🇺🇿Банкир кундалиги

2024-04-11 11:24:57 МУРОЖААТ ҲАЛ ЭТИЛДИ

Куни кеча эълон қилинган мурожаат Капиталбанк мутасаддилари томонидан ҳал этилибди, мурожаатчи миннатдорчилигини билдириб, расм ташлади.

Шу ўринда пластик карта эгаларига кичик эслатма:

Ўзбекистон Республикаси ҳудудида банк карталарининг чиқарилиши ва муомалада бўлиши қоидалари тўғрисидаги Низом талаблари:

44-банд. Тўлов тизими субъектлари томонидан ўрнатилган банкоматлар ва ўз-ўзига хизмат қилувчи қурилмаларда эквайер номи, мижозларни қўллаб-қувватлаш маркази телефон рақами ҳамда қурилма уланган тўлов тизими логотипи бўлиши лозим.
Банкомат техник носозлик сабабли банк картасини қайтариб бермаганда, банк картаси сақловчиси томонидан эквайерга оғзаки ёки ёзма мурожаат қилинади. Мурожаат банк операция куни давомида келиб тушса шу куннинг ўзида, операция куни тугаганда келиб тушган тақдирда кейинги банк операция кунидан кечикмаган ҳолда мижозга банк картаси қайтариб берилиши зарур.

Банк картаси ШИР-код нотўғри киритилиши натижасида банкомат томонидан қайтариб берилмаганда, банк картаси эквайер томонидан банк картаси сақловчиси идентификация қилинган ҳолда банк картаси сақловчисининг мурожаати келиб тушган кундан кейинги банк иш кунидан кечиктирмасдан қайтариб берилади.

Банклар томонидан ўрнатилган банкоматларнинг иш фаолияти ва нақд пул билан таъминланганлиги устидан доимий назорат ўрнатилиши ҳамда банкоматларнинг жойлашуви ва ишчи ҳолати тўғрисидаги маълумотлар банкнинг веб-сайти ва/ёки мобил иловаларида кўрсатилган бўлиши лозим.

@bankirkundaligi Ochish/sharhlash

2024-04-10 18:51:51 #Бизга_ёзишмоқда (@bankirmanbot)

КАРТАМНИ ҚАЙТАРИБ БЕРСИН

Капиталбанкнинг Тошкент шаҳар, Шастрий чорраҳасидаги Макро супермаркети ичидаги банкомати бугун 5 дан ортиқ мижозларнинг карталарини ютиб юборган, меникини ҳам.

Банкомат носоз ҳолатда, Call марказга мурожаат қилсак «Банкоматнинг ID рақамини айтинг, бўлмаса ёрдам бера олмаймиз» - дейишди. У ID рақам банкомат берган чекда ёзилар экан. Чек кўриб турганингиздек оппоқ Капиталбанкнинг ходимларидек. Банкоматга ёзилган рақамлар мавжуд бўлмаган рақамлар.

Бугун Улуғ айём бўлса, ҳамма дастурхон ёзиб нишонласа, деб тушунтирсак «3 банк иш куни картангизни қайтарамиз» - дейишди.

Банкомат на пароль сўради на монитори ёнган деб тушунтиришга қарамасдан телни қўйиб қуйишмоқда.

Кимга додонгни айтишни билмайсан. Илтимос карта жудаям зарур эди. 3 банк иш куни кўпда пул керак эди жудаям.

P.S.: Мурожаатчи шахсий маълумотлари Марказий банк ёки Капиталбанк расмийларига тақдим этилади.

@bankirkundaligi Ochish/sharhlash

2024-04-10 05:09:41 Энг яқин инсонимга.

Рамазон ҳайити муборак бўлсин, тутган рўзаларингизни Аллоҳ қабул қилсин. Уйингиз файз-баракага тўлсин. Келгуси Рамазонда ҳам бир-биримизни мана шундай табриклаш насиб этсин.

Сизга ва оилангизга соғлик тилайман. Она юртимиз тинч бўлсин!

@bankirkundaligi Ochish/sharhlash

2024-04-09 20:08:38 БАНКИР ВАФОТ ЭТДИ
(Томорқадан қайтаётган ходим)

Айтишларича, Самарқанд вилояти Нуробод туманида кеча (08.04.2024й. соат 15:30лар атрофида) Миллий банкнинг 1 та собиқ ходими ва яна бир ёш ходими автоҳалокатда вафот эди.

Маълум қилишларича, ёш банк ходими ҳокимлик топшириғи билан томорқа бўйича маҳаллага жўнатилган бўлган. Мана мажбурий меҳнат, мана ишдан ташқари топшириқлар берилишининг оқибати, ёш йигит вафот этди.

Гаффоров Максуд исмли бола, Аллоҳ раҳматига олсин.

Илтимос ушбу маълумотни ҳокимлик ва бошқа ишдан ташқари топшириқлар берувчи ташкилотларга етказсангиз.

Самарқанд шаҳридан Нуробод шаҳрига қатновчи таксига шаҳарга яқинлашишдаги маҳалладан банк ходими ҳам чиқиб минган, Сарикўл МФЙ дан қайтишдаги йўлда такси аварияга учраган оқибатда икки йўловчи вафот этган, бири Миллий банк ходими томорқа бўйича топшириқни бажариб маҳалладан қайтаётган бўлган.

Бугун бутун туман хавотир ва афсус билан гапириб юрибди.

P.S.: Марҳумнинг охирати обод бўлсин. Меҳнат инспекцияси ёки бошқа мутасадди идоралар ушбу ҳолатни ўрганиб кўришлари лозим. Изоҳ беришларини кутиб қоламиз.

@bankirkundaligi Ochish/sharhlash

2024-04-09 10:50:06 “БИЗНЕСГА БИРИНЧИ ҚАДАМ” КРЕДИТЛАРИ 17 МИЛЛИОН СЎМГАЧА ОШИРИЛАДИ

Президент Жиззахда йиғилиш ўтказмоқда.

Жиззахда томорқаларни ишга солиш бўйича 309 та маҳаллага лидер тадбиркор – экспортчилар бириктирилиши белгиланди.

Лидер тадбиркор – экспортчи учун ҳар бир маҳалла ихтисослашувидан келиб чиқиб томорқада 50 миллион сўм даромад қиладиган молиявий хизмат пакети ишлаб чиқилади.

Бу борада банклар лидер тадбиркорларга айланма учун 3 йил муддатга 1,5 миллиард сўмгача кредитлар ажратади, бюджет ҳисобидан агроном жалб қилиш, ўқитиш, маҳаллада йиғиш, сақлаш ва қуритиш пунктларини ташкил қилиш учун 1 миллиард сўмгача грантлар беради, хонадонларга Оилавий тадбиркорлик дастуридан 33 миллион сўмдан, “Бизнесга биринчи қадам” дастуридан 17 миллион сўмдан кредит ажратади.

@bankirkundaligi Ochish/sharhlash

2024-04-08 19:24:01 #Бизга_ёзишмоқда (@bankirmanbot)

Фарғона
Хурматли админ ҳоким ёрдамчилари феврал ойи компенсация ва КПИ маблағлари ҳали ҳам олишган йўқ. Масъул раҳбарларни сизлар орқали уйғотмасак бўлмаяпти. Ходимларни 2 ойлик банклар олдидаги қарздорлигини ва кириб келаётган байрамни юқори кайфиятда ўтказишида сабабчи бўлинглар. Олдиндан раҳмат,

Андижон
Ассалому алайкум, Сизлардан илтимос Андижон вилоятига ҳоким ёрдамчиларига КПИ маблағи берилмади, шунга аниқлик киритиб беринглар. Ҳоким ёрдамчиларида ойлигидан бошқа кирим йўқ, ахир эртага Оиламизга бозорлик қилишимиз зарур, олдиндан раҳмат.

Яна Андижон
Ассаламу алайкум Андижон вилояти ҳоким ёрдамчилари номидан мурожаат қилмоқдаман. Ўтган йилги КПИ пулларимизни ҳалигача тўлаб беришмаяпти. Шунга амалий ёрдам берилар

Яна Фарғона
Ассалому алайкум ҳоким ёрдамчиларини КПИ пуллари тўғрисида ёритиб беринг. Ҳеч булмаса Ҳайит арафаси беришсин. 2 ойлик турибди.

P.S.: Масалани ўрганиб, агар ёзилганлари тўғри бўлса, иш ҳақи ва унга тенглаштирилган тўловларни кечикишига сабабчи бўлган айбдорларни аниқлаштириш 21 асрда унчалик қийин масала эмас. Агентликда бу масалани бўйнига оладиган раҳбар чиқиб, жамоатчиликка айбдорларни аниқлаб, чора кўрилди, энди кечикмайди деса, шунча эътироз билдираётган ҳоким ёрдамчиларини ўз томонига оғдирган бўларди. Афсуски, ҳоким ёрдамчилари ижтимоий тармоқлардан нажот излаб юрибди.

@bankirkundaligi Ochish/sharhlash

2024-04-08 18:00:10 Moody’s InfinBankнинг кредит рейтингини B1 даражасига кўтарди

Moody’s Ratings рейтинг агентлиги InfinBankнинг миллий ва хорижий валютадаги кредит рейтингини B2 даражасидан B1 даражасига кўтарди.

Moody’s кредит рейтингларини белгиловчи ҳамда тадқиқотлар ва риск таҳлилларини ўтказувчи халқаро рейтинг агентлиги ҳисобланади. Ташкилот халқаро рейтинг агентликларининг "катта учлиги" қаторига киритилган.

InfinBankнинг рейтинги кўтарилишига сабаб қилиб агентлик молиявий кўрсаткичлар яхши эканлиги, активлар ва рентабелликнинг юқори сифатини қайд этган.

Бу каби рейтинглар инвестиция қарорларини қабул қилишда молиявий барқарорлик ва рисклар даражасини тўғри баҳолашга ёрдам беради.

Агентликнинг ҳисоботларини кўриб чиққан мижоз банкнинг кредитга лаёқатлилиги тўғрисида обектив ва салмоқли қарорни қабул қилиши мумкин.

InfinBank мижозларга сифатли ва ишончли молиявий маҳсулотларни тақдим этишга интилар экан, ижобий ўзгаришларни амалга оширишда давом этади.

@bankirkundaligi Ochish/sharhlash

2024-04-08 13:30:10 ​​Ҳафталик дайжест.
Банк тизими ҳафталик (1 - 7 апрел) янгиликлари.

Бизнесни ривожлантириш банки АОКА томонидан банклар Ахборот хизматлари ўртасида 2023 йил якунлари бўйича очиқлик индексида биринчи ўринни олганини эълон қилди.

Ипак йўли банк 100 млн. сўмгача онлайн-микроқарз таклиф этди. Муддати 3 йилгача. Фоизи 40,9 фоиздан бошланади.

Универсал банк "Сармоя 25" омонатини таклиф этди. Фоизи 25%, муддати 18 ой, энг кам миқдори 100 минг сўм.

Ҳамкорбанк юридик шахслар ва ЯТТларга 600 млн. сўмгача ипотека кредит таклиф этди. Муддати 10 йилгача, имтиёзли давр 3 ойгача. Фоизи келишувга асосан.

МКБанк микроқарз ва автокредитлар учун чегирмали таклифлар тақдим этди. Автокредит бошланғич тўлови 10%, муддати 60 ойгача, фоизи 22%дан бошланади. Микроқарз 100 млн. сўмгача, 5 йил муддатга, фоизи 27%. Шунингдек, банк балансидаги мол-мулкларни "E-auksion" орқали бўлиб тўлаш шарти билан сотувга қўйилганини маълум қилди. Батафсил.

Ориентфинансбанк бирламчи ва иккиламчи уйлар учун ипотека кредит таклиф этди. Миқдори 600 млн. сўмгача, муддати 240 ойгача, фоизи 23,9%дан.

Асакабанк ўзини ўзи банд қилганлар учун 5 млн. сўмгача, 12 ой муддатга кредит таклиф этди. Батафсил.

Халқ банки чорвачилик учун тадбиркорларга 1 млн. Евро (Сўм эквивалентида) 10 йилгача муддатга кредит таклиф этди. Имтиёзли давр 3 йилгача, фоизи 17%.

Ўзсаноатқурилишбанк Жойда мобил иловасида барча Uzcard ва Humo карталари ўртасида бир ойда 5 млн. сўмгача пул ўтказмалар бепул бўлиши маълум қилди. Шунингдек банк 5 млн. сўмгача, 12 ойгача муддатга кредит таклик этди. Батафсил.

Траст банк мобил иловаси орқали ҳеч қандай ҳужжатларсиз ва кафилларсиз 50 млн. сўмгача онлайн микроқарз таклиф этди. Муддати 12 ой, фоизи 32%.

Ziraat bank Uzbekistan Венгрия давлати билан савдо алоқаларини амалга ошираётган тадбиркорлар учун қисқа ва узоқ муддатга кредит ажратишини эълон қилди. Еврода 6,5% дан бошлаб, АҚШ долларида 8,5% дан бошлаб.

Ипотека-банк автокредит таклиф этди. Миқдори 480 млн. сўмгача, муддати 5 йил, фоизи 26,9 фоиздан бошланади. Бошланғич тўлов 10%.

Анорбанк мобил иловасида давлат ОТМларига контракт тўловларини комиссиясиз амалга ошириш мумкинлигини маълум қилди.

Ҳаёт банк бизнес учун ҳисобрақам очишнинг осон усулини таклиф этди. Банк сайтида сўров қолдиринг ёки банкнинг 1320 қисқа рақамига қўнғироқ қилинг. Банк менежерлари ўзи офисингизга боради ва керакли ҳужжатларни расмийлаштиради.

Азия аллианс банк Қашқадарё вилояти Шаҳрисабз шаҳрида янги “Кеш” банк хизматлари маркази очилганини маълум қилди.

Инфин банк мобил иловасида исталган Uzcard сўмлик карталар ўртасида пул ўтказиш комиссияси 0,25%. Humo карталар орасида ўтказмалар эса 0% эканини маълум қилди.

Капиталбанк янги мижозлар учун (30.06.2024 й.гача) "Ҳаммаси 0 эвазига" тарифини таклиф этди. Бунда абонент тўловисиз бепул ҳисобрақам очиш ва комиссиясиз нақд пул ечиш мумкин бўлишини маълум қилди.

Ўзмиллийбанк мобил иловасида идентификациядан ўтган иш ҳақи лойиҳаси иштирокчилари учун ойига 10 млн. сўмгача картадан пул ўтказмалар бепул бўлишини маълум қилди.

Туронбанк фарзандлар 18 ёшга тўлгунга жамғарилиб борувчи "Келажак пойдевори" омонатини таклиф этди. Фоизи 19%. 100 минг сўм билан бошлаб, исталган пайт қўшимча маблағ киритиш мумкин. Шунингдек, банк ўзини ўзи банд қилган фуқаролар тадбиркорлигига 5 миллион сўмгача ҳеч қандай бошланғич тўлов ва гаровларсиз 12 ойгача бўлган муддатга кредит таклиф этди. Батафсил.

Октобанк мобил иловасида уйдан чиқмасдан, Visa Direct хизматидан фойдаланган ҳолда, 175 дан ортиқ мамлакатларга пул юбориш мумкинлигини маълум қилди.

Агробанк мобил иловаси орқали пул ўтказмаларини 0% комиссия билан амалга оширишни маълум қилди.

Банклар ишга таклиф этди:
Капиталбанк;
Марказий банк;
Анорбанк.

Ҳафта давомида энг кўп ўқилган пост.

Автокредитлар шартларини эълон қилдик. Мана бу ерда.

Субсидиялар ҳақида асосий саволларга жавобларни мана шу ерда ўқишингиз мумкин.

Хабарлар қисқа кўринишда тақдим этилди. Батафсил банкнинг ижтимоий саҳифаси ёки колл-марказидан олишингиз мумкин.

@bankirkundaligi Ochish/sharhlash

2024-04-08 10:57:38 10 АПРЕЛ РАМАЗОН ҲАЙИТИ.
ХОДИМЛАР НЕЧА КУН ДАМ ОЛАДИ?

Президентимизнинг 2024 йилда қўшимча дам олиш кунларини белгилаш бўйича фармонига асосан 11-12 апрель кунлари барча учун дам олиш куни этиб белгиланган.

Ҳайит байрами 10 апрель кунига тўғри келиши муносабати билан дам олиш кунлари кетма-кетлиги қуйидагича бўлади:

10 апрель, чоршанба — Рамазон ҳайити куни;
11 апрель, пайшанба — барча учун қўшимча дам олиш куни;
12 апрель, жума — 13 апрель, шанба кунидан кўчирилган дам олиш куни;
13 апрель, шанба — барча учун иш куни;
14 апрель, якшанба — барча учун дам олиш куни.

@bankirkundaligi Ochish/sharhlash

2024-04-08 09:25:38 "SQB Insurance" суғурта компанияси фаолияти" яна бир бор "Барқарор" эканлиги маълум қилинди. Баҳолаш "Ahbor-Reyting" агентлиги томонидан амалга оширилди. Айни дамда акциядорлик жамиятининг рейтинги "uzА++" даражасида.

Мурожаат учун: 71 202 55 05

Facebook | Instagram | Telegram Ochish/sharhlash