MA'RIFAT DARSI | МАЪРИФАТ ДАРСИ

2021-12-11 12:05:18 51-mavzu

Intizom va qonuniylik – xizmatning asosiy qoidasi

Tartib-intizom bor jamoada rivojlanish, olg‘a siljish bo‘ladi, sog‘lom muhit hukm suradi. Ota-bobolarimizdan an’ana bo‘lib kelayotgan sharqona tarbiyaning asosi ham intizomga borib taqalishi bejiz emas. Har bir ishning boshlanishi intizom va qonuniylikka asoslanmas ekan, undan samarali natija kutish vaqtni behuda sarf qilishdir.

Barcha sohalarda, xususan, ichki ishlar organlarida intizom va qonuniylikka amal qilish xizmatning oltin qoidasi hisoblanadi. Zero, Asosiy qomusimiz, mamlakatimizdagi mavjud me’yoriy qonun hujjatlari, hukumatimiz va vazirlik rahbariyatining buyruq va qaror¬lari, farmoyish hamda ko‘rsatmalariga rioya qilish xodimning jamoada, shuningdek, aholi o‘rtasida hurmatga sazovor bo‘lishining asosiy omilidir.

Ichki ishlar organlari xodimlari kunning istalgan payti, har qanday ob-havo sharoitida zimmalaridagi vazifalarni vijdonan ado etayotganiga har doim guvoh bo‘lamiz. Ko‘cha-ko‘yda hadik-xavotirlarsiz yurishimiz, oila a’zolarimiz davrasida bayramlarni munosib nishonlashimiz zamirida o‘z oromidan, huzur-halovatidan kechayotgan ichki ishlar organlari xodimlari-ning sharafli xizmat faoliyati borligini aslo unutmasligimiz kerak.

Osoyishtalik posbonlarining asosiy xizmat faoliyati xalq orasida kechadi. Xodimning yurish-turishi, muomalasi hatto o‘zini tutishi ham, xohlaymizmi-yo‘qmi, doimo odamlar ko‘z o‘ngida turadi. Shu bois Ichki ishlar organlarining Intizom ustavida bu haqda batafsil to‘xtalib o‘tilgan. Tasavvur qi¬ling, boshqalardan tartib-intizom va qonuniylikka amal qilishni talab qilayotgan xodimda ana shu xislatlar bo‘lmasa, tabiiyki, buning ta’siri ham kamayadi.

Intizom ustaviga murojaat qilamiz. Unda xodimlardan fuqarolarning huquqlari, erkinliklari va qonuniy manfaatlarini, jismoniy va yuridik shaxslarning mulkini, konstitutsiyaviy tuzumni himoya qilish, qonun ustuvorligini, shaxs, jamiyat va davlatning xavfsizligini ta’minlash, shu-ningdek, huquqbuzarliklarning oldini olish va profilaktikasi yo‘lida fidoyilik bilan xizmat qi¬lish talab etilishi alohida ta’kidlangan.

Bundan tashqari, ichki ishlar organlari xodimi ishonib topshirilgan tabel quroli, mol-mulk va texnikani asrab-avaylash, hushyor bo‘lish, davlat va xizmat sirini qat’iy saqlash, xodimlar o‘rtasida o‘zaro munosabatlar qoidalariga amal qilish, boshliqlar va hamkasblarni hurmat qilish, doimiy ravishda o‘z bilim va kasbiy ko‘nikmalarini takomillashtirib borish, malaka va huquqiy madaniyatini oshirish, xizmatdan tashqari holatlarda o‘zini munosib ravishda tutish, jamoat tartibi va odob-axloq qoidalariga amal qilishda namuna bo‘lishga majbur.

E’tibor bering, Ustavda xodimdan xizmat intizomiga rioya etish jarayonida yuqoridagi burch va majburiyatlarga qat’iy amal qilish talab etilyapti. Shunchaki, yo‘l-yo‘riq yoki ko‘rsatma sifatida tavsiya etilmayapti. Intizom ustaviga qat’iy amal qilishni xodimlardan talab qilish natijasida so‘nggi yillarda sohada fidoyi, Vatanini jonidan ham ortiq sevadigan, yurt manfaatini o‘z manfaatidan ustun qo‘yadigan, jinoyat va huquqbuzarliklarning oldini olish, sodir etilganlarini «issiq izida» fosh etish singari zimmalaridagi mas’uliyatli vazifalarni vijdonan bajaradigan mard va jasur osoyishtalik posbonlari soni tobora ortib borayotgani quvonarlidir.

Shuningdek, ichki ishlar organlarida yuksak xizmat intizomiga xodimlarda yuksak ma’naviy-axloqiy va ishchanlik xususiyatlarini, xizmat burchini bajarishga nisbatan ongli munosabatni shakllantirish, har bir xodimning o‘z xizmat burchini bajarishga nisbatan shaxsiy mas’uliyati, ichki tartib va xizmat kiyimini kiyish qoidalariga qat’iy rioya etish, boshliqlarning qo‘l ostidagi xodimlarga nisbatan kunlik talabchanligi, ularga doimiy g‘amxo‘rligi, sha’ni va qadr-qimmatini hurmat qilish, rag‘batlantirish va intizomiy jazo choralarini odilona, asosli qo‘llash, ichki ishlar organlari bo‘linmalarida zarur moddiy-maishiy sharoitlarni yaratish orqali erishilishi alohida ko‘rsatib o‘tilgan. Ochish/sharhlash

2021-12-09 13:54:33 ​​#ривоят

БЕШ ДОНИШМАНД

Беш нафар донишманд ўрмонда адашиб қолишибди. Йўлни топиб олиш борасида узоқ вақт бош қотиришгач, охири ҳар бири ўз фикрини айтибди.

Биринчи донишманд дебди:
-Мен чап томонга қараб кетаман, чунки ички сезгим шу тарафга қараб юриш кераклигини айтяпти.

Иккинчи донишманд дебди:
-Мен ўнг томонга қараб юришни режалаштиряпман. Чунки ўнг томондан бошланган иш доим хайрли кечишини яхши биламан.

Учинчи донишманд шундай сўз юритибди:
-Мен орқага қайтаман. Чунки ҳаммамиз ортдан олдинга қараб йўл босдик. Аминманки, ортга қараб юрсам, йўл чиқади.

Тўртинчи донишманд фикрини шундай билдирибди:
-Мен олдинга қараб юраман. Юраверсам, охири ўрмон тугаб, йўлни кесиб чиқарман, ҳойнаҳой.

Бешинчи донишманд шундай қарор чиқарибди:
- Сизларнинг фикрларингиз нотўғри. Энг яхшиси, менга қулоқ солинглар. Ҳозир, - у шундай деб атрофдаги энг баланд дарахтни топиб, тепасига ўрмалаб чиқибди. Бироқ бешинчи донишманд дарахтга чиққунича қолган ҳамроҳлари ўз йўналишича тўрт томонга ажралиб, йўл боса кетишибди. Бешинчи донишманд дарахт тепасидан атрофга назар ташлаб, энг яқин йўлни аниқлаган эди. У қўллаган тадбири нақадар оқилона эканидан ўзида йўқ шод бўлибди.

Биринчи донишманд чап томонга юриб, чакалакзорга рўпара келибди. Энди иккинчи муаммо туғилибди: очликдан қутулиш ва йиртқичлардан ҳимояланиш йўлларини излай бошлабди. Шу тариқа машаққат чекиб, юра-юра ўрмонни ўрганиб чиқибди.

Ўнг томонга қараб юрган донишманд қароқчиларга рўпара келибди. Қароқчилар донишманднинг бор-будини талаб, ўзини ўз қаторларига қўшибди. Бироқ ҳеч қанча қт ўтмай, қароқчилар юрагида инсонийлик туйғулари жўш уриб, яхшилик қилишни ўрганишибди. Донишманд қароқчиларга инсоний қиёфага киришлари учун кўп нарсаларни ўргатибди.

Учинчи донишманд эса ортга қайтиб, юра-юра, текислик олдидан чиқибди. Бу йўл ўрмонда адашиб қолганларни ўз уйларига олиб чиқадиган йўл экан.

Тўртинчи донишманд тўғрига қараб юравериб, ҳали очилмаган, кашф этилмаган жойларни аниқлабди. Бу ерда бирор бир инсон қадами тегмаган, фанга номаълум ўсимлигу наботот ва турли ҳайвонлар дунёси мавжуд экан.

Энг охирги донишманд эса энг қисқа вақт ичида муаммоларга ечим топадиган мутахассис бўлиб етишибди. Унинг олдига одамлар ўз муаммоларини бартараф қилиш учун келадиган бўлишибди. Шу тариқа беш донишмандни ўрмон беш тарафга ажратиб, уларни ўзлари истамган тарзда беш дунё вакилига айлантирган экан.

https://t.me/manaviyat_va_marifat_darsi Ochish/sharhlash

2021-12-07 10:33:06 б) тавсияномалар берилган ходимлар билан ўқишни тамомлаганидан кейин беш календарь йил мобайнида ички ишлар органларида мажбурий узлуксиз хизмат ўташ ҳақида уч томонлама (Ички ишлар вазирлиги — профилактика инспектори — олий таълим муассасаси) шартнома тузилади;

в) тавсиянома асосида ўқишга қабул қилиниб, турли сабабларга кўра ўқишдан четлаштирилган ёки ўқишни тамомлагандан сўнг ички ишлар органларида беш йил хизмат ўтаб бермаган профилактика (катта) инспекторларидан ўқишга сарфланган тўлов-контракт маблағлари ундирилади. Бунда, қуйидаги ҳолларда профилактика (катта) инспекторларидан ўқишга сарфланган шартнома маблағлари ундирилмайди:

ички ишлар органларидан ҳарбий-тиббий комиссия хулосаси асосида бўшатилганда;
ходимнинг ота-онаси, ака-укалари ёки опа-сингилларидан бири ҳуқуқни муҳофаза қилувчи органлар ходими ёхуд Ўзбекистон Республикаси Қуролли Кучларининг ҳарбий хизматчиси бўлиб, хизмат вазифаларини бажариш чоғида ҳалок бўлганда;

ходим вафот этганда.

5. Ички ишлар вазирлиги (П.Р. Бобожонов):

а) бир ой муддатда профилактика (катта) инспекторларини олий таълим муассасаларининг сиртқи таълим шаклига ўқишга киришга тавсия этишнинг аниқ, шаффоф ва адолатли мезонларини ишлаб чиқсин ва тавсиянома бериш тартиби тўғрисидаги низомни тасдиқласин. Бунда қуйидагиларга алоҳида эътибор қаратилсин:

профилактика (катта) инспекторларига юриспруденция соҳасида бакалавриат таълим йўналиши бўйича сиртқи таълим шаклига ўқишга тавсияномалар бериш учун комиссия тузиш ҳамда унинг асосий вазифа ва функцияларини аниқ белгилаш;

мазкур қарор талаблари асосида ўқишга номзод бўлган профилактика (катта) инспекторларини саралаш ва рўйхатини шакллантириш тартибини белгилаш;

комиссия томонидан Вазирлар Маҳкамаси ҳузуридаги Давлат тест маркази билан биргаликда ўқишга номзод профилактика (катта) инспекторларини тест имтиҳонларидан ўтказиш тартибини белгилаш;

тест натижалари асосида комиссия раиси томонидан ички ишлар вазирига тавсиянома бериш тартибини белгилаш;

комиссия хулосаси ва тест натижалари асосида ички ишлар вазири томонидан Давлат комиссиясига таклиф киритиш тартибини белгилаш;

б) 2022/2023 ўқув йили ва ундан кейинги ўқув йилларида тавсиянома асосида профилактика инспекторлари учун юриспруденция соҳасида бакалавриат таълим йўналишига ажратиладиган умумий қабул параметрларидан ташқари қўшимча қабул кўрсаткичлари юзасидан олий таълим муассасалари бакалавриатининг сиртқи таълим шаклида ўқишга қабул қилиш параметрларини шакллантириш бўйича таклифларни Ўзбекистон Республикаси Президенти ҳузуридаги Хавфсизлик кенгаши ҳамда Иқтисодий тараққиёт ва камбағалликни қисқартириш вазирлигига тақдим этсин;

в) профилактика (катта) инспекторларига олий таълим муассасаларининг сиртқи таълим шаклига ўқишга кириш учун тавсияномалар бериш тадбирларини ҳар йили май-июнь ойларида ушбу қарор талабларига мувофиқ амалга оширсин;

г) бир ой муддатда Молия вазирлиги, Олий ва ўрта махсус таълим вазирлиги билан биргаликда ушбу қарорга мувофиқ харажатлар сметаларига ўзгартиришлар киритсин;

д) манфаатдор идоралар билан биргаликда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.

6. Мазкур қарорнинг ижросини самарали ташкил этишга масъул ва шахсий жавобгар этиб ички ишлар вазири П.Р. Бобожонов белгилансин.

Қарор ижросини муҳокама қилиб бориш, масъул вазирлик ва идоралар фаолиятини мувофиқлаштириш ва назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президентининг маслаҳатчиси Б.Д. Исламов зиммасига юклансин.

Ўзбекистон Республикаси Президенти Ш. МИРЗИЁЕВ
Тошкент ш.,

2021 йил 30 ноябрь,
ПҚ-23-сон

PDF форматида танишинг
Word.doc форматида танишинг Ochish/sharhlash

2021-12-07 10:33:06 ЎЗБЕКИСТОН РЕСПУБЛИКАСИ ПРЕЗИДЕНТИНИНГ
ҚАРОРИ

ИЧКИ ИШЛАР ОРГАНЛАРИ ПРОФИЛАКТИКА ИНСПЕКТОРЛАРИНИНГ ЮРИДИК ЙЎНАЛИШДАГИ БИЛИМЛАРИНИ ОШИРИШ БЎЙИЧА ҚЎШИМЧА ЧОРА-ТАДБИРЛАР ТЎҒРИСИДА

Ички ишлар органлари учун мутахассислар тайёрлашнинг янги тизимини жорий этиш, ички ишлар органларида олий юридик маълумотга эга кадрларга бўлган эҳтиёжни тўлақонли қондириш, шунингдек, Янги Ўзбекистон шароитида ички ишлар органлари профилактика инспекторлари олдида турган муҳим вазифаларнинг самарали амалга оширилишини таъминлаш мақсадида:

1. 2022/2023 ўқув йилидан бошлаб ички ишлар органларида уч йилдан ортиқ иш стажига эга бўлган, касбига фидойи, ташаббускор профилактика (катта) инспекторларини Жамоат хавфсизлиги университети, Тошкент давлат юридик университети ҳамда юриспруденция соҳасида бакалавриат таълим йўналиши мавжуд бўлган бошқа давлат олий таълим муассасаларига (Жаҳон иқтисодиёти ва дипломатия университети, Ички ишлар вазирлиги Академияси ҳамда Давлат божхона қўмитасининг Божхона институти бундан мустасно) (кейинги ўринларда — олий таълим муассасалари) кириш имтиҳонларисиз сиртқи таълим шаклига ўқишга қабул қилиш тартиби жорий этилсин.

2. Шундай тартиб ўрнатилсинки, унга мувофиқ:
профилактика (катта) инспекторларига юриспруденция соҳасида бакалавриат таълим йўналиши бўйича сиртқи таълим шаклига ўқишга тавсияномалар бериш учун ички ишлар вазирининг ўринбосари — Жамоат хавфсизлиги департаменти бошлиғи раҳбарлигида комиссия (кейинги ўринларда — комиссия) ташкил этилади;

комиссия томонидан Вазирлар Маҳкамаси ҳузуридаги Давлат тест маркази билан биргаликда ўқишга номзод профилактика (катта) инспекторларининг билим даражаларини аниқлаш учун тест имтиҳонлари ўтказилади;

комиссия раиси тест имтиҳонлари натижалари ҳамда комиссия хулосаси асосида ички ишлар вазирига тавсиянома берилган профилактика (катта) инспекторлари рўйхатини тақдим этади;

тавсиянома берилган профилактика (катта) инспекторлари рўйхати ички ишлар вазири томонидан ҳар йили июнь ойида тест имтиҳонлари натижалари ва комиссия хулосаси билан биргаликда, тавсия этилаётган олий таълим муассасалари кесимида Ўзбекистон Республикаси таълим муассасаларига ўқишга қабул қилиш бўйича давлат комиссиясига (кейинги ўринларда — Давлат комиссияси) тақдим этилади;

тавсияномалар олий таълим муассасалари ўртасида тенг тақсимланади;

Давлат комиссияси томонидан тавсиянома берилган профилактика (катта) инспекторларини сиртқи ўқишга қабул қилиш бўйича тегишли қарор қабул қилинади;

ўқишга қабул қилиш тўлов-контракт асосида амалга оширилади ҳамда контракт маблағлари республика бюджети маблағлари ҳисобидан Ички ишлар вазирлиги орқали тўлаб берилади;

тавсияномага эга профилактика (катта) инспекторлари олий таълим муассасаларининг сиртқи таълим шаклига қабул параметрларидан ташқари ўқишга қабул қилинади;

ички ишлар вазирига олий юридик маълумотга эга профилактика (катта) инспекторларига бўлган эҳтиёждан келиб чиқиб, Молия вазирлиги билан келишган ҳолда, Давлат комиссиясига тавсияномалар сонини кўпайтириш бўйича таклиф киритиш ҳуқуқи берилади.

3. Ички ишлар вазирлиги (П.Р. Бобожонов, Б.Т. Абдуллаев):

2022 йил 1 майга қадар 2022/2023 ўқув йилида юриспруденция соҳасида бакалавриат йўналиши бўйича сиртқи таълим шаклига ўқишга қабул қилиш учун 100 нафар профилактика (катта) инспекторларига тавсиянома берсин;

2023/2024 ўқув йилидан бошлаб профилактика (катта) инспекторларини юриспруденция соҳасида бакалавриат таълим йўналиши бўйича сиртқи таълим шаклига ўқишга қабул қилиш учун тавсияномаларни 2 баробаргача ошириш юзасидан Давлат комиссиясига асослантирилган таклиф киритсин.

4. Белгилаб қўйилсинки:

а) мазкур қарорга мувофиқ жорий этиладиган тартибга кўра, Ички ишлар вазирлигининг тавсияномаси асосида олий таълим муассасаларида сиртқи таълим шаклида ўқиган битирувчиларга ички ишлар органларида камида беш йил хизмат ўтаб бериш мажбурияти юклатилади; Ochish/sharhlash

2021-12-07 10:25:21 Мактаб ва боғчалар олдида рухсат этилган тезлик меъёри кескин камайтирилади

Жамоат хавфсизлиги концепциясига оид Президент фармони (ПФ-27, 29.11.2021й) билан тасдиқланган стратегияга кўра, мактабгача таълим ва умумтаълим муассасаларига ёндош йўлларда тезлик меъёрларини кескин камайтирган ҳолда, ушбу меъёрларни барча жойлар учун ягона этиб қатъий белгиланади. Ochish/sharhlash

2021-12-06 06:33:02 #ёшликни_ёдга_оламиз
#болларга_қўйиб_беринг

«Дайди тўтининг қайтиши» - Кеша

https://t.me/bekorchibratlar Ochish/sharhlash

2021-12-04 09:58:51 ​​Bugun inson o‘zining ongu tafakkuri mahsuli bo‘lgan axborot texnologiyalari va ular taqdim etgan imkonlar bilan taraqqiyot yo‘lidan dadil ildamlamoqda. Bunda kerakli bilim va ko‘nikmalarni o‘zlashtirish asosiy talablardan biridir. Prezidentimiz tomonidan ilgari surilgan besh tashabbus doirasida shahar va tumanlar markazlarida Raqamli texnologiyalar o‘quv markazlarining tashkil etilgani bu borada o‘ziga xos yechim bo‘ldi. Ayniqsa, ushbu markaz¬larda axborot texnologiyalari sohasida bugun nihoyatda talab yuqori bo‘lgan loyihalarning amalga oshirilishi nafaqat yoshlar, balki turli soha vakillarini axborot texnologiyalari bilimdoniga aylantirdi.

So‘nggi yillarda yurtimizda qator xalqaro oliy o‘quv yurtlarining filiallari ochildi. Bu bevosita yoshlarni tanlagan kasbi bo‘yicha xalqaro miqyosdagi bilimlarni to‘laqonli o‘zlashtirish imkonini berayotir. Shu o‘rinda mamlakatimizni innovatsion rivojlantirish, 2030-yilga qadar Global innovatsiya indeksida ilg‘or 50 mamlakat qatoridan joy egallash bo‘yicha keng ko‘lamli ishlar amalga oshirilayotganini ham ta’kidlash joiz. Xalq ta’limi tizimini 2030-yilgacha rivojlantirish konsepsiyasida esa xuddi shu davrga borib, o‘quvchilar bilimini baholash bo‘yicha PISA xalqaro dasturi reytingida O‘zbekistonning jahondagi yetakchi 30 ta mamlakat qatoridan joy egallashi maqsad qilib qo‘yilgan.

Bugun ta’lim jara¬yonlaridagi o‘ziga xos yondashuv davlat hamda jamiyat ravnaqi yo‘lida yosh avlodning intellektual salohiyati, intilishi, shijoatini yuzaga chiqarishdek maqsad uchun xizmat qiladi. Bu borada ta’lim-tarbiyani zamon talablari asosida takomillashtirib borish yurtimiz ertasiga ishonch, barqaror rivojlanishning muhim omilidir. Zero, Prezidentimiz ta’kidlaganidek, O‘zbekiston ta’lim-tarbiya, ilm-fan, intellektual salohiyat sohasida, zamonaviy kadrlar, yuksak texnologiyalar borasida dunyo miqyosida raqobatbardosh bo‘lishi shart.

Gulnoza TURG‘UNBOYEVA,
«Postda» muxbiri. Ochish/sharhlash

2021-12-04 09:58:06 50-mavzu

Farzand tarbiyasi va ta’limi – eng muhim vazifa

Bog‘bon umid bilan yerga nihol qadarkan, kun kelib, uning ulkan daraxtga aylanishi, totli mevasi, hatto soyasi bir muddat nafas rostlagan odamga naf keltirishini o‘ylab ko‘ngli yorishadi, mehnatining samarasini ko‘rganda esa mamnunlik tuyadi. Har bir oila oshyonida dunyoga kelgan farzandni navniholga qiyoslasak, uning tarbiyasi va ta’limini eng muhim vazifa deb biluvchi ota-ona aynan bog‘bondir.

Faylasuf Imom G‘azzoliy ta’kidlaganidek, «Bolalar ota-onalariga berilgan bir omonatdir. Bolaning qalbi har qanday naqshu tasvirdan xoli bir qimmatbaho gavhardir. U qanday naqsh solinsa, qabul qiladi, qayoqqa bukilsa, egiladi. Agar yaxshilikka o‘rgatilsa, shu bilan o‘sadi va dunyoyu oxiratda saodatga erishadi. Uning savobiga ota-onasi ham, muallimu ustozlari ham sherik bo‘ladilar. Agar yomonlikka odatlantirilsa, hayvonlardek o‘z holiga tashlab qo‘yilsa, oxir-oqibat halok bo‘ladi. Gunohi esa uning tarbiyasi uchun javobgar bo‘lganlarning gardaniga tushadi».
Oila tarbiya o‘chog‘i o‘laroq, har bir xalqning, millatning davomiyligini saqlovchi, milliy qadriyatlarning rivojini ta’minlovchi, ma’nan va jismonan barkamol avlodni voyaga yetkazuvchi muqaddas makondir.

Olimlarning jamiyatda tarbiya va ta’lim salohiyatini mustahkamlash, ma’naviy-axloqiy muhitni yaxshilash borasidagi qarashlari bu yo‘nalishdagi ishlarning mohiyatini ochib berish barobarida, uni yanada takomillashtirishga chorlaydi. Xususan, yunon olimi Aristotelning «Vatan taqdirini yoshlar tarbiyasi hal qiladi» degan so‘zlari fikrimiz tasdig‘idir. Imom Buxoriy esa bu xususda yanada yorqinroq so‘z aytgan: «Bolaning tabiati rivojlanishga moyil bo‘ladi, uni qanday g‘oyalar bilan to‘ldirish ota-ona va ustozga bog‘liq».

Ma’rifat maskani bo‘lgan maktabga qadam qo‘yib, Alifboning har bir harfini tanigani sayin savodi chiqqan bola borki, unda kitobga mehr, bilim olishga ishtiyoq uyg‘onadi. Uning yorug‘ olam haqidagi fikri, qarashlari va ongu tafakkuri shakllana boradi. Shu o‘rinda yurtimizda inson kamolotida beminnat mayoq sanalgan kitob, kitobxonlikka qaratilayotgan e’tibor, avvalo, jamiyatda shaxs tarbiyasi va ta’limining uyg‘unligini ta’minlashdek muhim vazifaga xizmat qilishi bilan alohida ahamiyat kasb etishini ham ta’kidlash o‘rinlidir.

So‘nggi yillarda yurtimizda 11 yillik maktab ta’lim tizimi¬ning tiklanishi, shu¬ningdek, ulug‘ ajdodlarimiz – Mirzo Ulug‘bek va Muhammad Xorazmiy nomidagi iqtidorli bolalar maktablari, «Temurbeklar maktabi», Prezident maktablari, xususiy maktablar singari yangi va zamonaviy namunadagi ta’lim dargohlarining tashkil etilgani bugungi kun yoshlari uchun ta’lim-tarbiya olish borasida yangi imkoniyatlar eshigini ochdi. Ayniqsa, Prezidentimiz tashabbusi bilan Namanganda – Is’hoq¬xon Ibrat, Jizzaxda – Hamid Olimjon va Zulfiyaxonim, Qarshida – Abdulla Oripov, Marg‘ilonda – Erkin Vohidov, Nukusda – Ibroyim Yusupov, Andijonda – Muhammad Yusuf, Gulistonda – Halima Xudoyberdiyeva ijod maktablariga asos solinishi iqtidorli o‘quvchi yoshlar¬ tanlagan yo‘nalishidagi bilim va ko‘nikmalarni chuqur o‘zlashtirishi uchun ayni muddao bo‘ldi. Zero, sifatli ta’lim, chuqur bilim taraqqiyot tizginini yaqqol namoyon etuv¬chi ko‘zgudir.
Maktablarda ma’naviy-tarbiyaviy ishlar yangicha asosda tashkil etilib, «Milliy g‘oya», «Odobnoma», «Dinlar tarixi», «Vatan tuyg‘usi» kabi fanlari birlashtirilgan holda, yagona «Tarbiya» fani joriy etildi. Yangi fan bevosita o‘quvchi yoshlarda o‘z ona tilini bilish, ularning qalbida vatanparvarlik, adolat, millatparvarlik, insonparvarlik, el-yurtni himoya qilish, Vatanga sadoqat va muhabbat singari milliy dunyoqarashning asosiy unsurlarini shakllanti¬rishga xizmat qiladi. Ochish/sharhlash

2021-12-01 17:45:00 Хабарингиз бор биз мунтазам равишда inspector_uz телеграм канали билан ҳамкорлик қилиб келамиз.

Бир қатор сабабларга кўра inspector_uz каналининг YouTube саҳифасида янги манзилда фаолият кўрсатаётган экан. Каналга уланиб олишингизни тавсия қиламиз Ochish/sharhlash

2021-11-30 22:31:57 Президент «Ички ишлар органлари профилактика инспекторларининг юридик йўналишдаги билимларини ошириш бўйича қўшимча чора-тадбирлар тўғрисида»ги қарорни имзолади Ochish/sharhlash