ЯНГИЧА УСУЛМИ? Бир неча кундан буён ижтимоий тармоқларда яшир | 🇺🇿Банкир кундалиги

ЯНГИЧА УСУЛМИ?

Бир неча кундан буён ижтимоий тармоқларда яширин иқтисодиётга қарши курашишга қаратилган Президент қарори лойиҳаси ишлаб чиқилгани, кимлардир кўриб чиқаётгани ҳақида шов-шувлар тарқатилмоқда. Ҳа, ўйлашимча, кимлардир буни ортига туриб олиб тарқаттирмоқда.

Қани, жамоатчилик нима деркин, қандай муносабатда бўларкин деб, катта-катта тармоқларда тарқатилмоқда. Нега, бу қарорни тасдиқлатишни янгича усулими?

Ҳали лойиҳаси ҳам эълон қилинмаган қарорнинг ҳар бир бандига урғу берилиб, Солиқ у қилмоқда, Марказий банк бу қилмоқда деб уқтирилмоқда.

Норматив-ҳуқуқий ҳужжатлар лойиҳалари муҳокамаси порталида бу ҳақида гап-сўз йўқ. Нега порталга жойланмасдан бу кўринишда муҳокама қилинмоқда? Нега шу қарорни ишлаб чиққанлар қарор лойиҳасини порталга жойламаган?

Агар тарқатилаётган хабарлар рост бўлса, яширин иқтисодиётни фақат чеклов билан эмас, қулайлаштириш билан қисқартиришга эътибор қаратишларига чақириб қоламиз.

Кўзга кўринган манбаларда тарқатилаётган хабарлар рост бўлса, ушбу қарор муҳокамага қўйилиши, янги усулда бошланган қарор қандай фикрларга сабаб бўлиши қизиқ, кузатамиз.

@bankirkundaligi