Zebiniso Ahmedova — psixolog blogi

2021-12-18 15:00:36 ​​Ғурур бу шундай қалб ҳолатики, ўзига бошқалардан доимий ҳурмат, эхтиром, тан олиш талаб қилиш ҳолати. Ғурурли инсонлар вояга етмаган психология эгаларидир. Ғурури баланд инсонлар бошқаларга тепадан қарайдилар. Бу инсонлар бошқаларга паст назар билан юқорироқдан қарайдилар.

«Ҳаддан ортиқ, ғурур арзимас қалб ёрлиғидир» деган эди А.Тургенев, А.Вольтер: «Чексиз кичик инсонлар чексиз катта ғурурга эгадирлар» деган.

Ғурурнинг бир кўриниши манманлик бўлиб, ўзидан бошқаларни тан олмаслик билан ифодаланади. Ғурурнинг кўриниши ҳар хил бўлиб, бойлик, кўз-кўз қилиш, тан олинганини исботлаш, хатто юришидаям ўз мавқеини кўрсатишга мойиллик.

Ёшларда ғурурнинг, манманликнинг кўриниши хулқ-атворида, гапиришида, мода трендларига алоҳида эътибор беришида кўринади. Ғурури баланд-инсонларда сахийлик ҳам бўлмайди. У доим ўзига кам берилаётганидан ташвишда бўлади. Ғурурли инсон ўз бахтида бировга қарздор бўлишни умуман истамайди.

«Тили қисиқ бўлмайман, қарздор бўлмайман!» Деган гапларни доимий шиорига айлантиради. Инсон қанчалик ўзидан қониқса, ўша инсонда ўзидан қониқадиган нарсанинг ўзи камдир. Ғурурга берилган инсонлар бошқалар олдида ўзини улуғ сезадилар, мақтанчоқ бўлишади. Инсон ўзини гўзал сезса, бошқалар олдида уни доимий намоён қилгиси келади ва ўз иллюзияси ичида яшайди.

Шон-шухрат қалбни халоватини уғирлайдиган яна бир унсурдир. Тарихда жудаям катта мавқега эга инсонлар шон-шухратдан кўчганликлари маълум. Ғурур, манманлик, шон-шухратга интилиш қалб халоватини ўғирлайди, бошқача овқат, бошқача кейим, бошқача мавзу, ҳаммадан ҳам бошқача тўй, ҳаммадан ҳам бошқача ҳаётни қидиришга ундайверади. Асли буларнинг тагида ишончсизлик ётади...

Зебинисо Аҳмедова

«Сизни бахтли қиладиган инсон» китобимдан лавҳа.

Психологдан Консультация олиш учун, Ваҳима, қўрқув, ёпишқоқ фикр, хавотир ва невротик депрессияларда бизга мурожаат қилинг!
Тел: +998908055580
Тел: +998909444612

Расмий каналга
уланиш:
» @ZebinisoPsixolog Ochish/sharhlash

2021-12-18 13:47:11 ​​Ҳаёт яралиши билан бирга Ўлим ҳам яралган экан. У бошқаларга ҳеч ўхшамас экан. Ҳаёт ўзини Ўлимсиз тасаввур қила олмас экан. Ҳаёт пайдо қилса, Ўлим уни яксон қилар экан. Баҳор куртак ёздирса, Қиш баргларни ўлдиргани каби Ҳаёт ва Мамот бирга умргузаронлик қилар экан. Инсонлар уйларига Ҳаётни киритишаётганларида Ўлим ҳам бирга кириб келар экан. Энг ажабланарлиси Ўлим меҳмонга келганига ҳеч ким ҳафа бўлмас экан.

Нима учун одамлар Ўлимни ўз уйларига киргизиши сизга ҳам қизиқ бўлса керак. Ўлим ривожланиш учун, янгиланиш учун ягона йўл экан. Эски ўлсагина янгиси туғилиши мумкинлигини эски одамлар билишар экан-да! У одамларнинг қалбларидаги эскиликларни ўлдириб, ўрнига янги ҳаёт келиши учун замин яратиб берар экан. Ёлғонни ўлдириб ўрнига Ростлик пайдо бўлиши, Дангасалик ўлиб, ўрнига Ғайрат пайдо бўлиши, Касаллик ўлиб ўрнига соғлик пайдо бўлиши ҳам фақат ва фақат Ўлимнинг тозалаши орқали амалга оширилар экан. Ўтмишни унитилиши ҳам Ўлимнинг ҳизмати эканлигини билмасангиз керак? Эски жонсиз ғоялар ҳам ўларкан, ўрнига ҳаётга чанқоқ фикрлар туғилиши учун.

Одамлар ўтмишни унутиб Ўлимга раҳмат десалар, касалликни ўлдириб янгитдан ҳаёт бошласалар, нега бутунлай ўлиб кетишдан қўрқмай яшашар экан деб савол беришингиз мумкин. Инсонлар қальбидаги оғриқларни ўлдира олса улар ҳар сафар янги Ҳаётни қарши олишар экан. Шундай қилиб ўлмас одамлар пайдо бўлган экан.

Зебинисо Аҳмедова

«Вахима, Қўрқув, Хавотир» китобимдан лавҳа.

Психологдан Консультация олиш учун, Ваҳима, қўрқув, ёпишқоқ фикр, хавотир ва невротик депрессияларда бизга мурожаат қилинг!
Тел: +998908055580
Тел: +998909444612

Расмий каналга
уланиш:
» @ZebinisoPsixolog Ochish/sharhlash

2021-12-18 07:05:23 АРАЗДАН ҚУТУЛИШ ДАРСИ

Кимдан аразладингиз ва нима учун аразладингиз. Сизнинг ичингдаги пайдо бўлган аразни бошқалар билади деб ўйлайсизми?

“Шарманда қилиб танбех берманг” Айман Яхий.

Психолог қабулидан лавҳа
Ота-онам ўқитувчи бўлишсаям, мени шифокор бўлишим учун доимо далда беришарди. Албатта, сен шифокор бўла оласан, кейин бизни даволайсан, деган гаплари қулоғимнинг олдидан кетмайди. Ўқишни тугатиб турмуш қурдим. Беш йил деганда иккита фарзандли ҳам бўлдик. Шунча йил ўқиб, энди ишламасдан ўтирганим, мени ношуддек сездирарди ўзимга. Турмуш ўртоғимга икки гапнинг бирида шунча ўқиб ишламаётганимни айтаверардим. “Сизнинг ишингиз шу фарзандларимизни соғ қилиб катта қилиш” деб вазминона табассум қилардилар хўжайиним. Бу нимтабассумдан ҳам айб қидира бошладим. Нега энди шунча йил ўқиб ишламас эканман, болаларниям эплайман, уйниям, деб ўзим билан ўзим гаплашардим гўё. Ота-онамнинг касал бўлганлигини эшитсам янаям ўзимни айбдордек хис қилардим. Улар мени қийналиб ўқитишганку, деб. Хулласи, ишга чиқдим. Икки болам эрталаблари йиғлаб, додлаб боғчага кириб кетишар эди. Мен эса, “хеч нима қилмайди, ўрганишади, ҳаёт қийин, мослашишсин” деб қаттиққўллик қилардим гўё. На фарзандларга вақтим етадиган бўлди, на хўжайинимга вақт ажрата олмай қолдим. Уйдалигимда ота-онамни кўришга вақт ажратардим. Энди эса, битта якшанба куни ишларимни қилиб олай дейману, уларга қўнғироқ қилиб қўяқоламан. Фарзандларим менга бирор савол беришса урворадиган бўлдим. Хўжайиним ҳам менга “мослашдилар”. Кимлар биландир узоқ телефонлашиб менга ахамият бермай қўйдилар. Ўзимни ўйлаб, халоватимни йўқотдим. Яна уйга қайтиб ўтирволай десам, қанчалик тортишувлар билан ишонч билдирилган ишга чиққанман. Шу йўсинда кетаверса, фарзандларим тарбиясиз, мен эса эрсиз қоламан шекилли.

Психолог сўзи
Ички низо - Ўз мақсадини бошқа қадриятлардан устун қўйиш натижасида пайдо бўлган айбдорлик хисси. Ички низолар оилавий низоларга айланганлигининг исботи.

Психолог қабулидан лавҳа
Онамдек мехнаткаш аёл бўлмаса керак. Онам мени туғиб, дадам билан ажарашиб кетишган. Онам мени деб яшаб ўтдилар. Ҳозир онам 60 ёшдалар. Мен эса 32 га кирдим. Онам ҳар куни йиғлаб оладилар. Нега турмушга чиқмайсан, битта болангни кўрсам майли эди дейдилар. Мен эса онамнинг ҳаётини кўз олдимдан ўтказаман. Уйсиз, пулсиз, тоғамникидан квартирага кўчганларимиз.

Қишнинг совуғида уйимизни тамирлай олмай қийналганларимиз, онамнинг ожизликларини кўрган кунларим кўз ўнгимдан кетмайди. Биласизми? Менинг ичимда нафрат бор. Эркак кишиларга нисбатан нафрат мавжуд. Мана хозир яхши топаман. Онам хам пулга зориқмайдилар. Аммо бирорта эркакни яхши кўра олмайман. Уларни ҳамма-ҳаммаларини кечира олмайман. Эр хам шу деб ўйлайвераман. Яна битта эр менинг онамни ёлғиз қилиб кетишимга арзимайди деб ўйлайман.

Психолог сўзи
Ҳаётидаги воқеаларга нисбатан кечиримнинг йўқлиги, ички қўрқув, айблашлар бу қизнинг ички низосини ҳаётидаги низосига айлантирди. Ичидаги нафратни йўқотса ва отасини кечира олса, бу қизнинг бирор эркакга турмушга чиқиб, эркакга нисбатан мехр пайдо бўлишига сабаб бўлади.

ЕЧИМ ТОПАН НИЗОДАН КЎРА ЕЧИМСИЗ НИЗОНИНГ ДАВОМ ЭТГАНИ ЯХШИДИР.
Низони ечишни кўндаланг қўймаслигингиз аслида муаммони кескинлигини камайтиради. Шу йўл билан муаммонинг талабини камайтирса бўлади. Сиз бу вақт ичида ҳиссётларнинг камайишига, келишув пайдо қилса бўладиган ечим топилишигача сабр эълон қиласиз. Оилавий низоларда узил-кесил ҳал қилинган ечим ажирим сабабли йўқотишлардан кўра муаммонинг ечимсиз чўзилганлиги афзалдир. Фарзандлар ўз камолига етиб олиши учун эр ва хотин ўз ҳиссасини қўшишади.

«Фақат ажрама» китобимдан лавҳа.

Психологдан Консультация олиш учун, Ваҳима, қўрқув, ёпишқоқ фикр, хавотир ва невротик депрессияларда бизга мурожаат қилинг!
Тел: +998908055580
Тел: +998909444612

Расмий каналга
уланиш:
» @ZebinisoPsixolog Ochish/sharhlash

2021-12-18 07:05:09 АРАЗДАН ҚУТУЛИШ ДАРСИ Ochish/sharhlash

2021-12-17 09:51:15 Зебинисо Аҳмедованинг “Ваҳима, қўрқув ва ҳавотирдан қутулиш учун 30 кун” номли психологик тренинг кундалигидан расмли лавҳалар!

Сиз қандай фикрдасиз?

Психологдан Консультация олиш учун, Ваҳима, қўрқув, ёпишқоқ фикр, хавотир ва невротик депрессияларда бизга мурожаат қилинг!
Тел: +998908055580
Тел: +998909444612

Расмий каналга
уланиш:
» @ZebinisoPsixolog

» Инфо канал | » Инстаграм саҳифа Ochish/sharhlash

2021-12-17 08:07:22 Ушбу расмдан аррани, болғани, михни ва бош кийими - цилиндрни топинг.

Балки балиқниям, бургут бошиниям, тарелкани, перчаткани, кисточкани, рыбка, голова орла, тарелканиям топарсиз.

Психологдан Консультация олиш учун, Ваҳима, қўрқув, ёпишқоқ фикр, хавотир ва невротик депрессияларда бизга мурожаат қилинг!
Тел: +998908055580
Тел: +998909444612

Расмий каналга
уланиш:
» @ZebinisoPsixolog Ochish/sharhlash

2021-12-17 07:33:19 Тест расм.

Қанчалик диққатлисиз?

Умуман олганда хотирангиз қандай?

Ушбу расмдан
-патни;
-болғани;
-крокодилни;
-зонтикни топинг.

Балки яна нокни, пишлоқни, бананни, юракчани, ярим ойни ҳам топарсиз?

Психологдан Консультация олиш учун, Ваҳима, қўрқув, ёпишқоқ фикр, хавотир ва невротик депрессияларда бизга мурожаат қилинг!
Тел: +998908055580
Тел: +998909444612

Расмий каналга
уланиш:
» @ZebinisoPsixolog Ochish/sharhlash

2021-12-16 07:56:24 ​​Агар болалар танқид қилинса, улар бошқалардан ҳам айб қидиришни ўрганадилар.

- Агар болаларни мақтаб катта қилинса, улар бошқаларни ўзидан паст ёки юқори эканлигини ўлчайдиган болага айланишади.
- Агар болалар душманлик кўрсатса, улар жанг қилишни ўрганадилар.
- Агар болалар ҳалол бўлса, улар адолатни ўрганадилар.
- Агар болаларни тез — тез масхара қилсалар, улар қўрқоқ ва уялчанг бўлишади.
- Агар болалар тинч оилада яшаса, улар жамиятга ишонишни ўрганадилар.
- Агар болалар уялтирилса, улар ўзларини айбдор ҳис қилишни ўрганадилар.
- Агар болангизни қилган ишларини ва ўзиниям маъқулланса, улар ўзларини яхши кўришни ўрганадилар.
- Агар болаларнинг хато ва камчиликларига юмшоқлик билан ёндошсангиз, улар сабр-тоқатни ўрганадилар.
- Агар болалар тез — тез рағбатлантирилса, улар ўзларига ишонадилар.
- Агар болалар дўстлик муҳитида яшаса ва ўзларини кераклилигини ҳис қилишса, бу дунёда севги топишни ўрганадилар.
• Болалар ҳақида ёмон гапирманг - уларнинг олдидаям, улар юқ бўлсалар ҳам.
• Болангизнинг яхши томонини кўринг, шунда ёмон сифатлар ривожланмай қолади.
• Ҳар доим болангизни тингланг ва сизга мурожаат қилганида жавоб беринг.
• Хато қилган бўлса бироздан кейин тузатиши мумкин, болаларингизни ҳурмат қилинг.
• Болаларга илгари ўзлаштирилмаган нарсаларни ўрганишга ёрдам беринг. Буни атрофингиздаги дунёни ғамхўрлик, эҳтиёткорлик, сукунат ва севги билан тўлдиринг.
• Болалар билан муомала қилишда доимо энг яхши услубларга риоя қилинг, унга ўзингиз эга бўлган энг яхши нарсаларни таклиф қилинг.

«Тарбиясиз тарбия» китобимдан лавҳа.

Психологдан Консультация олиш учун, Ваҳима, қўрқув, ёпишқоқ фикр, хавотир ва невротик депрессияларда бизга мурожаат қилинг!
Тел: +998908055580
Тел: +998909444612

Расмий каналга
уланиш:
» @ZebinisoPsixolog Ochish/sharhlash

2021-12-15 08:00:51 ​​Сенестопатиялар нима?

Сенестопатиялар — бу танадаги нейропатик оғриқлар бўлиб, уларни касаллар қизиш, совиш, қалтираш, пульсация бериши, чўзилиш, тортишиш, қарсиллаш, спазм, босим, бураш каби сўзлар билан билдиришади.

— Биласизми, дўхтир... менинг ичимда бир нарса юради... шу нарса бошланса жоним ҳалқумимга келиб, ўзимни қўйишга жой топа олмайман. Ундан ҳам азоблиси бу шикоятингни ҳеч ким тушунмайди. Шифокорлар сизда касаллик йўқ, бу сизнинг ҳиссиётингиз дейишади. Яқинларим эса “Ўзингни қўлга ол, жонингга тегмадими? Дўхтирлар касалинг йўқ дейишаяпти-ку!”, дейишади.

— Доктор, биласизми... менда бўлаётган нарсаларни тушунтириб ҳам бера олмайман... худди ичимда бир нарса узилиб, сўнг қиздиради. Бу нима бўлиши мумкин? Нечта врачларга бордим, аммо, бу шикоятимни йўқотишим учун “ўзингиздан бўлаяпти!” дейишларидан чарчадим. Ўзимдан бўлса, азобланмасдан шу нарсани йўқотардим-ку!

— Менда бўлаётган ҳолатни тушунтириб беришгаям қийналаман. Худди бир нарса “шув” этади-ю, томоғимга бир нарса тиқилади. Ҳозир ўлиб қоламан деган қўрқув келиб юрагим қинидан чиқиб кетай дейди. Хушимдан кетиб қоламан деган фикрдан янаям азобланаман.

Сенестопатиялар нохуш, кўп холларда азобли ҳиссиётлар бўлиб, пайдо бўлиши учун соматик сабаб топилмайди. Осонроқ тушунтирсак, танадаги азоб бераётган жойда ҳеч қандай тана касалликлари бўлмайди. Шунинг учун ҳам синестопатиялар нейропатик оғриқлар ёки нейропатик симптомлар дейилади.

Сизда сенестопатия борлигининг белгилари:

1. Сиз шикоятни “худди” сўзидан бошлайсиз ва тушунтириб беришга қийналасиз.
2. Сиз шикоятларни айтаётганингизда аввал ҳиссиётингизни билдирасиз. Биласизми... азобли, куйдирувчи, пульсация берувчи, титратувчи, совуқлигидан ҳар бир ҳужайрам музлади, тортишиб узилиб тушгандек, қиздириб оловга ўхшаб ёндираётгандек бўлди, бостириб келди деган сўзлар танланади.
3. Сенестопатиялар азоб берувчи, нохуш, тинимсиз ёки тўсатдан келувчи бўлади.
4. Сенестопатияларнинг танадаги жойлашган жойи бирор бир орган ва касалликларга хос бўлмайди.
5. Сенестопатиялар жойлашувига кўра юрувчи, айланувчи, кенгайувчи, бостириб келувчи, сочилувчи каби характерга эга.
6. Сенестопатиялар ички органларда (бош ичида хам) ҳамда тери ва тери остида ҳам бўлиши мумкин.

Альгик сенестопатиялар сенестоалгиялар деб аталади.
Сенестоалгиялар хар хил оғриқли туйғулар бўлиб, патологик сезгилардир. Сенестоалгиялар қиёслаш билан бошланиб “бошимда бир шарча ёрилиб кетадигандек оғрийди”, ичакларим худди шишиб кетаётгандек бўлади, худди мушук тирнагандек оғриқ сезаман, ошқозоним худди хавога тўлганидек сезилади.

Сенестоалгиялар бош оғриғи, оёқ оғриғи, кўз оғриғи, ичак оғриғи, тери оғриғи (ачишиши, куйиши, азоблаб тирнаши, асабингга ўйнаб қимирлаши) деган “оғриқ” кўринишида бўлади ва ҳеч қандай оғриқ қолдирувчи дорилар таъсир қилмайди.

Сенестопатилар депрессияларда ва неврозларда кўп кузатилади.
Сенестопатиялар билан парастезиларнинг фарқи:
Парастезиялар санчувчи, увушувчи, чумоли юргандек сезгилар чақиради. Парастезияларда “худди ва азобловчи” сўзини шикоят қилувчи ишлатмайди. Парастезилар периферик нервларнинг таъсирланишидан ва қон айланиши бузилишидан келиб чиқади ва неврологик касалликларда бўлади.
Сизда сенестопатиялар бўлса бу депрессиянинг ва неврознинг кўриниши бўлиши мумкин.
Танангиздаги юрувчи, сирпанувчи, қиздирувчи, узилиб тушадиган, бурайдиган , ёрилиб кетадиган даражада сизга азоб берадиган ва оғриқ қолдирувчи дорилар таъсир этмайдиган шикоятлар бўлса,сиз психотерапевтга мурожаат қилишингиз керак.

Психотерапевт шифокор Зебинисо Аҳмедова сиздаги бу азобловчи оғриқ берувчи сенестопатияларни "EMDR" методи билан десенсебилизация қилиб танангиз хотирасидан ўчириб беради.

Психологдан Консультация олиш учун, Ваҳима, қўрқув, ёпишқоқ фикр, хавотир ва невротик депрессияларда бизга мурожаат қилинг!
Тел: +998908055580
Тел: +998909444612

Расмий каналга
уланиш:
» @ZebinisoPsixolog Ochish/sharhlash

2021-12-15 07:00:26 ​​ОИЛАНГИЗДА СТРЕСС БОРМИ?

Ҳар бир инсон стресс деган сўзни ўз тушунчаси билан тарозига солади. Тадбиркор учун мижозларнинг талаблари-ю, улгурилмаган хисобот бўлса, аэропортдаги диспечер учун об-хавонинг ёмонлашуви бўлиши мумкин. Спортсменга танасининг зарб олганлиги стрессдек кўринса, шамоллаб қолган фарзандига қараш ота-она учун яна бир стресс холатидир.

Ҳар бир инсон ўз ҳаётидан нима сабабдан стресс холатиган тушишидан қатъий назар, организмда бир хил кимиёвий ўзгаришлар кетма-кетлиги бўлади. Инсон рухияти ва организмига қўйилган талабга ўзига хос “қўрқув, эплай олмаслик” каби кучсизлик намоён қилиш реакциясини стресс холати деб атаймиз.

Бунда организмнинг химоя реакциялари ишлаб кетади ва қон босими кўтарилиши, қўлларнинг титраши, юрак уриб кетиши, кайфиятининг тушиши, ички титроқ ва хавотир пайдо бўлади. Стресс ёмон нарса эмас, стрессинг асоратлари оқибатида пайдо бўлган касаллик холатлари ёмондир.

НИМА ҚИЛИШ КЕРАК?

Уйингизда:
- оила азоларингиз расмларига мехр билан боқинг;
- ювиниб чиқиб, момонгиз ва бобонгиз ўргатган қадриятларни эслаб дуо қилинг;
- яхшилик бўлса, хозирги хавотир ва вахима нима учун бўлганлигига бир табассум билан қаранг;
- сизни қўрқитган стресс холати ҳақиқатдан хавфли вазиятни юзага келтирган бўлса, унда вахимага ва хавотирга тушганингиздан кўра, харакат қилиб, бу муаммони ечганингиз мақулроқдир;
- ўзингизнинг, оила аъзоларингизнинг туғилган кунларини эсланг;
- сизни юпатувчи инсонга телефон қилинг, йиғлашдан ўзингизни тийманг;
- аквариумда балиқ бўлса, унга мехр билан боқинг;

Ишда:
- танқидга ёмон маъно берманг;
- ишхонадаги муносабат иш учун ва сизнинг шахсиятингизга тегмаслиги кераклигини тушунинг.
- иш столингиздаги кераксиз хат ва хужжатларни тартибланг;
- шу стресс холати ишнингизга ривож беришига ишонинг ва қўрқманг, чунки албатта ечим топасиз;
- “хозироқ” деган талаблардан бироз четланг;
- стресс бироз тезлик ва жонкуярлик талаб қилгалиги яхши эканлигини тан олинг;
- сизнинг назоратингизга боғлиқ бўлмаган вазиятдан ёмонлик кутманг.

“Оилангизда нима бор?” китобимдан лавҳа.

Зебинисо Аҳмедова.
(бу китоб ҳали нашрдан чиқмади)

Психологдан Консультация олиш учун, Ваҳима, қўрқув, ёпишқоқ фикр, хавотир ва невротик депрессияларда бизга мурожаат қилинг!
Тел: +998908055580
Тел: +998909444612

Расмий каналга
уланиш:
» @ZebinisoPsixolog Ochish/sharhlash