MAKTAB️

2024-03-12 09:57:30 Maktablarda vatanparvarlik sinflari tashkil etiladi

Endilikda O'zbеkistonda har bir maktabning 9-sinfidan boshlab bittadan «Yosh gvardiyachilar» vatanparvarlik sinflari tashkil etiladi. Bu haqda Milliy gvardiya axborot xizmati rahbari Davron Jumanazarov ma'lum qildi.

Maqsad – yoshlarni harbiy vatanparvarlik ruhida tarbiyalash

Uning bildirishicha, o'quvchi yoshlarni harbiy vatanparvarlik ruhida tarbiyalashga qaratilgan chora tadbirlar doirasida Maktabgacha va maktab ta'limi vazirligining “Umumiy o'rta ta'lim maktablarida «Yosh gvardiyachilar» ixtisoslashtirilgan sinflari faoliyatini tashkil etish chora-tadbirlari to'g'risida”gi qo'shma qarori tayyorlandi.

56 ta maktabda sinflar mavjud edi

Shu kunga qadar Milliy gvardiya tasarrufida Rеspublika bo'ylab har bir viloyatda 4 tadan maktablarda jami 56 ta maktablarda 265 ta «Yosh gvardiyachilar» sinflari mavjud bo'lgan. Endilikda qarorga asosan har-bir maktabda bittadan «Yosh gvardiyachilar» vatanparvarlik sinflari tashkil etiladi

Ikki bosqich

Bu ikki bosqichda amalga oshiriladi:
birinchi bosqichda — 2024/2025-o'quv yilida 2 530 ta

ikkinchi bosqichda — 2025/2026-o'quv yilida 2 536 ta maktabda harbiy vatanparvarlik sinflari o'z faoliyatini boshlaydi.

Oylik bot

Kanalimizga obuna bo‘ling!

https://t.me/maktab_e Ochish/sharhlash

2024-03-11 19:38:18 Maktab rahbariyati oʼqituvchini tekshirishga kirganda, oʼqituvchi ularni sinfdan chiqarib yuborishi mumkinmi?

Аssalom aleykum! Maktab rahbariyati yoki tahlil guruhi oʼqituvchining darsini tahlil qilishga kirganda, oʼqituvchi ularni sinfdan chiqarib yuborishi mumkinmi?

YURIST JАVOBI:

Taʼlim toʼgʼrisidagi qonunda maktab rahbariyatining bunday harakatlariga cheklov oʼrnatilmagan.

Ikkinchidan, Xalq taʼlimi vazirligining 07.12.2019 yil 393-sonli buyrugʼi hamda Xalq taʼlimi vazirligining 01.07.2021 yil 206-sonli buyrugʼiga asosan direktorning oʼquvchilarning bilimlari sifatini davlat taʼlim standartlariga mos kelishini, tarbiyaviy ishlar samaradorligini taʼminlash va nazorat qilish, oʼquvchilarning fanlarni oʼzlashtirishini yaxshilash va ularga sifatli taʼlim berish maqsadida maktabni uzluksiz rivojlantirish choralarini koʼrish lavozim majburiyati belgilangan.

Oʼquv ishlari boʼyicha direktor oʼrinbosarining maktabda taʼlim standartlari talablari bajarilishini nazorat qilish, oʼqituvchilarning ilgʼor tajribalarini oʼrganish va umumlashtirishni, zamonaviy pedagogik texnologiyalarni joriy qilishni tashkil etish majburiyati belgilgan.

Maʼnaviy-maʼnaviy ishlar boʼyicha direktor oʼrinbosarining lavozim majburiyatlari qatorida taʼlim muassasasida maʼnaviy-axloqiy tarbiyaviy ishlarni tashkil qilish, pedagog xodimlarni tanlash va joy-joyiga qoʼyishda ishtirok etish, yuqori malakali oʼqituvchilarning ilgʼor pedagogik tajribasini oʼrganish, umumlashtirish va ularni ommalashtirish kabilar mavjud.

Shuningdek, psixologning oʼquvchilar rivojlanishiga toʼsqinlik qilayotgan omillarni aniqlash va turli koʼrinishdagi psixologik yordam berish, turli yoʼnalish va maqsadlarda psixologik tashxis oʼtkazish, ruhiy, jismoniy va aqliy qobiliyat, moyillik, imkoniyat kabi sifatlarni aniqlash uchun testlar oʼtkazish kabi majburiyati belgilangan.

Shunday ekan, rahbariyat sinflarda tekshiruv oʼtkazishi mumkin.

Biroq bu jarayon taʼlim muassasasi pedagog xodimining kasbiy faoliyatiga taʼlim oluvchilar bilimini toʼgʼri va xolis baholashiga taʼsir koʼrsatish bilan ifodalangan tarzda qonunga xilof ravishda aralashish yoki taʼlim muassasasi pedagog xodimining xizmat vazifalarini bajarishiga toʼsqinlik qilishga olib kelsa, Maʼmuriy javobgarlik toʼgʼrisidagi kodeks 197-5-moddasiga muvofiq fuqarolarga bazaviy hisoblash miqdorining besh baravaridan yetti baravarigacha, mansabdor shaxslarga esa — yetti baravaridan oʼn baravarigacha miqdorda jarima solishga sabab boʼladi. Bunday holat kuzatilganda, tuman IIBga murojaat qilish kerak.

Oylik bot

Kanalimizga obuna bo‘ling!

https://t.me/maktab_e Ochish/sharhlash

2024-03-11 17:23:45 Andijon tumanidagi 10-maktabning 10 nafar o‘qituvchisi 1000 dollardan maosh olmoqda.

Oylik bot

Kanalimizga obuna bo‘ling!

https://t.me/maktab_e Ochish/sharhlash

2024-03-10 06:43:02 Ommalashtirish platformasi 20-mart kuni yopiladi

Ma'lumki, 1-martdan boshlab takomillashtirilgan tartib asosida ommalashtirish.uz platformasi orqali mеtodik ishlarni qabul qilish jarayonlari boshlangan edi.

Xalqtaliminfo.uz tahririyati tomonidan tashkil etilgan ovozli chatda Rеrspublika ta'lim markazi mas'ul xodimlari ommalashtirish platformasi 20-mart kuni yopilishini ma'lum qildi.

Maktabgacha va maktab ta'limi vazirining 2024-yil 7-fеvraldagi 32-sonli buyrug'i bilan tasdiqlangan o'qituvchilarning ilg'or tajribasini ommalashtirish tartibiga ko'ra tuman (shahar), viloyat (Toshkеnt shahar, Qoraqalpog'iston Rеspublikasi) miqyosida ommalashtirish to'g'risida Mеtodik xizmat ko'rsatish bo'limining o'quv mеtodik kеngashi qarori har yili 15-mayga qadar ommalashtirish.uz platformasiga joylashtirilishi lozim.

Rеspublika miqyosida ommalashtirish to'g'risida Rеspublika ta'lim markazining Ilmiy- mеtodik kеngash qarori har yili 30-mayga qadar ommalashtirish.uz platformasiga. joylashtirilishi lozim.

Eslatib o'tamiz, maktab miqyosida ommalashtiriladigan ishlar haqidagi pеdagogik kеngash qarori 20-mart sanasiga qadar chiqarilgan bo'lishi lozim.

Oylik bot

Kanalimizga obuna bo‘ling!

https://t.me/maktab_e Ochish/sharhlash

2024-03-08 19:34:57 USTAMA + ISH TAJRIBALARNI OMMALASHTRISH

Bizga ma’lumki pedagoglar ustama olishlari uchun yetarlicha ball to‘plashlari kerak. Bunda ish tajribalarini ommalashtirilganligi uchun ball berilishi haqida barchamiz yaxshi bilamiz.

Agar ish tajriba maktab miqiyosida ommalashsa 7 ball, tuman miqiyosida ommalashsa 10 ball, viloyatda 12 ball, respublikada 15 ball beriladi.

Biz bilishimiz kerak bo‘lgan narsa shuki, ommalashtirishga tavsiya etilayotgan metodik ish ommalshshtrish.uz platformasiga joylanishi zarur. (maktab miqiyosida ommalashtirilgan ish bo‘lsa ham) Shunda, ustamaga ball hisoblanayotganda maktab miqiyosida ommalashtirilgan ish uchun 7 ball beriladi.

Shunday ekan, pedagoglar ommalashtirmoqchi bo‘lgan metodik ishlarini avval maktab miqiyosida ommalashtirishlari va tegishli pedagogik kengash qarori bilan ommalashtrish.uz platformasiga joylashlari kerakligini eslatib o‘tmoqchimiz.

Ommalashtirishga tavsiya etiladigan metodik ishdan na’munani ushbu havoladan topishingiz mumkin.

Oylik bot

Kanalimizga obuna bo‘ling!

https://t.me/maktab_e Ochish/sharhlash

2024-03-08 01:02:24 Aslida bor ermaklarning borar yeri sen,
Yaxshi-yomon ertaklarning borar yeri sen,
Asov otdek erkaklarning borar yeri sen,
Sen baribir muqaddassan, muqaddas ayol.

Harir, xushboy badaningda toshlar izi bor,
Ko‘kragingda egilgan ne boshlar izi bor,
Quyosh o`ti kuydirgan ne quyoshlar izi bor,
Sen baribir muqaddassan, muqaddas ayol.

8-mart bilan barcha ayollarni, opa-singillarni, onajonlarni chin qalbimizdan tabriklaymiz.

Oylik bot

Kanalimizga obuna bo‘ling!

https://t.me/maktab_e Ochish/sharhlash

2024-03-07 17:14:05 8-MART KUNI HAQIDAGI AJOYIB FAKTLAR

8-mart kuni dunyoning qator davlatlarida bayram sifatida nishonlanadi. Jumladan, O‘zbekiston hududida ham. bu kunning tarixi haqida turli-tuman taxminlar, mishmishlar va afsonalar yuradi. o‘tmishga nazar solsak, 8-mart haqida hali biz eshitmagan ma’lumotlar talaygina ekanligiga guvoh bo‘lamiz.

1) 1914-yil boshida Xalqaro xotin-qizlar kuni birinchi marta rasmiy bayram sifatida kiritildi.

2) 1909-yilning 28-fevral kuni AQSH ilk bor Ayollar kunini nishonladi.

3) 1911-yilda Daniya, Avstriya, Shveysariya va Germaniya Ayollar kunini nishonlashni boshladi.

4) 1913-yildan e’tiboran Xalqaro ayollar kuni 8-martga ko‘chirildi.

5) Avval bu bayram 23-fevralda nishonlangan.

6) 2000-yildan boshlab dunyoning aksari davlatlarida Xalqaro ayollar kuni rasmiy bayram sifatida qabul qilindi.

7) Avstraliyada ilk bor bu bayram 1911-yilning 19-martida nishonlangan.

8) Aynan shu kuni jahonda ilk bor ayollarning norozilik namoyishlari va mitingi boshlandi.

9) 1956-yildan e’tiboran ushbu sana dam olish kuni deya tasdiqlandi.

10) Qadimgi Rimda ham bu bayram nishonlangani haqida ma’lumotlar mavjud.

11) Bu bayramni jahonning 31 ta davlati rasmiy ravishda nishonlaydi.

12) 8-mart Suriyada “Revolyutsiya kuni” sifatida nishonlanadi.

13) 1910-yil Daniyaning Kopengagen shahrida Klara Setkin ushbu kunni Xalqaro xotin-qizlar kuni sifatida nishonlashni taklif qilib chiqdi. 

14) Bu kun Armanistonda “Onalar kuni” sifatida bayram qilinadi.

15) 1914 yildan boshlabgina 8-mart  bayram sifatida rasmiy qabul qilingan.

16) Statistikaga ko‘ra, 100 nafar odamdan faqat 4 nafari ushbu bayramni restoranda nishonlashni istaydi.

17) “8-mart” degan atir faqat sobiq ittifoqda bo‘lgan.

18) Daniyaning Kopingagen shahri ushbu bayram asoschisi deya e’tirof etiladi

19) 1702 yilning 8-martida Anna Buyuk Britaniyaning qirolichasi bo‘lgan bo‘lsa, 1728 yilning shu kunida Pyotr II Rossiya imperiyasining taxtiga keldi.

20) 1968 yilda Yangi Zelandiya ushbu kunni bir yilda 4 marta nishonladi

Sarvar Anvar o‘g‘li

Oylik bot

Kanalimizga obuna bo‘ling!

https://t.me/maktab_e Ochish/sharhlash

2024-03-06 19:11:31 LABARANTNING FUNKSIYANAL LAVOZIM MAJBURIYATLARI QUYIDAGICHA

Tegishli fan (kimyo, biologiya, fizika) xonasining mavjud laboratoriya asbob-uskunalari, 
oʻquv jihozlarini yaxshi holatda saqlanishini taʼminlash;

laboratoriya mashgʻulotiga jihozlarini tayyorlash va ulardan foydalanish uchun texnik 
tayyorgarlik koʻrish;

laboratoriya mashgʻulotlariga tegishli preparatlarni toʻgʻri saqlanishini va ulardan oqilona 
foydalanishni taʼminlash;

tegishli fan oʻqituvchisidan zarur boʻlgan maʼlumotlar va materiallarni olgan holda 
darslarga oʻquv jihozlarini oʻz vaqtida tayyorlash;

zarur roʻyxat, shuningdek laboratoriya va koʻrgazmali mashgʻulotlarga oid oʻquv 
jihozlarini darsga tayyorlash;

mashgʻulot jarayonida belgilangan tartib qoidalarga amal qilmagan oʻquvchilar toʻgʻrisida tegishli fan oʻqituvchisiga va maktab rahbariyatiga axborot berish;

oʻqituvchilardan qurilmalarni qabul qilish va laboratoriya xonasini amaliy mashgʻulotdan 
soʻng tozalash;

laboratoriya mashgʻulotlari uchun sarflangan moddalar (reaktivlar va boshqalar)ni hisobini olib borish daftarini yuritish;

laboratoriya va koʻrgazmali mashgʻulotlarida oʻqituvchi yordamchisi sifatida dars 
jarayonida qatnashish;

laboratoriya va koʻrgazmali mashgʻulotlari oxirida barcha javonlarning yopilishini 
taʼminlash, suv joʻmraklarini tekshirish va barcha elektr asboblarini oʻchirish;

laboratoriya mashgʻuloti davomida nosoz holatga kelgan moslamalar, asboblar, texnik 
oʻquv vositalaridan foydalanishni taqiqlash;

oʻquvchilarni laboratoriya oʻquv jihozlari va moddalar (reaktiv va boshqalar)dan 
foydalanish boʻyicha xavfsizlik va gigiyena qoidalari bilan tanishtirish va ularning qatʼiy amal qilishini nazorat qilish;

elektr jihozlari, suv taʼminoti va kanalizatsiya tizimlarini elektrik va boshqa texnik xodimlar bilan birgalikda tekshirish, shamollatish tizimining ish holatini kuzatib borish;

laboratoriya oʻquv jihozlari va moddalar (reaktiv va boshqalar)ni xatlovdan oʻtkazishda ishtirok etish;

tegishli fan (kimyo, biologiya, fizika) xonasining sarflangan moddalar (reaktiv va boshqalar) va materiallar, yaroqsiz holga kelgan qurilmalar, laboratoriya anjomlari va boshqalarni hisobga olgan holda oʻquv jihozlari buyumlariga boʻlgan ehtiyojini aniqlash va talabnoma tayyorlash;

tegishli fan (kimyo, biologiya, fizika) xonasiga oid asbob-uskunalar va boshqa moddiy boyliklarning buyumlarini hisobdan chiqarish ishlarida qatnashish;

taʼlim-tarbiya jarayoni ishtirokchilarining shaʼni, qadr-qimmati va ishchanlik obroʻsini hurmat qilish;

taʼlim muassasa obroʻsi va shaʼniga putur yetkazishi mumkin boʻlgan maʼlumotlarni 
tarqatmaslik hamda davlat siriga kiritilgan maʼlumotlar va maxfiy axborot bilan ishlashda qonun hujjatlari talablariga rioya qilish;

taʼlim muassasasi ustavi, kasbiy odob-axloq qoidalari, sanitariya-gigiyena, ichki mehnat tartibi, mehnatni muhofaza qilish, texnika va yongʻin xavfsizligi qoidalari talablariga rioya qilish;

foydalanish uchun oʻziga topshirilgan mebel, xona jihozlari, tashkiliy va maishiy 
texnikadan oqilona foydalanilishi va but saqlanishini hamda oʻzi ish olib boradigan xonada yongʻin xavfsizligi talablariga rioya qilinishini taʼminlash;

qonun hujjatlariga muvofiq boshqa funksiyalarni ham amalga oshirishi mumkin.

Asos: MMTV ning 2023-yil 20-dekabrdagi 565-sonli buyrug‘i.

Oylik bot

Kanalimizga obuna bo‘ling!

https://t.me/maktab_e Ochish/sharhlash

2024-03-06 16:31:52 YANGI NIZOMGA KO'RA O'QITUVCHINING LAVOZIM MAJBURIYATLARI QUYIDAGICHA

pedagogik xodimga belgilangan ish yuklamasini, jumladan, oʻquv-tarbiya jarayoni, oʻquv- tarbiya jarayonining metodik taʼminoti va tashkiliy-pedagogik jarayonlarga oid ishlarni oʻz vaqtida bajarish;

dars mashgʻulotlarini umumiy oʻrta taʼlim muassasasi rahbariyati tomonidan tasdiqlangan dars jadvali hamda taqvim-mavzu reja asosida olib borish;

taʼlim sifatini oshirish maqsadida oʻz fani boʻyicha tarqatma va koʻrgazmali materiallarni tayyorlaydi (markazlashgan holda, jumladan vazirlik tomonidan taqdim yoki tavsiya etiladigan taʼlim portallarida elektron shakldagi tarqatma va koʻrgazmali materiallar boʻlmasa) va ulardan dars jarayonida samarali foydalanish;

oʻquvchilarni oʻzlashtirgan bilimlarini amaliyotda mustaqil qoʻllay olishga oʻrgatish;

oʻquvchilarda oʻz fani boʻyicha bilim va koʻnikmalarni shakllantirish, dars jarayonida
oʻquvchilarning odob-axloq qoidalariga rioya qilishini taʼminlash;

oʻz fani boʻyicha joriy, oraliq va yakuniy nazorat ishlarini oʻtkazadi, oʻquvchilarning yozma ishlari va daftarlarini tekshirish;

umumiy oʻrta taʼlimning davlat taʼlim standarti va oʻquv dasturlariga muvofiq oʻz fani boʻyicha taqvim-mavzu rejalarni tuzish;

oʻz ehtiyojiga koʻra fan oʻqituvchilari tomonidan oʻtiladigan darslarni kuzatish, dars tahlili natijasida oʻzaro tajriba almashish;

pedagogik kengash, metodbirlashma yigʻilishlari, oʻquv-seminar, ochiq darslar va metodik materiallar ishlab chiqishda ishtirok etish;

oʻz fani boʻyicha taqvim-mavzu reja asosida oʻtilgan mavzularni, oʻquvchilarning oʻtilgan mavzularni oʻzlashtirish bahosini va davomatini dars oʻtilgan kunning oʻzida elektron jurnalga qayd etish (bunda elektron jurnal joriy etilgan umumtaʼlim muassasalarida anʼanaviy jurnalga baholashga yoʻl qoʻyilmaydi hamda elektron avtomatik davomat joriy qilingan maktablarda davomatni qayd etish oʻqituvchining vazifasiga kirmaydi);

oʻquvchilarning qobiliyat va isteʼdodlarini rivojlantirishni nazarda tutgan holda, fanlarni oʻzlashtirishda qiynalayotgan va iqtidorli oʻquvchilar bilan ishlash maqsadida oʻz fani boʻyicha toʻgarak mashgʻulotlarini tashkil etish;

oʻquvchilarni oʻz fani boʻyicha fanlar olimpiadalari, turli tanlovlar va musobaqalarga tayyorlash;

oʻz fani boʻyicha belgilangan metodik kunda oʻzining kasbiy mahoratini oshirish maqsadida oʻz ustida mustaqil ishlash, ilgʻor taʼlim metodlarini oʻrganish va doimiy ravishda malakasini oshirib borish choralarini koʻrish;

oʻziga biriktirilgan sinf xonalari, laboratoriya xonalaridagi qurilmalar, texnik vositalar, boshqa moddiy boyliklarning saqlanishini va ulardan oʻquv-metodik maqsadlarda samarali foydalanishni taʼminlash;

taʼlim muassasasi rahbari bilan tuzilgan mehnat shartnomasi shartlariga amal qilish;

oʻquvchilar huquqlariga va bolalarni muhofaza qilishga oid qonunchilik talablariga rioya qilish;

taʼlim-tarbiya jarayoni ishtirokchilarining shaʼni, qadr-qimmati va ishchanlik obroʻsini hurmat qilish;

taʼlim muassasa obroʻsi va shaʼniga putur yetkazishi mumkin boʻlgan maʼlumotlarni tarqatmaslik hamda davlat siriga kiritilgan maʼlumotlar va maxfiy axborot bilan ishlashda qonun hujjatlari talablariga rioya qilish;

taʼlim muassasasi ustavi, kasbiy odob-axloq qoidalari, sanitariya-gigiyena, ichki mehnat tartibi, mehnatni muhofaza qilish, texnika va yongʻin xavfsizligi qoidalari talablariga rioya qilish;

foydalanish uchun oʻziga topshirilgan mebel, xona jihozlari, tashkiliy va maishiy texnikadan oqilona foydalanilishi va but saqlanishini hamda oʻzi ish olib boradigan xonada yongʻin xavfsizligi talablariga rioya qilinishini taʼminlash;

qonun hujjatlariga muvofiq boshqa funksiyalarni ham amalga oshirishi mumkin.

Asos: MMTV ning 2023-yil 20-dekabrdagi 565-sonli buyrug‘i.

Oylik bot

Kanalimizga obuna bo‘ling!

https://t.me/maktab_e Ochish/sharhlash

2024-03-05 18:32:27 PISA HAQIDA KO‘P BERILADIGON SAVOLLAR

1. PISA nima?

— O‘quvchilarning o‘qish, matematika va tabiiy fanlardan savodxonligini baholashga qaratilgan xalqaro baholash dasturi bo‘lib, uning natijalari asosida dunyo mamlakatlari o‘quv dasturlarida mavjud talablar doirasida o‘quvchilarning bilim va ko‘nikmalarini hayotiy vaziyatlarda qo‘llash, fikrlash va muloqot qilish qobiliyat­larini aniqlashga qaratilgan. Shu bilan birga, bu hech qanday o‘quv dasturini belgilamaydi, targ‘ib qilmaydi va umumiy e’tirof etishni taqozo etmaydi.

2. Tadqiqot kim tomonidan amalga oshiriladi?

— PISA tadqiqoti Iqtisodiy hamkorlik va taraqqiyot tashkiloti(IHTT), Organization for Economic Cooperation and Development(OECD) tomonidan amalga oshiriladi. Tadqiqot ilk bora 2000-yili o‘tkazilgan va 3 yilda bir marotaba o‘tkaziladi.

3. PISA tadqiqotlari nima uchun har uch yilda o‘tkaziladi?

— PISAning asosiy vazifasi a’zo mamlakatlarni ta’lim siyosatiga oid ma’lumotlar bilan ta’minlash, qarorlar qabul qilishda ularni qo‘llab-quvvatlashdan iborat. Tadqiqotning har uch yilda o‘tkazilishi esa mamlakatlarga siyosiy qaror­lar va tegishli dasturlarning ta’sirini hisobga olish uchun ma’lumot va tahlillarni ichiga olgan holda o‘z vaqtida axborot berish imkoniyatini yaratadi.

Shu bilan birga, mamlakatlar bu davr davomida o‘z ta’lim tizimida kelajakda erishish ko‘zda tutilgan maqsadlarni aniqlab olishiga imkon beradi.

4. PISA tadqiqotlarida nega aynan 15 yoshli o‘quvchilar qatnashadi?

— Tadqiqot aynan 15 yoshli o‘quvchilar doirasida o‘tkazilishining asosiy sababi Iqtisodiy hamkorlik va taraqqiyot tashkiloti(IHTT)ga a’zo aksariyat davlatlarda 15 yosh majburiy ta’lim bosqichining yakuniy davri hisoblanadi.

5. Savodxonlikni baholashda qanday kompetensiyalarga asoslanadi?

— Ushbu kompetensiyalarni o‘quvchilarning tabiiy fanlardan savodxonligini aniqlashda qo‘llaniladigan kompetensiyalar misolida ko‘rib chiqamiz:

1. Hodisalarni ilmiy jihatdan tushuntira olish kompetensiyasi.

2. Ilmiy-tadqiqotlarni loyihalash va baholash kompetensiyasi.

3. Ma’lumotlar va dalillarni ilmiy talqin qilish kompetensiyasi.

6. Kontekst nima?

— Kontekstlar — PISA topshiriqlarining asosi sanaladi. Kontekst hayotiy muammoli vaziyatlar aks etgan topshiriqlar. O‘z navbatida, kontekstlar shaxsiy, mahalliy va milliy (global) darajalarga bo‘linadi.

7. PISA topshiriqlari darajalariga qanday talablar qo‘yiladi?

— Topshiriqni bajarish uchun talab etiladigan intellektual va fikrlash qobiliyatiga ko‘ra ular uchta kognitiv darajaga ajratiladi:

1. Quyi daraja — bir bosqichli amallar.

2. O‘rta daraja — hodisalarni tavsiflash.

3. Yuqori daraja — murakkab ma’lumotlarni tahlil qilish.

Oylik bot

Kanalimizga obuna bo‘ling!

https://t.me/maktab_e Ochish/sharhlash