23.5° бурчак остида

2024-04-11 07:40:45 Украина Россияга зарбалар бериш учун Хитойдан ўн минглаб дронлар сотиб олди — The Wall Street Journal

Нашрнинг ёзишича , Украина Хитойдан ҳам учувчисиз учувчи самолётлар, ҳам улар учун эҳтиёт қисмлар сотиб олмоқда. Асосий етказиб берувчи - SZ DJI Technology компанияси.

Аввалроқ ушбу компания ўз маҳсулотларини ҳарбий мақсадларда қўлланилишини истамаслигини, бироқ улар мижозларнинг дронлардан фойдаланишини назорат қила олмаслигини билдирган эди.

"Бундан ташқари, Хитой компонентлари Украинада дронлар ишлаб чиқариш учун ишлатилмоқда", дея ёзмоқда WSJ.

@burchakostida Ochish/sharhlash

2024-04-10 22:25:21 Тelegram бир ой ичида 900 миллион фойдаланувчи аудиториясини қамраб олишга муваффақ бўлди —Павел Дуров

Теlegram асосчисининг маълум қилишича, ушбу 900 миллион фойдаланувчининг ярми мессенжердан ҳар куни фойдаланади.

"DataAI маълумотларига кўра, Теlegram дунёдаги энг оммабоп иловалар рўйхатида ва энг кўп юклаб олинган иловалар рўйхатида 6-ўринни эгаллади. Бундан ташқари, Telegram 2024 йилнинг биринчи чорагида ижобий пул оқимини кўрсатиши ва бу йил даромад келтиришни бошлаши кутилмоқда. Бу ўз фойдаланувчиларини биринчи ўринга қўядиган мустақил компания сифатидаги мавқеимизни мустаҳкамлайди. Биз 12 йил олдин Теlegram'ни ишлаб чиқишни бошлаганимизда, одамлар табиатан ақлли эканига ишонган эдик. Ақлли одамлар эса эскирган иловаларнинг чекловлари ва ўртачалигидан кўра Telegram эркинлиги ва сифатини афзал кўрадилар. Биз сизга доим ишонганмиз. Бизга ишонганингиз учун сизга ҳам раҳмат", — дея Дуров ўз Теlegram каналида ёзиб қолдирди.

@burchakostida Ochish/sharhlash

2024-04-10 22:07:54 Буюк Британия Ташқи ишлар вазири Трамп ва республикачилар билан учрашди

Дэвид Кэмерон Доналд Трамп билан унинг Флоридадаги Мар-а-Лаго қароргоҳида музокаралар олиб борди.

Британиялик сиёсатчи МSNBC телеканалига берган интервьюсида бу “яхши”, аммо “шахсий” учрашув бўлгани, шунинг учун унинг барча тафсилотларини ошкор эта олмаслигини айтди.

Кэмерон Республикачилар партияси аъзоларини Украинага янги ёрдам пакети ажратишга ишонтириш мақсадида АҚШга ташриф буюрган.

Қўшма Штатлар президенти томонидан таклиф қилинган Украинага ёрдам пакети феврал ойида мамлакат Сенати томонидан қабул қилинган, бироқ ҳали Вакиллар палатасида овозга қўйилмаган.

"Менинг фикримча, агар Путиннинг Украинада ғалаба қозонишига йўл қўйсак, Британия ва Америка хавфсизлигига ҳақиқий таҳдид юзага келади. Чунки Путинга ишониб бўлмайди. АҚШнинг янги президенти ким бўлишидан қатъи назар, ҳеч ким биз Россия ғалаба қозониб, Украина ютқазадиган вазиятга тушиб қолишимизни хоҳламайди", — дея фикр билдирди Кэмерон

@burchakostida Ochish/sharhlash

2024-04-10 21:42:44 Франциянинг Сет шаҳрида портлаш ва унинг ортидан ёнғин содир бўлди

Маҳаллий маъмуриятнинг BFMTV телеканалига маълум қилишича, фавқулодда ҳолат порт ҳудудида жойлашган биоёқилғи ишлаб чиқариш корхонасида юз берган берган. Ҳодиса натижасида бир киши жароҳатланган.

@burchakostida Ochish/sharhlash

2024-04-08 23:30:07 Шимолий Америкада қуёшнинг тўлиқ тутилишини томоша қилиш учун минглаб одамлар йиғилди

Уни биринчи бўлиб Мексиканинг Масатлан курортида маҳаллий аҳоли ва сайёҳлар кўришга муваффақ бўлишди, у ерда қуёш тутилиши Тошкент вақти билан тахминан 21:00да бошланган.

Кейинчалик АҚШликлар воқеа гувоҳига айланишди, уни дастлаб Техас аҳолиси кўришди. Қуёш тутилиши Канадада тугайди.

Ушбу ҳодиса пайтида ой қуёшни тўлиқ қоплайди ва осмон тўрт дақиқа давомида қораяди.

Тўлиқ қуёш тутилиши мунтазам равишда кузатилади: навбатдагиси 2026 йилда содир бўлади ва уни асосан Атлантика океанида кўриш мумкин.

NASA воқеани тўғридан тўғри намойиш этмоқда.

@burchakostida Ochish/sharhlash

2024-04-08 23:01:10 Украинанинг НАТОга қўшилиши фақат жорий можаро тугаганидан кейин амалга оширилиши мумкин — АҚШ Давлат департаменти.

@burchakostida Ochish/sharhlash

2024-04-08 21:44:23 Исроил бош вазири Бинямин Нетаняҳу: Исроил армиясининг Ғазо секторидаги Рафаҳ шаҳрига киритилииши санаси аллақачон келишиб олинган.

@burchakostida Ochish/sharhlash

2024-04-08 21:20:55 Июл ойида Вашингтонда бўлиб ўтадиган НАТО саммитида қатнашчилар фуқаролик инфратузилмасини алянсга эҳтимолий ҳужум ҳолатлари учун тайёрлашни муҳокама қилиш ниятида — НАТО бош котибининг мудофаа сиёсати ва лойиҳалаштириш бўйича ёрдамчиси Ангус Лэпсли.

@burchakostida Ochish/sharhlash

2024-04-08 20:48:45 #бурчактарихи

Урицкий майдонидаги денгизчилар колонналари. Ленинград, 1931 йил 1 май.

Свастика белгиси 3000 йиллик тарихга эга бўлиб, фашистлар унга бошқача талқин бермасларидан олдин эзгулик, меҳр-муҳаббат ва тинчлик рамзи бўлиб келган. Христианлар, яҳудийлар, ҳиндулар, буддистлар ва ҳаттоки, туб америкаликлар сингари қадимий маданиятлар ҳанузгача свастиканинг турли талқинларини қўллашади. Қазилмалар давомида Қадимги Юнонистон, Миср ва Хитой ибодатхоналари харобаларида свастика белгилари топилган. Санскрит тилида “свасти” сўзи “яхши ният тилаш” маъносини билдиради.

СССР Қизил Армиясининг жанубий бўлинмалари аскарларининг ҳарбий формаларида ҳам свастика белгиси туширилган нишон бўлган. Аслида, 1933 йилга қадар свастика СССРда машҳур рамз бўлган, кейин эса у фашистик партиянинг асосий рамзига айлангач, мамлакатда унинг қўлланилиши тақиқланган. Бу афсонавий белги Адольф Гитлер томонидан 1920 йилда Миллий социалистларнинг рамзи сифатида тасдиқланган.

@burchakostida Ochish/sharhlash

2024-04-08 20:14:27 Канада Арктикадаги қирғоқ чизиғини ҳимоя қилиш учун ядровий сув ости кемаларини сотиб олишни кўриб чиқмоқда — Мамлакат Бош вазири Жастин Трюдо.

@burchakostida Ochish/sharhlash