Ислом молияси | Islom moliyasi

2022-10-07 08:41:00 Ochish/sharhlash

2022-10-07 07:25:13 Викторина савол-жавобига изоҳ

“Фоиздан олинган пулларни тўлиғича садақа қилиш мақсадида анъанавий банкка фоизга пул қўйиш мумкинми?” деган викторина савол-жавоби юзасидан баъзи саволлар тушганлиги сабабли ушбу масалага бироз изоҳ беришга қарор қилдик.

Хуллас, агар бир инсонга уни ўзи истамаган ҳолда фоиздан даромад келиб қолса (мисол учун у одам тижорат банкига пулини фоиздан даромад олиш учун эмас, балки сақлаш мақсадида қўйса-ю, банк унинг шу пулига фоиз ҳисобласа ва у одам пулларини банкдан олаётган пайтда фоиз ҳисобидан кўпайган пулларни қўшиб берса), у ҳолда пулни олган одам фоиз ҳисобидан қўшилган пулларни йўқсилларга савоб умид қилмасдан садақа қилиб юбориши керак бўлади. Шу билан бирга фоиздан келган бу пулларни Қуръон чоп этиш ёки масжид қуриш учун ишлатиб бўлмайди.
Атайин фоизли омонатга пул қўйиш эса, ҳатто фоизини тўлиғича садақа қилиш мақсадида бўлса ҳам қатъийян мумкин эмас экан, чунки бу исломда энг оғир гуноҳлардан бири бўлган рибо ҳисобланар экан. Ochish/sharhlash

2022-10-06 16:02:41 Туркия Ислом молияси соҳасида етакчилик қилмоқчи

https://azon.uz/content/views/turkiya-islom-moliyasi-sohasida-etakchil Ochish/sharhlash

2022-10-06 09:38:20 ШУНДАЙ БЎЛИШИ МУМКИНМИ?

#Савол
Бир киши унга керакли бўлган маҳсулотни шариат талабларига мос равишда насияга сотиб олмоқчи. Бироқ, унга ислом молияси асосида ишлайдиган ташкилотнинг белгилаган устама ҳақи, анъанавий кредит ташкилотлари белгилайдиган фоиздан анча кўп ва қиммат бўлиб кўриняпти. Шундай бўлиши мумкинми?

Жавоб:
Ислом молияси асосида фаолият олиб борувчи ташкилотлар, насияга сотиладиган маҳсулотларнинг савдо шартномасида ўзгармас нарх белгилашлари шарт. Ушбу кўрсатилган нарх шартнома муддати тугагунга қадар ўзгариши мумкин эмас. Аммо, анъанавий банклар ва фоизли кредит асосида ишловчи бошқа молиявий ташкилотлар (жумладан, микромолия ташкилотлари), харидорларни жалб қилиш мақсадида, мижознинг шартнома тузиш асносида тўлайдиган умумий харажатларини кичик қилиб кўрсатадилар. Мисол учун, баъзи давлатларда истеъмол кредитлари бўйича фоиз миқдори кунига 1%дан юқори бўлиши мумкин эмас деган қоида бор. Бир қарашда бу жуда кам, бироқ, уни йиллик ҳисобга ўгирадиган бўлсак 365% га айланади. Мижозга эса шартномада, кунига атиги 1% деб кўрсатилади. Мижоз шу 1%ни кўради, ва бу рақам унинг кўзига арзимас бўлиб кўринади.

Демак, шариатга мувофиқ насия савдодаги устама нарх билан анъанавий кредит устамасини солиштиришдан олдин, мижоз кредит шартномасига тегишли умумий тўловлар ҳақидаги маълумотлар тўлиқ ва ишончли эканлигига ишонч хосил қилиш керак. Бирор нима шубҳали кўринса, нархлар жуда паст кўрсатилган бўлса, диққат-эътибор билан таклиф қилинаётган шартномани ўқиб-ўрганиб, келтирилган рақамларни эринмасдан бир неча марта ҳисоблаб чиқиш лозим. Керак бўлса, молиячи ёки ҳеч бўлмаса ҳисоб-китобни яхши биладиганлар билан маслаҳат қилиб кўриш керак.

Бундан ташқари, шуни таъкидлаш керакки, анъанавий кредитларнинг фоизи ҳақиқатдан шаръий насияникидан пастроқ бўлган тақдирда ҳам, бу рибовий кредитни жоиз ёки шаръий насияни ножоиз қилиб қўймайди.

@IslomMoliyasi канали Ochish/sharhlash

2022-10-05 17:50:08 Xodimlarni boshqarishga 3 kun qoldi.

Eslatib o‘tamiz 8-oktyabrdan start olayotgan " Xalqaro standartlarga javob beruvchi HR menejment" kursimiz 12 moduldan iborat bo‘lib, ular:

Kompaniyaning oldiga qo‘yilgan maqsadlar va qadriyatlar;
HR rejalashtirish (HR planning);
Kompaniyada samarali ishga olish tizimini ishlab chiqish;
Yangi kelgan xodimlar uchun moslashish (adaptatsiya) jarayonini qurish;
Maosh va imtiyozlar tizimi;
KPI tizimini joriy qilish;
Xodimlarning kasbiy va shaxsiy rivojlanishi (treninglar);
Kompaniya xodimlari uchun individual rivojlanish rejasi;
Motivatsiya dasturlari;
Kompaniyada ichki HR tizimini qurish;
Davlat qonunchiligi asosida HR vazifalari (HR legal) 1/2 kabi mavzulardan iborat.

Kompaniyangiz uchun HR tizimini qurish vaqti keldi!

Qo'shimcha ma'lumot olish uchun:

+998(91)0080509
+998(91)0010509

Kurs haqida batafsil:

Ro'yxatdan o'tish uchun
__
Instagram | Youtube | Facebook | Tiktok | Telegram Ochish/sharhlash

2022-10-05 12:11:48 Қарз учун берилган гаров

Ассалому алайкум!
Бир танишим мендан маълум муддатга 60.000 сўм қарз олди ва ўрнига (гаров сифатида) баҳоси таҳминан 300.000 сўмлик телефон берди. Муддат тугаганда танишим қарзини қайтармаса, гаровдаги телефонни бермасдан ўзимга олиб қолсам бўладими, бу менга ҳалол бўладими?

Жавоб:
Ва алайкум ассалом! Ҳалол бўлмайди. Мабодо вақт ўтиб пулни қайтармаса телефонни бозор нархида сотиб, берган қарзингиз (60.000 сўм) ва гаровни сотиш билан боғлиқ харажатларингизни олиб қолиб, қолганини ўша сиздан қарз олган танишингизга қайтариб беришингиз шарт. Валлоҳу аълам!

Манба: https://savollar.islom.uz/ да берилган савол-жавоблар асосида тайёрланди. Ochish/sharhlash

2022-10-05 08:39:42 #Савол

Тилла тақинчоқни сотиш учун дўконга топшириш
Ассалому алайкум!
Мен, тилла тақинчоқни сотиш учун, тилла олди-сотдиси билан шуғулланадиган дўкони бор одамга, 1 граммини 400.000 деб келишиб ташлаб келдим. У одам тилла тақинчоқни сотиб беришга рози бўлди. Вақт ўтиб тилла тақинчоқ сотилди. Амалга оширган ишимиз динимиз талабларига мувофиқми?

Жавоб:
Ва алайкум ассалом!
Агар дўкончини вакил қилиб топширилган бўлса, жоиз. Аммо, тиллани насияга сотиш мумкин эмас, чунки бу рибо бўлади.

Убода ибн Сомит розияллоҳу анҳудан ривоят қилинган ҳадисда, Набий соллаллоҳу алайҳи васаллам:
«Тиллага тилла, кумушга кумуш, буғдойга буғдой, арпага арпа, хурмога хурмо, тузга туз, ўхшашга ўхшаш, тенгма-тенг, қўлма-қўл. Қачон ушбу жинслар турлича бўлса, агар қўлма-қўл бўлса, қандай хоҳласангиз, сотаверинглар», деганлар.
Валлоҳу аълам!

Манба: https://savollar.islom.uz да берилган савол-жавоблар асосида тайёрланди.

@IslomMoliyasi канали Ochish/sharhlash

2022-10-04 19:08:53 Закот — молиявий ибодат бўлиш билан бирга, жамият учун беқиёс аҳамиятга эга. Хусусан, ижтимоий адолат ва уйғунлик, бойликларнинг жамиятда айланиши, камбағалликни қисқартириш, тинчлик ва тараққиётни таъминлашда закотнинг алоҳида ўрни бор.

Закот имкониятларини ўрганиш учун ўтказилаётган ушбу тадқиқот доирасида Ўзбекистон ва Қозоғистонда закот ҳақида аҳолининг тушунчалари, ҳаракат ва рағбатини ўрганиш мақсад қилинган. Тадқиқот "Zakotim" лойиҳаси томонидан ўтказилмоқда.

Сиздан закотга доир бир нечта саволларга жавоб бериш сўралади. Ушбу сўровнома тўлиқ аноним бўлиб, у орқали ҳеч қандай шахсий маълумот йиғиб олинмайди.

Сўровномани тўлдириш: https://forms.gle/X1idSy68JbrWo3xm8 Ochish/sharhlash

2022-10-04 15:28:51 ​​МЕРОС ВА УШБУ МАСАЛАГА ОИД МУЛОҲАЗА

Манбаларда мерос масаласи илмнинг учдан бири ёки ярми экани, у фароиз деб ҳам аталиши келтирилади. «Фароиз» сўзи фарз сўзидан олинган бўлиб, луғатда “ўлчов”, “кесиш” ва “баён қилиш” маъноларини билдиради. Меросни «фарз» деб айтилиши эса, мерос шариат томонидан ўлчанган, кесилган ва баён қилиниб, ҳар бир меросхўрнинг ҳақи аниқ кўрсатилгани учундир.

“Нисо” суранинг 11-оятида Аллоҳ таоло бундай марҳамат қилади:
«Ота-оналарингиз ва фарзандларингиздан қайси бирлари сизлар учун манфаатлироқ эканини билмайсизлар. Шунинг учун мерос тақсимоти Аллоҳнинг (Ўзи) томонидан (белгиланди ва) фарз қилиб қўйилди. Албатта, Аллоҳ билимдон ва ҳаким зотдир».

Абу Ҳурайра розияллоҳу анҳу ривоят қилган ҳадисда Расулуллоҳ соллаллоҳу алайҳи ва саллам:
“Фароизни ўрганинглар ва уни одамларга ўргатинглар. У умматимдан энг аввал унутиладиган нарсадир”, деганлар (Имом Ибн Можа ривояти).

Анас розияллоҳу анҳудан ривоят қилинган яна бир ҳадисда, Расулуллоҳ соллаллоҳу алайҳи васаллам илмнинг кўтарилмоғи ва жаҳлнинг зоҳир бўлмоғи қиёматнинг аломатларидан, деган эканлар.

Демак, инсонларнинг илмга беэътибор бўлиб қолишлари, илм олишга қизиқмасликлари ва уни тарғиб қилмасликлари, олган билимларига риоя қилмасликлари ва шу сабабли уларнинг жамиятга бўлган таъсирининг сусайиши, халқ орасида обрў-эътибори ва қадри тушиши илмнинг кўтарилганлигидан далолат берар экан. Илмнинг кўтарилиши, хусусан биринчи навбатда фароиз, яъни мерос илмининг кўтарилганлигининг оқибатлари қандай бўлишини биласизми?

Мерос илмининг кўтарилишининг энг ёмон томони, бунинг оқибатида бошқаларнинг, хусусан ожизаларнинг ҳақи берилмайди (масалан, қизларга меросдан улуш ажратилмайди), бировнинг ҳақи бошқага ўтиб кетади (мулк барча фарзандлар ўртасида шариатга мувофиқ равишда эмас, балки кенжа фарзандга қолади), жамиятдан адолат кўтарилади (мулк барча аёллар ўртасида тенг тақсим қилинмасдан, катта, яъни “расмий” хотинга қолади) ва ҳ.к.з. Буларнинг бари жамият аъзолари бир бирини ҳақини ноҳақ ўзлаштириши/ейиши деганидир. Бировни ҳақини еганни ҳалқуми нопок бўлади, ҳалқуми нопокнинг эса дуоси қабул бўлмайди.

Зеро, Расулуллоҳ соллаллоҳу алайҳи васаллам айтганлар:
«Бир киши узоқ сафар қилади, сочи тўзғиб, уст-боши чанг бўлади. Қўлларини осмонга чўзиб: «Эй Раббим, эй Раббим», дейди. Ҳолбуки, егани ҳаром, ичгани ҳаром, кийгани ҳаром ва ҳаромдан озиқланган. Бас, унинг дуоси қандай ижобат бўлсин» (Муслим ривояти).

Бундан ҳам ёмони, ҳаромдан ўсган жисм жаннатга ҳам кирмайди.
Каъб ибн Ужра розияллоҳу анҳудан ривоят қилинади: «Пайғамбар соллаллоҳу алайҳи васаллам айтдилар: «Эй Каъб ибн Ужра, ноҳақ – ҳаромдан ўсган гўшт (жасад) жаннатга кирмайди» (Ибн Ҳиббон ривояти).

Мана, биргина илмга риоя қилмасликнинг аянчли оқибатлари.

@IslomMoliyasi канали Ochish/sharhlash

2022-10-03 14:33:28 Савол Абдуллоҳ қандолат маҳсулотлари ишлаб чиқариш фабрикасини ташкил қилиш ва уни самарали бошқариш бўйича яхши билимга эга, бироқ бундай корхона очишга маблағи йўқ. Иброҳимни маблағи бор ва бирон ишга сармоя киритиш истаги ҳам бор, аммо бу унинг барча маблағи… Ochish/sharhlash