2023-02-25 07:34:07
Тесланинг батареяси қишда қалай экан, тез ўтириб қолмаяптими деб кўп сўрашяпти. Аввал ҳам жавоб бергандим, яна бир марта батафсилроқ ёритаман.
Мендаги Tesla Model Y’нинг батареяси, идеал ҳайдаганда, 531 километрга етиши керак. Реал ҳаётда 450 километрга етади бемалол.
Қишнинг қаттиқ совуғида бу кўрсаткич 300 кмгача тушади. Агар сиз қаттиқ қишда кунига 300 кмдан кўп ҳайдамоқчи бўлсангиз, унда бу машина сиз учун эмас.
Оддий “дом-работа-дом” ҳайдовчилар учун бемалол етади. Ҳар куни кечқурун токка тиқиб қўясиз, эрталаб батарея тўла бўлади, кетаверасиз. Тўлиқ зарядлаш бензинга кетадиган пулнинг 15–20 фоизига тенг бўлади, жуда арзон.
Узоққа ҳайдаш Ўзбекистонда муаммо, чунки йўл-йўлакай тез қувватловчи станциялар йўқ. Альбертада бундай қувватлаш станциялари ҳар 100—200 километрга, трассалар бўйига ўрнатилган. Будан станцияларда батареяни тахминан 20 дақиқаларда тўлдириб олиб, саёҳатингизни давом эттираверасиз.
~~~
Тесланинг қишда плюсларидан бири иситиш тизимининг жуда тез ишлашидир. -20 даражада ички ёнув двигатели қизиб, иситишни бошлагунигача камида 20 дақиқа керак. Теслада эса 5 дақиқада машинанинг ичи иссиққина бўлади.
Бундан ташқари, қорни эритиш имконияти ҳам бор. Телефонингизга ўрнатилган Tesla дастурида Defrost тугмасини босасиз, печка 100 фоизга ишлаб, машина устидаги қорларни эритиб ташлайди. Қулай.
Совуқ кунларда бозор қилишга борсангиз, машинадан тушишдан аввал Keep тугмасини босиб қўясиз. Чиққунингизга қадар печка ишлаб, машинани иссиқ ушлаб туради.
~~~
Мана шунақа гаплар. Қишда батарея қанчага етиши мавзусини ёпсак ҳам бўлар.
@zambarakning_oqi
4.4K viewsedited 04:34
З
