BlogerUz | ортга йўл йўқ!

2022-04-21 11:55:51 Сирдарё вилоятида "Nexia"га ўрнатилган газ баллони портлаши оқибатида автомобил буткул яроқсиз ҳолга келган

"Инсон қадри" ақчалар билан ўлчанаётган замонамизда "Капрон (Скотч)" газ баллонларининг қадри ўтмоқда, азизлар!..

Нима ҳам дердик, бўйинбоғли "қоринбой"лар қачон нафс дардидан кечиб, қора кўз халқим учун хавфсиз ва фойдали ўзгаришларни амалга оширишларини кутишдан ўзга илож йўқ...

Аъзо бўлинг: @blogeruzofficial Ochish/sharhlash

2022-04-21 08:34:39 Тошкент халқаро Аэропортида сиз хали кўрмаган видеолар.

Ислом Каримов номидаги Тошкент халқаро Аэропортида нималар бўляпти?
Сиз буни билармидингиз?

Dalil.uz

Ўзи, шундоқ ҳам "UzAirways"нинг ўзбек тилини таталаб сўзлайдиган, таъбир жоиз бўлса, давлат тилидан фойдаланганда, ҳали тўлиқ тили чиқмаган қизалоқни эслатадиган русий забон стюардессалари инсонни тоза ҳуноб қилаётганди.

Видео материалдаги ишчиларнинг хатти-ҳаракати эса, "ўлганни устига тепган" билан баробар, шубҳасиз!

Ўйлашимча, "UzAirways"нинг юкхона бўлимида ишлайдиган ишчилари гиштхоналарда малака оширса керак!

"Қазисан, қартасан, асл зотингга тортасан", деганларидек, "UzAirways" ҳам монопол-да барибир!..

Қора кўз ҳалқимга қоялардан-да юксак тоқат тилаб қоламан...

... муборак Рамазон ойида!

Аъзо бўлинг: @blogeruzofficial Ochish/sharhlash

2022-04-21 06:55:51 Ер муносабатларида ҳокимларнинг яна бир қатор ваколатлари бекор қилинмоқда

Ер кодексига ўзгартиришлар киритилмоқда.

Унга кўра, вилоятлар ва Тошкент шаҳар ҳокимининг қишлоқ хўжалигига мўлжалланган ерларни ижарага бериш бўйича очиқ электрон танлов якунларини тасдиқлаш ваколати бекор қилинмоқда.

Шунингдек, ер участкаларини ижарага бериш бўйича очиқ электрон танлов натижаларини вилоятлар ва Тошкент шаҳар ҳокимларининг қарори билан тасдиқлаш талаби ҳам бекор қилиниши кўзда тутилган.

Қонун лойиҳаси депутатлар томонидан кўриб чиқилмоқда.

Энди навбатдаги масала ижарага бериш бўйича ижара шартномалари ва қарорларни бекор қилишда ҳокимликлар ваколатини чеклаш ва буни фақатгина суд тартибида амалга оширишни белгилаб қўйиш билан боғлиқ.

Умид қиламизки, қисқа вақт ичида ушбу масалада ҳам ижобий ечим бўлади.

Фикримизча, ер муносабатларида ҳокимликлар ва бошқа давлат органларининг аралашувини чеклаб, очиқ, инсон омилидан ҳоли тизимнинг ташкил этилиши ушбу соҳадаги коррупцион ҳолатларнинг йўқ бўлишига олиб келади.

Бу энг тўғри йўл ва бу йўлдан тўхтамаслик керак.

Rasul Kusherbayev

Атрофдаги баъзи бир "қоринбой"лар бир мунча вазн ташлайдиган бўлибди-да!

"Сичқоннинг ини минг танга бўладиган" замонлар томон аста-секин одимлаб бормоқдамизми, дейман-да?!.

Аъзо бўлинг: @blogeruzofficial Ochish/sharhlash

2022-04-20 21:40:17 Агар ёдингизда бўлса, Президент 2020 йилнинг якунида ҳам Қашқадарёга ташриф буюрган эди.

Ўшанда қаршиликлар мамлакат раҳбари ташрифи олдидан куз фасли бўлишига қарамай, сарғайган чимларни бўяб, қурилиши якунига етмаган биноларга "плакатли" эшик, деразалар қўйган ҳолда, "қаттиқ тер тўкишган" эди.

Ишончим комил, қаршиликлар бу гал ҳам Президент ташрифига "юксак дид" билан ҳозирлик кўришган!

Қора кўз ҳалқим, эртага "кўз кўриб, қулоқ эшитмаган" "эна"вацион янгиликларга гувоҳ бўламиз.

Қашқадарё "қовунчилари"дан ҳайратланарли ҳолатлар кутиб қоламиз. Тайёр туринг!

Аъзо бўлинг: @blogeruzofficial Ochish/sharhlash

2022-04-20 14:33:27 Бугунги кучли ёғингарчиликдан кейин "Янги Самарқанддаги - эски кўчалар" ҳолати.

- Ўзи шу кунларда, "ҳовузли мошиндаги" сув иссиқлик қилиб, росса жонга тегаётганди!..

Мамарайим, қайиқни мошинга жойла, Самарқандда янги кўл очилибди, бир кўнгил ёзиб келамиз, жўра!..

Ха айтганчи, қармоқни ҳам олвол.
Зора, "халқ пулларини ўз манзилига етиб боришига тўсқинлик килиб", каттакон қорнига жойлаётган "лаққалар"ни ҳам тутиш насиб қилар, саёҳат давомида!..

Аъзо бўлинг: @blogeruzofficial Ochish/sharhlash

2022-04-20 09:02:23 "Носоз йўл сабаб икки "Nexia" тўқнашиб, бир киши ҳалок бўлди".

Қарангга, биз шунча пайтдан бери
атрофимизда шундай носоз йўллар борлигини билмай юрган энанмиз-да!..

Аъзо бўлинг: @blogeruzofficial Ochish/sharhlash

2022-04-20 08:01:57 Айни вақтларда водий тoмон йўлга отланганлар диққатига, "Қамчиқ" довонида кучли туман тушиб, автомобиль йўлининг кўриниш масофаси қисқарган.

Қора кўзларим яқинларингизни ҳам хабардор этиб қўйинг.

@blogeruzofficial каналига уланинг! Ochish/sharhlash

2022-04-19 22:15:02 Ҳурматли Bloger.uz каналимиз аъзолари, Сизлар учун каналимизда «Реакция » функциясини қўшдик!

Кузатувчилар лайк босган сари сўзларимиз ўткирлашиб бораверади-да?!

Азизлар Сизларни овора қилмасак, қўллаб турасизлар деган умиддамиз!!!

@blogeruzofficial каналига уланинг! Ochish/sharhlash

2022-04-19 21:33:30 #no_comment

Сўнгги пайтларда, ўзини аямай "ўтга ҳам сувга ҳам ураётган" ва бугун "кетмони осмондан бевақт қулаган" баъзи ҳоким ўринбосарлари ҳақида қисқача!..

Маълумот учун, бугун, 19 апрель куни бўлиб ўтган видеоселектор йиғилишида Президент 16 та шаҳар ва туман ҳокими ўринбосарларини ишдан олди.

Аъзо бўлинг: @blogeruzofficial Ochish/sharhlash

2022-04-19 15:01:56 ПУЛСИЗ БАНКОМАТЛАР ВА САРСОН ОДАМЛАР

"Биз билгандик, биз ишонгандик, биз кутгандик" сўм пластик карточкалар муомалага чиқарилганда ҳаётимиз фаровон бўлиб кетишини;

"Биз билгандик, биз ишонгандик, биз ўйлагандик ва биз кутгандик" банклар "Узкарт"ларни чиқарди-ю, одамлар сира сарсон бўлмайди, деб.

"Биз билгандик, биз ишонгандик, биз ўйлагандик ва биз кутгандик" банклар "Хумо" карталарни чиқаради-ю, ҳамманинг оғири енгил бўлади, деб.

"Биз билгандик, биз ишонгандик, биз ўйлагандик ва биз кутгандик" банкларнинг 7 кунда 24 соатдан ишлайдиган банкомат шахобчалари ишга тушганда нақд пулга ёлчидик, деб.

"Биз билгандик, биз ишонгандик, биз ўйлагандик ва биз кутгандик" соҳадаги ушбу ислоҳотлар туфайли мижоз банкларга эмас, банклар мижозга хизмат қилади, деб.

Аммо... Минг таассуф!

Қарийб уч кундирки, Чортоқ туманидаги барча банкларнинг банкоматларида нақд пул йўқ. Боз устига "Узкард" ҳам "Хумо" ҳам яхши ишламаяпти. Мазкур ақлли техникалар "Тармоқда носозлик" деган гапни айтмоқда. Борди-ю, тармоқда носозлик бартараф бўлса, банкоматда пул йўқ. Бу не ажаб?
Илгарилар банкирларнинг ўзлари "ўйин" қилишарди, энди эса, банкоматлар "ўйин" қилмоқда.

Хўш, бу “ўйин”лар қачон тугайди?

Биз бу ҳақда тегишли жавоб кутамиз ва мавзуни ўрганишда давом этамиз.

Журналист Саидолим АБДУРАҲМОНОВ

@blogeruzofficial каналига уланинг! Ochish/sharhlash