Файзбоғ (ТемурМалик)

2021-12-28 12:44:07 Ураааа, қўшни маҳаллада свет келди!

@fayzboguz Ochish/sharhlash

2021-12-28 12:36:20 Бугун уйимизда WiFi ўчиб қолди. Счётини текширдим, вроде ойни охиригача тўлаб қўйилган. WiFi устасига сим қоқдим ва муаммони айтдим. "Қўшни маҳаллада офисимиз бор, ўша ерда свет ўчиб қолган экан, шунга ишламаяпти. Бир пасдан кейин свет келса, ишлаб кетади", дея жавоб берди уста.

Мана шунақа гаплар. Энди нафақат ўзимизда, балки қўшни маҳалладаям свет ўчмаслигини сўраб, дуо қилиб ўтиришим керак)

@fayzboguz Ochish/sharhlash

2021-12-28 12:04:26 Hurmatli mijozlar!

Bayram kunlari ham onlayn bank xizmatlari Siz bilan birga.

Yaqinlaringizga bayramga pul yubormoqchimisiz ?
Agrobankning onlayn xalqaro pul o'tkazmalaridan foydalaning.

Rossiyadan O'zbekistonga pul yuborish uchun TKB - bank, CберБанк Онлайн hamda Agrobankmobile ilovalari orqali,

Janubiy Koreyadan: Hana bankning “Hana EZ” ilovasi orqali.

"Золотая корона" onlayn pul o'tkazmasi orqali istalgan davlatdan kartangizga pul qabul qilishingiz,

Shuningdek, "VISA Direct" xizmati orqali barcha davlatlardan pul qabul qilishingiz va dunyoning 99 dan ortiq davlatiga o'tkazishingiz mumkin. Ochish/sharhlash

2021-12-28 06:54:30 «Янги Ўзбекистон» боғига олиб борувчи кўчага Янги Ўзбекистон деб ном берилади

Тошкент ҳокими Жаҳонгир Ортиқхўжаев халқ депутатлари шаҳар кенгашининг 24 декабрь куни бўлиб ўтган сессиясида Янги Ўзбекистон кўчаси лойиҳасини тақдим этди.

Шаҳар ҳокимининг сўзларига кўра, Янги Ўзбекистон кўчасига туташ ҳудудларнинг замонавий меъморий қиёфасини шакллантириш учун Вазирлар Маҳкамаси ҳузурида махсус дирекция ташкил этилган. Ҳозирда «ТошбошпланЛИТИ» институти ва Туркиянинг KEYM компанияси томонидан лойиҳанинг бош режаси ишлаб чиқилмоқда.

«Мазкур ҳудудда савдо-маиший ва сервис мажмуалари, меҳмонхоналар, университет, спорт майдончалари, мактаблар ва болалар боғчалари, турар жой объектлари ва бизнес марказлари қурилиши режалаштирилган», — дея маълум қилди Жаҳонгир Ортиқхўжаев.

@fayzboguz Ochish/sharhlash

2021-12-27 21:00:42 Дўконда касса олдида турибман. Тўловни пластикда амалга оширмоқчи бўлиб, картани кассирга узатдим. У картани терминалга қўйди-да, мендан: "Коди неччи?" деб сўради. Мен тушунмагандай атрофга алангладим, у эса мендан кўзини узолмай ўтирарди.

"Коди неччи?" — яна такрорлади у. Бу сафар унинг овози сал жиддийроқ ва баландроқ оҳангда янгради. Энди нафақат кассир, балки ёнимизда навбатда кутиб турган барча мижозлар менга тикилиб турарди. Менинг нигоҳларим фақат бир саволни билдириб турарди: "Қандай қилиб ўзимнинг шахсий картам паролини бегона инсонга беришим мумкин?". Атрофимдаги одамларнинг нигоҳларида эса: "Вақтни чўзмай, тезроқ кодни айт, аҳмоқ!", деган маънони уқиш мумкин эди.

Сўнг Москвадан 3500 км узоқда эканлигим эсимга тушди-да, қалбимдаги бу тушунарсиз туйғу ўтиб кетди. Кассирга қараб сокинлик билан: "Ноль-бир, ноль-бир", дедим. Кассир ҳам, ёнимдаги одамлар ҳам жавобимдан мамнун бўлишди. Уларнинг иши ўша кезда битган эди. Мен эса зудлик билан карта паролини алмаштиришим кераклигини ўйлардим...

P.S. Лайфхак: мабодо, келажакда чет элга чиқиб, бирон бир супермаркетда кассир бўлиб ишга кирмоқчи бўлсангиз, мижоздан картаси паролини асло сўраб кўрманг, у сизни бу ишингиз учун мелисага топширвориши мумкин)

@fayzboguz Ochish/sharhlash

2021-12-27 14:32:42 #top_izoh

Светофорни яшил чироғи ёнганда ҳам юришдан аввал ўнг ва чап тарафларимдаги машиналар қизил чироқда тўхтаганига ишонч ҳосил қилгач машинамни юргизишимни биламан, қаттиқ сигнал овозидан қўрқиб кетдим — тўхтаб турган машиналар орасидан тез келаётган Ласетти олдимдан учиб чиқди.

Орқада ўтирган аёлим ва фарзандим, бутун ҳаётим кўз ўнгимдан ўтиб кетди. Мен адашдим шекилли, деб светофорга яна қарадим. Йўқ, унинг йўли ҳали ҳам қизил эди.

@fayzboguz Ochish/sharhlash

2021-12-27 11:03:13 Хушнудбек Норвегиядаги йўл хавфсизлигига бўлган муносабат ҳақида ёзибди. У ерда ҳайдовчилик гувоҳномасини олиш учун 3000 евродан зиёд маблағ сарфлаш керак экан, бунинг устига имтиҳонларидан ўтиш ҳам ўта машаққатли вазифа.

Бундан ташқари, жарималари ҳам жуда қиммат. Масалан, белгиланган тезликни соатига 20 км.га оширсангиз, 1000 евро жарима тўлашингизга тўғри келади. Пулингиз йўқ бўлса, 1 сутка қамоқда ётишга мажбурсиз. Маҳаллий аҳоли шунча пул тўламаслик учун кўпинча иккинчи йўлни танлашаркан.

Мен бизда ҳам худди шундай тизим яратилиши керак демоқчи эмасман, лекин йўллардаги тартибсизликларни кўриб, ўзимизнинг "мамкин шумахерлар"га қарши жиддий чоралар кўриш керак, деган қатъий фикрдаман. Олдин бундай қатъий чораларни ёқламасдим, аммо ўзим шахсан ҳайдовчиларнинг йўлларга, одамларга, бошқа мошиналарга бўлган хунук муносабатига гувоҳ бўлгач, бизда фақат шундай қаттиққўллик йўли орқали тартиб ўрнатилиши мумкин, деган қарорга келдим.

Бир куни битта дўстимга 5 йил Москвада ҳайдаб келганман десам, у "стажинг" бу ерга ўтмайди, бир кўчага чиқ, кейин тушунволасан, деганди. Мана энди дўстим қанчалик ҳақ бўлганини ўз кўзим билан кўриб келяпман. Кеча олдимда юрган иккита ҳайдовчи битта йўлни талашиб қолиб, йўлни ўртасида бир-бири билан уришиб кетса бўладими... Қизил чироқда бемалол тўхтамай ўтиб кетишлари ҳақида аввалроқ ҳам ёзганман. Мен Москвада 5 йил мошина ҳайдаб, ҳайдовчилик тажрибамни ошириб келдим. У ерда ҳайдовчилар жаримага тушмаслик учун бор вужуди билан ҳаракат қилади, қолаверса одамларда маданият бор, бир-бирига бўлган ҳурмати юқори, маза қилиб мошина ҳайдайсиз. Бу ерда эса ўта тартибсиз.

Жарималар миқдорини оширишмаса ҳам майли, лекин йўлларда камералар сонини кўпайтиришсин, ҳар бир жойда кузатув камераларини ўрнатишсин, у хоҳ шаҳар бўлсин, хоҳ чекка жой. Ва албатта, энг муҳими, ҳайдовчилик гувоҳномаси билан боғлиқ коррупцион ҳолатларга қарши жиддий курашишсин.

Биламан, айрим ҳайдовчиларга гапларим ёқмаслиги мумкин, менга ҳам йўллардаги "наглый" ҳайдовчилар ёқмайди. Мен кўчага чиқишга қўрқиб қолдим, қачонгача давом этади бу?! Бизга хавфсиз шаҳар керак.

@fayzboguz Ochish/sharhlash

2021-12-27 07:34:57 Мис саноатидан олинадиган даромад 2,5 миллиард долларни ташкил этади

Қайд этилишича, сўнгги 5 йилда ОКМК мис ишлаб чиқариш ҳажмини сезиларли даражада оширди. 2017 йилда 109 885 тонна мис ишлаб чиқарилган бўлса, ҳозирги кунда комбинат 148,5 минг тонна мис ишлаб чиқармоқда. 

“Ёшлик 1 конини ўзлаштириш” инвестиция лойиҳаси тўлиқ ишга туширилгач, 2029 йилга бориб комбинат 400 минг тонна катодли мис, 50 тонна олтин, 270 тонна кумуш ишлаб чиқаришга эришади.

Маълум қилинишича, бугунги кунда ишлаб чиқарилаётган миснинг 60-70 фоизи хомашё сифатида хориж давлатларига экспорт қилинади. Ўзбекистоннинг мис саноатидан оладиган даромади айни пайтда 2,5 миллиард долларни ташкил этади. 

“Агар 2029 йилга келиб мис ишлаб чиқаришни 400 минг тоннагача оширишга эришсак, бу кўрсатгични ҳисобига 7-8 миллиард АҚШ долларига етказиш мумкин бўлади”, дейилади хабарда. 

@fayzboguz Ochish/sharhlash

2021-12-26 20:04:50 Истанбулда совуқ ҳавода кўча итларига метро ичкарисида ва дўконларда ухлаб, исинишига рухсат берилар экан.

Улар одамлардан кўча ҳайвонларини ҳурмат қилишни талаб қиладилар. Ҳайвонлар мунтазам озиқланади, эмланади ва давлат томонидан ҳимоя қилинади. Жамоат жойларида эса ҳайвонлар одамларга дўст эканлиги ҳақида ёзувлар мавжуд.

@fayzboguz Ochish/sharhlash

2021-12-26 17:22:00 Андижон вилояти ҳокими "Ҳоким ёрдамчилари"нинг униформаси учун 855 млн сўм ажратди

Маълумотларга кўра, вилоят бюджетининг захира жамғармаси маблағлари ҳисобидан, вилоят кўп тармоқли тиббиёт марказига — 970 500 (тўққиз юз етмиш миллион беш юз) минг сўм миқдорида маблағлар ажратилган.

Шунингдек, вилоят маҳаллий бюджети даромадлар режасининг 2021 йил 3-чорак якуни бўйича орттириб бажарилган қисми ҳисобидан — вилоят маҳалла ва оилани қўллаб-қувватлаш бошқармасига “Ҳоким ёрдамчи”ларининг униформаси учун 855 (саккиз юз эллик беш) миллион сўм, вилоят ҳокимлиги ишлар бошқармасига вилоят ҳокимлиги моддий техника базасини мустаҳкамлаш учун 130 (бир юз ўттиз) миллион сўм, жами 985 (тўққиз юз саксон беш) миллион сўм миқдорида маблағлар ажратилди.

@fayzboguz Ochish/sharhlash