23.5° бурчак остида

2024-05-10 11:47:10 Исроил АҚШнинг ёрдамисиз ҲАМАСга қарши кураша олади — Исроил бош вазири Бинямин Нетаняху.

@burchakostida Ochish/sharhlash

2024-05-10 11:05:27 Молдова армияси май ойида захирадаги ҳарбий хизматчилар учун ўқув машғулотларини ўтказади, уларнинг маҳоратини синаб кўради, миллий армия техникаси ва қуроллари билан танишади

Мудофаа вазирлиги матбуот хизматининг аниқлик киритишича, йиғинлар 20-24 май ва 27-31 май кунлари бўлиб ўтади.

Машғулотлар дастурига кўра, заҳирадаги аскарлар полигонда ўқ отишда иштирок этади. Кейинги машғулотлар июн ойида ўтказилиши кутилмоқда.

Матбуот хизматининг хабар беришича, улар сентябр ойигача бўлиб ўтади. Ҳарбий хизматга ва машғулотга чақирилганлар сони ҳақида маълумот берилмаган.

@burchakostida Ochish/sharhlash

2024-05-10 09:37:31 Россия президенти Владимир Путин Давлат Думасига Михаил Мишустинни бош вазир лавозимига тайинлаш бўйича таклиф киритди

Бу ҳақда Давлат Думаси раиси Вячеслав Володин 10 май куни ўзининг Telegram-каналида

Володиннинг сўзларига кўра, замонавий Россия тарихида биринчи марта Давлат Думаси ҳукумат таркибини шакллантиради: ҳукумат раиси, унинг ўринбосарлари ва федерал вазирларни тасдиқлайди. Шу тариқа депутатлар Россия Федерацияси Конституциясига 2020 йилда қабул қилинган тузатишлар билан белгиланган янги ваколатларини амалга ошириш ниятида.

"Ҳукумат раислигига номзоднинг муҳокамаси барча фракцияларда бўлиб ўтади ва Москва вақти билан соат 14:00 да Давлат Думасининг ялпи мажлиси бошланади", — деди Володин.

@burchakostida Ochish/sharhlash

2024-05-10 09:10:17 Италия Россия ҳудудига ҳужум қилиш учун Украинага қурол юбормаяпти — Италия Ташқи ишлар вазири Антонио Таяни.

@burchakostida Ochish/sharhlash

2024-05-10 08:15:26 Туркиянинг Исроил билан савдони тўхтатиш қарори Ғазога ҳужумлар тўхтатилгунга қадар ўз кучида қолади — Туркия Савдо вазири

Вазирнинг қайд этишича, Туркиянинг чекловларни юмшатиши ҳақидаги Исроилнинг баёнотлари уйдирма.

@burchakostida Ochish/sharhlash

2024-05-10 07:32:02 Европа Иттифоқи бозори Хитой электромобиллари ва пўлати билан тўлдирилди, Брюссел Пекинни ихтиёрий равишда экспортни қисқартиришини акс ҳолда, қаттиқ иқтисодий чоралар кўрилишидан огоҳлантирди — Европа Комиссияси раҳбари Урсула фон дер Ляйен.

@burchakostida Ochish/sharhlash

2024-05-10 06:47:56 Украина Россиянинг янги ҳужумини кутмоқда — The Economist

Ўтган йили Украина қарши ҳужумга тайёргарлик кўраётганда, энг камида ўз позициясини сақлаб қолишга ҳаракат қилган эди. Бу йил ушбу вариант “энг яхши” деб ҳисобланмоқда. Ҳозирда Киев ҳафтасига 20 квадрат километр ҳудудини йўқотмоқда.

92-полк қўмондони Павел Федосенконинг фикрича, рус қўшинларининг Донбасснинг қолган қисмини эгаллаб олиш эҳтимоли 70 фоиз.

"Aгар Украина Қуролли Кучлари Константиновка ва Дружковка учун жанг қилмаса, у ҳолда бир неча ҳафта ичида Россия армияси Днепр, Харков, Кривой Рогда бўлиши мумкин. Россия снарядлар ва аскарлар сони бўйича устунликка эга бўлишига қарамай, энди у ўзининг энг юқори нуқтасидан ўтди. Бир неча ҳафта олдин ҳужумлар ҳар 2-3 соатда уюштирилган бўлса, ҳозирда ҳар 5 кунда бир марта амалга оширилмоқда. Босқончиларнинг асосий мақсадлардан бири Харковни изоляция қилиш, бунинг учун 50 минг кишилик қўшин чегарадан йўналтирилган", — дея маълум қилди Федосенко.

@burchakostida Ochish/sharhlash

2024-05-10 06:21:07 Германия Украинага Америкада ишлаб чиқарилган 3 та HIMARS ракета тизимини етказиб беришни режалаштирмоқда — Германия Мудофаа вазири Писториус.

@burchakostida Ochish/sharhlash

2024-05-08 11:26:04 Литва ҳарбий хизматдан бўйин товлаган Украина фуқароларига доимий яшаш учун рухсатнома беришдан бош тортиши мумкин

Бу ҳақда Financial Times газетаси Литва бош вазири Ингрида Шимонитега таяниб хабар берди.

@burchakostida Ochish/sharhlash

2024-05-08 09:47:26 Ҳар биримиз ахборот олиш ва тарқатиш ҳуқуқига эгамиз. Бироқ, биз ёлғон ва фейк янгиликларга тобора кўпроқ дуч келяпмиз. Шубҳали маълумотларни текшириш учун барчамизда ҳам зарур воситалар ва етарли тажриба мавжуд эмас, баъзи фейклар эса шу қадар моҳирлик билан яратиладики, уларни мустақил равишда текшириш жуда қийин. Бундай ҳолларда нима қилиш керак?

Faktchecknet.uz платформасида фейкларга қарши иммунитетингизни мустаҳкамлашингиз мумкин. Масалан, “Фастфуд деменсияга сабаб бўлади” ёки “Микротўлқинли печда овқатни иситиш саратонга олиб келади” каби маълумотларни, шунингдек “Майкл Жексон диний қўшиб айтиб, ислом динини қабул қилгани ростми?” сарлавҳали мақолаларни қуйидаги ҳавола орқали текшириб чиқишингиз мумкин: @factchecknetuz

Бугуноқ фактларни текшириш дунёсига саёҳатингизни бошланг!

Реклама Ochish/sharhlash