Xushnudbek.uz

Buxoroda yangi xalqaro aeroport, quyosh elektr stansiyasi va gaz-kimyo majmuasi qurilishiga start berildi

— Kecha, 31-may kuni davlatimiz rahbarining Buxoro viloyatiga tashrifi Bahouddin Naqshband maqbarasini ziyorat qilishdan boshlandi;

— shundan soʻng, “Qorakoʻl” erkin iqtisodiy zonasida ishga tushgan birinchi zavod – umumiy qiymati 58 million dollar boʻlgan, metall quvurlar ishlab chiqarishga ixtisoslashgan “Enpipe” korxonasi faoliyati bilan tanishdi;

— Shavkat Mirziyoev, shuningdek, Buxoro viloyatida ishlab chiqarilgan sanoat mahsulotlari koʻrgazmasi bilan tanishdi. Investorlar va tarmoq rahbarlari yangi loyihalarni taqdimot qildi;

— koʻrgazmadan soʻng, uchta yirik loyiha – “Qorakoʻl” erkin iqtisodiy zonasida polimer mahsulotlari ishlab chiqarishga ixtisoslashgan gaz-kimyo majmuasi, Olot tumanida 250 megavatt quvvatga ega quyosh elektr stansiyasi hamda Buxoro tumanida yangi xalqaro aeroport qurilishiga start berildi;

— soʻngra, Prezident Qorakoʻl tumanida jamoatchilik vakillari bilan suhbatlashdi;

— davlat rahbari tashrifning keyingi qismida Qorakoʻl tumanida “Yangi Oʻzbekiston” massivini borib koʻrdi;

— Prezident Qorakoʻl tumanida yangi loyiha asosida taʼmirlangan avtomobil yoʻlini koʻzdan kechirdi va avtomobil yoʻllarini qurish boʻyicha namunaviy loyihalar bilan tanishdi.


@xushnudbek

Yaxshi xabar: O‘zbek tili izohli lug‘atining veb-sayti – izohli.uz ishga tushibdi

Ushbu sayt rasmiy maqomda bo‘lib, Vazirlar Mahkamasining Davlat tilini rivojlantirish departamenti hamda O‘zbek tilini rivojlantirish jamg‘armasi tomonidan ishlab chiqilgan.

Sayt bazasida O‘zbek tilining izohli lug‘atiga kiritilgan 80 mingdan ortiq so‘z va so‘z birikmalari joy olgan.

Bugun o‘tkazilgan taqdimotda mas’ullar kelgusida ushbu sayt yanada takomillashib, yangi funksiyalar va qulayliklar qo‘shilishi haqida ma’lumot berishgan.


@xushnudbek