BlogerUz | ортга йўл йўқ!

2022-04-27 07:01:08 Давлатда жамиятнинг қонуний саводхонлик иммунитети кескин пасайиб кетса, АРГОСга ўхшаган вирус ташкилотлар кўпаяркан.

Ўзи шундоқ ҳам тақчил иш ўрнини ИШСИЗ фуқародан тортиб олиб, очко олиш учун ушлаб тураркан.

(Буларнинг ниқоби - коррупцияни олидини олиш эмиш)

Пули бўлса ишга кирармиди, тадбиркорлик қиларди-да дейдиган, одам йўқ

Ҳозир тадбиркорлар даври бўлса

ДАВОМИ @blogeruzofficial Ochish/sharhlash

2022-04-26 18:30:14 Нега миллий сериал ва киноларимиз савияси у қадар юксакка кўтарила олмаяпди, Ибн Сино, Ал-Хоразмий, Улуғбек, Жалолиддин Мангуберди ва бошқа тарихий қаҳрамонларимиз кино ёки сериалда ўз образига эга бўла олмаяпди?

Голливуд ёки Болливуд кино саноати муваффақияти, неча йиллар телевидениесидан тушмаган ва тушмай келаётган мексика, корейс, турк ёки сериалларининг ўзбек томошабинини экран қаршисига михлаб қўйишни осон уддалашининг сабаблари жуда кўп.

Энг биринчи сабаб уларда кино ёки сериал ишлашга ишининг чинакам профессионаллари жалб қилинади. Иккинчидан уларнинг профессионаллари ишни мажбурликдан ёки бошқа бирор майда мақсадни кўзлаб қўл учида бажарадиганлар эмас, балки ишини дилдан севадиган инсонлардир. (у ерда касбини севмайдиган инсонга пул топиш учун санъатни овора қилиб ўтириш шартмас, қозон қайнатиш учун бошқа иш ва имкониятлар истаганча топилади). Учинчи сабаб яна ўша профессионализм: хамма ўз ишини бажаради: профессионал сценарий ёзади, профессионал мусиқа басталайди, профессионал актёрлар роль ўйнайди, профессионал саҳна рассом-дизайнери жалб этилади. Иш бундай ташкил этилгандан кейин албатта шунга яраша натижа беради – маҳсулот профессионал юксак дид билан томоша қилинади, томошабин диди ҳам ўсиб боради, шунга монанд шаклланади. Энг муҳим масала – моддий жиҳат ҳам шунга монанд. Голливуднинг машҳур киноактёрларининг аксарияти шахсий самолётига эга.

Санъатга пулни моддий манфаатни биринчи ўринга қўймай, таъмасиз кирган ижодкорнинг ортидан пул ҳам шуҳрат ҳам қувиб юради, асари эса тарихда қолади.

ДАВОМИ @blogeruzofficial Ochish/sharhlash

2022-04-26 18:20:22 #Мурожаат
#Жиззах

Men Zomin tumani Istiqlol QFY O'rol qishlog'ida yashayman. Qishlog'imizning yarim aholisi(50ta xonadon )da uch sutkadan buyon elektr yo'q. Bu xonadonlarga tortilgan tarmoq birlashgan transformator deyarli yaroqsiz. Har safar buzilsa aholi pul yig'ib ta'mirlatamiz. Bu safar ham ikki qayta pul yig'ildi, mantiyor chaqirtirdik ammo natija yo'q. Bugun kechasi 4-kechaki svet yonmagan. Aslida shunday nosozliklar kim yoki qaysidir jamiyat tomonidan bartaraf etilishi kerakmi?

@blogeruzofficial каналига уланинг! Ochish/sharhlash

2022-04-26 06:57:23 Бир куни қарға осмонда тескари бўлиб олиб, учиб кетаётса, ерда тулки кўриб қолиб:
— Қарға, нимага тескари бўлиб учяпсан? — деса, қарға:
— Ахир, бизда демократия-ку, хоҳлаганимдек учаман, — дебди.

Тулкининг унга ҳаваси келиб, у ҳам тескари юра бошлабди. Буни кўрган бошқа ҳайвонлар “Тулки эсдан оғиб қолибди” деб ўйлаб ура кетишибди. Шунда қарға:
— Эй нодон тулки, демократия фақат тепада бўлади, пастда эса фақат ура-ур... — деярмуш! Ochish/sharhlash

2022-04-25 23:55:20 #flower_fest_Namangan_2022

ЭШИТДИНГИЗМИ НАМАНГАНДА ХАЛҚАРО ГУЛЛАР ФЕСТИВАЛИ 22 МАЙДАН БОШЛАНАР ЭМИШ

КЕЛИНГ, КЎРИНГ ВА АЗИЗ МЕҲМОНИМИЗ БЎЛИНГ ДЕЙДИ

ҲУРМАТЛИ КАНАЛ АЪЗОЛАРИ БИР НАМАНГАННИ АЙЛАНИБ КЕЛАМИЗМИ?

Аъзо бўлинг: @blogeruzofficial Ochish/sharhlash

2022-04-25 17:01:21 Мужик отадан блогер ўғилчага насиҳат...

Танқидни пиар учун ёки соққа учун қилаётган ўғлим дадангни яхшилаб эшит: (ҳар бир соққакаш блогерни дадаси шундай гап бошлаши керак)

"-Ҳеч қачон одамларга шахсий манфаатинг учун мағзава ағдарма.
Эркак ҳимоя қилувчи қилиб яратилган, орқа ковлайдиган чўп қилиб эмас.
Мард бўл!
Ёзишдан мақсад танилиш эмас муаммоларга ечим бўлиши керак.
Нафсинг сени еб битиришига ва шарманда қилишига йўл қўйма, чунки шарманда бўлсанг топган пулларинг номингни оқлай олмайди.

Сенга охирги насиҳатим: "УНУТМА ОТАСИНИ ГАПИГА КИРМАГАН ФАРЗАНД АНИҚ ОНАСИНИКИГА КИРАДИ" (онасини гапига демоқчи) шуни унутма ўғлим "

@Otabek Ochish/sharhlash

2022-04-24 17:22:08 #Мурожаат

Мен Сирдарё вилоят Боёвут райони хокимиятидан шикоятим бор. Ёзмай дейману лекин узлари мажбур килишди. Фарзандим 2020йил санат ва маданият инситутига имтиёзли укишга кирганди. Президентимиз 2020йил Тошкенда булган ёшлар фестивалида туман хокимларига туманларингдан 5та ёшни танлаб олиб ўзларинг контрактини тулаб укитаслар деган. Шунда фарзандимам танлаб олинганди. Уша йили контрактини тулади рахмат.
Лекин иккинчи курсга утгандан кейин умуман ишлари бумай колди. Тулаб берамиз деб факат алдаб келяпти. Инситутдаги домлалари 1майгача срок берибди. Туламаса укишдан четлатамиз бориб хокиминг билан гаплаш контрактингни тезрок туласин дебди. Президентни буйругини бажармаган хоким мени айтганимни килармиди, нечамарта кирдим фойдаси бумяптику деб кегисиям кемаяпти бечора фарзандимни. Индаманг дейди, нима килай кандай жим утирай. Президентимиз дойим ёшларни куллаб куватлайлар деб турган булса.Нега хокимятдаглар бунчалик бегам беташвиш. Нахотки ёшларни келажаги хокимларимиз учун кизиги йук.

@blogeruzofficial Ochish/sharhlash

2022-04-24 03:09:31 Сел бўлган юрак

Уят, ор, виждон деганларини илк бор туйдим...
 
“Пойтахтда ўқийман. Шартнома асосида. Табиатан шошқалоқман, қолаверса, вақтида шартнома пули тўламасак, бутун гуруҳнинг олдида уялтирадиган декан ўринбосарининг феълини билганим учун ҳам отамни қистовга оламан.  
 
— Қачон жўнатасиз?  
— Одам топилмаяпти, бервораман, хавотирланма, — отам шу сўздан нарига ўтмасди.  
 
Бутун бошли қишлоқда наҳот битта пойтахтга келадиган одам бўлмаса — баттар жиғибийрон бўламан. Кейин бирдан акамнинг машина олмоқчи бўлиб юргани хаёлимга келди. Энди акамга қўнғироқ қилдим.  

— Ўзингиз ишлайсиз-ку, топган пулингиз етганида оларсиз машинани. Отамдан олишга уялинг, — дедим.  
 
Акам “Хўп, кейин гаплашамиз” деб гапни қисқа қилди. Хуллас, нақ ўн кун кечикиб шартнома пулини тўладим. Икки марта ўша декан ўринбосари — эстетика-этика фанлари номзоди дарснинг ўртасида кириб, мендек отаси вақтида пул жўнатмаганларни бирма-бир огоҳлантирди. Мулзам бўлганим учун отам билан акамдан хафа бўлиб кетдим.  
 
Бир фурсат ўтиб, таътилга чиқдик. Вилоятга кетдим. Боришим ҳамона қолган ярим йилликнинг шартнома пулини олиб қўяман деб, мақсад қилганман. Аммо қишлоққа қадам қўйишим билан таний олмадим. Уйимиз ўрнида эса кичкина бир уйча тикланибди. Боғимиздаги чинордан бошқа ҳамма нарсани сел ювиб кетибди... Мен бехабар. 
 
— Ота, нега айтмадингиз?  
— Уйга кир, чарчаб келгансан, — отам янги уйча томон йўл бошлади.  
— Кўнглинг чўкиб, ўқишдан чалғийсан, деб айтишимизга рухсат бермадилар, — акам елкамга қоқди... 

Уят, ор, виждон деганларини илк бор туйдим... Отамнинг тоғдек бардоши қаршисида..."
 
Муаллиф: Шоира Шагиаҳмедова

Бардоши осмон каби юксак, матонатли, қора кўз халқим!

Яқин ўтмишда, сиз бунданда мусибатлироқ кунларни ҳам ортда қолдирганингиз гувоҳиман.

Ишончим комил, бу фожеа ҳам сизнинг иродангиз учун чикора!

Бардам бўлинг. Зеро, сиз ёлғиз эмассиз!..

P.S.: Юқоридаги ҳикоя муаллифига ўзимнинг миннатдорчилигимни билдираман, миллатимизнинг бардошли қиёфасини шу қисқагина ҳикояда моҳирона тасвирлагани учун!

Аъзо бўлинг: @blogeruzofficial Ochish/sharhlash

2022-04-23 21:23:22 Ўта таъсирли ролик экан

Уйғонинглар, қаёққа қараб кетяпмиз?!

@blogeruzofficial каналига уланинг! Ochish/sharhlash

2022-04-23 14:32:34 "Хўрозқанд чет элники деса, ётволиб ялайдиганлар"нинг "шўрига шўрва тўкилибди-да!"

"Олдингдан оққан сувни қадри йўқ", деганларидек, дунёнинг ривожланган мамлакатларининг тиббиёт соҳаси "пундаменти" бизнинг бобо-калонимиз Ибн Сино билимларига асосланган бир даврда, қаёқдаги қўштирноқ ичидаги Чин табобатига ишонишнинг оқибати шу-да!

"Гуанджоу" иҳлосмандларига чексиз сабр-тоқат тилаган ҳолда, қора кўз халқимни давомли рекламалардан қутилгани билан муборакбод этаман!

Мазкур хабарни эшитиб, сарфлаган пуллари ва вақтини осмонга учганини ўйлаб, юраги оғриб қолганларга, хитойлик каззоблар томонидан ўзимизнинг ерлардан олинган арча томиридан фойдаланган ҳолда тайёрланган дамламадан симиришни тавсия этаман!

Ахир, дамлама Хитой маҳсулоти бўлмаса ҳам "зато" хитойликларнинг қўли теккан-да...Банияти шифо бўп қолар, эҳтимол!..

Аъзо бўлинг: @blogeruzofficial Ochish/sharhlash