23.5° бурчак остида

2024-04-04 08:29:41 Voxnews: Эрон Исроилга 48 соат ичида ҳужум қилиши мумкин

Нашрнинг ёзишича, Эроннинг ўнлаб юқори мартабали амалдорлари ва генералларини ўлимига сабаб бўлган Суриядаги Эрон консуллигининг вайрон бўлиши минтақадаги йирик урушга айланиш хавфини туғдиради.

Яқин Шарқдаги баъзи оммавий ахборот воситаларига кўра, Марказий разведка бошқармасининг Америка разведка хизмати Исроилни Эрон томонидан 48 соат ичида ҳарбий жавоб бўлиши мумкинлиги ҳақида огоҳлантирган.

Аввалроқ Эроннинг юқори мартабали амалдорлари мамлакат Исроилнинг консулликка ҳужумига жавоб бериш ҳуқуқига эга эканлигини айтиб ўтган эди.

Эрон ўз базалари орқали дронлар ва ракеталар "ёмғири" ёрдамида Исроил ҳудудидаги стратегик объектларга ҳужум уюштиришни режалаштирмоқда, дея хабар беради Al Mayadeen.

Сўнгги маълумотларга кўра, Исроил ҳаво кучлари аллақачон шай ҳолатга келтирилган. Минтақада GPS билан боғлиқ муаммолар бошланган.

@burchakostida Ochish/sharhlash

2024-04-04 06:50:07 Япониянинг Фукусима префектураси қирғоқларида 6,0 магнитудали зилзила содир бўлди.

@burchakostida Ochish/sharhlash

2024-04-04 05:55:45 Қирғизистонда содир бўлган зилзила кучи Ўзбекистонда сезилди

ФВВ Сейсмопрогностик мониторинг республика маркази хабарига кўра, 4 апрел куни Тошкент вақти билан соат 03:43 да Қирғизистонда 4 баллик зилзила содир бўлди. Зилзила эпицентри Тошкентдан 261 км шимоли-шарқда.

Зилзила Наманган вилоятининг Янгиқўрғон(2 балл) ва Чортоқ(2 балл) туманларида сезилган.

@burchakostida Ochish/sharhlash

2024-04-01 22:43:03 ОАВ: Туркия ҳуқуқ-тартибот идоралари ходимлари Истанбулда ИШИД номидан теракт тайёрлашда гумон қилинган Тожикистон ва Қирғизистон фуқароларини қўлга олди.

@burchakostida Ochish/sharhlash

2024-04-01 20:01:45 Ислом Инқилоби Қўриқчилари Корпуси генерали Муҳаммад Зоҳидий Исроилнинг Эрон консуллигига уюштирган ҳужуми натижасида ҳалок бўлди

Бу ҳақда Эроннинг Fars агентлиги хабар бермоқда.

Al Hadath телеканали маълумотларига кўра, Исроил ҳаво кучлари Эроннинг Дамашқдаги элчихонасини нишонга олиши ортидан камида саккиз киши ҳалок бўлган.

SANA агентлиги маълумотларига кўра, бино бутунлай вайрон бўлган.

Эрон элчиси жабрланмаган, дея хабар берди Sabrin агентлиги.

@burchakostida Ochish/sharhlash

2024-04-01 19:39:02 Харковдаги деярли барча муҳим инфратузилма объектлари вайрон қилинган — шаҳар мэри Игор Терехов

Терехов бу ҳақда Украинанинг Liga нашрига берган интервюсида маълум қилди. 

"Россия Харковга қарши 90 километр узоқликкача етиб борувчи янги турдаги снарядлардан фойдаланмоқда, лекин рус қўшинлари шаҳарга яқинлашмаган. Россия армияси Харковни Белгород вилояти ҳудудидан, асосан С-300 тизимларидан фойдаланган ҳолда ўққа тутмоқда. Харковга Россия томонидан қилинган ҳужум натижасида вайрон қилинган барча объектларни тиклаш учун 10 миллиард доллардан ортиқ маблағ керак бўлади", — дея таъкидлади Терехов.

Мэрнинг сўзларига кўра, айни пайтда Харковда 1,3 миллионга яқин аҳоли истиқомат қилмоқда ва улардан 150 мингдан ортиғи уруш натижасида уй-жойларидан маҳрум бўлган. Шу билан бирга, Терехов ҳозирда шаҳарни эвакуация қилиш учун асос йўқлигига ишонч билдирмоқда.

@burchakostida Ochish/sharhlash

2024-04-01 19:17:02 "Толибон" дан террорчи ташкилот мақомини олиб ташлаш масаласи кўриб чиқилмоқда, якуний қарорни Россия Федерацияси олий раҳбарияти қабул қилади — Россия Ташқи ишлар вазирлиги.

@burchakostida Ochish/sharhlash

2024-04-01 17:24:45 Москвадаги "Курск" вокзалидан одамлар эвакуация қилинди, ҳудудда ҳуқуқ-тартибот идоралари ишламоқда. Эвакуацияга нима сабаб бўлгани ҳозирча маълум қилинмади.

@burchakostida Ochish/sharhlash

2024-04-01 17:09:20 Эрон Россияни "Crocus City Hall" мсжмуасидаги ҳужумдан олдин террорчилик ҳужуми хавфи ҳақида огоҳлантирган — Reuters

Агентлик бу ҳақда учта манбага таяниб ёзмоқда.

"Терактдан бир неча кун олдин Эрон Москвага Россия ҳудудида содир бўлиши мумкин бўлган йирик теракт ҳақида маълумот берган. Бу маълумотлар мамлакатда аввалроқ содир бўлган террористик ҳужумлар бўйича ҳибсга олинганларни сўроқ қилиш чоғида олинган", — деди манбалардан бири.

19 январ куни Эрон ҳукумати ИШИД террористик гуруҳининг "Вилояти Хуросон" бўлими қўмондони ҳибсга олинганини эълон қилган эди. Эронда қўлга олинган террорчилардан бири гуруҳнинг баъзи аъзолари аллақачон Россияга жўнаб кетганини тан олган.

@burchakostida Ochish/sharhlash

2024-04-01 16:26:19 Россия ҳукумати "Толибон" ни Қозонда бўлиб ўтадиган "Россия-Ислом дунёси" форумига расман таклиф қилди

"Толибон" делегация 2023 йилнинг сентябрида ҳам Россия Федерациясига ташриф буюрган эди. Гуруҳ аъзолари Афғонистондаги вазиятни тартибга солишга бағишланган Москва форматидаги йиғилишда иштирок этишган.

@burchakostida Ochish/sharhlash