Замбаракнинг ўқи

2023-02-17 19:51:08 Корпоратив имейлимга ҳар куни ўнлаб хат келади, уларнинг аксарияти менга у-бу хизмат сотиш илинжида бўлади. Мактублар муаллифлари эътиборни ўзларига қаратиш учун турли усуллардан фойдаланишади.

Мана бугун биттаси менга тўлиқ ўзбек тилида хат ёзибди (суратда). У хатида менинг Твиттеримда ўзбекча ёзишимни кўриб, Google Translate’дан фойдаланган ҳолда менга ўзбек тилида ёзибди.

Менга ёқди бу ҳаракат.

@zambarakning_oqi Ochish/sharhlash

2023-02-17 08:39:10 Ўзбекистонда қуёш панеллари васвасаси бошланган кўринади. Бир триллиардта дарахт, бир сиксилёнта программист лойиҳалари каби буям давай-давай қилиниб, охири ҳеч нарса билан якунланмай қолмаса бас. Умид қиламиз, лекин умид ўлиб бўлган.

Анаққиса, Канадада қуёш панеллари ўрнатиш жараёни, давлат берадиган субсидия ва кредитлар, ҳисоб-китоблари ҳақида ёзгандим ўтган йили, мана — https://t.me/zambarakning_oqi/3867

Биз тунов куни 15% предоплатасини қилдик. Кечагина ўрнатувчи компания электр тармоқлари компаниясига техник шартларни тасдиқлатиш учун юборди. Улар тасдиқлаганидан сўнг, тахминан март охири—апрель бошларига ўрнатиб кетишаркан.

@zambarakning_oqi Ochish/sharhlash

2023-02-15 20:06:48 Россиялик таниқли блогер Илья Варламов Ўзбекистонга келиб, декабрь ва январда юз берган энергетик коллапс ҳақида видео қилибди, кўринглар —



Иложсизликдан йиғлаётган оналарни кўриб менинг ҳам хўрлигим келди, тўғриси. Аҳолининг элементар эҳтиёжларини қондира олмаган давлат…

P.S. Варламов урушга қарши, z-фашист эмас.

@zambarakning_oqi Ochish/sharhlash

2023-02-12 21:13:31 Ochish/sharhlash

2023-02-12 20:15:39 Калгаридаги спорт мажмуаси эшигига (суратда) “Беринг, токи ҳеч ким (ортга) қайтариб юборилмасин” деб ёзиб қўйишибди.

Фикрингизча, бу билан нима дейишмоқчи? Тўғри жавобни ҳалироқ айтаман.

@zambarakning_oqi Ochish/sharhlash

2023-02-12 08:34:28 Тесла кўнгилочар тизими ҳақида.

@zambarakning_oqi Ochish/sharhlash

2023-02-11 07:49:08 Ochish/sharhlash

2023-02-11 07:43:40 Ҳамма кетиб қолаверса, Ўзбекистонни ким ривожлантиради, деган эътирозлар бўляпти.

Менимча, имкони бўлгандаям кетмасдан, ватан учун курашганлар ҳақиқий ватанпарвар, ҳақиқий жонкуярлардир. Лекин, менинг фикримча, Ўзбекистон бизнинг давримизда ҳам, фарзандларимиз даврида ҳам нафақат риволанган Ғарб, балки Европанинг энг камбағал давлатларига ҳам ета олмайди. Қозоғистонга етиб олса катта гап.

Шундай экан, ҳаётни курашиб ўтказиш керакми? Ëки имкониятдан фойдаланиб, катта муаммолар аллақачон ҳал қилинган жамиятда ҳотиржам(роқ) яшашми?

Танлов сизники. Қолганларни ҳам, кетганларни ҳам танқид қилиш тўғри эмас.

@zambarakning_oqi Ochish/sharhlash

2023-02-10 20:09:16 Келинглар…

Келинглар, Ғарбда бирга чириймиз.

Келинглар, ота-онани, яқинларимизни, чойхоналаримизни соғиниб яшаймиз.

Келинглар, фарзандларимизни бир ўзимиз қандай тарбия қилишни билмай, иккиланиб, шубҳаланиб, довдираб яшаймиз.

Келинглар, ипотека, машина, телефон, болаларга брекет олиб, бўйнимизгача қарзга ботиб яшаймиз.

Келинглар, уйда совуқ емай, чироқ қачон келаркин деб ҳайрон бўлмай, иссиққинада яшаймиз.

Келинглар, болам кўчадан қандай ўтволаркин деб ҳавотирланмай яшаймиз.

Келинглар, боламни яхши мактабга опкириш учун нима қилсам экан, ўқитувчисига нима совға берсам экан деб ўйланмасдан яшаймиз.

Келинглар, фарзандимиз касал бўлганда, яхши дўхтир қидирмай, дори ичганида ўлиб қолмасмикин деб ҳавотирланмай яшаймиз.

Келинглар, эркин сайловда қатнашиб, сиёсатчиларни тайинлаш имкониятидан фойдаланиб яшаймиз.

Келинглар.

@zambarakning_oqi Ochish/sharhlash

2023-02-10 18:22:02 Ўтган йили уйнинг “ақлли” жихозларини планшет орқали бошқариш ҳақида ёзгандим — https://t.me/zambarakning_oqi/3091

Кеча бу таблога Теслани бошқариш имкониятини ҳам қўшдим. Энди уйдаги планшет орқали машина салонинидаги ҳароратни кўришим, қиздириб ёки совутиб қўйишим мумкин. Машинани қулфлашим ё очишим, ойналарини ёпишим ё очишим мумкин. Бундан ташқари батарея қувватини, зарядлаш жараёнини ҳам назорат қилишим мумкин.

Тесла ўз ҳақидаги маълумотни API орқали очиқлаган экан. Планшетдаги бошқарув ҳам ана шу API орқали ишлайди.

Қулай.

@zambarakning_oqi Ochish/sharhlash