ПУЛСИЗ БАНКОМАТЛАР ВА САРСОН ОДАМЛАР 'Биз билгандик, биз ишон | BlogerUz | ортга йўл йўқ!

ПУЛСИЗ БАНКОМАТЛАР ВА САРСОН ОДАМЛАР

"Биз билгандик, биз ишонгандик, биз кутгандик" сўм пластик карточкалар муомалага чиқарилганда ҳаётимиз фаровон бўлиб кетишини;

"Биз билгандик, биз ишонгандик, биз ўйлагандик ва биз кутгандик" банклар "Узкарт"ларни чиқарди-ю, одамлар сира сарсон бўлмайди, деб.

"Биз билгандик, биз ишонгандик, биз ўйлагандик ва биз кутгандик" банклар "Хумо" карталарни чиқаради-ю, ҳамманинг оғири енгил бўлади, деб.

"Биз билгандик, биз ишонгандик, биз ўйлагандик ва биз кутгандик" банкларнинг 7 кунда 24 соатдан ишлайдиган банкомат шахобчалари ишга тушганда нақд пулга ёлчидик, деб.

"Биз билгандик, биз ишонгандик, биз ўйлагандик ва биз кутгандик" соҳадаги ушбу ислоҳотлар туфайли мижоз банкларга эмас, банклар мижозга хизмат қилади, деб.

Аммо... Минг таассуф!

Қарийб уч кундирки, Чортоқ туманидаги барча банкларнинг банкоматларида нақд пул йўқ. Боз устига "Узкард" ҳам "Хумо" ҳам яхши ишламаяпти. Мазкур ақлли техникалар "Тармоқда носозлик" деган гапни айтмоқда. Борди-ю, тармоқда носозлик бартараф бўлса, банкоматда пул йўқ. Бу не ажаб?
Илгарилар банкирларнинг ўзлари "ўйин" қилишарди, энди эса, банкоматлар "ўйин" қилмоқда.

Хўш, бу “ўйин”лар қачон тугайди?

Биз бу ҳақда тегишли жавоб кутамиз ва мавзуни ўрганишда давом этамиз.

Журналист Саидолим АБДУРАҲМОНОВ

@blogeruzofficial каналига уланинг!