Zebiniso Ahmedova — psixolog blogi

2022-01-30 10:30:00 ​​Манманлик — қалб касаллиги

Ғурур бу шундай қалб ҳолатики, ўзига бошқалардан доимий ҳурмат, эхтиром, тан олиш талаб қилиш ҳолати. Ғурурли инсонлар вояга етмаган психология эгаларидир. Ғурури баланд инсонлар бошқаларга тепадан қарайдилар. Бу инсонлар бошқаларга паст назар билан юқорироқдан қарайдилар.

«Ҳаддан ортиқ, ғурур арзимас қалб ёрлиғидир» деган эди А.Тургенев, А.Вольтер: «Чексиз кичик инсонлар чексиз катта ғурурга эгадирлар» деган.

Ғурурнинг бир кўриниши манманлик бўлиб, ўзидан бошқаларни тан олмаслик билан ифодаланади. Ғурурнинг кўриниши ҳар хил бўлиб, бойлик, кўз-кўз қилиш, тан олинганини исботлаш, хатто юришидаям ўз мавқеини кўрсатишга мойиллик.

Ёшларда ғурурнинг, манманликнинг кўриниши хулқ-атворида, гапиришида, мода трендларига алоҳида эътибор беришида кўринади. Ғурури баланд-инсонларда сахийлик ҳам бўлмайди. У доим ўзига кам берилаётганидан ташвишда бўлади. Ғурурли инсон ўз бахтида бировга қарздор бўлишни умуман истамайди.

«Тили қисиқ бўлмайман, қарздор бўлмайман!» Деган гапларни доимий шиорига айлантиради. Инсон қанчалик ўзидан қониқса, ўша инсонда ўзидан қониқадиган нарсанинг ўзи камдир. Ғурурга берилган инсонлар бошқалар олдида ўзини улуғ сезадилар, мақтанчоқ бўлишади. Инсон ўзини гўзал сезса, бошқалар олдида уни доимий намоён қилгиси келади ва ўз иллюзияси ичида яшайди.

Шон-шухрат қалбни халоватини уғирлайдиган яна бир унсурдир. Тарихда жудаям катта мавқега эга инсонлар шон-шухратдан кўчганликлари маълум. Ғурур, манманлик, шон-шухратга интилиш қалб халоватини ўғирлайди, бошқача овқат, бошқача кейим, бошқача мавзу, ҳаммадан ҳам бошқача тўй, ҳаммадан ҳам бошқача ҳаётни қидиришга ундайверади. Асли буларнинг тагида ишончсизлик ётади...

«Сизни бахтли қиладиган инсон» китобимдан лавҳа.

Психологдан Консультация олиш учун, Ваҳима, қўрқув, ёпишқоқ фикр, хавотир ва невротик депрессияларда бизга мурожаат қилинг!
Тел: +998908055580
Тел: +998909444612

Расмий каналга
уланиш:
» @ZebinisoPsixolog Ochish/sharhlash

2022-01-30 07:00:01 ​​Нотўлиқ оилада ўғил тарбиялаш.

Аввало, болага эркаклик сифатларини нима эканлигини тушунтириб бориш керак. Бу сифатлар кинода, гапнинг ичида, романларда эмас, хаётдаги жонли инсонлардан топиш ва кўриш лозим. Бунинг учун отани ёмонламаслик керак. Болага қаттиқ туриш, калтаклаш бу эркакона тарбия деб ўйлашади баъзи оналар. Баъзилари эса кимдандир бола қўрқиши керак дейишади. Калтаклаш бу эркак тарбияси эмас, кимдандир қўрқитиш қўрқувни бола ичига киргазишдир.
Ичадиган отани ичмайди деб болани алдаш ва ёлғон гапириш керак эмас. Борини айтиш ва отани бу ҳолатдан чиқиб кетишига умид қилиб ишониб бериш тўғри тарбиядир.

Болангизга ҳеч қачон отасини ёмонламанг, отанинг хатоларини, қилиғини факт сифатида айтишингиз мумкин. Бу хатоларни такрорлаш керак эмаслигини бирга суҳбат тарзида келишиб олиш лозим. Отага қандай ёрдам бера олиш ҳақида ҳам суҳбат қилиш, боланинг ички кечинмаларини даволайди. Бола билан отанинг учрашувидан қўрқиш керак эмас. Фарзанд ўз ақли билан онасига хам отасига хам баҳо бера олади. Айланма йўллар қидириш, ёлғончи маконлар топиш бу болани сизга бўлган ҳурматини йўқотади. Фарзандингиз отаси олдидан «хафсаласи пир» бўлиб, хафа бўлиб қайтиб келса хам бу хафагарчиликни тагидаги фикрларни ўрганинг. Охир оқибат бола бу учрашувлардан қўрқиши, қочиши ва қоралаши керак эмас, балки тўғри хулоса чиқара олиши мухим. Бола ўз отасидан уялиши керак эмас, аксинча отасига тўғри йўл топиши учун бирор сўз топиб айта олиши муҳим.

Худди шу ҳолатга тушган онага ҳам осон эмас. Отада қолган дилбандини кўришга келиб уни олиб кета олмаслиги онага азобли хиссиётлар беради. Буни ота ва она ҳамда балким янги (ўгай) она ҳам тўғри тушунишлари керак. Фарзандга ўз онасини ёмонлаш боланинг дийдаси қаттиқлашишига олиб келади. Нима бўлганида ҳам боланинг ўз ақли, фаросати, меҳри борлигига ишонинг. Меҳр қахрга айланиши ҳаммани бахтсиз қилади. Болангизда отага нисбатан нафрат уйғониши эртага дунёга ва сизга ҳам қарши нафратга айланиш қонунияти борлигини унутманг.

Болангизга нисбатан ҳурмат доирасида эркакга муносабатни шакллантиринг. Уйда бирор бир хўжайинлик сифатларини намоён қилса, уни топтаманг. Болага тайзиқ ва хўрлик кўрсатманг. Табассум бу бойлик. Оилангизни ички кучи табассумдан бошланади.

Мен психолог сифатида беш йиллар олдин бир маслаҳат берган эканман: хайвон билан одамнинг фарқи нима?” деб савол берибман. Шунда тушкунликга тушиб қолган бу қиз жавоб бера олмаганида «Одам кулади, хайвон кулишни билмайди» деганимда ўша қиз кулиб юборган экан. Бу гап хақиқатдан ҳам кулгули эмас, бирор муаммони енгиш табассумдан бошланади. Сизга ёрдам бермоқчи бўлаётган болангизга раҳм ўрнига, табассум инъом қилинг кучли бўлади. Сизга маслаҳат бермоқчи бўлган болангизга яна бир табассум инъом этинг. Болангиз эр етади шунда. Болангизни қўрқмас қилиб тарбияланг!

Зебинисо Аҳмедова

«Ажиримдаги болалар» китобимдан лавҳа.

Ажиримдан кейинги муаммоларда:
Фарзандингизга психологик ёрдам учун мурожаат қилинг:
Тел: +998908055580
Тел: +998909444612

Расмий каналга
уланиш:
» @ZebinisoPsixolog Ochish/sharhlash

2022-01-29 18:14:12 Бола ТРАВМАлари: рад этилган, ташландиқ, хўрланган, ҳиёнат қилинган ва адолатсизлик қилинган бола

Бола тарбияси курсидан парча. Курсимизга ёзилинг!

Психологдан Консультация олиш учун, Ваҳима, қўрқув, ёпишқоқ фикр, хавотир ва невротик депрессияларда бизга мурожаат қилинг!
Тел: +998908055580
Тел: +998909444612

Расмий каналга
уланиш:
» @ZebinisoPsixolog Ochish/sharhlash

2022-01-29 15:00:07 ​​ТУҒИЛИШ ВА ЎЛИМ ДЎСТЛАШГАНИ ҲАҚИДА РИВОЯТ

Ҳаёт яралиши билан бирга Ўлим ҳам яралган экан. У бошқаларга ҳеч ўхшамас экан. Ҳаёт ўзини Ўлимсиз тасаввур қила олмас экан. Ҳаёт пайдо қилса, Ўлим уни яксон қилар экан. Баҳор куртак ёздирса, Қиш баргларни ўлдиргани каби Ҳаёт ва Мамот бирга умргузаронлик қилар экан. Инсонлар уйларига Ҳаётни киритишаётганларида Ўлим ҳам бирга кириб келар экан. Энг ажабланарлиси Ўлим меҳмонга келганига ҳеч ким ҳафа бўлмас экан.

Нима учун одамлар Ўлимни ўз уйларига киргизиши сизга ҳам қизиқ бўлса керак. Ўлим ривожланиш учун, янгиланиш учун ягона йўл экан. Эски ўлсагина янгиси туғилиши мумкинлигини эски одамлар билишар экан-да! У одамларнинг қалбларидаги эскиликларни ўлдириб, ўрнига янги ҳаёт келиши учун замин яратиб берар экан. Ёлғонни ўлдириб ўрнига Ростлик пайдо бўлиши, Дангасалик ўлиб, ўрнига Ғайрат пайдо бўлиши, Касаллик ўлиб ўрнига соғлик пайдо бўлиши ҳам фақат ва фақат Ўлимнинг тозалаши орқали амалга оширилар экан. Ўтмишни унитилиши ҳам Ўлимнинг ҳизмати эканлигини билмасангиз керак? Эски жонсиз ғоялар ҳам ўларкан, ўрнига ҳаётга чанқоқ фикрлар туғилиши учун.

Одамлар ўтмишни унутиб Ўлимга раҳмат десалар, касалликни ўлдириб янгитдан ҳаёт бошласалар, нега бутунлай ўлиб кетишдан қўрқмай яшашар экан деб савол беришингиз мумкин. Инсонлар қальбидаги оғриқларни ўлдира олса улар ҳар сафар янги Ҳаётни қарши олишар экан. Шундай қилиб ўлмас одамлар пайдо бўлган экан.

Зебинисо Аҳмедова

«Вахима, Қўрқув, Хавотир» китобимдан лавҳа.

Психологдан Консультация олиш учун, Ваҳима, қўрқув, ёпишқоқ фикр, хавотир ва невротик депрессияларда бизга мурожаат қилинг!
Тел: +998908055580
Тел: +998909444612

Расмий каналга
уланиш:
» @ZebinisoPsixolog Ochish/sharhlash

2022-01-29 10:30:00 ​​ОЛАНГИЗНИ СИЗНИНГ ХАРАКТEРИНГИЗ ТАРБИЯЛАЙДИ

Болаларни ўраб турган муҳит тарбиялайди.

Агар болалар танқид қилинса, улар бошқалардан ҳам айб қидиришни ўрганадилар.

- Агар болаларни мақтаб катта қилинса, улар бошқаларни ўзидан паст ёки юқори эканлигини ўлчайдиган болага айланишади.
- Агар болалар душманлик кўрсатса, улар жанг қилишни ўрганадилар.
- Агар болалар ҳалол бўлса, улар адолатни ўрганадилар.
- Агар болаларни тез — тез масхара қилсалар, улар қўрқоқ ва уялчанг бўлишади.
- Агар болалар тинч оилада яшаса, улар жамиятга ишонишни ўрганадилар.
- Агар болалар уялтирилса, улар ўзларини айбдор ҳис қилишни ўрганадилар.
- Агар болангизни қилган ишларини ва ўзиниям маъқулланса, улар ўзларини яхши кўришни ўрганадилар.
- Агар болаларнинг хато ва камчиликларига юмшоқлик билан ёндошсангиз, улар сабр-тоқатни ўрганадилар.
- Агар болалар тез — тез рағбатлантирилса, улар ўзларига ишонадилар.
- Агар болалар дўстлик муҳитида яшаса ва ўзларини кераклилигини ҳис қилишса, бу дунёда севги топишни ўрганадилар.
• Болалар ҳақида ёмон гапирманг - уларнинг олдидаям, улар юқ бўлсалар ҳам.
• Болангизнинг яхши томонини кўринг, шунда ёмон сифатлар ривожланмай қолади.
• Ҳар доим болангизни тингланг ва сизга мурожаат қилганида жавоб беринг.
• Хато қилган бўлса бироздан кейин тузатиши мумкин, болаларингизни ҳурмат қилинг.
• Болаларга илгари ўзлаштирилмаган нарсаларни ўрганишга ёрдам беринг. Буни атрофингиздаги дунёни ғамхўрлик, эҳтиёткорлик, сукунат ва севги билан тўлдиринг.
• Болалар билан муомала қилишда доимо энг яхши услубларга риоя қилинг, унга ўзингиз эга бўлган энг яхши нарсаларни таклиф қилинг.

«Тарбиясиз тарбия» китобимдан лавҳа.

Психологдан Консультация олиш учун, Ваҳима, қўрқув, ёпишқоқ фикр, хавотир ва невротик депрессияларда бизга мурожаат қилинг!
Тел: +998908055580
Тел: +998909444612

Расмий каналга
уланиш:
» @ZebinisoPsixolog Ochish/sharhlash

2022-01-29 07:00:11 Стресс келтириб чиқарувчи тўртта омил бор:

• 1. Биричи омил – сиз атроф муҳитга мослашишингиз керак. Шовқин, кўчадаги ҳаракатлар, ҳавонинг тоза эмаслиги, чанг ва ҳокозолар.

• 2. Иккинчи омил – сиз энди ижтимоий стрессга мослаша олишингиз керак. Бу учрашувлар, музокаралар, вақт етмаслиги, шахсий ва шахслар аро зиддиятлар, пул ва имкон етишмаслиги, яқинларингизни йўқотиш, ишдаги келишмовчиликлар.

• 3. Учинчи омил - физиологик ўзгаришларга мослашиш. Бу ўсиш ва қариш, менопауза, касаллик ва уйқусизлик, ёмон овқатланиш ва жарохатлар, кўп оғир ақлий ва жисмоний меҳнат орқали пайдо бўлган бош оғриқлари ва мушаклардаги оғриқлар, ошқозон бузилишлари, ҳавотир ва депрессиялар.

• 4. Тўртинчи омил – сизнинг фикрларингиз. Ҳаётингизда бўлаётган воқеа ҳодисаларга муносабатингиздаги позитивлик ва негативлик, келажакдан ёмонлик кутишларингиз ёки ҳаловатга ёки стрессга чорлайди.

Масалан, бошлиғингизнинг юз ифодасидаги ғамгинлик сизга “бошлиғимиз биздан кўнгли тўлмаяпти” деган фикрни чақиради ва сиз стрессга тушасиз. Ваҳоланки, бошлиғингизнинг онаси касал бўлиб қолган ҳам бўлиши мумкин-ку!

Демак, сиз вазиятни қандай баҳолашингизга қараб, ўзингизни стрессга туширувчи холатни пайдо қиласиз ёки хотиржамлик мухитини ҳам ярата оласиз экан.

Ҳавотирланувчи, стрессга кўп берилувчи инсонлар ҳаётидаги бўлаётган воқеа ходисаларга муносабат билдириб, ўзига оғир олиши оқибатида ҳавотирланишар, оғир кун, оғир вазият, оғир мусибат, қийин воқеа, алам қилишга мажбурлайдиган хорлик, қалбга оғриқ берувчи хўрлик ва ожизлик деб фикрлашларининг ўзи стрессга берилишдир.

Нима деб ўйлайсиз, сизда стресс борми?

Стрессга тушган бўлсангиз бизга мурожаат қилинг

Психологдан Консультация олиш учун, Ваҳима, қўрқув, ёпишқоқ фикр, хавотир ва невротик депрессияларда бизга мурожаат қилинг!
Тел: +998908055580
Тел: +998909444612

Расмий каналга
уланиш:
» @ZebinisoPsixolog Ochish/sharhlash

2022-01-26 08:58:52 Муаммони ечиш ва қарор чиқариш мулоқоти ёхуд "Эхтиёжлар талаши" станцияси

Қандан қилиб тўйгача олти йил севишганлар тўйнинг иккинчи куни уришиб қолишади? Сир ва муаммо нимада? Агар улардан тўйдан олдин бу каби урушмаганмисизлар деб сўралганида “Йўқ” деб жавоб беришади. Унда қандай қилиб олти йил урушмасдан севишган икки ёш бир кунда душманга айланди экан? Сир қаердалигини топсак, жавобни ҳам топган бўламиз.

Батафсил ва тўлиқ:
https://uzpsixolog.uz/887890-2/

______________________
Супермаркетда йиғлаётган бола

Батафсил ва тўлиқ:
https://uzpsixolog.uz/7699/

______________________
Саратон касаллиги руҳият изтироби натижасидир.

Нега инсон касал бўлади деб ўйлайсиз? Ўзи касаллик нима? Касал бу кучсизланган, ички душманни енгиш йўлида қуввати етмаётган, ўзига ишончи камайган бир инсондир. Айниқса, “тузалмайдиган” дард саратон касаллигига чалинган инсонлар учун бу янада оғирроқ. Илм саратон тузалмайди деганида, шифокор илмни рўкач қилганида, яқинларингиз рахм кўзи билан қарай бошлаганида, касаллик билан курашишда ёлғиз қолиб кетган инсон ички дунёсини, енгилган руҳиятини, танасидаги оғриқларни соғ одамга тушуниш қийин. Аслида саратон касаллиги ҳамма касалликлар кабидир. .......

Мақолани БАТАФСИЛ ўқинг
https://uzpsixolog.uz/45tr/

______________________
Болангиз кўп телевизор кўрмоқда. НИМА ҚИЛИШ КЕРАК?

Жажжи Нигорахон телевизор пультини усталик билан ишлата олади. Отаси ҳарбий хизматда, онаси уй юмушлари билан ошхонада бўлганида унинг битта эрмаги телевизор бўлиб қолган. Онаси Нигорахоннинг ҳар қандай теледастурларни бир бошдан кўраётганининг гувоҳи бўлди.

Онаси фарзандига баланд овозда у кўраётган дастурларни кўриши мумкин эмаслигини уқтирди. Бола онасининг сўзларига кўнди ва телевизорни ўчирди. Аммо нима қилсин? Бироз уйинчоқларини ўйнаб, зериккан Нигорахон яна телевизор пультини қўлига олди. Аммо бу сафар онаси кўрса ҳам индамади. Демак, мумкин экан...

Нима учун?

Аслида “болангиз сизнинг .........

—-
МАҚОЛАНИ ТЎЛИҚ ЎҚИШ:
https://uzpsixolog.uz/3ww3/

______________________
Ақл қандай ишлайди? Келинг таҳлил қилиб кўрамиз...

Истак ва хоҳишларимиз бизни ҳаракатга келтиради. Истаклар эҳтиёжлардан келиб чиқди. Инсон ўз эҳтиёжини қондириш учун истак-хоҳиш пайдо қилади. Истаклар эҳтиёжни қандай қондириш ҳақида фикрлай бошлайди ва аниқ бир режа топганидан кейин уларни ҳаракатга келтиради. Ҳаётингизда муаммо пайдо бўлса уни йўқотиш учун биринчи қадам қўйинг. Сиз орзу қилишни бошланг. Орзуларингиз ҳаётга тўғри келмаса, бу орзу эмас... фантазия ва иллюзиялардир. Ақл сизга нима кераклигини ўзингизни қандай баҳолашингиз орқали аниқлаб беради. Сизнинг ички “Мен” образингиз нималарга муҳтож бўлиши мумкин? Уларни қандай қондириш йўли бор?, каби саволларга жавоб беради. .........

МАҚОЛАНИ ТЎЛИҚ ЎҚИШ:
https://uzpsixolog.uz/23we/


Расмий каналга
уланиш:
» @ZebinisoPsixolog

» Инфо канал
» Инстаграм саҳифа

БАРЧА ТАРМОҚЛАР
МАНЗИЛЛАРИ
doktorzebiniso.uz/kontakt

РАСМИЙ
САЙТ:
doktorzebiniso.uz

ПСИХОЛОГИК
КУРСЛАР:
doktorzebiniso.uz/kurslar Ochish/sharhlash

2022-01-24 07:15:46 Шогирд устозидан сўрабди: “Устоз, мен жаннат ва дўзах нималигини билмоқчиман.”

– “Кўзингни юмгин ва сен жаннатниям, дўзахниям кўрасан”.

- “Мен аввал жаннатни кўраманми?”

- “Кўзингни юмиб, тинчлан, энди тинч ва сокин нафас олиб, жаннатни ҳис қилгин, жаннатдан чиқиб, дўзахнинг овозини эшитишга ҳаракат қил. Энди дўзахниям кўрсанг бўлади”, дебди устоз сокин овоз билан.

Шогирд кўзини очиб ҳеч нарса кўрмаганлигини айтибди.

Устоз: “Сен одамлар айтган жаннатнинг гўзал боғларини ва зилол сувларини ҳамда, дўзахнинг оловини-ю, чинқирадиган овозини эшитмоқчи бўлдинг, шундайми?”

- “Мен дўзахда одамлар қийноқ ва азобли дахшатда эканлигини ва жаннатда улар роҳату-фароғатда юрганликларини кўришни истагандим, аммо, мен ҳеч нарса кўрмадим! Устоз, мен кўрдимми ёки жаннатниям, дўзахниям кўрмадимми?”

- “Сен жаннатниям кўрдинг, дўзахниям кўрдинг, фақат у жойлардаги боғу-роғларни, зилол сувларни ёки дўзахнинг оловини ўзинг билан олиб борадиган ўзингсан. Айтганингдек у жойларда ҳеч нарса топа олмайсан, топганларингни ўзинг билан олиб боргансан.

ХАЙРЛИ КУН, Азизлар!

Зебинисо Аҳмедова

_____ ИНФО _____
Консультация олиш учун мурожаат қилинг:
Тел: +998908055580
Тел: +998909444612

Каналга уланиш: @zebinisopsixolog Ochish/sharhlash

2022-01-23 20:07:46 Профессионал психологлар жамоасидан мукаммал Онлайн/Офлайн курслар

БАТАФСИЛ:
http://doktorzebiniso.uz/kurslar манзилида маълумот берилган Ochish/sharhlash

2022-01-23 09:05:01 N1. Тарбиядаги хатоликлар.

Бешинчи хато - ота ва онанинг ўз фарзандига паст назар билан қараши ва бирор нимага эришишига ишонмаслиги хатоси.

Бу хато оқибатлари:
— Уялчанг ва журьатсиз бола.
— Ғайратсиз ва беқарор бола.
— Ўзига паст назар билан қарайдиган бола.
— Олдига мақсад қўя олмайдиган бола.
— Ўз кучига ва эплай олишига ишонмайдиган бола.

Давоси:
1. Фарзанд эришган ютуқларни эьтироф қилиш.
2. Ўз имкониятидан келиб чиқиб янгилик яратса уни қўллаб-қувватлаш.
3. Бошқаларга солиштирмаслик.
4. Хурмат қилишингизни ва нима учун фарзандингизни хурмат қилаётганингизни айтиш.
_____________
Зебинисо Аҳмедованинг "Тарбиясиз тарбия" китобидан лавҳа.

_____ ИНФО _____
Консультация олиш учун мурожаат қилинг:
Тел: +998908055580
Тел: +998909444612

Каналга уланиш: @zebinisopsixolog Ochish/sharhlash