Manaviyat.edu.uz

2022-08-30 19:31:45 Oliy taʼlim muassasalari tyutorlarining faoliyati tanqidiy oʻrganildi

Oliy va oʻrta maxsus taʼlim vazirligi huzuridagi Talaba va o‘quvchilarning ma’naviy yuksalishiga ko‘maklashish markazi xodimlari tomonidan OʻzDJTU, OʻzMU, TMI, TDPU, TATU va TTYeSI tyutorlarining yangi 2022/2023-oʻquv yiliga tayyorgarlik holati, jumladan, o'ziga biriktirilgan talabalar bilan ishlash rejasi, boshqa viloyatdan kelib tahsil oladigan talabalarni TTJ yoki ijara xonadonlari bilan taʼminlash borasidagi faoliyati tanqidiy oʻrganildi.

Oʻrganish natijalari haqidagi batafsil maqolani mazkur havola orqali o'qishingiz mumkin.

Rasmiy sahifalarimiz: Telegram | YouTube Ochish/sharhlash

2022-08-30 15:06:57 Buyuk ajdodlarimiz bilan har qancha faxrlansak, g‘ururlansak, arziydi

Bilasizmi, hayotda shunday damlar bo‘lar ekanki hamisha shu yurtda dunyoga kelganingga, aziz Vatanning dilbandi ekaningga shukrona aytasan. Uning har bir qarichi aziz, tuprog‘i muqaddas, buyuk daholar beshik bo‘lgan qadim zamin bu. Yuragingda Vatanga bo‘lgan cheksiz mehring jilvalanganda, uni barcha barchasidan avaylashni, ardoqlashni istar ekansan. Qalbing uni deb urar, tiling faqat uning nomini aytishdan, baxtiyorligingni qayta qayta aytishdan charchamaydi. Har qanday yovuz kuchlar ta’siridan uni avaylashni istar ekansan, bu go‘zal olamni ko‘rish imkonini hadya etuvchi ko‘zlarning unda yashayotgan har bir insonni ozod va baxtli ko‘rmoqni orzu qilar ekansan.

Mirzohid Botirov,
FarPI birinchi prorektori

Rasmiy sahifalarimiz: Telegram | YouTube Ochish/sharhlash

2022-08-30 13:02:00 #Bilasizmi
#huquqiy_axborot

Toʻlov-kontrakt asosida oʻqish uchun taʼlim kreditlarini ajratish tartibi

Taʼlim kreditlari taʼlim tashkilotlari bakalavr hamda magistraturaning kunduzgi, sirtqi va kechki taʼlim shaklida toʻlov-kontrakt asosida oʻqishga tavsiya etilgan yoki qabul qilingan, shuningdek oʻqishini koʻchirgan Oʻzbekiston fuqarosi boʻlgan talabalarga beriladi.

Bunda, kredit oluvchining doimiy daromad manbaiga ega oila aʼzolari (ota-onasi, aka-ukasi, opa-singlisi, eri yoki xotini) yoki vasiylari birgalikda kredit oluvchi sifatida qatnashishi mumkin.

Taʼlim kreditining asosiy qarzi talabaning rasmiy oʻqish muddati tugagandan soʻng yettinchi oydan boshlab 7 yil davomida qaytariladi.

Taʼlim kreditini olish uchun Moliya vazirligining rasmiy veb-saytida eʼlon qilingan tijorat banklariga quyidagi hujjatlar taqdim etiladi:

ariza;
toʻlov-kontrakt shartnomasi va unga ilova qilinadigan hisob varaqasi/fakturasi (mavjud boʻlganda). Shartnomada oʻqishni tamomlashning belgilangan muddati va bir yil uchun toʻlov miqdori koʻrsatilgan boʻlishi lozim;
taʼlim krediti qaytarilishining taʼminoti boʻyicha hujjat. Bunda “Ijtimoiy himoya yagona reestri”ga kirgan oilalarning farzandlariga ajratiladigan taʼlim krediti boʻyicha garov va kafillik talab etilmaydi;
“Ijtimoiy himoya yagona reestri”ga kiritilganligini tasdiqlovchi maʼlumotnoma (“Ijtimoiy himoya yagona reestri”ga kiritilgan oilalar farzandlari uchun);
birgalikda kredit oluvchiga tegishli maʼlumot.

Hujjatlar 5 ish kunida koʻrib chiqiladi.

Taʼlim krediti shartnomasi toʻlov-kontrakt shartnomasida koʻrsatilgan bir yillik toʻlov summasiga teng miqdordagi summaga tuziladi.

Taʼlim krediti kredit oluvchiga Markaziy bankning asosiy stavkasi miqdorida ajratiladi.

Bunda, Markaziy bankning asosiy stavkasi pasaytirilgan taqdirda, taʼlim krediti boʻyicha foiz stavkasi mutanosib ravishda pasayadi, Markaziy bankning asosiy stavkasi oshirilgan taqdirda esa taʼlim krediti boʻyicha foiz stavkasi oʻzgarishsiz qoladi.

Mazkur tartib:

chet el fuqarolari va fuqaroligi boʻlmagan shaxslarga;
tijorat banklari tomonidan Jamgʻarma mablagʻlaridan tashqari boshqa manbalar hisobidan beriladigan taʼlim kreditlariga nisbatan tatbiq etilmaydi.

Tabaqalashtirilgan toʻlov-kontraktni va uning minimal miqdoriga teng bir martalik boshqa toʻlovlarni amalga oshirish uchun taʼlim krediti ajratilmaydi.

Rasmiy sahifalarimiz: Telegram | YouTube Ochish/sharhlash

2022-08-30 12:51:50
Denov tadbirkorlik va pedagogika institutida yangi 2022-2023-o‘quv yiliga tayyorgarlik ishlari qizg‘in davom etmoqda.

Rasmiy sahifalarimiz: Telegram | YouTube Ochish/sharhlash

2022-08-30 12:20:05 #dayjest

Yosh diplomatlar Senat faoliyati bilan yaqindan tanishdi.

Qirg‘izistonning Cho‘lpon-Ota shahrida 2022-yilning 25–26-avgust kunlari Mustaqil Davlatlar Hamdo‘stligi va Yevroosiyo iqtisodiy ittifoqining “Kelajak” yoshlar forumi bo‘lib o‘tdi. Unda Yoshlar ishlari agentligi hamda “Yoshlar — kelajagimiz” jamg‘armasi vakillari ham ishtirok etdi.

29-avgust kuni AndDUda o'quv ishlari bo'yicha prorektor magistrantlar bilan ochiq muloqot o'tkazdi.

TDTrU Xalqaro taʼlim dasturlari doirasida Belarus milliy texnika universiteti bilan hamkorlikda 2022-2023 oʻquv yili uchun qabul davom etmoqda.

TDAUda Koreya bilan hamkorlikda asalarichilik resurslarini rivojlantirish bo‘yicha yangi loyiha ishlab chiqildi.

Rasmiy sahifalarimiz: Telegram | YouTube Ochish/sharhlash

2022-08-30 09:30:49 #tyutor_BuxDU

TYUTORLIK — YANGI OʼZBEKISTON TАLАBАLАRI BILАN ISHLАSHDА INNOVАTSION USLUB
(OTM tyutorlari, targʼibotchilar va keng jamoatchilik uchun uslubiy material)
5-audio ma'ruza

#Аmonov_Аzizbek_Аmonjonovich - BuxDU Yoshlar masalalari va maʼnaviy-maʼrifiy ishlar boʼyicha Birinchi prorektori, sotsiologiya fanlari boʼyicha falsafa doktori (PhD)

Rasmiy sahifalarimiz: Telegram | YouTube Ochish/sharhlash

2022-08-30 07:24:37 Qoraqalpogʻistondagi talabalar uchun qulayliklar yaratilmoqda

Vazir Qoraqalpogʻiston Respublikasidagi oliy taʼlim muassasalarining yangi oʻquv yiliga tayyorgarlik holatini borib koʻrdi.

Batafsil

Rasmiy sahifalarimiz: Telegram | YouTube Ochish/sharhlash

2022-08-29 15:26:24 #Mustaqillikning_31_yilligi

Yangi O‘zbekistonda el aziz, inson aziz!

batafsil

Rasmiy sahifalarimiz: Telegram | YouTube Ochish/sharhlash

2022-08-29 13:18:08 TATU Nukus filiali talabasi "TechnoWays" texnologik rivojlanish marafonida 3-o'rin sohibi bo'ldi

"InnoWeek-2022" innovatsion g'oyalar haftaligi doirasida Qoraqalpog'iston Respublikasida "TechnoWays" texnologik rivojlanish marafoni o'tkazildi.

Ushbu marafonga jami 41 nafar iqtidorli yoshlar o‘zlarining innovatsion g'oyalari va ishlanmalari bilan ishtirok etishib, 3 nafar eng yaxshi loyiha egalariga eng so'nggi rusumdagi noutbuk va 3D printerlar sovg'a qilindi.

Muhammad al-Xorazmiy nomidagi Toshkent axborot texnologiyalari universiteti Nukus filiali talabasi Niyetbaev Shingiz ushbu innovatsion ko'rgazmada faol ishtirok etib, o'zi yaratgan "Aqilli dori qutisi" loyihasi bilan 3-o'rin sohibi bo'ldi. Shuningdek, tashkilotchilar tomonidan diplom va 3D Printer bilan mukofatlandi.

Rasmiy sahifalarimiz: Telegram | YouTube Ochish/sharhlash

2022-08-29 11:10:34 Toʻlov-shartnomalarni olish toʻliq raqamlashtirildi

Ma’lumki, Oliy va o‘rta maxsus ta’lim vazirligi tizimida barcha jarayonlar raqamlashtirilib, abituriyentlar va talabalarga qulay sharoitlar yaratilmoqda.

Endilikda, birinchi bosqichga tavsiya etilgan talabalar ham yangi o‘quv yilining birinchi kunidan boshlab to‘lov-shartnomalarni elektron shaklda, ortiqcha ovvoragarchiliklarsiz onlayn olishlari mumkin.

Buning uchun vazirlikning kontrakt.edu.uz platformasidan foydalangan holda shartnomani osongina yuklab olish talab etiladi.

Shuningdek, belgilangan o‘tish balini to‘play olmagan, ammo tabaqalashtirilgan to‘lov-shartnoma asosida o‘qish istagini bildirgan talabgorlar uchun ham kontrakt.edu.uz platformasi orqali onlayn ariza berish va shartnomani onlayn rasmiylashtirishga yangi o‘quv yilining birinchi kunidan boshlab imkoniyat beriladi.

Platforma orqali ariza berish hamda shartnomani rasmiylashtirish jarayonlarini masofaviy amalga oshirish tartibi va muddatlari bo‘yicha batafsil ma’lumot beriladi.

2022-yil 5-sentabrdan boshlab barcha bosqich talabalari (bakalavr, magistr, superkontrakt) to‘lov-shartnomani onlayn yuklab, to‘lovni amalga oshirishlari mumkin.

Rasmiy sahifalarimiz: Telegram | YouTube Ochish/sharhlash