Файзбоғ (ТемурМалик)

2021-12-20 12:15:19 UzAuto Motors февралгача Nexia, Spark, Cobalt ва Lacetti автомобилларини сотмайди

UzAuto Motors компанияси 20 декабрдан 1 февралга қадар бўлган муддатда Nexia, Spark, Cobalt ва Lacetti автомобилларини сотиш бўйича янги аризалар қабул қилишни тўхтатди, деб хабар берди компания матбуот хизмати.

Бу вақтда компания октябрь, ноябрь ва декабрь ойларида тузилган шартнома мажбуриятларини бажаради.

«Айнан шу мақсадда завод белгиланган муддатда ишлайди. Бу қарорни қабул қилиш биз учун осон бўлмади, аммо ҳозирги шароитда компания аввал берилган буюртмалар бўйича автомобилларни ишлаб чиқаришни ўзининг устувор вазифаси деб билади. Вақтинчалик янги автомобилга буюртма бера олмаган потенциал харидорларимиздан чин дилдан узр сўраймиз», — дейилади хабарда.

@fayzboguz Ochish/sharhlash

2021-12-20 11:59:12 #top_izoh

“Хусусий секторга сотилади, тўғри. Лекин ўша хусусий сектор ким? Сангиновнинг ўғли, Парпиевнинг укаси, Ортиқхўжаевнинг жияни, Ариповнинг холаваччаси, Иноятовнинг қариндош-уруғи, хуллас бегона одам ололмайди хусусий қилиб. Сиз айтаётган хусусий бўлиши кутилётган "ёғли жойлар" аллақачон ўзаро бўлиб олинган”.

Ҳар бир пост остида ёзилган энг яхши изоҳни каналга чиқаришга ҳаракат қиламиз. Муҳокамаларда фаолроқ бўлинг!

@fayzboguz Ochish/sharhlash

2021-12-20 10:40:45 Ўзбекистонда монополияларнинг мутлақ ҳуқуқлари бекор қилиниши мумкин

Монополияга қарши кураш қўмитаси "Рақобат муҳитига салбий таъсир кўрсатадиган тўсиқларни бартараф этиш ва тадбиркорлик фаолияти йўналишларини янада кенгайтириш чора-тадбирлари тўғрисида"ги Президент қарори лойиҳасини ишлаб чиқди.

Унда 2022 йил 1 июлдан бошлаб аэропортлар, йўл қурилиши, электр ва иссиқлик энергияси ишлаб чиқариш, иссиқлик таъминоти, нефть маҳсулотларини сотиш ва бошқа соҳалардаги давлат улушларининг хусусий секторга босқичма-босқич сотилиши назарда тутилган.

Шунингдек, ҳужжатда хусусий секторни кенг жалб этиш ва монополияларнинг алоҳида ҳуқуқларини бекор қилиш бўйича 2022–2026 йилларга мўлжалланган чора-тадбирлар режасини тасдиқлаш таклиф этилган.

@fayzboguz Ochish/sharhlash

2021-12-20 08:57:34 22 декабрь куни Тошкентда йирик кинотақдимот ўтказилади

22 декабрь куни Киночилар уйида Ўзбекистон Кинематография агентлиги, Ўзбекистон Киноарбоблари ижодий уюшмаси томонидан анъанавий “Олтин Ҳумо” миллий кинотақдимоти бўлиб ўтади. Тақдимотда ғолиблар 16та номинация бўйича тақдирланиши кутилмоқда.

Мазкур кинотақдимот дастуридан 2019-2020 йиллар суратга олинган фильмлар ўрин олган бўлиб, тадбир кино соҳасида фаолият юритаётган ижодкорларнинг меҳнатларини муносиб баҳолаш мақсадида ташкил этилмоқда.

@fayzboguz Ochish/sharhlash

2021-12-20 08:35:20 Иқтисодий кўрсаткичлар икки нарсанинг - сиёсий қарорларнинг ва жамиятдаги рағбатларнинг (кишиларни у ёки бу иқтисодий хатти-ҳаракатга ундовчи омилларнинг) натижасидир. Ўз навбатида, сиёсий қарорлар рағбатларга ва рағбатлар сиёсий қарорларга таъсир қилади.

Сиёсий қарорларнинг иқтисодий оқибатлари бўлади, дегани, 2+2=4 дегандек гап. Айни пайтда, иқтисодий кўрсаткичлар шунчаки статистика эмас, кишиларнинг реал ҳаётини, турмуш шароитларини ва улардаги ўзгаришларни акс эттирувчи сигналлардир.

Энди сиз бирор сиёсий хатонинг ёки бирор давлат раҳбарининг чиқарган қарорлари ва амалга оширган реформаларининг иқтисодий оқибатлари ҳақида гапирганингизда, бир (гуруҳ) инсоннинг жуда кўплаб инсонлар ҳаётига кўрсатаётган таъсири (масалан, инсонларни камбағаллаштираётгани, ҳаётига хавф туғдираётгани, ўзаро муносабатларига путур етказаётгани ва ҳ.к.) ҳақида гапираётган бўласиз.

Шунинг учун турли манипулятор ва полемистларнинг "иқтисодий кўрсаткичлар унчалик муҳим эмас", "жамиятнинг маънавий ўзлиги - бирламчи" ва ҳ.к. деган маънодаги сафсаталарига алданиб қолманг. Чунки бундайлар одатда ҳақиқатнинг бир қисмини тилга келтириш (ва бироз ёлғон аралаштириш) билан қолган қисмидан эътиборни чалғитиш санъатини яхши уддалайдилар. Ичида ҳақиқат бўлган ёлғон эса "тоза" ёлғондан кўра хавфлироқдир.

Беҳзод Алимов

@fayzboguz Ochish/sharhlash

2021-12-19 20:34:52 Учинчидан, бу келишув лойиҳаси РФнинг Украина ва постсовет ҳудудида режаланаётган агрессив сиёсатига ҳуқуқий база яратиш учун қадам бўлиши ҳам мумкин. Яъни «Биз ўзимизни ҳимоя қилиш учун келишув таклиф қилдик. Лекин АҚШ/НАТО бу келишувни рад этди ва бизни қўршаб олишда давом этмоқда. Жиддий қадамлар ташлашдан бошқа чорамиз қолмади» дейиш учун асос яратаётган бўлиши эҳтимоли юқори.

Россия коллектив Ғарб билан стратегик курашда шундай нуқтага келдики, бугун Москва учун йўқотилиши мумкин бўлган ҳолатлар жуда кам. 2014 йилда Қримнинг Россия томонидан аннексия қилиниши натижасида коллектив Ғарб РФга қарши ўта жиддий ва ҳолсизлантирувчи санкциялар жорий қилди.

Бугун Россияда АҚШ, Украина, коллектив Ғарбга нисбатан жуда кучли ғазаб кайфияти жамланган. Чунки кейинги 5-6 йилда Россиядаги ижтимоий кайфият, Путиннинг рейтинги муттасил тушиш тенденциясига эга. Бунга, жумладан, Ғарб санкциялари ҳам каттагина ҳисса қўшди. Мана шу фонда Россия Ғарб билан курашни сифат жиҳатидан янги даражага чиқариш учун ҳуқуқий-дипломатик чоралар кўраётган бўлиши мумкин.

Бу ўринда ким ҳақ, ким ноҳақ деган савол пайдо бўлиши ҳам табиий. Ҳар бир тарафнинг ўз ҳақиқати мавжуд. Украина учун – Европа Иттифоқи ва НАТОга аъзо бўлиш ва бу билан эркин, ҳуқуқий ва хавфсиз давлат шакллантириш – бу украин давлати ва жамиятининг танлови, эрки ва қадр-қиммати ҳисобланади. Украинларга кўра, Россиядан узоқлашиш ва Европага яқинлашиш эркин ва фаровон ҳаётнинг шарти деб қабул қилинади.

Россиянинг ҳақиқати ҳам бор. Россия ўзининг хавфсизлигини таъминлаш учун НАТОнинг кенгайишидан асосли қўрқади. НАТОнинг кенгайиб боравериши натижасида РФ жиддий иҳоталаниши, Қора денгизга чиқа олмай қолишидан қўрқади. Агар келажакда Кавказ ва МО давлатлари ҳам НАТО билан ҳамкорликни кучайтирса, айниқса, бу ташкилотга аъзо бўлса, бу РФнинг тўлиқ қуршовда қолганлигини англатади. Натижада РФнинг ҳар қандай эҳтимолий урушлар, тўқнашувларда сиёсий-психологик даражада ютқазганлигини англатади.

Шу сабаб ҳам, бу ўринда мустақил давлатларнинг қадр-қиммати ва Россия Федерациясининг стратегик хавфсизлиги масаласи тўқнашмоқда. Ва бу тўқнашувда томонларнинг келишувга эришиш эҳтимоли жуда паст. Бунинг учун Украина ўзининг миллий орзусидан, стратегик курсидан воз кечмайди. РФ ҳам ўзининг АҚШ/НАТОга бўлган ишончсизлигидан воз кечмайди.

Ўзбекистон учун эса РФнинг юқоридаги лойиҳаси анча хавотирли сигнал. Чунки Ўзбекистон МО минтақасида геосиёсий мустақиллик даражаси энг юқори бўлган давлат ҳисобланади. Ўзбекистон РФ билан ҳам, Хитой Халқ Республикаси билан ҳам, коллектив Ғарб билан ҳам эркин ва манфаатли ҳамкорликни истайди.

Бу ҳамкорлик нафақат иқтисодий соҳа, балки хавфсизлик ва геосиёсий ҳамкорликни ҳам назарда тутади. Шунинг учун РФ Ташқи ишлар вазирлигининг юқоридаги лойиҳаси Ўзбекистоннинг давлат мустақиллиги, геосиёсий мустақиллиги учун асосли равишда босим ёки таҳдид сифатида қабул қилиниши мумкин. Лекин, табиийки, бу лойиҳани на постсовет ҳудуди, на НАТО расмий даражада қабул қилади. Бу ўринда фақатгина бугунги Беларус истисно бўлиши мумкин. Унда ҳам, қисқа муддатга.

Камолиддин Раббимов,
сиёсатшунос

Манба

@fayzboguz Ochish/sharhlash

2021-12-19 20:34:35 "Россия ультиматуми: икки томон манфаатлари тўқнашганда"

17 декабрь куни, Россия Федерациясининг Ташқи ишлар вазирлиги расмий сайтида «Хавфсизликни таъминлаш борасида РФ ва НАТОга аъзо давлатлар ўртасидаги келишув» номли ҳужжат лойиҳаси эълон қилинган. Яъни Кремль НАТО давлатларига, энг аввало, НАТОнинг энг асосий аъзоси, устун давлати бўлмиш АҚШга келишув таклиф қилмоқда.

Келишувда нималар таклиф қилиняпти?

Келишув лойиҳасига кўра, НАТО бундан кейин постсовет ҳудуди ҳисобига кенгаймаслиги керак. Украина, Кавказ ва Марказий Осиё давлатларининг НАТОга аъзолик интилишлари рад этилиши, НАТО билан ҳарбий ҳамкорлик, ҳарбий-ўқув машқлари тўхталиши зарур. Яъни НАТО ва унга аъзо давлатлар постсовет ҳудудида, хусусан, Марказий Осиёда Россия Федерациясининг раъйи асосида, ўз фаолиятларини тўлиқ тўхтатиши керак.

Собиқ СССР қулаганига 30 йилдан ошди, В.Путиннинг РФ ҳокимиятга келганига эса шу декабрда 22 йил тўлади. Шу пайтгача Россия сиёсатчилари, давлат раҳбарлари томонидан НАТО кенгайишига қарши оғзаки эътирозлар доимий равишда янграб келди. Лекин махсус келишув шаклида, ёзма матн шаклида биринчи марта ТИВ сайтида лойиҳа таклиф қилинмоқда.

Табиийки, бу келишувни Вашингтон ҳам, Брюссел ҳам қабул қилмайди. НАТОга аъзо давлатлар бу ташкилотнинг мафкурасини, фаолият доирасини ўтган уч ўн йилликда расмий даражада кенгайтиришди. Бугун НАТО фақат РФни тергаб туриш мақсадидаги ҳарбий блок эмас. Бу ташкилотнинг глобал хавфсизлик, глобал даражадаги геосиёсий ҳамкорлик, терроризмга қарши кураш, қолаверса, агрессив деб қабул қилинадиган авторитар Хитой Халқ Республикаси томонидан истиқболда кутиладиган глобал лойиҳаларига коллектив қарши туриш ва бошқа вазифалар киради.

Қолаверса, Украина ва Грузия, аллақачон НАТОга аъзолик учун расман ариза берган давлатлар ҳисобланади ва энди РФнинг талаби билан уларнинг сўрови бекор қилинмайди.

Россия Федерацияси ва Украина ўртасидаги стратегик зиддиятнинг замирида ҳам Украина давлатчилиги ва халқининг интилиши туради. Украина жамияти учун Европа Иттифоқига тезроқ аъзо бўлиш ва ўз хавфсизлигини НАТО орқали таъминлаш – умуммиллий умидга айланиб бўлган. Бугун бирон бир сиёсатчи Украинанинг мана шу орзусини инкор қила олмайди, Европа Иттифоқи ва НАТОга интилишини ўзгартира олмайди.

Орадан шунча вақт ва зиддиятлар ўтиб, РФнинг бундай келишув лойиҳаси билан чиқишидан мақсад нима бўлиши мумкин? Менимча, РФ ўзининг АҚШ ва НАТО билан курашишдаги стратегиясини, ахборот-психологик тактикасини ўзгартиряпти.

Биринчидан, Москва шу пайтгача қўшни давлатларда, дунё ҳамжамияти нигоҳида Украина, Грузия ва бошқа давлатларга нисбатан агрессор сифатида қабул қилиниб келинди. Энди Россия шундай ахброт сиёсатини бошлаяптики, у ўзини АҚШ/НАТОнинг қурбони сифатида кўрсатиш учун юқори сиёсий-дипломатик даражада қадамлар ташлаяпти. Яъни «Мен агрессор эмасман, аксинча, мени қуршаб, қамал қилишмоқда. Мен ўзимни ҳимоя қилмоқдаман!» деган ахборот-сиёсий оҳангни сифат жиҳатидан янги даражага кўтармоқчи.

Иккинчидан, РФ ўзининг бу лойиҳаси, оҳанги билан бугунги кунда НАТОга аъзо давлатлар орасида мавжуд турфа қарашлар, сезиларли зиддиятларни парваришлаш ниятида. Маълумки, НАТОнинг кенгайиши борасида АҚШ бир позицияда бўлса, Франция ва Германия бошқачароқ позицияда. Расмий Париж ва Берлин, Россия билан кучли кескинлик тарафдорлари эмас.

Айниқса Франция Москва билан келишувга мойиллиги анча юқори бўлган давлат ҳисобланади. Чунки Париж ҳар доим Вашингтондан бироз масофа сақлаш тарафдори бўлган. Голлизм мафкурасига кўра, Париж учун имкон қадар Вашингтон ва Москва ўртасида мувозанат сақлаш мақсадга мувофиқ кўрилади. Демак, бу келишув лойиҳаси билан Кремль НАТОга аъзо давлатлар ўртасидаги зиддиятларни кучайтиришга интилаётган бўлиши мумкин.

Давоми кейинги постда


@fayzboguz Ochish/sharhlash

2021-12-19 13:33:16 «Уйда ёлғиз» — Кевин ва унинг оиласи янги йил арафасида ва байрамдан кейин бутун дунё бўйлаб ҳар бир уйда энг ёқимли меҳмонларга айланади. «Уйда ёлғиз» филми ҳикояси ҳақида сиз билмаган нарсаларни айтиб бериш вақти келди. Сиз учун жуда қизиқарли маълумотлар тайёрлаганмиз.

Ушбу видеода, барчанинг суюкли қаҳрамони Маколей Калкин роль ўйнаган дастлабки икки фильм ҳақида суҳбатлашамиз.

@fayzboguz Ochish/sharhlash

2021-12-19 10:42:15 Ўзбекистон ХДП расмий сайтида қуйидаги сатрлар мавжуд:

«Ўзбекистон Халқ демократик партиясининг асосий мақсади қуйидагилардан иборат:

– Ўзбекистон Республикасининг ижтимоий қўллаб-қувватлашга ва ҳимояга эҳтиёжманд фуқаролари манфаатларини ифодалайди ва ҳимоя қилади. Булар – иқтисодиётда банд бўлмаган меҳнатга лаёқатли аҳоли, ижтимоий қўллаб-қувватлашга эҳтиёж сезадиган ва ишга жойлашишда қийинчиликларга дуч келаётган одамлар; доимий иш жойи ва муқим маошга эга бўлмаган аҳоли қатлами, бошқа ижтимоий соҳаларнинг ходимлари ва мутахассислари, кам таъминланган ва кўп болали оилалар, пенсионерлар ҳамда имкониятлари чекланган кишилар».

ХДП ўз мафкурасига кўра, халқчил, сўл партия ҳисобланади. У иқтисодиётни миллийлаштириш, корпорацияларни йўқ қилиш, аҳоли даромадларини тенглаштириш тарафдори. Партия ўз идеологик йўналишига мос ишлар бажарса, кўпчиликнинг меҳрини қозониши, партиялар ўртасида рақобатбардош муҳитни шакллантириши мумкин. Масалан, ишсизлик муаммосини кўтариб, тадбирвозлигу концертларга йўналтирилаётган миллиардларни ишсизлик нафақаси учун ажратиш таклифини ўртага чиқариши мумкин эди. Шунингдек, яқинда "Қўйлиқ" бозорида минглаб одамни сарсон-саргардон қилган кўчириш ҳақидаги қарорни танқид қилганда, ўзининг электорати олдида юзи ёруғ бўларди.

Аммо ХДП депутати Мақсуда Ворисова бир неча кундан буён ижтимоий тармоқларда кўплаб эътирозларга сабаб бўлаётган чиқишлар қилишдан тинмаяпти. Яқинда носвойни тақиқлаш таклифи билан чиққан депутат, энди пивонинг зарарлари ҳақида мақола чоп этиб ўтирибди. Бугунги ижтимоий ҳолатимизни инобатга оладиган бўлсак, аҳоли орасида ХДПга талаб ва эҳтиёж юқори бўлиши, бундан эса партия аъзолари унумли фойдалана олишлари керак эди. Бироқ, айни дамда партия вакиллари бутунлай бошқа реаликда яшамоқда. Бу, қайта-қайта такрорлаганимиздек, партияларимиз ўз номларига мос сиёсий идеологияларга эга бўлмаганлиги билан боғлиқ.

Янги Ўзбекистонни янги кадрлар билан қуриш керак, деган фикрни аввал ҳам айтганман. Сиёсий онги собиқ шўролар, кейинроқ эса Каримовнинг диктатурасида шаклланган шахслар билан замонавий демократик давлат қуриб бўлмайди. Агар амалдаги ҳокимиятнинг режасидан демократиянинг "демо" версиясини яратиш, ташқи ва ички фаол кузатувчилар кўз ўнгида "Янги Ўзбекистон" номли сохта портрет чизиш ўрин олмаган бўлса, ҳокимиятнинг барча нуқталарида замонавий сиёсий тендецияларни тушунадиган кадрларга имконият яратиб бериши лозим.

@fayzboguz Ochish/sharhlash

2021-12-19 10:08:11 ​ Yaxshi pul topish uchun DIPLOM SHART EMAS!
Buni “Men kimman?” ko’rsatuviga intervyu bergan 75% yoshlar isbotladi. O’z muvaffaqiyatlari haqida so’zlaganlar 10-15 daqiqada kasb-hunarlarining eng nozik tomonlari haqida ham gapirib, ba’zi sirlarini ochishga ham ulgurishdi.
Qizig'i, 30 yoshgacha bo’lganlar safida oyiga 10 000$ gacha topadiganlari ham bor!

Quyidagi videolar e’tiboringizga arziydi:
29 yoshli videografist – G’olibjon Sanaqulov (5 000$ gacha)
28 yoshli zargar – Sultonmurod Farhodov (2 500$ gacha)
28 yoshli bastakor – Husniddin Toshmurodov (1 000$ gacha)
28 yoshli poligrafist – Sarvar G’ayratov (3 000$ gacha)
27 yoshli buxgalter - Dostonbek Alimardonov (10 000$ gacha)
26 yoshli jurnalist – Sarvarbek Bahodirov (6 000$ gacha)
26 yoshli dasturchi – Umidjon Ortiqov (10 000$)
26 yoshli sartarosh – Otabek Po’latov (7 000$ gacha)
26 yoshli DJ – Shohrux Sirajov (4 000$ gacha)
26 yoshli teleoprator – Shavkat Ubayev (1 500$ gacha)
25 yoshli asalarichi – Mashrab Tolipov (5 000$ gacha)
25 yoshli montajchi – Kozimjon Samug’jonov (1 000$ gacha)
22 yoshli hunarmand – Muxlisa Xolmirzayeva (800$ gacha)
21 yoshli fotograf – Abdurashid Husanov (1 500$ gacha)
14 yoshli treyder – Ruxshona Anvarjonova (1 400$ gacha)

O'zbekiston Respublikasi Yoshlar ishlari agentligi tomonidan davlat ijtimoiy buyurtmasi asosida moliyalashtirilgan loyihani "Ijtimoiy Media Loyihalar Markazi" NNT amalga oshirib kelmoqda. Ochish/sharhlash