas bog‘liqligini tan olishini» ma‘lum qildi. «Yashil iqtisodiyot» – tabiiy zaxiralarga ta‘sir etmaydigan iqtisodiyot bo‘lib, uning konsepsiyasi tabiiy resurslarni asrash va tabiatga salbiy ta‘sirni kamaytirishdir. Inson hayotining o‘sishi tabiiy kapital o‘sishi bilan barobar bo‘lishi darkor. Bunga «yashil o‘sish» deyiladi. Uning maqsadi – jamiyat barqarorligiga erishish uchun ekotizimga bosimni kamaytirib, ijtimoiy siyosat, iqtisodiyot va ekologiya o‘rtasidagi muvozanatni ta’minlashdir. «Yashil iqtisodiyot»ning barqarorlik, adolat va qadr-qimmat, boshq aruv va moslashuv, sog‘lom koinot kabi mezonlari; yashil energetika, «yashil iqtisodiyot» va qishloq xo‘jaligi, «yashil iqtisodiyot» va transport, «yashil texnologiyalar», «yashil moliya», «yashil iqtisodiyot» va turizm, «yashil iqtisodiyot» va inson kabi aniq yo‘nalishlari, shuningdek, «yashil iqtisodiyot» sohasida yetakchi mamlakatlar – Janubiy Koreya, Xitoy, Germaniya, Shvetsiya, Shveysariya kabi rivojlangan mamlakatlarning o‘rganishga molik ijobiy tajribalari mavjud.

Mingyillik maqsadlari yakuni ko‘rib chiqilgan 2015-yilning sentabrida bo‘lib o‘tgan BMT Bosh Аssambleyasining navbatdagi tarixiy sammitida qabul qilingan «Barqaror rivojlanish sohasidagi global kun tartibi» bo‘yicha 70-sonli rezolyutsiyada iqtisodiy, ijtimoiy va ekologik komponentlarda barqaror rivojlanishn i ko‘zda tutuvchi 2030-yilgacha erishilishi lozim bo‘lgan 17 ta Barqaror rivojlanish maqsadi va ularga bog‘liq bo‘lgan 169 ta vazifa va 232 ta ko‘rsatkich belgilab olingan deklaratsiya qabul qilindi. Ochish/sharhlash

2024-01-10 09:14:37 D-карта йўқолиб қолса, қанча жарима тўланади?

Батафсил видео орқали билиб олинг ва яқинларга ҳам юборинг. Ochish/sharhlash

2024-01-04 15:25:25 "Постда" газетаси биринчи ўринни олмаса уят бўлса керагов, нима дейсизлар?

босаётганлар "ПОСТДА" газетасига овоз бериб юборинглар Ochish/sharhlash

2024-01-04 13:44:14 PwrIndx – kuch indeksi bo‘yicha tuzilgan ushbu rey¬tingning o‘ziga xosligi shundaki, u qanchalik past bo‘lsa, mamlakat shunchalik kuchli armiyaga ega hi¬soblanadi. Hozircha hech bir davlat 0,0000 harbiy kuchning maksimal ko‘rsatkichiga erishmagan. O‘zbekiston 1,0692 indeksini olgan. Bu Markaziy Osiyo davlatlari orasidagi eng yuqori ko‘rsatkichdir.

O‘tgan yilning oktabr oyida AQSHning «News & World Report» nashri ham o‘z tadqiqot natijalarini e’lon qildi. Unga ko‘ra, mamlakatimiz armiya qudrati bo‘yicha 87 davlat o‘rtasida 18 o‘rinni egalladi. Bu reytingda Rossiya, AQSH va Xitoy yetakchilik qilgan. Qo‘shnilarimizdan faqat Qozog‘iston reytingga kiritilgan. Nashrning yozishicha, armiyalarning qudrati global so‘rovda qatnashganlarning fikr-mulohazalari asosida baholangan.

Vakillarimiz, ayniqsa, keyingi yillarda o‘tkazilayotgan ko‘plab xalqaro miqyosdagi nufuzli harbiy musobaqalarda faxrli o‘rinlarni egallab kelishayotgani ham quvonarli hol. Jumladan, yurtimiz harbiy¬lari Xalqaro armiya o‘yinlari, «Kembriya patruli» va boshqa shu kabi yirik harbiy-sport musobaqalarida salmoqli yutuqlarni qo‘lga kiritishmoqda.

Shu kunlarda yurtimizning barcha hududlarida O‘zbekis¬ton Respublikasi Qurolli Kuchlari tashkil topganining 32 yilligi hamda Vatan himoyachilari kuni munosabati bilan «Yangi O‘zbekiston armiyasi – mamlakat qudrati, yuksak g‘urur va sadoqat timsolidir!» shiori ostida «Vatanparvarlik oyligi» ko‘tarinki kayfiyatda o‘tkazilmoqda. Oylik doirasida «Vatanparvarlik karvoni» festivallari, davra suhbatlari, uchrashuvlar, turli viktorina va sport musobaqalari tashkil etilmoqda. Harbiy xizmatchilar, soha faxriylari, elimizning taniqli kishilari, yoshlar ishtirokida o‘tayotgan ushbu tadbirlar Prezidentimiz tomonidan ilgari surilgan «Xalq va armiya – bir tan-u bir jondir» degan ezgu tamo¬yilning amaldagi yorqin ifodasi o‘laroq namoyon bo‘layotir.

Xulosa qilib aytganda, bugungi kunda milliy armiyamiz mamlakatimiz qudrati, yuksak g‘urur va sadoqatimiz timsoliga aylanib ulgurgan. Zotan, Vatanimiz, xalqimizga sadoqatli yigitlar xizmat qilayotgan Qurolli Kuchlarimiz mustaqilligimizning, tinch va oso¬yishta, farovon hayotimizning ishonchli qalqonidir.

Kamol OLLOYOROV
tayyorladi.

Телеграмда ўқинг / Telegramda o'qing

Ворд шаклида ўқинг / Word shaklida o'qing

ПДФ шаклида ўқинг / PDF shaklida o'qing

"Постда-На посту"да ўқинг / "Postda-Na postu"да  o'qing

Рус тилида ўқинг / Читать по русски

2024 йил барча мавзулар /  2024 yil barcha mavzular Ochish/sharhlash

2024-01-04 13:44:14 2-mavzu

YANGI O‘ZBEKISTON ARMIYASI – MAMLAKAT QUDRATI, YUKSAK G‘URUR VA SADOQAT TIMSOLIDIR!

Jahon tamadduniga bemisl hissa qo‘shgan turkiy zamindan ko‘plab mohir sarkardalar yetishib chiqqan. Ayniqsa, Jaloliddin Manguberdi, Sohibqiron Amir Temur, Zahiriddin Muhammad Bobur kabi buyuk ajdodlarimiz o‘z zamonasida nafaqat odil hukmdor, ayni chog‘da, yengilmas qo‘shinlarning qo‘mondonlari ham bo‘lishgan. Ular qo‘shinning yuksak jangovar holatini ta’minlash bo‘yicha juda ko‘p ibratli ishlarni amalga oshirishgan.

Ayniqsa, ulug‘ bobokalonimiz Amir Temurning jangovar qo‘shini o‘zining strategik va taktik maho¬rati bilan o‘sha davrning eng mukammal va kuchli armiyasi hisoblangan. Xususan, qo‘shin tarkibi, boshqaruv shakli, uning jang paytidagi harakatla¬nishi hatto dushman sinchilari tomonidan ham e’tirof etilgan.

Istiqlol yillarida milliy armiya¬miz yoshlarning irodasini toblaydigan, ularni o‘z Vatani va xalqiga sadoqat ruhida tarbiyalaydigan chinakam jasorat va matonat maktabiga aylandi. Farzandlarimizning harbiy xizmatga, boshqacha aytganda, el-yurt tinchligi va osoyishtaligi, osmonimiz musaffoligi, sarhadlarimiz daxlsizligini ta’minlashga bo‘lgan qiziqish va intilishi kuchaydi, Vatan himoyachisi bo‘lish har bir yigitning ezgu maqsadiga aylandi.

Alohida mamnuniyat ila ta’kidlash lozimki, so‘nggi yillarda mamlakatimizda olib borilgan keng ko‘lamli islohotlar natijasida milliy armiyamizning qiyofasi va salohiyati tubdan o‘zgardi.

Xususan, 2022–2026-yillarga mo‘ljallangan Yangi O‘zbekiston Taraqqiyot strategiyasida yurtimiz mudofaa salohiyatini yanada mustahkam¬lash va Qurolli Kuchlarimizni rivojlantirish ustuvor yo‘na-lishlardan biri etib belgilandi. Ushbu strategiya asosida Qurolli Kuchlarning tezkor boshqaruvini amalga oshirish, milliy armiyamizni zamonaviy qurol-yarog‘ va harbiy texnikalar bilan ta’minlash hamda harbiy xizmatchilarning axloqiy-ruhiy tayyorgarligi va jango¬varlik ruhini oshirish bo‘yicha aniq chora-tadbirlar amalga oshirilmoqda.
Ma’lumki, harbiy xizmatchilar, ayniqsa, komandirlar tarkibining professional tayyorgarligini oshirish milliy armiyani yanada rivojlanti¬rishning eng muhim sharti hi¬soblanadi. Shu jihatdan, Qurolli Kuchlar Bosh shtabi hamda harbiy okruglar boshqaruv apparatlari ofitserlarini, brigada komandirlari va ularning o‘rinbosarlarini o‘qitish bo‘yicha Qurolli Kuchlar Akademiyasida yangi tizim yo‘lga qo‘yilib, soha uchun kadrlar tayyorlashda nazariya va amaliyotni imkon qadar yaqinlashtirish choralari ko‘rilmoqda.

Milliy armiyamizni zamonaviy qurol-yarog‘ va harbiy texnikalar bilan ta’minlash bo‘yicha kompleks dasturlarni tayyorlashda bugungi kunda dunyoning turli min¬taqalarida kuzatilayotgan harbiy mojarolar xususiyatlari, qo‘shinlarni yanada rivojlan¬tirishning ustuvor yo‘nalishlari hisobga olinmoqda. Bu borada eng zarur qurol-aslaha va anjomlarni sotib olish, ularni yangi jangovar tizimlar bilan birgalikda qo‘llash va takomillashtirib borish masalasi davlatimizning doimiy e’tiborida. Shuningdek, harbiy qism va poligonlardagi infratuzilma, askar va ofitserlarning xizmat sharoitlari tubdan yaxshilanmoqda. Qolaversa, harbiy xizmatchilarning intellektual salohiyatini yuksaltirish, aholi, birinchi navbatda, yoshlarni harbiy-vatanparvarlik ruhida tarbiyalash, harbiy xizmatchilar, ularning oila a’zolari, Qurolli Kuchlarimiz faxriylarini ijtimoiy va huquqiy jihatdan muhofaza qilishni kuchaytirish borasidagi ishlar izchil davom ettirilyapti.

Harbiy sohada olib borilayotgan e’tiborga molik ishlar, keng ko‘lamli islohotlar besamar ketmayotgani kishini quvontiradi, albatta. Xususan, O‘zbekis¬ton armiyasi 2023-yilda dunyodagi eng kuchli armiyalar reytingida 145 davlat o‘rtasida 62-o‘rinni egalladi. Mazkur reyting «Global Firepower» xalqaro kompaniyasi tomonidan tuzib chiqildi. Ochish/sharhlash

2024-01-02 15:45:02 Ўзбекистондаги ички ишлар органлари навбатчилик қисмлари алкотестерлар билан таъминланади

Ўзбекистондаги туман (шаҳар) ички ишлар органлари навбатчилик қисмлари 2024—2025 йилларда босқичма-босқич алкотестерлар билан таъминланади. Бу ҳақда Вазирлар Маҳкамасининг “Ички ишлар органларининг навбатчилик қисмларида алкотестер ёрдамида шахсларнинг алкоголдан мастлик ҳолатида эканлигини текшириш тартиби тўғрисидаги низомни тасдиқлаш ҳақида”ги қарори лойиҳасида кўзда тутилган.

Мазкур лойиҳа Президент администрацияси топшириғи ижросини таъминлаш мақсадида Ички ишлар вазирлиги томонидан ишлаб чиқилган.

Батафсил ўқинг

@manaviyat_va_marifat_darsi Ochish/sharhlash

2023-12-31 22:30:46 2024 йил «Ёшлар ва бизнесни қўллаб-қувватлаш йили» деб эълон қилинди.

Ўзбекистонда мустақиллик даврида йил номлари қандай атаб келинган?
1991 йил — “Алишер Навоий йили”
1992 йил — “Ҳамширалар йили”
1993 йил — “Аҳмад Яссавий йили”
1994 йил — “Мирзо Улуғбек йили”
1995 йил — “Абу Али ибн Сино йили”
1996 йил — “Амир Темур йили”
1997 йил — “Инсон манфаатлари йили”
1998 йил — “Оила йили”
1999 йил — “Аёллар йили”
2000 йил — “Соғлом авлод йили”
2001 йил — “Она ва бола йили”
2002 йил — “Қарияларни қадрлаш йили”
2003 йил — “Обод маҳалла йили”
2004 йил — “Меҳр-мурувват йили”
2005 йил — “Сиҳат-саломатлик йили”
2006 йил — “Ҳомийлар ва шифокорлар йили”
2007 йил — “Ижтимоий ҳимоя йили”
2008 йил — “Ёшлар йили”
2009 йил — “Қишлоқ тараққиёти ва фаровонлиги йили”
2010 йил — “Баркамол авлод йили”
2011 йил — “Кичик бизнес ва хусусий тадбиркорлик йили”
2012 йил — “Мустаҳкам оила йили”
2013 йил — “Обод турмуш йили”
2014 йил — “Соғлом бола йили”
2015 йил — “Кексаларни эъзозлаш йили”
2016 йил — “Соғлом она ва бола йили”
2017 йил — “Халқ билан мулоқот ва инсон манфаатлари йили”
2018 йил — “Фаол тадбиркорлик, инновацион ғоялар ва технологияларни қўллаб-қувватлаш йили”
2019 йил — “Фаол инвестициялар ва ижтимоий ривожланиш йили”
2020 йил — “Илм-маърифат ва рақамли иқтисодиётни ривожлантириш йили”
2021 йил — “Ёшларни қўллаб қувватлаш ва аҳоли саломатлигини мустаҳкамлаш йили”
2022 йил — “Инсон қадрини улуғлаш ва фаол маҳалла йили”
2023 йил — “Инсонга эътибор ва сифатли таълим йили”
2024 йил — “Ёшлар ва бизнесни қўллаб-қувватлаш йили” Ochish/sharhlash

2023-12-31 22:12:34 БАЙРАМ ТАБРИГИ Ochish/sharhlash